رواية لن أصمت الفصل الأول 1 بقلم سوليبة نصار

رواية لن أصمت الفصل الأول 1 بقلم سوليبة نصار

رواية لن أصمت البارت الأول 1

رواية لن أصمت الجزء الأول 1

رواية لن أصمت الحلقة الأولى 1

رواية لن أصمت بقلم سوليبة نصار

رواية لن أصمت

رواية لن أصمت الفصل الأول 1

سكريبت♥️بقلم سولييه نصار♥️

-بقولك ضر*بني يا ماما ....ضر*بني  لدرجة أنه كان هيمو*تني لولا أخته حاشته عني وانتي بتقولي عادي ...

كنت بقولها وانا بعيط جامد ... بصتلي امي بقلة حيلة وقالت 

-يا شاهندة  ده حقه يا بنتي ...هو ادري بيكي ولازم يقوم سلوكك ...

بصتلها بصدمة وانا ببكي وقولت بصدمة:

-انتي بتقولي ايه يا امي ...

طبطبت امي علي ايدي  وقالت :

-يا حبيبتي ما كلنا اتضر*بنا ...أنا اتضر*بت والستات كلها بتض*رب ...عايزة تخر*بي بيتك عشان سبب تافه زي كده  ...ده لو أنا كنت هتطلق بسبب الض*رب كنت اطلقت من ابوكي من زمان ...الست الاصيلة تستحمل جوزها حتي لو عمل ايه ...يا حبيبتي انتي ملكيش غيره ....

بصتلها بصدمة وانا بعيط وقولت :

-انتي بتقولي ايه يا ماما ؟!يعني اض*رب واسكت...في شرع مين ده ...ربنا ميرضاش بكده ...ميرضاش اني اض*رب بالشكل دي كأني به*يمة!!دي حتي البها*يم مبتتض*ربش بالشكل ده...ما بالك أنا انسانة ومعملتش حاجة ليه وبيض*ربني بالشكل ده ...انتي مش شايفة وشي ازاي ...ابوس ايديكي طلقيني منه ...

سكتت امي وهي  مش عارفة ترد ولا عارفة تقول ايه بس جسمي  اتنفض لما ابويا دخل وصرخ في وشي:

-طلاق ايه يا روح امك ...

وبعدين مسكني من شعري وقالي:

-عيدي تاني طلاق ايه ...عايزة تفض*حينا ...

ضر*بني بالقلم لحد ما وقعت علي الأرض ...بص عليا من فوق ..افتكرت جبروت جوزي معايا ....بصيت لبابا برعب لقيته شد شعري وقومني وهو بيصرخ:

-قولي كلمة طلاق تاني وانا هق*طع لسانك واق*تلك واخلص منك ...هو فيه ايه محدش قادر عليكي !!!عايزة تتطلقي وتفض*حينا ... 

-يا بابا ده ضر*بني ...

قولتها وانا بعيط وبترعش فزعق وقال:

-وليه الحق يك*سر رقبتك كمان لأنك قليلة الادب....جوزك اتصل بيا نص ساعة تقريبا  وجاي عشان يأخدك جهزي نفسك واياكي يا شاهندة  تنطقي بكلمة قدامه والا والله اعد*مك العافية...

....

بعد ساعة تقريبا .

كنت واقفة جمب بابا اللي ماسك ايدي جامد وقال لجوزي كرم

-يا سيدي دي نسوان متدلعة قال سابت البيت عشان ضر*بتها قال ...يا باشا انت جوزها وادري بيها اضر*ب ولا يهمك وهي ملهاش انها تتكلم او تفتح بوقها حتي

كنت باصة علي الأرض وانا بعيط ...كنت حاسة ان قلبي بيتك*سر ...إذا كان ابويا اللي هو مفروض سندي بيقول كده يبقي كرم هيعاملني  ازاي ...

اتنفضت جامد وانا ببص لكرم اللي علي وشه كانت ابتسامة مخي*فة ...وعرفت ان ايامي معاه هتكون صعبة ...

.....

-اتفضلي يا هانم.  

قالها كرم بضيق ..دخلت وانا مرعوبة فقال:

-يالا غو*ري حضري العشا واياكي تتأخري عن عشر دقايق ...

هزيت راسي بخوف وبعدين روحت احضر الاكل ...

بعد عشر دقايق بالضبط ..

رصيت الاكل علي الصينية ووقفت اترعش ...

قعد هو بهدوء وبدأ يأكل ...فجأة قام وصر*خ :

-الاكل ناقص ملح 

وقبل ما اتكلم ضر*بني بالقلم وحسيت ودني صفرت...وقعت علي الأرض وبدأت اعيط بعدين نزل هو فيا ضر*ب زي التور...ايديه ورجليه كانوا شاغلين ضر*ب فيا لحد ما حسيت اني هم*وت خلاص ...فجأة مسك رقبتي وبدأ يخنق فيا بغ*ل ...حسيت اني روحي بتطلع وفجأة خلاص نفسي راح وبطلت اقاوم ؛!

-شاهندة  !!

قالها كرم برعب 

#لن_اصمت

#سولييه_نصار

رواية لن أصمت الفصل الثانى 2 من هنا

لقراءة الرواية كاملة اضغط هنا (رواية لن أصمت)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)