رواية ما اختاره القدر الفصل الثالث 3 بقلم هاجر أحمد
رواية ما اختاره القدر البارت الثالث 3
رواية ما اختاره القدر الجزء الثالث 3
رواية ما اختاره القدر الحلقة الثالثة 3
رواية ما اختاره القدر بقلم هاجر أحمد
 |
| رواية ما اختاره القدر |
رواية ما اختاره القدر الفصل الثالث 3
#ما_اختاره_القدر
بارت3
أشرقت شمس يوم جديد ولكن كالعاده لا أحد يعرف ما سوف يختاره القدر
فتحت نور عينها علي صوت رنات هاتفها:يا ربي حتي الاجازه الواحد مش عارف يستمتع بيها...ثم أمسكت الهاتف ووجدت أن المتصل صديقتها ليلي
فأجابه بمرح:أخيرآ شحنتي يابت هههه
ليلي بصوت باكي:أنا محتجاكي جمبي يا نور
نور بخوف حقيقي:في أيه يا ليلي أيه الي حصل
ليلي بدموع:بابا خسر الشركه يانور
نور:أهدي بس يا حبيبتي
ليلي:أنا خايفه عليه أوي يانور من أول ما أجي وهو قافل علي نفسو ومش بيتكلم مع حد
نور:طيب أهدي يا حبيبتي وانا هاجي لك دلوقتي
ليلي:متتأخريش يانور
نور..:حاضر يا عمري خدي بالك من نفسك
أغلقت نور الخط مع ليلي وقلبها يتقطع علي صديقتها وقامت وخرجت خارج الغرفه
نور..:صباح الخير
إسلام بإستغراب:أنتِ قولتي صباح الخير يا نور لا وكمان صاحيه بدري و النهارده أجازه
نور:أبعد عني يا إسلام أنا اللي فيا مكفيني
فتحي بحنان:في أيه يا نور مالك
نور بحزن شديد بان علي معالمها:ليلي كلمتني دلوقتي وقالت ان عمو محمود خسر الشركه
صُدم الجميع من كلام نور
فتحي:ازاي حصل كدا ومحدش مننا عرف
نور:ولله يابابا مش عارفه مفهمتش حاجه من ليلي علشان كانت بتعيط أنا ها روح علشان اطمن عليها
صفاء:كلنا ها نروح مينفعش نسبهم في موقف زي ده لوحدهم
نور:تمام أنا هاقوم ألبس علشان نروح وسارت بتجاه غرفتها ولكن أوقفها صوت والدتها
صفاء:معرفتيش حاجه عن النتيجه
نور:دا حضرتك يا ماما عيزاها أكتر مني
صفاء:ما هو علشان أنا شيفاكي بارده الله يرحم شغفك للمذاكره
نور بمرح..:شغف و بقدونس(شبت و بقدونس) هههه
إسلام:هي دي نور الي أنا أعرفها
ثم أستعد الجميع للذهاب الي عائله الدمنهوري
ستووووووب**
محمود الدمنهوري والد ليلي ويمتلك شركه خارج مصر لديه من العمر ٦٠عامآ
باك**
في منزل الدمنهوري كان كل منهم يجلسون أماكن مختلفة... تحديدآ عند فتحي ومحمود كان فتحي يحاول مواساة صديقه بكل الطرق فتحي:خلاص يا محمود مافيش حاجة تستاهل زعلك
محمود:أنا خسرت كل حاجه
فتحي:متقولش كده ان شاء لله ربنا هيعوضك خير
محمود:يارب...أنا مش عارف هاعمل أيه أنا عليا ديون كتير اوي
فتحي في محاوله لتخفيف عنه:ولا يهمك الفلوس أحنا أهل أطلب اللي أنت عايزه من جنيه ونص لعشر جنيه
ضحك محمود وهو يعلم أن صديقه يحاول التخفيف عنه
فتحي:أيوه كدا أضحك كل حاجه ها تتحل بأمر لله
وفي مكان أخر عند إسلام ومازن
ستوووووب**
مازن الدمنهوري يكون أخو ليلي الاكبر يمتلك من العمر ٢٩عام ويعمل كطبيب
باك**
إسلام:ربنا يعوضكم خير عن الي حصل
مازن:أنا الي هيجنني مين الي عمل كده وهيكون أيه مصلحته
إسلام:أنتو متعرفوش مين اللي عمل كده
مازن:بابا بيقول منافسينو كتير بس ماعرفش مين الي عمل كده...بس أنا حاسس أن هما مخبيين عليا حاجه
إسلام:ماتشغلش بالك أنت بالكلام ده أهم حاجة صحه عمو محمود
مازن:عندك حق
إسلام:لو احتجت اي حاجه في اي وقت أنا موجود مازن:ربنا يبارك فيك يا اسلام
عند صفاء وهاله
ستوووووب**
هاله عثمان زوجه محمود و والده ليلي ومازن لديها ٥٤عامآ
باك**
صفاء:مينفعش كده يا هاله لازم تكوني جامده علشان جوزك وولادك
هاله ببكاء:أنا مش عارفه ليه كل ده بيحصل معانا
صفاء..:أيه الكلام ده ربنا مش بيعمل حاجه وحشه في حد والحمدلله أحنا ناس مؤمنه و راضيين بالقضاء والقدر
هاله:ونعمه بالله
صفاء:أيوه أجمدي كده أمال محمود يعمل أيه
هاله:ده من أول ماجه مخرجش غير لما أنتم جيتو
صفاء:متخافيش فتحي مش هايسيبو غير وهو تمام.
