رواية صعيدى علمنى الأدب الجزء الثانى 2 الفصل الثانى 2 بقلم حنين عادل
رواية صعيدى علمنى الأدب الجزء الثانى 2 البارت الثانى 2
رواية صعيدى علمنى الأدب الجزء الثانى 2 الحلقة الثانية 2
رواية صعيدى علمنى الأدب بقلم حنين عادل
 |
| رواية صعيدى علمنى الأدب |
رواية صعيدى علمنى الأدب الجزء الثانى 2 الفصل الثانى 2
#البارت_الثاني
بتقرب روح ناحيته وبتزقه وبتمسك ايده وبتنط وراه
النمر كان ضهره للباب وهوا بيكلمها...
يونس بصوت عالي: يامجنونه ...يامجنونه ...فين الراجل
روح بصوت عالي: ها ....هوا فوق
يونس: ازااااي ...ودي اول مرة كان المفروض يبقا معانا
روح: ماتخافش طول ما انا معااااك
........................
في الصعيد
كرم بيصحي بيلاقيه قاعد علي كرسي ومتربط و حواليه ستات كتير لابسه اسود وعمالين يخبطوا بالعصايه في الأرض.
كرم: عاااااا انا فين
كريمه: بتخوني يا ناقص قبل ما نتجوز هببت ايه تاني انطق
كرم: واللهي ماحوصل وماعملت حاجه
كريمه: عاتتكلم بالذوق ولا اعلقك واسيب عليك الستات دول يعملوا فيك ما بدالهم
كرم: لاااااا والنبي بلاش دول ..دول شكلهم عيخوف قوي
كريمه: اعترف
الستات: هااااااا هاااااا وبيخبطوا في الارض
كرم: لو في حاجه اعترف بيها مش عاخبيها صدقيني
كريمه: شكلك مش عاتعترف بالساهل يلا يا حرمه منك ليها شوفوا شغلكم
بيتلموا حوالين كرم ..وبيوقعوا الكرسي
كرم: لأاااااااااااااااا
بيصحي كرم من النوم وهوا واقع علي الأرض
كرم: اعوذ بالله من الشيطان الرجيم اعوذ بالله ايه الافترا ده لا اله الا الله لا اله الا الله ايه يا كرم اجمد كده عاتخاف من حرمه .....بس هيا مش اي حرمه دي كريمه ووليه مفتريه ...
بيقوم كرم بيشرب ميه
كرم : منك لله دا انا كنت عاعملها علي روحي في الحلم حرص يا كرم العمر مش بعزقه ..
.......................
في الجامعه..
خالد: صديق زيي؟!
ميرا: ايوه
خالد: طيب...يا قولت اسمك ايه؟!
اسلام: لأ ما قولتش يا عسل
خالد: ههه دمك يلطش من كتر ما هو خفيف
ميرا: احم ..هوا في حاجه يا خالد ولا ايه
خالد: لأ مافيش
ميرا: اه ..طيب سلام
قامت ميرا ..واسلام قام وراها
وخالد متابعهم بيلف اسلام وبيغمز ليه وبيمشي
خالد بيبصله بعصبيه: اه يا بن ال...
..........................
يونس بصوت عالي: فيييين الراجل ما نطش لييه
روح: هايجي دلوقت
يونس: دلوقت امتييييييي قربنا نوصل للأرض
روح بتوتر: مش عارفه بس اما نقرب افتح الباراشوت
يونس: هانموت بسببك يا مجنونه انتي
بيقرب يونس وروح من الأرض وبيفتحوا الباراشوت
روح: ووووووووه ووووووه ههههههه
يونس: يا مجنونه ..
بينزلوا علي الأرض ...
بيقلع النمر الباراشوت وبتقلعه روح ..
بيبص يونس حواليه.
يونس: احنا فين ؟!
روح: مش عارفه
يونس: شكلها غابه ولا ايه شوفتي جنانك وصلنا لفين
روح: اه
يونس: اه ايه
روح: ايه يا نمر اهدي عادي طب تصدق بالله
يونس: امنت بالله
روح: كان نفسي نبقي لوحدينا كده في مكان انا وانت ونجوم الليل وبس
يونس: ماتخافيش حاجه بسيطه والدنيا ها تليل وهايقطعنا الحيوانات المفترسه ماتخافيش ياكش ترتاحي بقا وتقولي هديت
روح: ايه يا نمر المفروض انك ظابط ومش بتخاف مش كفايه كنت عامل زي الكتكوت المبلول فوق في الطيارة انا مقتنعه انك بقيت ظابط بالغش
يونس: لأ انا بتمرن تمرينات اصعب من دي بس اي حاجه معاكي اخرها زي دلوقتي ..
روح: بطل غلبه وتعالي نمشي نشوف اي حد هنا ..
يونس: وان شفتي.
روح: هاقولهم يساعدونا وما هايصدقوا ان بنت قمر زي كده طلبت مساعدتهم
يونس: هاتقوليلهم ازاي
روح: هيلب !
يونس: هانفرض ان حد عايش هنا مثلا تفتكري هايكون بيتكلم انجلش يعني دا اكيد اسباني
روح: ماتعقدش الدنيا يا نمر خليك معايا بس وماتمشيش بعيد اصل نتوه من بعض وانت مش هاتعرف تتصرف من غيري
يونس: يلا يا بت يلا ..
