رواية ما اختاره القدر الفصل الثانى 2 بقلم هاجر أحمد
رواية ما اختاره القدر البارت الثانى 2
رواية ما اختاره القدر الجزء الثانى 2
رواية ما اختاره القدر الحلقة الثانية 2
رواية ما اختاره القدر بقلم هاجر أحمد
 |
| رواية ما اختاره القدر |
رواية ما اختاره القدر الفصل الثانى 2
بارت2
#ما_اختاره_القدر
في مكان أخر في مكان أقل ما يقال عنه أنه قصر لأحد الملوك أو اﻷمراء يستيقظ مروان اﻷسيوطي الصقر كما يقال عنه خرج من الحمام وذهب إلي غرفة ملابسه وقام بإخراج بدله سوداء وقميص من اللون الأبيض وإرتدي ساعته الفاخره وخرج من قصره الكبير مع حراسه وذهب إلي شركته
ستووووووب **
مروان الاسيوطي بطل الروايه يمتلك أحد أكبر الشركات في مصر والشرق الأوسط ويمتلك أكثر من شركه في مدن مختلفه بدأ العمل في هذه الشركات بعد وفات والده في ظروف غامضة منذ أكثر من ١٠سنوات يمتلك ٣٠عامآ ويعرف بطبعه القاسي ومعاملته الحاده مع الموظفين ويعرف بالصقر ﻹنه مثل الصقر عندما ينقض علي فريسته ولم يسبق له الدخول في صفقه وخرج خاسر منها
باك **
وصل مروان إلي شركته ودخل في شموخ وسط همسات الموظفين ولكنه كالعاده لم يهتم بهم
مروان..:هنا هاتيلي ورق الصفقات الجديده علي المكتب
هنا:حاضر يا فندم
ستوووووب**
هنا هي سكرتيره مروان في ٢٤ من عمرها هي فتاه ذات بشره قمحاويه وعيون بنيه وجسد نحيل تترك شعرها الذي يصل إلي بعد كتفها بقليل ينساب علي ظهرها وهي فتاه مخلصه في عملها جدآ
باك**
هنا..:ربنا يستر شكلو متعصب ثم أخذت الورق الذي طلبه منها مروان إلي مكتبه....دقت هنا الباب حتي أذن لها مروان بالدخول
هنا وهي تضع الورق علي المكتب.....:أتفضل يامروان بيه
مروان بشموخ..:كل حاجه موجوده في الورق ده
هنا...أه يا..ف....
قطع كلامها شخص ما دخل مسرعآ دون أذن
_مروان الحق
مروان...:أزاي تدخل كدا من غير أذن يا علي
ستووب**
علي داود شاب في ٢٩من عمره يعمل لدي مروان في شركته وهو صديق مقرب جدآ من مروان ومن الأشخاص القليله التي يثق بها مروان وهو إنسان مخلص جدآ لصديقه رغم معاملة مروان الجافه له أحيانا
باك**
علي..:مش وقت الكلام ده في شركه دخلت قدامنا وخدت صفقة العربيات الجديده
مروان..:شركه مين
علي..:شركه محمود الدمنهوري
مروان وهو ينظر أمامه..:تمام أنا هاتصرف أنا هعرفه مين الصقر وأزاي يتجرئ يقف قصادي..ثم وجهو حديثه إلي علي روح أنت كمل شغلك
علي:ناوي علي إيه يا مروان
مروان بغضب..: أظن أنا قلت ليك أنا هاتصرف أتفضل
خرج علي من المكتب وهو يعلم أن مروان يفكر في فعل شئ ما ولكن من يجرؤ علي الوقوف أمام الصقر....أما من داخل المكتب رفع مروان هاتفه..:خمس دقايق ويجيني خبر إفلاس شركه الدمنهوري ....وقام بإغلاق الهاتف دون سماع رد الطرف اﻵخر (أنا عايزه أعرف ليه كلهم بيطلبو المعلومات في خمس دقائق)
~~~~~~~~~~~~~~~~~~~~~~~~~~~~~~
في مكان أخر تحديدآ عند خروج نور وليلي من قاعة الامتحانات
نور:الحمد لله والله الواحد كان في معركه
ليلي..:والله عندك حق...بس بصراحه أهم حاجه إنهاردة أنك كلمتي مستر هادي وإلا كان حسابك عسير
نور بمرح..:عسير قصب هههغغهههغغغهغغغ
ليلي..:بالله هو وقت هزار يا نور هو أنا معرفش أتكلم معاكي كلمه واحده جد وهو تفاختك دي طبيعيه
نور:لا قيصري ههههههههههه
ليلي بضحك:ههههههه ربنا يهديكي..
