رواية حين يعشق الفهد الفصل السادس عشر 16 بقلم نادية محمود
رواية حين يعشق الفهد البارت السادس عشر 16
رواية حين يعشق الفهد الجزء السادس عشر 16
رواية حين يعشق الفهد الحلقة السادسة عشر 16
رواية حين يعشق الفهد بقلم نادية محمود
 |
| رواية حين يعشق الفهد |
رواية حين يعشق الفهد الفصل السادس عشر 16
#الساااادس_عشر
وتين بصدمه وصوت عالي... فهد حااااااسب
"كانت تريلى كبيرة جايه بتجاههم وفهد في لحظه حرف العربية و كان في شجرة كبيرة وفي أقل من لحظه دخلت العربية في الشجرة"
"في الوقت ده كان أسد وقف عند سوبر ماركت عشان همس وحمزة نزلوا يجيبوا مصاصات وشبسيات"
قاسم... رنيت علي فهد تعرفه اننا وقفنا
أسد... رنيت مش بيرد
قاسم... حاول كمان مره
أسد... أيوا... مين
... ايوا يبني صاحب العربية دي عامل حادثة
أسد... انا جي حالا
أسد بصوت عالي... حمزززززة سيب اللي في ايدك ويلا
"حمزة شاف اسد كدا حس إن في حاجه وفعلا طلع هو وهمس من السوبر ماركت وجريوا عليهم"
قاسم... في اي يبني... ومين اللي رد عليك
أسد... فهد عمل حادثة
همس صوتت وقاسم وحمزة اتصدموا ومش قدروا يتكلموا وأسد طار بالعربية لحد م وصلوا لمكان ناس كانت متجمعه اوي في
(العربية كانت قريبة من منحدر والجهه الوحيدة اللي يقدروا دخلوا منها كانت ناحيه فهد ومن شده الاصطدام باب وتين اتفتح و كانت جسمها في العربية وراسها برا العربية)
"أسد جري طلع فهد من العربية و قاسم بيحاول يساعدوا وأخدوا وجريوا علي العربية وللاسف مش شافوا وتين لأن الدنيا كانت ليل"
حمزة... وتين وتين فين وتين كانت مع فهد
"قاسم جري يشوف وتين و أسد حط فهد في عربية من ورا لأنه كان بينزف من راسه وطلب من حمزة ياخده علي المستشفي وجري ورا قاسم يشوفوا وتين"
قاسم بقلق... لو سمحت العربية اللي كانت هنا فين
_ بعد م أخدتوا الراجل اللي فيها زي م تكون فقدت التوازن وفضلت تمشي لحد م وقعت من عالمنحدر
أحمد ربنا يبني إنك أنقذت إللي فيها وطلعته لو علي العربية فـ فداكوا
"وسابهم و مشي.... أسد جه لما كان بيقول إنها وقعت من المنحدر"
"قاسم من الصدمه وقع علي ركبته وفضل سرحان وأسد واقف مكانه مش مستوعب اللي حصل"
"أخيرا أسد اتحرك وراح يشوف يمكن العربية اتعلقت في حاجه ويقدروا ينقذها
قاسم شاف أسد بيجري ناحيه المنحدر جري وراه فكرت هيعمل لنفسه حاجه"
"بيبصوا لاقوا نااار تحت"
قاسم بعدم استيعاب... هي كدا ولعت صح
أسد... أكيد مش هي لا
أنا هكلم حد معرفة في الشرطة ويجوا يفتشوا عليها ونروح نطمن علي فهد يلا
قاسم... ايوا صح هي مش ممكن تسيبنى بدري كدا صح
أسد... وتين اكيد قوية ومش بتستسلم بسهوله
______________
وعد... يااااه لو كان 911 معايا كان زمان العيد عيدين
تاج... بس تلمي 30 جنية علي بعض الاول وبعدين ابقي احلمي بال900جنية
"وعد فضلت تضحك"
تاج... أضحكي اهي دي الحاجه اللي هتصبرك😂
وعد... دا أنتي غلبانه خاالص
وعد... ألا أخبار الواد تامر أي (وغمزتلها)
