رواية ما اختاره القدر الفصل الرابع 4 بقلم هاجر أحمد
رواية ما اختاره القدر البارت الرابع 4
رواية ما اختاره القدر الجزء الرابع 4
رواية ما اختاره القدر الحلقة الرابعة 4
رواية ما اختاره القدر بقلم هاجر أحمد
 |
| رواية ما اختاره القدر |
رواية ما اختاره القدر الفصل الرابع 4
بارت4
#_ما_اختاره_القدر
في صباح يوم جديد فتحت نور عينها علي صوت خطبة الجمعه وكان صوت الشيخ عذب جدآ تستريح اﻵذان لسماعه.... وأن صوت الآذان من أحسن الأصوات التي يمكن أن يستيقظ عليها أي احد
نور:يا سلام إيه الصوت الجميل ده ياريت كل يوم يكون جمعه علشان أصحي علي الصوت ده....ثم خرجت من الغرفه وهي تشعر بالسعادة ﻷن أحد لم يزعجها اليوم
نور:صباح اﻷناناس علي أعز الناس
صفاء..:صباح كنتاكي علي المواعين إللى مستنياكي
نور وهي تجلس علي الكرسي بتذمر..:أنا بقول ليكي ايه وأنتي بتقولي إيه...هو بابا و إسلام فين
صفاء:في المسجد
ثم دق الباب
صفاء:أفتحي الباب يانور
نور:والله ربنا المستعان هو كل حاجه علي نور
صفاء:هاتقومي ولا
نور:قايمه أهو
فتحت نور الباب فوجدت أن الطارق جارتهم أم محمد سعاد
سعاد:عامله إيه يابت يانور ولله ليكي وحشه
نور:الحمد لله..وهو صحيح ياطنط مافيش أخبار عن عمو سعد الله يرحمه
سعاد..:كده يبت ي نور
نور..:الحق عليا إللى بسأل عليه بدل ماهو من يوم ما مات مش بيجي يزورني
سعاد بضحك: ههههههه ولله أنتى نكته يانور
ثم دخلت نور هي وسعاد وأبنها الصغير محمد
صفاء:إزيك يا سعاد عامله إيه
سعاد:الحمد لله تمام...ثم وجهت كلامها إلي نور معلش محمد عليه إمتحان بكره خديه و راجعيله
نور:معلش يا طنط مش خليها العصر اكون فوقت شويه
صفاء:لا تسمعي الكلام أو تعدي تغسلي المواعين
نور وهي تضغط علي أسنانها وتبتسم :حاضر...تعال يا محمد
دخلت نور ومحمد داخل الغرفه..نور بعد جلوسها:عليك إمتحان إيه بكره
محمد:كل المواد
نور:ماده جديده دي ولا إيه مكانتش موجوده علي أيامنا
محمد:لا إحنا هنمتحن كل المواد في يوم واحد
نور..:ماشاء لله العلم بيطور يا ولاد وبتوع الثانوي العام شايفين الويل ربنا يكون في عونهم(ولله أنتى بت عسل أوي يانور وأنا حبيتك لله في لله كده ولله دا إحنا بنتذل بس علشان نمتحن ربنا يكملها لينا علي خير)
نور.:طيب فاكر حاجه من إللي إنت خدته
محمد:اه فاكر
نور:طيب يلا قول
محمد: ثاني أكسيد الكربون ممكن يتحد مع am أو is أو are ويكون زاويه حاده في الأمعاء الدقيقه
نور:لا ونسيت أنو بيقع في الحدود الجنوبية الغربية...إيه إللي إنت بتقولو ده
محمد..:ما إحنا هنمتحن كل المواد في يوم واحد
