رواية جريمة لا تغتفر حلقة خاصة 1 بقلم إسراء هانى
رواية جريمة لا تغتفر حلقة خاصة 1
رواية جريمة لا تغتفر بقلم إسراء هانى
 |
| رواية جريمة لا تغتفر |
رواية جريمة لا تغتفر حلقة خاصة 1
جريمة لا تغتفر حلقة خاصة ١
خرجوا من مكتب المؤذون والسعادة على وجه الجميع
لكن سيف سعادته اضعافا فهو مع عائلته كما تمنى دوما ينظر لهم غير مصدق انه معهم فكل ما فعله ليلفت انتباههم
وأمل ممسكة بيده غير مصدقة ان حلمها تحقق بعد كل هذه السنوات
قبل يدها وهمس في اذنها: مبسوطة
امل بعينين دامعة : اوي اوي اوي
سيف بحنان : اوعدك حتكوني دايما مبسوطة ..
نجد محمد ويوسف وزوجاتهم يتهامسون جانبا
سيف : ايه حنمشي ولا حنبات هنا
يوسف : هو ينفع نمشي كلنا نسهر الليلة عند ماما ولا عايز تمشي مع عروستك
سيف بابتسامه: اكيد طبعا نسهر .. عروستي معايا اهي انا عايز نلتم سوا
وبالفعل ذهبوا سويا للسهرة وكل واحد زوجته بجانبه يضحكون من قلوبهم وسيف ينظر حوله كطفل .. سعيد جدا بهم
سيف : صح .. يوسف احنا ما دفعناش مهر ولا شبكة
يوسف : مهر وشبكة ايه دي ما صدقت وخدتك عافية حتدور على مهر
أمل : بقى كدة ماشي يا يوسف
سيف بضحك : يعني المفروض هيا اللي تدفع انا عايز نص مليون مهر ونص شبكة و١٠ مؤخر
فتحت امل فمها تنظر له جعلت الجميع يضحك عليها بشدة
يوسف : ههههه طبعا ابننا مش اقل من كدة
امل : لا والله انتو بتشقطوني لبعض طيب انا مش عايزة اتجوز خودوا ابنكوا معاكو
يوسف : مهرها وصل يا حبيب اخوك في حسابها
محمد : والشبكة حتنزلوا بكرة تختاروها عليا انا
نظر لهم سيف بدموع وهمس: مش عارف اقول ايه
يوسف بهزار : تبقى تجامل معايا اما اجيب التانية
نظرت له اسراء بطرف عينيها ولم تتكلم
محمد : الفاتحة.. كان راجل طيب ربنا يرحمه
يوسف : انت فاكرني ايه انا مسيطر ما بخافش
سيف : مصدقك بأمارة قلبك اللي سامعه من عندي انا برأيي تفضل عند ماما هنا
يوسف : سروءتي انتي عارفاني بهزر مش كدة
اقتربت منه اسراء وهمست باذنه : مقوي قلبك اوعدك حتنام في اوضة ماسة لآخر الشهر
يوسف بخوف: والله اسف بلاش العقاب ده..
سيف : هيا بنتك اسمها ماسة ولا آلاء هو انت عندك بنتين
أشار له يوسف بعينه ان يسكت لكنه لم يفهم
نظرت اسراء لهم تحاول فهم ما سمعت ثم قالت باستغراب: الاء مين ... انا بنتي اسمها ماسة
نظرت ليوسف وقالت بهدوء : ما تفهمني يا يوسف .. خبيت عني انه ليك اخت وبعدين انه ليك اخ كبير ودلوقتي حتى اسم بنتي اعرفه صدفة .. ضحكتني بجد
نظر سيف ليوسف بندم هز يوسف رأسه بلا بأس
اسراء بابتسامه : طيب يا جماعة تصبحوا على خير مبروك يا امولة مبروك يا سيف عن اذنكو
خرجت اسراء وخرج معها يوسف يخبط راسه انه نسي ان يخبرها بذلك
صعدت بالكرسي الخلفي دون اي كلمة واغمضت عينيها كان يسوق سيارته وينظر لها بتعب فكلما حل مشكلة ظهرت غيرها ..
