رواية ما اختاره القدر الفصل الأول 1 بقلم هاجر أحمد
رواية ما اختاره القدر البارت الأول 1
رواية ما اختاره القدر الجزء الأول 1
رواية ما اختاره القدر الحلقة الأولى 1
رواية ما اختاره القدر بقلم هاجر أحمد
 |
| رواية ما اختاره القدر |
رواية ما اختاره القدر الفصل الأول 1
بارت1
#ما_أختاره_القدر
تشرق شمس يوم جميل تحمل السعاده لبعض الناس و حزن للبعض الأخر في منزل متواضع تستيقظ نور علي صوت والدتها
صفاء...: حرام عليكي يا نور مش كفايه نوم لحد كدا قومي
نور وهي تقوم بفذع...: في أيه......مين مات
صفاء...:أمك يا هبله خلصي قومي
نور بمرح....:بعد الشر عليكي يا صفصف أرخم علي مين أنا بس
صفاء وهي تخرج من الغرفه...:يارب صبرني عليكي يا نور
نور وهي ترفع صوتها ليصل الي والدتها...:ماتدعيش علي نفسك تبقي صبار يا ماما .....ثم وضعت رأسها علي الوساده مره أخري
ستوووووووووب **بقلم هاجرأحمد
صفاء أسماعيل زوجه فتحي ووالده نور و إسلام لديها من العمر ٤٧ عام تعمل كربه منزل تعتني بزوجها و بأولادها مثل اي أم مثاليه
باك **
صفاء عندما عادت الي الغرفه...:أنتِ نمتي تاني حرام عليكي أنا تعبت معاكِ أنا هاروح أنادي إسلام يتصرف معاكِ
نور وهي تقوم من علي الفراش مسرعه.....:أنا أساسآ مكنتش نايمه أنا كنت بدور علي حاجه تحت البطانيه
صفاء...:وجبتيها
نور...:خلاص مهيا راحت (قصدها النعس)
صفاء.....:روحي صحي إسلام علشان يصلي و يفطر ويروح الشغل ثم خرجت من الغرفه
نور .....:يلا ارخم علي الواد إسلام شويه وقامت بإخراج شئ ما ثم خرجت من الغرفه
ستووووووووب**بقلم هاجرأحمد
نور فتحي النجار بطلة الروايه فتاه في ٢٢من عمرها في عامها الاخير من كليه تجاره قسم إداره أعمال هي فتاه جميله جدآ تمتلك عيون من اللون العسلي جميله وجسد متناسق يميل للقصر وبشره خمريه وشعرًا طويل يصل الي بعد ظهرها تغطيه بخمار مما زادها جمالًا (خمار ماليزي) وهي شخصيه محبوبه جدآ وتتمتع بخفة الدم ومرحها مما يجعل جميع من يرها يتعلق بها
باك**
دخلت نور غرفه إسلام دون صوت وفي يدها مسدس لعبه وقامت بتجريبه بجانب أذن إسلام
إسلام وهو يسقط من علي السرير.....:في أيه ......اشتباك
فنظر بتجاه نور فوجدها تنظر له في ضحك و انتقام....:ولله لأخلي ليلتك عسلللل
نور وهي ترقد خارج الغرفه.....:اسود ولا ابيض هههههه
إسلام....:وكمان ليكِ نفس تهزري
ذهبت نور لتحتمي في والدتها التي كانت تجهز الافطار
نور:عااااااااااامااااااما
صفاء....:في أيه يا أولاد ما لكم
إسلام.....:بنتك العاقله جاي تصحيني بمسدس لعبه
صفاء.....:جبتي منين المسدس ده يا نور وينفع تعملي كدا مع أخوكي
نور....:من محمد أبن طنط سعاد علشان غلس علي أمبارح وبعدين ما أنت معاك مسدس وكمان حقيقي حد كلمك
إسلام وهو يضرب كف في الاخر.....:أنا ظابط يا بتتت
نور بمرح......:ما أنا أخت الظابط عادي يكون معايا مسدس وبعدين مهي ماما بتخضني كل يوم لما بتصحيني
إسلام بغضب.: وأنتي بتنتقمي مني بقي ثم نظر الي والدته ماااااما أبعدي بنتك دي عني