نور:تروح أنت تجمع كل المنهج في كلمه....أنسى إللي أنت قولته دلوقتي وأنا هسألك وأنت تجاوب
محمد:ماشي
نور..:ماهي المياه العذبه
محمد..:هي المياه الغير متزوجه
نور:ولا أنا مش ناقصه هبل إللي فيا مكفيني....جاوب عدل...بلاش السؤال ده هسأل سؤال تاني...من أين نحصل علي المياه الجوفية
محمد بعد تفكير:اه عرفت من الجوافه
نور بغضب:ولا أنت عندك خال أهبل أو عمه هبله..يعني إحنا بنحيب المياه العذبه من العزبه
محمد:صح يا مس
نور:طيب بلاش الميه خالص..لماذا سميت قناه السويس بهذا الأسم
محمد:علشان السفن بتمشي بسويس بسويس
وضعت نور يدها على راسها من التعب:أنا تعبت وجالي صداع ربنا يسامحك يا اخي
محمد:عارفه أنا الأستاذ في المدرسه بيحبني أوي حتي بيقولى أنت هتكون معايا السنه الجايه كمان
نور:بيفهم
محمد:إنتي سألتيني وأنا لا
نور..:علشان المفروض أنا إللي بذاكر ليك مش العكس
محمد..:طيب أنا هسألك سؤال
نور:أتفضل
محمد:عربيه مش عايزه تشتغل ليه
نور..:مش عارفه ليه
محمد:عايزه تكمل دراستها
نور بضحكه مذيفه:هي هي هي دمك خفيف اوي ما شاء الله..... ثم قامت وخرجت من الغرفه
نور:طنط أبنك عندك... الأول علي المدرسه إن شاء لله
سعاد:تعبك معاه يا نور
نور:محمد لا ياطنط ده أدب إيه وأخلاق إيه ونكت إيه أنا كنت بقوله نهزر شويه طيب ناخد بريك وهو مصمم علي المذاكره
سعاد:ماشي يانور....أستأذن أنا بقى علشان متأخرش علي الولاد
نور بصوت منخفض:اخيرا انا شويه وكنت هعيط من ذكائه
سعاد:بتقولي حاجه يا نور
نور:بقول خليكي أتغدي معانا
سعاد:ربنا يحفظك يلا سلام
ثم ذهبت سعاد وإبنها محمد
نور بعد ذهاب سعاد:إيه ده يا ماما الواد محمد ده جامد اوي كان فاضل يقولي بنجيب المياه الجوفية قالي من الجوافه
صفاء:ههههههه ربنا يهديه....معلش يا حبيبتي إستحمليه علشان خاطر طنط سعاد
نور:ماشي
إنتهت الصلاه وعاد إسلام وفتحي
نور.:إيه ده الصلاه خلصت
إسلام:لا الشيخ طلعنا فسحه
نور بضحكه مزيفه..:هي هي هي هييي
فتحي:بس يا إسلام أنت ونور
نور:أنا معملتلوش حاجه يابابا
فتحي:خلاص يانور
صفاء:يلا غيرو الأكل جهز
ثم جلس الجميع يتناولون الطعام في هدوء وبعد الإنتهاء من الغداء أخذ الجميع إستراحة ثم جلسو سويآ
فتحي..:نور قومي إعملي شاي
نور..:عارف يا بابا كان تلات يوم ما كبرت وبقيت بعرف أعمل الشاي ههههههه
فتحي..:هههههه قومي يا مجنونه
نور..:حاضر
ذهبت نور لعمل الشاي وإنتهت منه وخرجت إليهم مره آخرى
إسلام بعدما تذوق الشاي:إيه ده ليه تقيل كده
نور..:إستني هاجي أشيله معاك
إسلام..:بطلي تقل دم بقي يا حجه
نور:بس يا عم
إسلام:خلينا صحاب أحسن
نور:مصاحبش الفرافير حتي لو راكبين فراري هههههه
إسلام..:هي بقت كده