روح: ياااه علي الزمن...بعد روح النمر بقيت بت الدنيا غدارة اوي
يونس بضحك: يلا يا روح صحيح فين الموبيلات
روح: سيبتهم في الطيارة
يونس بيجز علي اسنانه: يا قلبي
روح:هههههه يا نوحي يانوحي انت
بيمشي روح والنمر مع بعض بس اكتر حاجه في المكان ده الشجر الدنيا بتليل ومش بيلاقوا حد
بيلاقوا قمه جبل بس مش كبيرة بيطلعوا فوقها عشان يحاولوا يشوفوا حاجه تساعدهم
بتقعد روح ..والنمر بيقعد جمبها..
روح: علي الرغم من اللي احنا فيه بس مبسوطه وحاسه ان احلامي بتتحقق كانت احلام قديمه بس لما بقيت فيها بقت حاجه تانيه انا بعشقك يا نمر
بيحضنها يونس وهوا مبتسم ..
يونس : بعشقك يا روح النمر
روح بتبص للسما .
روح: شهب يا نمر اتمني امنيتك
يونس وهوا مبتسم: حاضر
روح بتغمض عينيها ويونس بيبصلها ومركز معاها ومبتسم..
بتفتح روح عينيها .
يونس: ها اتمنيتي ايه
روح: اتمنيت انك انت وبابا تفضلوا محليين دنيتي علطول لأني مش هاقدر اكمل من غيركم ..
يونس بيبصلها وهوا شارد
روح: ايه سرحت في ايه
يونس: لا ولا حاجه ..
احنا طلعنا علي الجبل ومادورناش علي حاجه تساعدنا.
بيقف النمر ..
يونس: انا شايف نور هناك تعالي نشوفه.
روح: ماعتش قادرة تعالي ننام هنا وخلاص للصبح
يونس: اه ونصحي علي قرصه تعبان او عقرب
روح: ايه التفاؤل ده يا جدع بس
يونس: يلا بلاش غلبه
بتمشي روح ويونس لحد ما بيوصلوا للمكان اللي فيه النور بيكون مزرعه فيها حيوانات واوضه صغيره
بيخبطوا علي الاوضه الصغيره دي ماحدش بيرد
بيزقوا الباب بيتفتح بيحسسوا علي الحيطه عشان يفتحوا النور ..
النور بيتفتح .
بيبان ان فيها سرير وتلاجه..
روح: هاموت من الجوع بس كنت محروجه اقولك اكيد مش هايقولوا حاجه يعني لو اخدنا حاجه من التلاجه صح .
بتفتح روح التلاجه بتلاقي فاكهه وتونه وجبن وتوست.
روح: لا بجد كده جبرت
يونس: فين اللي عايش هنا ؟!
روح: احنا لسه هانفكر يلا وهنبقي ندفعله تمن الأكل والبيات
بتطلع روح الاكل من التلاجه
وبتقعد تاكل..
روح: بطل تفكير واقعد كل يا نمر ماحدش واخد منها حاجه واللهي ياخويا
بيضحك النمر وبيقعد بياكل معاها
يونس: سامحني يارب
روح وبوقها مليان اكل: طفحنا اللقمه بقا بكلامك اللي يسد النفس ده
................................
في الصعيد ..
كريمه: ماعاتردش ليه يا كرم
كرم: معلش كنت نايم
كريمه: نايم
كرم: ايوه
كريمه: طب عاوزة اشوفك بكره ضروري
كرم بخوف: ليه ؟!
كريمه: وه عاوزة اشوفك فيها حاجه دي
كرم: لاه ماشي هاجي ان شاء الله
بيقفل كرم التليفون ...وبيمسك رقبته
كرم: فاتها بتفكر تموتني كيف والستات اليومين دول بيموتوا علطول مش بيتفاهموا بقوا مجرمين
...............................
روح بتنام علي السرير ويونس بيحضنها..
روح: غنيلي يا نمر
يونس: النمر عيل اوي
روح: اللي يرجعك عيل صغير احسن من اللي يكبرك ويعجز قلبك يا نمر
يونس: ايوه انا عشت معاكي تفاصيل ماعيشتهاش
روح: غني بقا يا نمر الاغنيه اللي بحبها
يونس: حاضر..احم ..في البحر سمكه
روح : سمكه
يونس: بتزق سمكه ..سمكه عالشط واقف ..واقف صياد بشبكه شبكه
روح: في البحر موجه ..موجه
يونس: بتزق موجه ..موجه ..والشط زحمه وزعيق وهوجه ونونه تضحك وتقول لبابا يابابا هاتلي بسكوت ونوجه ..بسكوت ونوجه..
بيحضنها جامد وبتنام في حضنه وبتغمض عينيها بيبوسها بابتسامه
يونس: تصبحي علي خير يا روح النمر..
............................
في الصباح ..
بتفتح روح عينيها ..
روح بصدمه: عااااااااااااااااا........يتبع
رواية صعيدى علمنى الأدب الجزء الثانى 2 الفصل الثالث 3 من هنا
لقراءة الرواية كاملة اضغط هنا (رواية صعيدى علمنى الأدب)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