نور:عارفه يا ليلي الإمتحان بتاع إنهارده كان عايز أيه
ليلي بستغراب:أيه
نور:نص سرعه لعيبه بايرن ميونخ
ضحكت ليلي بشده علي نور
ليلي:ههههههههههه حرام عليكي يا شيخه هتموتيني
نور:أعيش وأموتك يا لولو
ليلي..:يلا بقي علشان نروح
نور:ماما قالتلى أجيبك علشان تتغدي معانا النهارده
ليلي..:مش هينفع علشان مقولتش لحد من البيت
نور..:ماما كلمت السفاره إمبارح وخدت الإذن
ليلي...:يعني بجد كلمت ماما
إنتي مش بتثقي في صفاء خانون ولا أيه
ليلي...:خانون مره وحده
نور..:لا علي مرتين ياخفه مش عاجبك
ليلي..:حرام عليكي بتجبيلي مصايب وأنا واقفه
نور...:يعني وإنتي قاعده عادي...و يلا علشان هيكون أبو ورده في إنتظاري خرجت نور وليلي و وقفوا أمام باب الجامعه
ليلي..:هناخد تاكسي
نور..:لا أنا هكلم أسلام يجي يخدنا
ليلي..:ليه مناخد أي تاكسي وخلاص
نور..:مينفعش علشان إسلام بيخاف عليا...ولله أنا أحيانآ بحس إن الولد ده بيحبني وساعات بحس أنو بيعطف عليا...وسعات بحسه مش طايقتي
ليلي:نفسي تبطلي هبل يانور
بعد مرور بعض الوقت كانت نور مازالت تنتظر إسلام
نور وهي ترفع رأسها وتنظر الي الشمس..: شكرآ عزيزتي الشمس تم تحميص المواطنين بنجاح وشكرآ علي منحنا الجنسيه الصوماليه مجانآ
ليلي.:هههههه إتهبلتي يا حبيبتي وبتكلمي نفسك
نور:أنا خلاص إتحمصت مش قادره
ليلي:كلمي أسلام شوفيه فين
أخرجت نور الهاتف وكادت أن تتصل علي إسلام عندما رأته قادم بإتجاهها...وقف إسلام بسيارته أمام نور وليلي
نور..:إتأخرت ليه أنا زهقت
أسلام..:قلت ليكي أنا عندي شغل وإحتمال أتأخر
نور..:خلاص يسطا سماح المرادى
إسلام:يسطا؟!...يابنتي ارتقي شويه
ثم ركبت نور وليلي السياره بعدما قام أسلام بإلقاء التحيه علي ليلي وجلست نور في المقعد اﻷمامى بجانب إسلام
نور:ماما بتتصل يا إسلام لو حصل أي حاجه هاتكون إنت السبب
إسلام:وأنا مالي أنا كان عندي شغل و ردي عليها قبل ماتبتدي ترسم فيلم هندي إنك إتخطفتي
نور وهي ترد علي والدتها..:الووو يا نبع الحنان
صفاء..:إنتي فين يا........ لحد دلوقتي
نور حتي لا يلاحظ أحد ماقلته والدتها..:ولله وإنتي كمان وحشتيني إحنا في الطريق
أسلام:هي قالت وحشتيني برضو ههههههههههه
نور:يلا يا غتت...ثم قالت إلي والدتها ماما أنا عايزه مكارونه بشاميل إنهارده
أسلام:لا خليها تعمل محشي
نور.:لا مكرونه بشاميل
صفاء:بطلي خناق إنتي وهو أنا عملت فراخ يلا سلام
ثم قامت بأغلاق الخط
إسلام:قالتلك أيه
نور بضحك..:أنا أريد وأنت تريد وماما تطبخ ما تريد...عملت فراخ
إسلام:أحسن بس مش هنمشي علي كيفك برضو
نور:ياشرير
وصل إسلام بسيارته أمام المنزل ثم نزل من السياره وذهب بإتجاه نور وقام بفتح الباب لها نور ..:ما أجملك عندما تعاملني كأنني ملكه
إسلام..: بس ياشيخه...مابيفتحش غير من بره يا ملكه
نور:طيب حاول تجاملني قدام صحبتي مش لازم تعرفها إن أنا مهزقه
أسلام:هي عارفه متخافيش
نور..:ربنا يطمنك ريحت قلبي..ثم نظرت إلي ليلي..أنا وإسلام بنحترم بعض جدآ
ليلي يضحك:باين
ثم ذهبو معآ إلي المنزل
نور...:مامااااااااااا