نور:اه
صفاء:نور إسلام أهدو علشان أتفرح علي المسلسل
نور...:لا نص ساعة وهيبدء مسرح مصر
صفاء..:المسلسل الخليجي بتاعي هيبتدي
إسلام:أنا مش عارف إنتى إزاي بتتفرجي عليهم ده كل ما الباب يخبط عندهم الفجر الظهر العصر المغرب والعشاء بيقولوا مين جاي لينا الحين أنا مش عارف عايزين الناس تجيلهم أمتي
نور..:لا ياريت كدا وبس تفضل تقول..طلقني ياجاسم ..ما بطلق، أقول طلقني...تنتي طالق..كدا طلقتني يا جاسم ههههههههههه
صفاء:شايف ياحج عيالك بتتريق عليا إزاي
فتخي:بس يا ولد أنت وهي
نور:إحنا بنهزر خليك فريش يا حج
فتحي:إنتى بتجيبي الكلام ده منين يا نور
نور..:من عند بتاع الكلام ههههههههههه
صفاء:نتكلم جد شويه سعاد كانت هنا الصبح وكانت جايبه عريس لنور
نور:هي طنط سعاد عمرها ما تجيب لينا حاجه حلوه أبدا
صفاء..:ملكيش دعوه يابت
نور..:أنا مش عايزه أتجوز ومش هتجوز.....أنا هحوش وأسافر
صفاء:بطلي جنان وبعدين مش تحمدي ربنا إن في حد بص في وشك ده إللي قدك دلوقتي شايلين مسؤلية
نور..:ربنا يخليكي ياغاليه إنتى الوحيده إللي ما قولتليش ألف واحد يتمناكي مشاء لله ما بتجامل
إسلام:إنتي عيزاها تكذب وتتحاسب علي الكلام ده
نور..:أنا تعبت هدخل أنام
صفاء:إستني بس نخلص الموضوع ده
نور..:تعبانة مش قادره خليكم أنتو قاعدين مع جاسم
صفاء:ماشي يا أخرة صبري
~~~~~~~
وهكذا مر يوم آخر علي أبطالنا ولا أحد يعرف ماذا سوف يحدث بعد
~~~~~~
جاء اليوم المنتظر يوم ذهاب نور للعمل في الشركه فتحت نور عيناها علي صوت رنات هاتفها....أجابت نور دون النظر إلي من المتصل
نور بصوت ناعس..:الووو
ليلي..:إنتي لسا نايمه يا بتتت قومي
نور:يا مستفزه إنتي متصله علشان تقولي يلا إنتى لسه نايمه...اه نايمه إستريحتي
ليلي:إنتى نسيتي يا نور إحنا النهارده هنروح نقدم في الشركه
نور:هي الساعة كام
ليلي:٦ونص
نور..:طيب لسه بدري هنروح نبيع لبن يعني
ليلي:قومي يانور علشان هنتأخر
نور..:إقفلي بت دلوقتي
ليلي:أتأكد أنك قومتي الأول
نور..:إقفلي يا شيخه هي كانت ناقصه زن علي الصبح
ثم قامت نور رغمآ عنها وخرجت من غرفتها
إسلام:هي الشمس أشرقت من الغرب نور صاحيه الساعه ٧
نور..:إبعد عني علشان أنا متدايقه دلوقتي
إسلام..:انا جيت جمبك يابت ولا هو تلكيك وخلاص وبعدين مش علشان صحيتي بدري في يوم هتتجني
صفاء وهي قادمه من المطبخ:صباح الخير يا نور..ليه صاحيه بدري كده
نور..:صباح النور....هنروح نقدم أنا وليلي في شركه النهارده
صفاء..:بلاش شغل يا نور إنتي عايزه تتعبي نفسك وخلاص
نور..:هنجرب يا ماما بدل ما أنا قاعده في البيت لغسيل المواعين
صفاء.:إللي تشوفيه..
