رواية أحببت مجهولًا الفصل الحادى عشر 11 بقلم منال عباس
رواية أحببت مجهولًا البارت الحادى عشر 11
رواية أحببت مجهولًا الجزء الحادى عشر 11
رواية أحببت مجهولًا الحلقة الحادية عشر 11
رواية أحببت مجهولًا بقلم منال عباس
 |
| رواية أحببت مجهولًا |
رواية أحببت مجهولًا الفصل الحادى عشر 11
البارت الحادى عشر
اقترب منها مازن بكل شوق فهو يريد أن يط*فئ ن*ار غيرته واخذها فى حضنه
مازن وحشتينى
ماهى وقلبها يدق بسرعه وتحاول الابتعاد لقلبها يريد الاقتراب أكثر ولكن عقلها يذكرها بتو*عد ذلك المجهول فهى فى حيرة شديده تشعر بنفس الامان والحب لكلاهما واخيرا استطاعت أن تبتعد
ماهى بصوت متقطع مختلط بالدموع
ايه اللى عملته دا
مازن بحب : تقبلى تتزوجينى
ماهى بصدمه : انت بتقول ايه فهو لم يعبر ولو مرة واحده عن حبه كيف يحدث ذلك فجأة وتذكرت توعد المجهول لها وايضا الفتاة التى كانت مع مازن بالمستشفي اشياء كثيرة دارت فى رأسها ولم تستطع الاجابه سوا أنها شعرت بالدوار من هول المفاجأة ووقعت مغ*شيا أمسكها بسرعه مازن قبل أن تقع على الأرض.
مازن بخوف عليها
ماهى : فوقى ورفعها على الكنبه وبحث عن أن اى شئ كى تستفيق دون جدوى
فاضطر أن يعمل لها تنفس صناعى وضم شفتيه على شفتيها لعمل شهيق وزفير حتى استفاقت لتجده فوقها خافت وحاولت النهوض
مازن وهو يعتدل ويطمئنها أهدى يا ماهى انتى دوختى وكنت بحاول افوقك
نظرت ماهى اليه والدموع فى عينيها
ماهى : بس انت مش بتحبنى ليه عايز تتزوجنى
مازن : الحب بيجى بعد الزواج
شعرت بالألم فهو حتى فى طلب الزواج لم يخبرها بحبه
ماهى : اسفه يا دكتور طلبك مرفوض وهمت أن تخرج
ليقاطعها حديثه يبقي انتى اللى حكمتى على نفسك ما تشوفيش اسرتك تانى
ماهى باستغراب : وايه علاقه اسرتى بكلامك دا
مازن ببرود : يا ترى حبيب القلب هو السبب في الرفض ولا فى سبب تانى
ظنت ماهى أنه يتحدث عن المجهول وقلقت لانه يعلم ذلك ولم تتخيل حديثه أن المقصود به هو احمد
ماهى بخوف انت عايز منى ايه
مازن عايز الرد بالموافقه وضحك ضحكه خبيثه
او استحملى عقابك
بالمناسبه انا طلبت ايدك من والدك ومنتظر الرد بعد ما ياخدوا رايك
ماهى جن جنونها فلا احد يعلم مكان سكنها الجديد كيف عرفه مازن
ماهى بهدوء : موافقه
ثم تركته وخرجت
لتذهب الى الكافيتيريا
لتجد ندى تنتظرها
ندى : ايه يا بنتى التأخير دا كله انا قلقت عليكى
وكنت هقول لاحمد اعرفه
واحمد كل شويه يتصل عليكى وفونك ويتصل عليا
رديت وقولت المحاضرة ما خلصتش
ماهى : طلبنى للزواج
ندى : ايه مين ازاى
ماهى : دا اللى حصل
ندى :بفرحه وطب اللى مضايقك يا موكوسه مش دا حب حياتك
ماهى : حاسه ان قلبى مقبوض والموضوع دا وراه سر ..
ندى : يا اختى افرحي وعقبالى يارب
يلا بقى بسرعه احمد منتظر من بدرى..