صفاء وهي تفتح الباب...:كام مره قلتلك توطي صوتك
نور..:أنا كنت بطمن علي سمعك يا حبيبتي والحمدلله كل حاجه تمام بس أنتي متصحينيش لمده عشرطاشر يوم كده وكل حاجه تمام
صفاء..:ربنا يهديكي يانور
إسلام:خلصتو خلاص عايز أدخل
نور..:ولله نسيتكم معلش....ثم نظرت إلي ليلي ..إدخلي يا ليلي مكسوفة من أيه واحده وأمها بيتخانقوا عادي يعني
أقتربت ليلي من نور
ليلي.:أيه أخبار حضرتك يا طنط
صفاء: الحمد لله...كنت هزعل منك لو مجتيش
ليلي:مقدرش على زعل حضرتك ياطنط
نور:أيه العشق المفقوع إللي أنتو عايشين فيه ده
صفاء:إدخلي يانور علشان شكل أبو ورده وحشك
نور وهي تسرع إلي الداخل:خالص بصراحه
ثم دخل الجميع إلى الداخل وبدلت نور ملابسها وخرجت من غرفتها فوجدت والدتها وليلي يتحدثان
نور..:أكيد بتتكلمو عنى صح
صفاء:وهنقول إيه ياحسره..ما علينا عملتي أيه في اﻹمتحان إنهارده
نور..:بصي يا ماما أنا قررت أمدد عقدي مع الكليه سنه كمان يمكن أكتر لسه بفكر ههه
صفاء:طمنيني إنتي يا ليلي
ليلي:الحمدلله اﻹمتحان كان كويس ونور كمان حلت حلو بس حضرتك عارفاها بتحب تهزر
صفاء:ربنا يطمنك يا ليلي
نور..:هو بابا جه
صفاء:اه من ساعه ودخل يريح شويه
نور..:ده وحشني أوي
صفاء:متشوفيش وحش ياختي
نور..:ماما أنا عايزه أعمل معاكى أتفاق
صفاء.:خلصي ولو طلعت حاجه تافهه هولع فيكي
نور:إنتي عرفاني جد طول عمري..:بصي تحنا هنشيل اﻷلقاب ما بينا يعني أنتي تقوليلى نور وأنا أقولك صفاء
خلعت صفاء حذئها وألقته بإتجاه نور ولكن نور خفضت رأسها وإصتدم برأس ليلي
صفاء:كدا خلتيني أخبط البت أنا أسفه يا بنتي ولله كنت قصداه في نور
نور:وأنا مالي يا لمبي إنتي إللي حبيتي تظهري مهاراتك القتاليه قدامها
ليلي:ولا يهمك يا طنط عادي
صفاء وهي تذهب الي المطبخ:حسابك معايا بعدين
نور:حسابك تقل خالص بس أنا عامله خاطر للحج إللي نايم جوه
ذهبت صفاء إلي المطبخ بعد يأسها من الكلام معها وجلست نور تتحدث إلي ليلي
نور: إيه يابت ده أنا لو منك أطلب تعويض تلتلاف جنيه
دي جت في راسك
ليلي:في عيني
نور..:كمان لا ده كدا مش أقل من تذكره سفر لتركيا
ليلي:ههههههههههه يا جامده....هو إنتي كل يوم كده
نور:طبعآ فاكره لما كنت باجي الجامعه بدري كان بسببه أنا لو في يوم غاب عنى بحس في حاجه غلط ...تقدري تقولي بقي شئ أساسي
ضحكت ليلي بشده علي خفة دم صديقتها وفي هذه اللحظه خرج فتحي من غرفته (والد نور)
نور وهي تسرع وترتمي في أحضان والدها..:اه يا سندي وحشتني أوي
فتحي بأبتسامه وحنان..:وإنتي وحشتيني يا حبيبتي
خرج إسلام من غرفته
إسلام:وأحنا مش هنطول من الحب جانب..ثم ذهب إلي والده ليسلم عليه
ستووووووب**
فتحي النجار والد نور وإسلام لديه من العمر ٥٢عام يعشق أسرته وخاصته نور وهو يعمل في أحد المصانع مهنه متواضعه وهو حنون جدآ ويسعي دومآ الي سعادة أسرته
باك**
فتحي بعد جلوسه ..:عامله إيه ليلي..وإيه أخبار محمود والدك
ليلي:الحمدلله كلنا بخير يا عمو
فتحي:الحمد لله يا بنتي
ظل الحديث بعض الوقت في مواضيع مختلفه ولم تخلو من مشاغبات نور ثم قام الجميع لتناول الغداء