نور..:هو بابا فين
صفاء:نايم جوه...أنا حاسه أنو تعبان بس مش عايز يقول
نور بقلق..:في إيه يا ماما أنا خفت
صفاء..:ولله أنا مش عارفه...بس متخافيش إن شاء لله خير
إسلام:تعالي يانور هنروح نشوفه
صفاء..:لا خليك يا إسلام أنا كنت عنده من شويه وكان عاوز يستريح
إسلام:حاضر
نور..:طيب أنا هقوم ألبس ولو حصل أي حاجه كلموني
صفاء..:إن شاء لله يا حبيبتي
ثم دخلت نور لتغير ملابسها والذهاب وقفت نور وقت طويل أمام الملابس
نور..:يووووووه فين الطقم ده كان هنا امبارح..ثم رفعت صوتها وندهت علي والدتها..مامااااااااااااا
صفاء من الصاله..:في إيه يا نور
نور:الدريس الإسود بتاعي فين
صفاء:إللي فيه خرز أبيض من فوق
نور وهي مازالت في غرفتها:اه هو
صفاء:ساره جت خدتو إمبارح علشان هتطلع مع صحابها إنهارده علشان التخرج
نور وهي تخرج من الغرفه:خدتو إزاي يعني
صفاء..:جت إمبارح..ولما عرفت أنك نايمه فقالت خلاص فأنا
نور بمقاطعه:فإنتي قولتيلها ولا يهمك خديه...الله ينور عليكي...ألبس أيه دلوقتي أنا
صفاء..:إلبسي أي حاجه من الدولاب
نور..:أنا كنت ناويه ألبس حاجه من التلاجه شكرآ يانبع الحنان...منا أكيد هالبس من الدولاب
صفاء:صفاء لازم نقف جمب البنت حرام ومهما كان إحنا جيران
أستسلمت نور للأمر الواقع ودخلت إلي الغرفه لترتدى شئ أخر قامت بإخراج دريس من اللون النبيتي الغامق ويوجد به ورد من اللون اﻷفوييت
نور وهي تخرج من الغرفه مره أخري..:الخمار الأفوييت فين يا ماما
صفاء..:ما هي ساره خدته هو كمان علشان تكمل الطقم
نور..:يعني أنا دلوقتي لو طلعت بشعري عادي أهم حاجه ساره قدام صاحبها
صفاء..:معلش يانور لازم تستحملي
نور..:طيب فين البونيه
صفاء:مش هو كان مع الطقم
نور وهي تضغط علي أسنانها..:إديتها حاجه تاني قبل ما أدخل أدور
صفاء:إستني كده
نور:إحكي يا شهرزاد
صفاء:خدت الجزمه والساعه...بس
نور:بس...لأ عيب ميصحش كان في حلق و شراب أنا جيباهم مع الطقم..ليه مخدتهمش بالمره
صفاء:المره الجايه
نور:مفيش مره جايه علشان لو حاجه من هدومي نقصت هبلغ الشرطه
خرج إسلام من الغرفه وسمع أخر جمله قالتها نور
إسلام:بتندهي يانور
نور:جيت في ميعادك...شوف أمك إللي وزعت هدومي على الجيران
إسلام...:إحمدي ربنا أنها جت علي قد كده
صفاء..:وفيها إيه يابت مش مفروض إحنا أهل وبنساعد بعض
نور..:نساعد بعض مش نقشط بعض
إسلام..:ما علينا التيشرت الإسود بتاعي فين...إوعي يكون في حد جه طلبو وخدو إنتي عارفه مش بحب ألبس مكان حد
نور..:قصدك على التيشرت الإسود الحلو ده
إسلام:اه الحلو ده
نور بتوتر..:لا مش عارفه فين
إسلام بغضب:أنتتتتتي عارفه يا بنتييييي إني مش بحب حد يلبس مكاني
نور بخوف من إسلام..:أنا مش حد أنا أختك يعني الأخت ليها إيه عند أخوها غير أنها تاخد التيشرت الإسود بتاعه
نظر إليها إسلام بغضب شعرت نور انه سوف يضربها
نور..:إسلام أنت ظابت و عارف إن المتهم برئ حت تثبت أدانته و أذا سبتت إدانته فهو إنسان
إسلام..:ده لما يكون إنسان وبيحس
نور..:ما بالك بقى بحيوان وغلط..وإن لله غفور رحيم
إسلام:اﻹعتراف بالحق فضيلة..ويلا خلصي علشان أخدك في طريقي