وصلت البيت رمضان خلفها امسك يدها وهمس بندم : بلاش زعل وخناق اوقفي خلينا نحلها والله بتعب اوي من الخصام
اسراء : وانا مش عايزة اتكلم عايزة انام بعد اذنك
يوسف : لا يا اسراء مش حتنامي قبل ما تفهمي انا في الاول ما قولتلكيش اسمها خفت تفكريها حبيبتي وانتي اقترحتي اسم ماسة وانا كنت واعدها وسميتها بس نسيت اقولك الموضوع .. عشان خاطري ما تكبرهوش
اسراء بهدوء : تصبح على خير يا يوسف
يوسف : احم عايز أنام بحضنك وحشاني اوي
اقتربت منه حتى اصبحت تتنفس آنفاسه وهمست من بين اسنانها : الموضوع ده تنساه بقيت بتخبي عني كل حاجة ده غير جوازك من التانية مش بس سيف اللي حيجامل انا كمان
مشت امامه اوقفها وامسك يديها امامها ظهرها مقابل صدره وضمها بعشق وهمس وانفاسه على رقبتها : انتي عارفة اني كنت بهزر واني مش شايف بنات غيرك بلاش العقاب ده خليني في حضنك عشان خاطري
لمساته على جسدها يبستها اغمضت عينيها تحاول استرداد انفاسها التي سلبها بقربه
اسراء: يوسف انا تعبانة وعايزة انام
يوسف : والله حسيبك تنامي مش حاعمل حاجة بس في حضني عشان خاطري
نظرت لعينيه العاشقة التي سيطرت عليها ووافقت
نامت في حضنه ضمها بتملك كبير
يوسف : لو تعرفي بحبك قد ايه
اسراء: اللي بحب حد ما بخبيش عنه حاجة
زاد من ضمها وهمس: لو الحاجة دي حتوجعوا حيخبيها ويسيبها توجعوا لوحدوا
اسراء بغيظ : الحب تشارك انا لما البوليس جه خدني وكلمت اخويا عشان ما اوجعكاش خاصمتني جامد بس تمام يا يوسف زي ما قولت حيخبيها توجعوا لوحدوا وانا عمري ما حقولك اي حاجة مزعلاني ولما اولد ان ما كنتش جمبي حكلم اي حد وانت لا عشان ما اوجعكاش بقى
رفع حاجبه يطالعها بنصف عين وهمس : في المشمش تعرفي المشمش
اسراء : الله مش انت اللي قولت
يوسف: نامي يا اسراء انا على أخري بلاش أكلك
اغمضت عينيها لتشعر بانفاسه على رقبتها يقبلها بحنان شديد
اسراء : احنا اتفقنا ايه .. يوسف
يوسف: امممم مش قادر عشان خاطري
اسراء : حاروح انام في غرفة بنتي
يوسف بيأس: خلاص انا اسف
ضمها لحضنه واغمض عينيه خافت ان يكون قد حزن
لتبدا هيا بتقبيل وجهه
يوسف ؛ ايه اصله ده
اسراء : انت زعلت
يوسف : لا طبعا كفاية انتي معايا
اسراء : طيب بقى انا عاي...
وقبل ان تكمل كان قد اعتلاها وبدا ينهل من شفتيها وقت طال وطال..
&&&&
محمد ...
ندم الكون في قلبه
يمسك يديها بحنان وينظر لها طويلا يشبع عينيه منها
محمد : خلينا نتكلم كل واحد يفضي اللي في قلبه عشان نبتدي صفحة جديدة مش عايز افتكر اي حاجة قديمة انا ندمت ندم عمري .. ومش مستعد اي استعداد اخسرك تاني اخسر عمري وانتي لا
روان : انا عرفت انها كانت حبيبتك
محمد : كنت فاكر اني حبيت بس لا لما هيا تجوزت زعلت يومين بس لما انتي بعدتي الحياة وقفت انا مت حرفيا اكتشفت انك اول حب واخر حب سامحيني من قلبك وانا مع الايام حثبتلك اني استحق تسامحيني
احتضنت وجهه بكفيها وهمست بحنان: انا بحبك اوي وواثقة انك تستاهل الفرصة دي
هز رأسه بالايجاب بقوة وهمس : حثبتلك حالا والله
حملها بين يديه لتشهق بدلع : محمد نزلني
محمد بتيه : حانزلك حاضر ...