هاله:أمين يارب
أما عند نور وليلي
لم تتوقف ليلي عن البكاء أبدآ
نور:كفايه دا أنتِ خلصتي ١٠لتر ميه لحد دلوقتي يابنتي
ليلي ببكاء:مش قادره يا نور ده بابا خسر كل الفلوس الي معاه تقريبا
نور في محاوله لتخفيف عنها ..:ولله يا ليلي أنا أخر ٢٠جنيه معيا بقيه ١٠٠ جنيه أصلي شحنت وأنتي عارفه بشحن كل ٣شهور مره والباقي أشتاريت بيه مسدس بدل الي باظ للولد محمد
ليلي بضحك شديد.:هههههههههههه ولله أنا بحمد ربنا أني عندي صاحبه زيك
نور..:مش بحب أتكلم عن نفسي كتير...وبعدين ما أنتِ عندك أسنان بيضه أهو أوومال مش راضيه تضحكي ليه
مسحت ليلي دموعها لأنها تريد أخبار نور عن شئ ما
ليلي.:نور أنا عايزه أكلمك في موضوع جد
نور..:ليه جدا محنا حلوين أهو
ليلي:أنابتكلم جد
نور:الميكروفون معاكي اتفضلي
ليلي:بصي أنا عايزه أشتغل
نور:أنتي بتهزري صح
ليلي:بتكلم جد....وبعدين فيها أيه مش أحنا كنا ها نشتغل دلوقتي أو بعدين
نور:مش عارفه بس حاسه ان التوقيت نفسو غلط
ليلي:بالعكس علشان أنا عاوزه أساعدهم شويه علي الاقل علشان أصرف علي نفسي
نور:مش كلامك ده يا لمبي
ليلي:لا كلامي ها قلتي أيه
نور..:ماشي بس مش عارفه ليه مش مستريحه
ليلي:يعني موافقه
نور..:مش عارفه ولو أهلك وافقوا اهلي مش هيوافقو وبعدين أحنا مش معانا CV نقدم بيه ومين الشركه الي ها تقبل بطلبه لسا متخرجه
ليلي..:أهلي أنا هقنعهم وcv النتيجه ها تطلع قريب وأن شاء لله ها ننجح بتقدير زي كل سنه وأنا شوفت أعلان شركه كبيره طالبه موظفين..ها قولتي أيه
نور:أنتِ سبتيلي حاجه أقولها
ليلي:بفرح تمام أول ما تطلع النتيجه ها نروح نقدم
نور:عارفه يابت أنا طول عمري كان نفسي يكون عندي شركه خاصه واول مأدخل أقول ليهم أبعاتولي الاندومي بتاعي علي المكتب
ليلي:ههههههه ده أقصي هدفك في الحياة بالله انودمي
نور:يارب أفلس زي الناس أخر الشهر تعبت وأنا مفلسه من أول الشهر لأخره
ليلي:معلش يا حبيبتي تعالي علي نفسك
نور...:حرام عليكم أنا كل ما أكلم حد يقولي تعالي علي نفسك أنا نفسي مش مستحمله أكتر من كدا...بصي أنا هدي نفسي فرصه أسبوع لو متحسنش وضعي المادي فا مرحبآ بتجاره الاعضاء
ليلي:ربنا يهديكي يا حبيبتي ويعين الي ها يتجوزك
نور:ومين قال ليكِ أن أنا ها تجوز أصلآ ده عندي مبدأ
ليلي:ماشي يختي تعالي نطلع نقعد معاهم شويه برا قبل ما تمشي
~~~~~~~~~~~~~~
عند مروان
كان مروان يعقد أجتماع مهم من أجل صفقه السيارات العالميه التي سوف يقوم بإحضارها
مايكل صاحب الشركه : i am so happy because i am Dealing with you
مروان بفخر: ordinary
مايكل: Every thing is good ..please inscribe here
قام مروان بالتوقيع علي الاوراق : and it has been done
مايكل : thank you
الترجمه
(مايكل:أنا سعيد جدآ لأنني أتعامل معك
مروان بفخر:طبيعي