نور..:ربنا هو إللي بياخد
إسلام..:نوووووور
نور وهي تذهب مسرعه إلي الغرفه:فورررررررريره
ضحك إسلام بشده علي طريقه نور المضحكه فمهما فعلت سوف يظل يعتني بها مثل طفله صغيره
نور..:أنا خلصت يا سمسم
إسلام..:ايه سمسم دي
نور..:بدلعك في إيه
أسلام.:متدلعينيش تاني علشان نكون حلوين مع بعض...ثم نده علي والدته ليسألها إن كانت تريد شئ...ماما عايزه حاجه إحنا خارجين
صفاء..:ربنا معاكم خدو بالكم من نفسكم وإبقي كلميني يانور
نور..:إنتي محسساني إني هموت
صفاء...:بعد الشر عليكي يا مجنونه
نور..:تحسبا لأي حاجه إعملو فيا زي الفراعنه حطولى كل حاجه معايا الموبايل والشاحن واللب أبو ٥جنيه إللي كنت مشترياه إمبارح
إسلام:مش عايزه أبو ورده يسليكي
نور:لا مش عايزه كفايه عليا لحد كدا هيكون معايا في كل حاجة حتي دي
إسلام بضحك....:هههههههههههههه يلا يا مجنونه
سبقت نور إسلام وفتحت الباب فوجدت رجل غريب واقف امامها
إسلام..:خير يا أستاذ أتفضل
الشخص:جاي ليكم كهربا
نور وهي تنظر الي الخارج..:إخلف كهربا بتاع الأهلي وقول معاه الشناوي جايين يطلبو إيدي صبرتي ونلتي يانور
نظر الرجل إلي نور بدهشه وإسلام يكاد ينفجر من شده الضحك
إسلام وهو يتمالك نفسه..:نور ده محصل الكهربا مش قريب كهربا
نور..:إحلف
إسلام..:والله
نظرت نور إلي الرجل وهي تقول..:مش تقولي يا عم إنك بتاع النور أنا كنت هانده علي ماما تعمل شربات
الرجل...:إنتي هايفه يابنتي كدا ليه
نور..:لا ولله مش أنا بس ممكن أطلع نانسي ههههههههههه
إسلام..: معلش سيبك منها حسابك كام
الرجل..:(****)
قام إسلام بدفع المبلغ الذي قال عليه الرجل ثم ذهب
إسلام بعد ذهاب الرجل..:بقي كهربا والشناوي جايين عندنا البيت
نور.:أنا إيش عرفني يعني أنه محصل النور
إسلام..:طيب يلا أمشي قدامي
ثم نزلت نور وإسلام إلي السياره
إسلام بعد ذهابه بالسياره..:هي إيه أسم الشركه إللي إنتي رايحاها يانور نور..:معرفش بس ليلي قالت واحد من أغني الأغنياء أسمو الأسد الصقر النمر حاجه في الرنج ده حاجه من رنج الزواحف ههههه
إسلام..:ده مش أسم شركه دي جنينة حيوانات فعلا
نور:ههههههههههه ولله يا إسلام أنت ظابط نكته...متشغل لينا مهرجان إخواتي أو أندال او تلت دقات
إسلام..:يابنتي كوني رقيقه وإسمعي حاجه تليق بالبنات
نور..:يعني المشكله عندك في إني هسمع أيه...مش في إني هسمع أساسآ...وبعدين انا بهزر معاك انا بطلت اغاني من زمان اوي..بس اوقات بشوف أسمائهم علي النت
إسلام:فخوربيكي بيت ي نور
نور..:طبعا طبعا مش محتاجه اتكلم عن نفسي
أسلام:.. بطلي لماضه ويلا وصلنا
نور وهي تنزل من السياره:مع السلامه يا سوسو
إسلام بغضب..:بلاااااااش الدلع إللي يموع النفس ده
نور.:ماشي يا عم أنت قلبت كد ليه
ثم إنطلق إسلام بسيارته مسرعآ قبل أن تصيبه تلك الصغيره بالجنون
ثم سارت نور في طريقها إلي منزل ليلي
بقلم/ Hager Ahmed💙
رواية ما اختاره القدر الفصل الخامس 5 من هنا
لقراءة الرواية كاملة اضغط هنا (رواية ما اختاره القدر)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