نور:بس يلا أنا جيت جمبك
صفاء:حرام عليكم كل يوم كده أنتو مش بتتعبو أطلعو بره يلا خلوني أكمل الفطار
إسلام بعد ذهابه مع نور:يابنتي حرام عليكي أنتِ هتتخرجي السنه دي يعني المفروض تكوني عاقله
نور:المفرود عند المكوجي او المفروض مرفوض أختار الي يريحك
أسلام:أنا الي غلطان علشان واقف أتكلم معاكِ
نور:ماتقلش علي نفسك كدا ياحضره الضابط
أسلام:عارفه يانور أنا لما بقعد معاكِ بعرف ليه قابيل قتل هابيل ثم ذهب الي غرفه
ستووووووووب **بقلم هاجر أحمد
إسلام فتحي النجار أخو نور عنده ٢٧سنه يعمل كظابط شرطه وطويل القامه وهو ظابط متفوق في مهنته يعرف عنه عدم التهاون مع أحد وهو جاد جدآ عندما يتعلق الامر بعمله ولكنه شخص أخر مع عائلته فهو متعلق بهم جدآ وخاصته نور رغم خفة دمها التي لا تحتمل أحيانآ
باك **
بعد ذهاب إسلام الي غرفته ذهبت نور أيضآ الي غرفتها وأدت فرضها ثم خرجت لتساعد والدتها
نور وهي تذهب الي المطبخ..:ماااااااامااااا
صفاء بخضه....:في أيه يا نور
نور بمرح:ولا حاجه أنا كنت بشوفك فين علشان أساعدك
صفاء:يا بنت حارم عليكي خضيتيني
نور:بعد الشر عليكي يا نبع الحنان ثم أخزت الطعام لوضعه علي السفره وبعدما أنتهت منه
صفاء:نور نادي أسلام علشان يفطر
نور:ماليش دعوه هو لو عايز يجي هاييجي
صفاء:بطلي لماضه وقومي
نور وهي:يووووووه حاضر قامت نور ودقت علي غرفه أسلام
أسلام:مين
نور:قوم علشان تط.....
ثم فتح أسلام الباب مسرعآ ويمسك نور من أعلي ملابسها :ت..أيه يا نور
نور...:تفطر يا أخويا يا حبيبي يعني أنا ها قول أيه غير كدا
أسلام...:أمشي يانور
ثم جلس أسلام ونور ليتناولو الفطور في هدوء قطعه أسلام:نور رجعي المسدس لمحمد
نور بعناد..:لا علشان بيرخم عليا
أسلام:يعني عيزاني أموتك دلوقتي
نور:لا بكره لله يخليك أنا اليوم بسشور شعري ماشاء لله ولله أنا محظوظه بيك بيستأذن علشان يموتني
أسلام بغضب: حرررررام عليكِ بس
صفاء:أنتو الاتنين مابتتجمعوش في مكان غير لازم صوتكم يكون عالي
أسلام :ما أنتِ شيفاها عيله اوي
صفاء:نعمل أيه أبوها مدلعها
نور:ربنا يخليه ليا الغالي......صح يا ماما وهو جاي النهارده صح
صفاء:أنشاء لله
نور:خلاص يبقي أقعد النهارده في البيت علشان أستناه
صفاء:تقعدي فين يا بت أنتِ مش عليكِ أمتحان النهارده
نور: يعني ييجي وأنا مش في البيت...وبعدين كلو يهون علشان سندي
أسلام...:خلصي يانور علشان ما نتأخرش. بعد الانتهاء من الافطار وقف أسلام بعدما أستعد عند الباب ينتظر نور وكانت نور داخل غرفتها كانت ترتدي دريس من اللون الاسود ويوجد به ورد من الون الزهري وترتدي خمار وحذاء من نفس لون الورد وكانت جمله جدآ
أسلام:يلا يانور هنتاخر
نور وهي تخرج من الغرفه:هاتتأخر علي الطابور العسكري يعني ههههه
إسلام بضحك:هههههههه ولله مجنونه يابت أنا ظابط
نور وهي تمد يدها الي أسلام:أديني المفتاح علشان أنا الي هسوق اليوم
إسلام بدهشة:أنتِ بتعرفي تسوقي