مايكل:كل شئ علي ما يرام أرجوك وقع هنا
مروان:بعدما أنتهي من التوقيع:لقد تم
مايكل:شكرا لك)
خرج الجميع من المكتب بعد استلام حقيبه النقود من مروان ولم يبقي سو مروان وعلي
علي:أنا حاسس أن الصفقة دي مش مربحه يا مروان
مروان:أنت أتحس الي أنت عايزه وفي الاخر تشوف النتيجه علشان الصقر عمرو ماأخد خطوه الا وكان حاسبها صح
علي:بس يا مروان شركه الدمنهوري....
قاطعه مروان بغضب.....:متجبش الاسم تاني علي لسانك وبعدين أنت شوفت بنفسك أيه الي حصل ليه أنا محيت الشركه بتعتو ومش بعيد يكون بيشحت دلوقتي..أخرج يا علي علشان ورايا شغل مهم
صمت علي تمامآ فهو يعرف ان صديقه يستطيع أن يفعل أكثر من ذلك ولا أحد يقدر علي مناقشته
خرج علي من المكتب وهو حزين من كلام صديقه معه
~~~~~بقلم هاجرأحمد
في خارج الشركه تحديدا في سياره فاخره وكان من فيها هم نفس الاشخاص الذين كانو موجودين عند مروان في مكتبه
الحوار مترجم
شخص١:كان خداعه أمر سهل جدا
مايكل:لم أتوقع أنه سوف يصدقني..لقد أديت الدور بشكل جيد
شخص١:سوف نكون أول من وقف أمام الصقر وانتصر عليه
مايكل: الان يجب علينا أن نتحرك
وقبل أنتلاق السياره حدث مالم يكن متوقع.........
~~~~~~~~
وبعد مرور حوالي ساعتين دخل علي الي مكتب مروان والعرق يتصبب بكثره:مروان ألحق الناس الي كانو هنا نصابين
مروان:ممكن تهدي شويه...ثم نادي علي هنا..هنا هاتي عصير لمون علشان علي يهدي أعصابه
علي بغضب شديد:أيه البرود الي فيك ده أنا باقول أن في ناس نصبت علينا وأنت ولا علي بالك
مروان:أولآ صوتك ميعلاش يا علي وثانيآ أنت مغفل علشان قولتلي أنك شاكك وأنا قلت ليك أني مش هاخد خطوه من غير لما أكون حاسبها صح
علي:يعني أنت كنت عارف
مروان:مافيش دبانه بتعدي هنا غير لما أكون عارف خط سيرها
علي:طيب والفلوس الي خادوها....أكيد كانت مزوره
مروان..:يعني ناس مهمه ذي كدا مش هايعرفو أن الفلوس مزوره...وبعدين أنا فتحت ليهم الشنطه بنفسي
علي..:أمال أيه الي حصل أنا مش فاهم حاجه
حكي مروان ماحدث
flash Back
مروان:أخرج يا علي علشان عندي شغل مهم
جلس مروان وهو يستمع الي محادثه بين شخصين بعد ما أنتهت المحادثة
مروان:مش مروان الاسيوطي الي يتعلم عليه من شويه عيال زيكم
ثم رفع هاتفه وطلب شخص ما وهو يخرج من مكتبه :ها نفذ دلوقتي
مايكل:يجب علينا أن نتحرك الان
وقبل أن تتحرك هذه السياره كان مروان ورجاله قد حاصروها
مروان وهو يفتح الباب الخلفي عند مايكل:were will you go mister michael
نظر له مايكل في صدمه ولم يجرئ علي النطق ولو بحرف لأنه حرفيآ دخل عرين الاسد بقدمه
مروان وهو يخاطب رجاله:نفزو الي اتفقنا عليه
ذم ذهب مروان الي شركته وهو يستمع الي صراخ مايكل ورجاله
Back
علي:وأنت أزاي سمعت الكلام الي كان بنهم
مروان:جهاز تنصت في الفلوس
