رواية عاشق الأمنية الفصل الثالث 3 بقلم آية محمد
رواية عاشق الأمنية البارت الثالث 3
رواية عاشق الأمنية الجزء الثالث 3
رواية عاشق الأمنية الحلقة الثالثة 3
رواية عاشق الأمنية بقلم آية محمد
 |
| رواية عاشق الأمنية |
رواية عاشق الأمنية الفصل الثالث 3
البارت 3
أمنية ببكاء:أبيه خالد هو أنت مصدق عنى حاجه زى كده.... أنا فعلاً عملت تحليل بس كان علشان الأنيميا بس زى ما حضرتك عارف إنى بعمله كل فترة
لتقترب من جدها وتمسك يده قائلة ببكاء:جدو صدقنى دا مش تحليلى... أنا مستحيل أعمل كده ي جدو
احتضنها الجد عبد الرحمن بحنان: مصدقك ي حبيبة جدك... أنت تريبيتى... ولو موثقتش فى تربيتى يبقى مبثقش فى نفسى
هدى بغضب:نتيجة التحاليل قدامك أهى يا عمى وهى حامل.... شوفها غلطت مع مين وفضـ"ــحتنا وكانت ناوية تدبس فضـ"ــيحتها لحد من ولادى
صفا:أيوه صح يا خالد كنت ناوى تتجوزها وأنا خطيبتك وتدبس نفسك ببلوتها
خالد بقوة وغضب:بس مش عايز أسمع صوت لحد.... علشان نخلص من الموضوع أنا هتصل بدكتورة هتيجى تكشف عليها إنها حامل ولا لا
لتبكى أمنية بصوت عالى وجدها يربت على كتفها... تبكى على من اعتبرته سندها بعد جدها وقبل أيضاً نادر الذى تحبه وكانت ستتزوجه... ولكن خالد بالنسبة لها أمانها من صغرها.... فهو من ساهم فى تربيتها مع جدها عندما توفى والداها وكانت فى السابعة من عمرها وخالد فى الخامسة عشر من عمرها
لتمر نصف ساعة وتحضر الطبيبة لتدخل الغرفة ويتم إجراء الكشف لتخرج لهم
خالد:ايه اللى حصل يا دكتورة
الدكتورة:تحاليل المدام غلط هى ولا حامل ولا حاجه يا جماعة
خالد بإبتسامة هادئة:متشكر جداً يا دكتورة
الدكتورة:العفو دا واجبى هو أكيد حصل لغبطة بس فى التحاليل عن إذنكوا
لترحل الطبيبة لتخرج بعدها أمنية من غرفتها بقوه:أكيد دلوقتى أتأكدتوا من براءتى
نادر بندم:آسف ليكى يا أمنية ودلوقتى نقدر نكمل جوازنا عادى
لتضحك أمنية بسخرية:ليه وأنت متصور إن بعد اللى حصل دا كله ممكن أتجوزك.... أنت شكيت فيا وكنت هتخلينى أتجوز أخوك غصب
نادر :المفروض تراعى إحساسى وقتها يا أمنية وتعرفى إن دا غصب عنى
أمنية بهدوء:أنا آسفه مستحيل لو أنت آخر واحد فى الدنيا مستحيل آمنلك تانى وأتجوزك
نادر بسخرية :ويا ترى بقى هتعملى ايه فى الفرح اللى بعد شوية دا
خالد بجدية:هيكمل زى ما كنت قبل ما تيجى يعنى هنتجوز أنا وهى
هدى بعصبية:مستحيل أخليكوا تتجوزوها أنتوا الإتنين أنت ناسى ي أستاذ خالد إنك خاطب والمفروض هتتجوز صفا وأنت يا نادر دى رفضاك ومش عايزاك هتتجوزها برضو سيبيك منها وأنا هجوزك اللى أحسن منها
خالد بقوة:أمى سبق وقُلت محدش يدخل وجوازى من أمنية هيكمل
أمنية:وأنا مش عايزاك ي أبيه ايه هتتجوزنى غصب
#يتبع
رواية عاشق الأمنية الفصل الرابع 4 من هنا
لقراءة الرواية كاملة اضغط هنا (رواية عاشق الأمنية)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