خرجوا الفتيات ليجدوا احمد فى انتظارهم وركبوا معه السيارة وذهبوا
احمد كل دا تأخير
ماهى : معلش يا حبيبي اعذرنا
بص يا احمد انا ماليش مزاج للخروج ايه رايك تخرج انت وندى براحتكم
ندى : ايه اللى بتقوليه دا يا ماهى والله ازعل
ماهى ويبدو عليها الإرهاق بدأت فى البكاء
اوقف احمد السيارة على جانب الطريق
فى ايه يا حبيبتى مالك
ماهى انا عايشه فى دوامه من فترة ومش فاهمه اى حاجه من اللى بتحصل ليا
ندى وهى تربت على كتفيها
ندى : لازم تحكى كل حاجه بالتفصيل لاحمد لازم نفكر سوا بصوت عالى
بدأت ماهى تقص كل شئ بالتفصيل
احمد : ياه يا ماهى كل دا حصل معاكى
عموما من خلال كلامك سواء مازن أو المجهول الاتنين بيحبوكى
وتهديدهم ليكى الاتنين دا مش معناه أنهم هيأذوكى
لا دا بيحاولوا يمتلكوكى بس بطريقتهم
المهم انتى حاسه بناحيه اى حد فيهم بأى مشاعر
ماهى بخجل : بحبهم الاتنين
احمد : نعم يا اختى ودى تيجى ازاى
ماهى : مش عارفه بحسهم واحد بحس بنفس المشاعر ليهم هما الاتنين
ندى.: انتى اتجننتى يا ماهى
انتى بتحبي مازن من زمان
لكن المجهول دا انتى حبيتى اهتمامه
ماهى : مش عارفه بقي
احمد : انتى صلى صلاة استخارة وشوفى ربنا كاتب ليكى ايه
المهم اطمنى احنا ديما معاكى
وبما أن الخروجه باظت منك لله يا ماهى نبقي نتفق على ميعاد تانى
ماهى :اسفه حقكم عليا
ندى : ولا يهمك يا قمر
عقبال اللى فى بالى لما يجى هو كمان
احمد : مين اللى فى بالك ويجى يعمل ايه أن شاء الله
ندى : الحلو اللى خطف قلبي يحس على دمه ويجى يتقدملى وخبطته على كتفه وضحكت وضحك الجميع
احمد بغمزة هفكر
ندى : طيب براحتك
المهم يالا وصلنى انا اتأخرت
وبابا زمانه قلقان عليا
قام احمد بتوصيلها إلى منزلها
ثم ذهبا هو وماهر للعوده لمنزلهم.
وصلوا إلى الفيلا سلمت ماهى على والديها
رحاب : مالك يا ماهى وشك مخطوف اووى ليه
ماهى : ابدا يا روبي هطلع اغير هدومى وارجع علشان نتغدى ..
رحاب : ازيك يا احمد
احمد : اهلا يا روبي هتغدينا ايه النهارده
كل الاكلات اللى بتحبها
قولى يا احمد انت زى ابنى بالظبط وعايزة اخد
رايك فى حاجه
احمد : طبعا اتفضلى
رحاب : فى عريس متقدم لماهى
احمد : بجد الف مبروك والله فرحتينى
رحاب باستغراب : يعنى انت مش زعلان
احمد : ماهى اختى واتمنى ليها كل خير
رحاب بزعل : طيب هروح اشوف الغدا وتركته ..
عند ماهى : جلست وهى حزينه انا فعلا بحب مازن بس مش فاهمه ايه الشعور اللى بحسه دا مع ذلك الغريب ..
وجدت رساله من المجهول فتحتها بسرعه
مبروك يا ماهى
ماهى : حتى دا عرفه
بعثت له رساله انت سبب حيرتى من تكون ؟
ليجيب عليها : انا العاشق لماهى
فرحت أنه رد عليها
بعثت رساله أخرى : ولما تهنئى لخطوبتى من شخص آخر
المجهول : لانه قدرك وانتى خيبتى ظنى فهنيئا لكى مازن
خافت ماهى من ذلك المجهول
وفهمت أنه قرر أن يتركها لتتزوج مازن
قررت أن توافق على مازن وتنسي ذلك المجهول للابد ...
اخذت شاور واستبدلت ملابسها كى تنزل لتناول الغداء ولكنها وجدت رساله ولكن ليس المجهول بل كان ......
#أحببت_مجهولا
بقلمي #منال_عباس
رواية أحببت مجهولًا الفصل الثانى عشر 12 من هنا
لقراءة الرواية كاملة اضغط هنا (رواية أحببت مجهولًا)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