علي:أنت دماغك دي سم
مروان...:مش أنا الي أخد خطوه من غير ما أكون واثق منها
علي:طيب أنت هاتعمل فيهم أيه
مروان:هما عايزين شغل جامد ما تشغلش بالك أنت...المهم عملت أيه في موضوع الموظفين
علي:ظبتط كل حاجه بس بلاش موضوع الطلبه علشان مش هايكون عندهم خبره
مروان..:ها نحط ليهم برنامج تدريب شهرين ولي هيثبت جدارته هايكمل
مروان:أنت اللي هاتكون المشرف عليهم علشان أنت أكتر واحد بثق فيه
علي:تمام يا مروان الي تشوفو
ثم خرج علي وذهب ليكمل عمله
~~~~~~~~~~~~~~~~~~
ومر أسبوع علي أبطالنا ليلي التي منشغله بوالدها و الامور التي حدثت لهم مؤخرا ومروان الذي لا هم له سوي الدخول في الصفقات ويخرج هو المنتصر كالعاده ونور التي لم ولن تتخلي عن مرحها ومهما حدث..... ياتري ماذا تخبئ لهم الايام القادمه
فتحت نور عينها علي صوت ضجيج في الخارج...:ولله الواحد مش هايعرف يرتاح في البيت ده ثم قامت من فراشها وخرجت من الغرفه
نور:صباح الخير... هو الواحد ما يعرفش ينام خمشطاشر ساعه وري بعض من غير ما حد يصحيه
إسلام..:قصدك مساء الخير الساعه وحده الضهر
نور:متاخد الخير يا إسلام ي حبيبي وانت ساكت عاوز يعني يتخانقوا معايا دلوقتي
إسلام..:مش تشوفي المواد الي شيلاها الاول..النتيجه بتاعك طلعت من شويه
نور:أنا قلت ليكم أنا مش نافعه في العلام جوزوني
إسلام:بقول ليكِ ساقطه بتقوليلي جوزوني أنتِ واعيه يابنتي
فتحي:إسلام يبهزر معاكِ أنتِ نجحتي وبتقدير كمان
نور:أنا كنت متأكدة أساسآ ومصدقتوش
أسلام:رينا يزيدك تواضع كمان وكمان
ثم رن هاتف نور
نور:أنت عارف أنا كان بيجيني هاتف في ودني بيقولي أني هنجح بتقدير
إسلام:والهاتف ده جاب رقمك من فين
نور وهي تقوم برمي الوساده علي إسلام وتضحك ضحكه مزيفه..:هي هي هي خفه...ثم دخلت غرفتها لتجيب علي ليلي
ليلي:ألف مبروك يا قلبي
نور بمرح:لله يبارك فيكي يا كليتي
ليلي:ههههههههههه ولله نفسي يكون في مساحه للجد في حياتك
نور:عايزه كام جيجا هههغهغغغهههههغغغ
ليلي:يابنتي بس بطلي الالش ده...ثم تابعت ما تنسيش هانقدم في الشركه يوم الحد
نور..:نور ليه مانروح بكره
ليلي:بكره أزاي يا عبقرية افندي ...بكره الجمعه
نور:اه صحيح خلاص ماشي
ليلي:حبيبتي ماتنسيش
نور:يعني أنتِ يا حوريه البحر بتتصلي بيا علشان كده
بدل ما أتقولي آخد لصحبتي ٢كيلو قشر موز ولا قشر لب حتي وأجي أزورها ندله من يومك هههههههه
ليلي:حوريه البحر ههههههههههه سلام ي نور دلوقتي علشان ماما عيزاني ههه
نور:يلا سلام
ثم قامت نور بارتداء ملابس الصلاه لتأدية فرضها
ودخل عليها إسلام وهي ساجده بعدما أنتهت نور من صلاتها
إسلام..:كنتِ بتصلي
نور:لا كان في نمله فرحها اليوم وبظبطها...وبعدين أيه شغل المداهمه ده في حد يدخل علي حد كدا
أسلام: تصدقي انا الي غلطان أن جيت ليكي