ومع كل قبلة عاشقة كان يهمس بندم اسف
&&&^
في منزل والدة سيف
يجلس سيف وعلى كتفه آلاء تخبره عن كل شيء يقبل جبينها بين وقت واخر ويستمع لها بانتباه
أمل باصطناع الحزن: نحن هنا
آلاء بهزار: مين دي تعرفها
سيف : ابدا اول مرة اشوفها بتدوري على حد يا شاطرة
حدفت عليه الوسادة وهمست بغيظ : انت مش معبرني
سيف بحنان: اسف ي قلبي بس انتي عارفة انا ما صدقت انه ليا اخت واخت قمر كمان صراحة ما توقعتش تاخدي عليا وتحضنيني كنت طول الوقت بتخيلك حتخجلي مني حتسلمي عليا بالايد مش تقعدي بحضني
آلاء: تصدق وتآمن بايه
سيف : لا اله الا الله
آلاء: من لما شوفتك في المكتب حسيت حالي عايزة احضنك كنت ببصلك مش عارفة انزل عيني عنك حتى لما عاكستني لو واحد تاني كنت فتحت دماغه اما انت لا انا اصلا استغربت يوسف ما ضربكاش بالنار ساعتها والله العظيم بحبك اوي اوي
سيف بعينين دامعة: وانا بعشقك يا قلب اخوكي ..
أمل : انا حشوف الولاد
عايزك وقت ما تحتاجي حد اكون انا الحد ده
قبلت خده وهمست : اوعدك حتزهقني انا بعد كدة
سيف بحب : ايه القمر ده ماما مخلفة قمر يا ناس .. همس بأذنها: هو انا ليه حاسس انه معاكي اوامر باني ما اقعدش مع امل لوحدنا
رمشت بعينينها اكثر من مرة وهمست ببراءة : عايزني افتن .. لا ابدا
سيف : ولو قولتلك عشان خاطر سيفو حبيبك
الاء : اممم حلفتني بحبيبي طيب بص انت لسة ما جبتلهاش شبكة ولا بيت ولا طقم نوم ولا هدوم فحتحس انه كل حاجة ناقصة وهي حتحس انه عشانها تجوزت قبل كدة انت ما عملتش كدة
سيف بنفي : لا طبعا
آلاء: ايوة فيوسف حياخدك بكرة تجيب طقم نوم جديد وشبكة وكدة بعدها تدخلوا على الجديد
سيف باقتناع : انا ما فكرتش كدة ابدا بس متشكر اوي انه فكرتوا كدة .. انتي سايبة جوزك عشان تقعديلي قومي اوصلك واوعدك مش حقرب لها
آلاء: انا واثقة فيك اوي بس مش واثقة فيها يعني هيا حتموت عليك وانت كدة مز وقمر فصراحة ما اضمنش
سيف بضحك ضربها على رأسها: كفاية شقاوة قومي اوصلك اكيد جوزك مش عارف ينام من غيرك
آلاء : جوزي مين انا عايزة اتجوزك انت
سيف: هو ينفع ... ياريت انا حطلبك من يوسف بكرة
الاء : ليه يوسف اطلبني من اخويا الكبير
أمل: انت حتتجوز عليا.. مش لما تتجوزني الأول
غمز لها سيف : عادي اقوم اتجوزك دلوقتي
آلاء : نحن هنا اتلموا
سيف : ما تقومي اوصلك لعادل وحشتي اوي
آلاء : انا حاسة اني بتوزع بس برضو مش قايمة اصلي معنديش دم
&&&
في صباح اليوم التالي حضر يوسف باكرا وذهب برفقة سيف لاختيار الشبكة
ثم ذهبت الاء برفقة امل لاختيار بعض الملابس
آلاء : ايه رايك لو تلبس فستان ابيض لسيف ما انتي عارفة يعني عرسان وكدة
امل : فكرة حلوة حتبقى مفاجأة
آلاء : وكوافير وكدة
وبالفعل ذهبت امل الى الكوافير لتجهز كأنها حورية