تاج بخجل... بس يبت (وضربتها علي كتفها)
وعد... بس بصراحه أنا مش برتاح له خالص
تاج... دا طيب وغلبان وكمان قالي بس يكون نفسه وهيجي يتقدم علي طول
وعد... انتي ادري بس صدقيني أنا حاسه إن وراه حاجه
تاج... خلاص بقا اقفلي علي الموضوع
وعد... براحتك انا هقوم اشوف ماما فين
في الشات عند تاج
تامر... 920🌏❤
تاج... اي دا انا مش فاهمه اي لازمه الرقم ده
تامر... لا دا يعني ilove you (t)
(وبعت لها صورة الارقام دي ومعني كل رقم بيدل علي اي)
تاج... وأنا كمان بحبك ي تامر
تامر... بنت قلبي
تاج... ثواني وجايه
تاج بصوت عالي... ووووووعد ي ووووعد
وعد... اي جمو"سه بتنعر (تاج ماسكتها من قفاها)
تاج... مين k ده ي بت
وعد باستغراب... k اي مش فاهمه
تاج... 911(وقلدتها لما غمزت لها)
وعد بضحك... انتي فهمتي😂
تاج... مين ده
وعد... فاكره الدكتور اللي قولتلك عليه اخو اللي كان يخبطنا اول يوم وصلتيني الكلية
تاج... اه
وعد بهيام... دكتور قاسم يعنيk
تاج... اوبااا دا احنا ليا كلام تاني (امهم نادت علي وعد)
_________________
في المستشفي
"جاسر كان واقف هو طاقم من الممرضين و دكتور كمان مستنين وصول حمزة بعد م همس رنت بلغته"
"حمزة وصل وجاسر جري عليه واتنين ممرضين والسرير النقال و 1.. 2.. 3 وهوب نقلوا فهد من العربية لـ السرير واخدوه وجريوا بيه علي جوه"
جاسر... جهزوووا العمليات بسرعه
"كل العيله وصلت بعد دقايق و بعضهم باين عليه الخوف وبعضهم القلق والتوتر"
"ميساء وفتون جريوا حضنوا همس لما شافوها منهاره"
ليث راح علي حمزة... اي اللي حصل وفين بقيت اخواتك
حمزة والدموع متحجره في عنيه... فهد و وتين عملوا حادثة و أسد وقاسم رجعوا يجيبوا وتين وانا جيت ب فهد علي هنا
ليث... و دا حصل ازاي
حمزة... مش عارف مش عارف (وبدأ يعيط) أنا خايف عليهم اوي
"دخل أسد وقاسم وهما بيجروا لما شافوا الكل موجود"
رنا بقلق... فـ.. فـ.. ـين و.. وتين
أسد... بلغت الشرطة وهما دلوقتي بيدورا عليها
_لي هي فين مش المفروض كانت في العربية مع فهد
أسد... ما هو يـ ماما
"فتون حست بتوتر أسد و دي حاجه نادرة"
_في اي مالك يـ أسد
أسد... العربية وقعت من علي المنحدر و و و وتين فيها لاننا ملحقناش نطلعها
"صدمة نزلت علي الكل... رنا فقدت الوعي و حمزة اطلق ل دموعه العنان وهمس كذلك"
___________
داخل غرفة العمليات
جاسر... جهاز الصدمات بسرعه
1.. 2.. 3.. عمل صدمه وكرروها 5مرات
دكتور... دكتور جاسر دا شكله مستسلم.. القلب شكله رافض الحياة
جاسر بخوف... لا لا فهد أنت لازم تقوم
فهد أنت أقوي واحد فينا قوم متستسلمش كده
(كان بيكلمه وهو فوقه بيعمله إنعاش للقلب بأيده)
ليسمع صوت جهاز القلب وهو يعلن عن توقفه.......
يتبع...
#حين_يعشق_الفهد
#نادية_محمود
رواية حين يعشق الفهد الفصل السابع عشر 17 من هنا
لقراءة الرواية كاملة اضغط هنا (رواية حين يعشق الفهد)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