نور..:يبني الموضوع سهل.. بس محدش يمشي في الشارع ووسعو كل الارشادات علشان بتوترني وشيلو العمدان الي في الشارع و يوسع الرصيف كام متر وهسوق عادي
أنفجر إسلام ضاحكن علي أخته التي لا تكف عن أضحاكه
أسلام بضحك:ههههههههههه ولله أنتي جامده يانور ههههههههههه
نور:اي خدمه
صفاء:أنتو خلاص خارجين
أسلام:اه يا ماما عايزه حاجه
صفاء...:سلامتك يا حبيبي ثم وجهت حديثها الي نور.....وانتِ يا نور ألبسي الكمامه ومتقلعيهاش خالص
نور..:ما أنا مش عارفه أمتحانات أيه الي في كورونا ولا هي كورونا عارفه أن أحنا طلاب ومش هاتصبنا
أسلام..:أسمعي الكلام يا نور
نور:ما أنتِ كمان في ليك تعليمات
أسلام بستغراب :تعليمات ايه
نور :أولآ ما تسلمش علي حد ولما تيجي تستجوب المتهم أستجوبو عن بعد زي التعليم عن بعد وكده ولو لازم يعني أستجوبو بس بعد ما يستحما بكلور
ضحك أسلام وصفاء علي نور بشده
نور..:يلا بدل ما تطرد النهارده من القسم وتحطها فيا ههههههههههه
أسلام:هههههههه يلا يا قدري
ركب إسلام ونور السياره وطبعآ لم يخلو الطريق من مرح نور و أوصلها الي الجامعه لأداء أخر أمتحان لها هذا العام
دخلت نور الي الجامعه ووجده ليلي صديقتها تنتظرها
ليلي..:ما لسا بدري
نور...:ما أنتِ عرفاني بحافظ علي مواعيدي
ليلي..:يانور أنا مش بهزر
نور..:مالك فيكِ أيه
ليلي..:ولا حاجه تعبانه شويه بس
نور:سلامتك ياقمر....وبعدين مين يكون ها يخلص امتحانات النهارده ويكون زعلان
ليلي:ولله عندك حق الواحد أخيرا ها يرتاح
نور:صحيح يا ليلي ما تعرافيش مين هايكون معانا جوه
ليلي:مش عارفه بس سمعت البنات بتقول مستر هادي
نور: لا لا مستحيل أنا كدا شلت الماده دي
ليلي:مالك في أيه يا نور
نور:أصل أنا كلمتو علي الواتس علشان أعرف الاكونت بتاعو قلتلو يا دكتور هو الاكونت بتاع حضرتك أسمو أيه علي الفيس قلي هادي فادي فأنا قلت ليه كرنب زبادي
قلي أعتبري أنك شلتي الماده السنادي....حلو تنفع مطلع أغنيه
ليلي..:يابنت حرام عليكِ وكمان ليكِ نفس تهزري
نور..:ما أنا مش عارفه هاعمل أيه
ليلي..:ها نروح نعتذر والدكتور بيعزني وأكيد هيوافق
نور:عسل واثقه في نفسها أوي
ليلي:طبعآ يا بنتي
نور:عملتي أيه في العريس الي متقدملك
ليلي:عملت كل حاجه قولتيلي عليها وطفشتو
نور:ربنا يقدرنا ونطفشهم
ليلي:طب يلا علشان الامتحان ها يبتدي
دخلت نور وليلي لأداء أخر أمتحان لهم في هذا العام ومشوار هم الدراسي (عقبالي يارب أنا وكل الي بيقرأ )
ستووووووب **
ليلي محمود الدمنهوري صديقه نور منذ وقت طويل رغم أنها شخصيه رقيقه جدآ تمتلك من العمر ٢٢عامآ مثل صديقتها هي فتاه جميله جدآ تمتلك جسدا نحيل وطويل بعض الشئ ولديها عيون خضراء وبشره صفراء جميله جدآ وشعر أصفر يصل الي ظهرها تغطيه بحجابها الذي ذاتها جمال ولديها غماذه جميله
~~~~
بقلم/ Hager Ahmed💙
رواية ما اختاره القدر الفصل الثانى 2 من هنا
لقراءة الرواية كاملة اضغط هنا (رواية ما اختاره القدر)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