آلاء : يا بنتي الايه حتجنني الواد
امل : بجد حعجبوا
آلاء: اوي اوي
عند سيف
يوسف : البدلة دي جميلة اوي ما انت لازم تحسسها انه مش فارق عندك انها تجوزت وكدة
سيف بحب : انا متشكر اوي
يوسف : قولي متشكر تاني وانا مش حعرفك بعد كدة
يوسف بهمس لمحمد : العربية تحت جاهزة اقنعوا اننا رايحين اوتيل اي حاجة وانا حجيب البنات
وصل بيته وجد زوجته بهيئة خطفت قلبه وروحه
يوسف : ايه ده .. ما اتفقناش عالقمر ده
اسراء : لو سمحت انا لسة مخاصماك
يوسف : لا ... بعد كل اللي حصل الليلة
اسراء : انا وافقت عشان الملايكة ما تلعنيش بس لسة مخصماك
يوسف بغيظ : هو اللي يدلع ياكل عدماغو يستاهل
اسراء: بتقول حاجة
يوسف : بقول تفضلي..
امسك يدها وهمس بتردد : انتي عارفة انا رفضت تروحي عالكوافير ليه
اسراء : عارفة عشان كدة ما حاولتش عشان عارفة انه حافضل اادن للصبح علفاضي
ذهب بها الى المرآة وبدا يمسح الروج
اسراء : يوسف انت بتعمل ايه
يوسف بحب : كفاية الكحلة عشان خاطري الروج يجنن عليكي
اسراء بدموع : اقولك عشان اريحك مش عايزة اروح تفضل روح حيمشي من غيري
مسح دموعها بحنان وهمس امام شفتيها : مش بايدي والله العظيم حموت لو حد عاكسك ومش عايز ااقلب الفرح نكد
اسراء: وانا بريحك امشي مش زعلانة .. كلهم راحوا الكوافير وحيطلعوا ملكات دلوقتي وانا اروح الفرحة بالمنظر ده
جلس على ركبتيه امامها وهمس بحنان : منظر ايه والله العظيم قمر عشان خاطري ريحيني مش المهم تعجبيني انا .. والله مملية عيني وزيادة
اسراء بابتسامه : عايزة أليق بيك
يوسف : انا ليا الشرف اما تقبلي تمشي جمبي .. بالعيون اللي هدتني من اول مرة ... اضحكي خلي الشمس تنور
ابتسمت بسبب محبته التي لا آخر لها ووقفت بجواره
يوسف : بدأ يزيل الروج مرة اخرى
اسراء : ما بيروحش كدة
يوسف بعدم فهم: امال ازاي
اقتربت من شفتيه وهمست قبل ان تقبله : كدة
ليحتضن وجهها ويقبلها بكل ما اوتي من عشق
وضع جبهته على جبهتها وهمس: ربنا ما يحرمني منك يا اغلى الناس عقلبي
حمل طفلته وصار بجوارها بسعادة
يوسف: كنتي اختاري فستان بطنك يبان فيه عالاقل يعرفوا انك متجوزة وحامل
اسراء : هههه لا عشان يمكن اتخطب
يوسف : انتي ما تبعديش ثانية من جمبي لاخنقك
وصل الجميع القاعة لم يخرج سيف من السيارة بعد
امسك يوسف يده واغمض عينيه
سيف : ايه ..
يوسف : ولا كلمة
وامسكت الاء امل واغمضت عينيها وصاروا ببطئ حتى وقفوا امام القاعة وفتح محمد الباب وسيف بجوار امل
وبعد قليل ازال يوسف والاء يديهم لينظر سيف وامل حولهم...
#يتبع
اسراء هاني شويخ
رواية جريمة لا تغتفر حلقة خاصة 2 من هنا
لقراءة الرواية كاملة اضغط هنا (رواية جريمة لا تغتفر)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