نور:نفسي تفصل مابين شغلك في القسم وهنا أحنا مش مجرمين علشان تعاملنا كدا
إسلام:بغض النظر عن الهري الي بتقوليه ده..أنا عايزك في موضوع مهم فياريت تكبري عقلك وتفهميني
نور..:لا أنت صغر عقلك وأفهمني
مسح إسلام علي وجهه بيده في محاوله منه لتهدئة نفسه
إسلام:نور أنا عايز أخطب
نور بفرح:أحلف
إسلام...:وأنا ها كذب عليكِ ليه يعني
نور..:ومين سعيده الحظ دي يا إسلام..واحده أنا أعرفها صح
إسلام:لا...مظنش
نور:طيب أنت عرفتها ازاي
إسلام:بصراحه كدا أنا كنت بحميها في ببجي
دخلت نور في نوبه ضحك شديده من كلام أخيها
إسلام:ماتهدي يا نور أنا ماقلتش نكته يعني
نور:ههههههههههه ولله يا إسلام أنت بتهزر
إسلام:أيه الغلط في ده
نور:الموضوع كله غلط...أنت قلت لماما
إسلام..:ما أنا جاي ليكِ علشان كده
نور..:ولله وأنت متخيل ان ماما ها توافق على حاجة زي كده بسهولة
إسلام:حاولي يانور مش ها تخسري حاجه
نور:أمري لله هحاول
خرجت نور وإسلام من الغرفه وجلست نور بجانب والدتها
نور...:عامله أيه يا صفصف
صفاء:بخير الحمد لله
نور..:طيب الحمد لله يا حبيبتي
صفاء..:عايزه أيه يا نور
نور:أنا معجبه بقوة الملاحظه بتاعت حضرتك جدا...و
صفاء:نوووووووور
نور:أنا بقول ندخل في الموضوع علي طول.....أنت أيه رأيك في البنات الي بتلعب ببجي
صفاء.:لا تكوني عاوزه تلعبيها يانور
نور:أنا يا ماما هالعب الحجات دي
صفاء:بحسب علشان الكلام ده فارغ يعني أيه بنت تفضل تكلم في ولاد والبنت من الاساس ما تلعبش لعب ضرب نار وقرف البنت مكانها المطبخ
نور..:بغض النظر عن الجمله الاخيره كلامك صح ولا أيه يا إسلام
إسلام:أنا متفق مع ماما في كل كلمه بصراحه والغريب بقي يا نور أنك جاي تسألي في الموضوع ده لعله خير
نظرت نور الي إسلام و رفعت حواجبها..:هي كده أنا كنت بسألك يا ماما علشان إسلام كان عاو.........
قاطعها إسلام بسرعة:نور روحي الاوضة هتلاقتي
شنطه كبيره فيها شكولاته خديها ليكي...ثم اخفض صوته الحمد لله انا كده اتاكدت اني مينفعش اقول ليكي علي حاجة تانى.. الحمد لله انها جت في موضوع هزار
نور..:سمعتك علي فكره
صفاء:ولله أنا مش فاهمه منكم حاجه أنا ها قوم أشوف باباكم
بعد ذهاب صفاء
نور:بتسلمني تسليم أيادي يا حضره الضابط
إسلام:يابنتي انا كنت بختبرك بس علشان لما اجي اقول ليكي حاجة بجد اراجع نفسي الف مره...نفسي بجد تسمعي كلامي
نور وهي تذهب الي غرفتها:لو كل مره فيها شكولاته يبقي موافقه
إسلام:أنتِ مش بيروح ليكِ حق ابدا....ماديه اوي
ثم دخلت نور الي غرفتها
وهكذا مر اليوم سريعآ علي أبطالنا
~~~~~~
بقلم/ Hager Ahmed💙
رواية ما اختاره القدر الفصل الرابع 4 من هنا
لقراءة الرواية كاملة اضغط هنا (رواية ما اختاره القدر)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