وبعدما أنتهو إستأذنت ليلي للذهاب
~~~~~~~~~~~~~~~~~~~~~~~~~~~~~~~~
أما عند مروان الذي كان يجلس علي سريره يعمل علي حاسوبه الخاص وأتاه إتصال من صديقه علي
مروان:خير يا علي في حاجه
علي:إنت سمعت إيه إللي حصل لشركه الدمنهوري
مروان ببرود:اه...ويلا سلام علشان وريا شغل
علي..:بس مش كتير عليه كدا يا مروان دا الراجل خسر كل حاجه
مروان بغضب...:علييييييي أنت عارف أن أنا مش بحب حد يدخل في حاجه أنا عملتها ولو عايز صداقتنا تستمر يبقي تلتزم حدودك
ثم قام بإغلاق الخط وهو يشعر بالغضب وظل شاردا بعض الوقت حتي أفاق من شروده علي صوت أخته تستأذن بالدخول..عاد مروان إلي طبيعته بسرعه حتي لا تشعر بشئ مروان......:إدخلي يا حياه
حياه:وحشتني أوي أنت كنت فين كل ده
مروان:معلش أنا كان عندي شغل كتير أوي إنهارده وجيت متأخر أنا أسف...هو كان في حاجه
حياه بنفي:لا مفيش بس أنا كنت عايزه....
مروان:عايزه إيه يا حياه
حياه..:كنت عايزه فلوس علشان كل الفلوس إللي معايا خلصت
مروان:من غير استأذان روحي بكره وحولي المبلغ إللي إنتي عاوزاه
حياه:ربنا يخليك ليا
مروان:ويخليكي ليا يا حبيبتي روحي يلا وركزي في مذاكرتك يا دكتوره
حياه وهي تخرج من الغرفه:حاضر
خرجت من الغرفه وأستكمل مروان باقي أعماله
ستوووووب**
حياه اﻷسيوطي أخت مروان الوحيدة في ٢٠من عمرها مازالت تدرس في كليه طب هي فتاه تشبه أخاها كثيرآ في شكله حيث تمتلك عيون زرقاء وشعر أشقر وطويل وجسد رشيق وبشره بيضاء وجميله
~~~~~~~~~~~~~
أما في شركة الدمنهوري كان يجلس في مكتبه حين دخل عليه مساعده ويبدوا عليه الذعر الشديد
محمد مساعد الدمنهوري...:الحق يافندم حصلت مصيبه
الدمنهوري وهو يقف بخوف..:إيه إللي حصل
محمد...:في ناس تحت بتحجز علي الشركه وبيقولوا إن الشركه أعلنت إفلاسها
الدمنهوري بغضب...:إزاي حصل كل ده
محمد..:أنا معرفش حاجه يافندم هما إللي بلغوني بكدا
خرج الدمنهوري من مكتبه وذهب إلي المكان المتواجد به رجال الأمن المسؤلين عن اغلاق الشركه
الدمنهوري...:ممكن أفهم إيه إللي بيحصل هنا
رجل الشرطه...:إحنا بنفذ التعليمات يافندم
الدمنهوري بغضب...:أوامر إيه انا مش همشي من هنا...وبعدين مين إللي عمل كدا
رجل الشرطه .:مروان بيه الصقر
سمع محمود هذا الاسم وقد صعق من هول المفاجأه فمن لايعرف من هو مروان الصقر وماذا يفعل في من يحاول الوقوف أمامه
رجل الشرطه..:يافندم من غير شوشره بعد إذنك إتفضل بره الشركه علشان نكمل شغلنا...إحنا بنتعامل مع حضرتك بكل هدوء ومش عايزين نعمل أى مشاكل
اتفضل
سار محمود الدمنهوري من الشركه وهو ينظر أمامه بشرود وحزن علي ماحدث له............
~~~~
وهكذا يكون قد أنقضي أول يوم علي أبطالنا ومازال لا أحد يعلم ما ينوي له القدر
*وماذا سوف يحل بالدمنهوري وأسرته *
*وما علاقه نور بهذهي القصه*
بقلم/ Hager Ahmed💙
رواية ما اختاره القدر الفصل الثالث 3 من هنا
لقراءة الرواية كاملة اضغط هنا (رواية ما اختاره القدر)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
