رواية ما اختاره القدر الفصل الخامس 5 بقلم هاجر أحمد
رواية ما اختاره القدر البارت الخامس 5
رواية ما اختاره القدر الجزء الخامس 5
رواية ما اختاره القدر الحلقة الخامسة 5
رواية ما اختاره القدر بقلم هاجر أحمد
 |
| رواية ما اختاره القدر |
رواية ما اختاره القدر الفصل الخامس 5
بارت5
#_ما_إختاره_القدر
وصلت نور إلي منزل ليلي ودقت الجرس ثم جاءت ليلى وفتحت لها
نور..:إيه ده أنتى لسه ملبستيش ومصحياني من الساعه ٦
ليلي....:أدخلي الأول مش هنتكلم على الباب يعني
دخلت نور مع ليلي إلي غرفه الضيوف
نور..:الميكروفون معاكي
ليلي وهي تأخذ نفس عميق..:نور أنا مش هينفع أروح
نور..: اي ده يابت إنتي مكلماني الصبح وقلتيلى أجي بدري
ليلي:هحكيلك كل حاجه...أنا كنت هقدم في شركه مروان الأسيوطي وده واحد من أغني أغنياء العالم
ثم تابعت ببكاء...وهو بردو السبب في إللي حصل لشركه بابا...وأنا كنت عايزه أنتقم منه علشان إللي عمله فينا
نور..:خلاص ياحببتي مفيش حاجه تستاهل إنك تزعلي علشانها....وبعدين ما إحنا ممكن نروح وننفذ إللي كنتي ناويه عليه
ليلي..:مش هينفع علشان بابا تعب إنهارده الصبح وكمان أنا لو روحت هيعرف بسهوله إني أنا بنت الدمنهوري وأكيد جايه عندو علشان أعمل حاجه...عادت ليلي للبكاء مره أخري وكمان مروان ده محدش يقدر يقف قدامه حتي أحنا مقولناش لمازن عليه علشان إحنا خايفين منه
نور في محاوله لتخفيف عنها..:أنا كل ده ميهمنيش أنا صحيت بدري إنهارده مين هيعوضني
ليلي بضحك رغمآ عنها..:ههههههههههه معلش بقى علشان خاطري المره دي
نور.:أصرفها من أى بنك دى
ليلي..:خلاص ولله أنا كنت خايفه وإستنيتك تيجي علشان أتكلم معاكي
نور..:خلاص بطلي زن أنا همشي علشان متأخرش
ليلي بإستغراب..:متتأخريش ليه...أنتي هتروحي فين
نور بتوتر..:اا...لا ولا حته أنا مروحه بس
ليلي بشك في الموضوع ولكن دون أن تعقب..:تمام يانور معلش تعبتك معايا
نور..:ولا يهمك يا بنت عمو الدمنهوري...انا متحملاكي لوجه لله هههه
ليلي:ههههههههههه مشاء لله مستواكى بيتقدم
نور..:أوي
ليلي..:إنتي هتروحي تعملي أيه
نور..:يعني أنا هعمل أيه هروح أنام
ليلي..: يا بنتي أنتي مش بتعملي حاجه في حياتك غير النوم
نور..: الكسل أم العادات السيئة.....لكنها أم ويجب إحترامها هههههه
ليلي..:ههههههههههه ربنا يهديكي يانور دا إنتي خلصتي علي القلش إللي في البلد كلها هههههه
نور..:تؤ تؤ مش أنا إللي خلصتها علشان انا إللى إخترعتها أساسا هههههه
ضحكت ليلى بشده علي طريقه نور ثم غادرت نور
وهل سوف تعود نور إلي المنزل مثل ما قالت لليلي أم سوف تذهب إلي مكان أخر
~~~~~~~~~~~~~~~~~~~~~~~~~~~~~~~~
في منزل نور كانت صفاء في الغرفه التي يوجد بها فتحي
صفاء وهي تعطي فتحي الدواء..:ألف سلامه عليك...أنا مش عارفه أنت ليه شايل هم الدنيا مفيش حاجه تستاهل
فتحي بصوت كله تعب...:أنا خايف علي الولاد من بعدي هيعملو أيه
صفاء.:ماتقولش كده بعد الشر عليك
فتحي..:كلنا لها ومفيش حد بيهرب من قدره...أنا كان نفسي أعمل ليهم حاجه...تنفعهم
صفاء..:ده مش في إيدك والولاد مقدرين كده وفاهمين
فتحي..:بس أنا مكنتش عايز نور تلجئ للشغل
صفاء..: بدل قعدتها في البيت وبعدين هي مكنتش هاتروح لكن ليلي ضغطت عليها
فتحي..:ولله أنا مش عارف هعمل أيه لما تتجوز البيت ملوش طعم من غيرها
صفاء..:بكرا ربنا يكرمها بإبن الحلال إللي يحافظ عليها
فتحي..:إن شاء لله..... كح كح كح كح
صفاء.:خلاص إرتاح أنت دلوقتي ومتتعبش نفسك
ثم خرجت من الغرفه وأغلقت النور وتركته يستريح
~~~~~~~~~~~~~~~~~~~~~~~~
خرج مروان من مكتب اﻹجتماعات الذي كان يجري فيه صفقه مهمه وكان علي يسير بجواره ذاهبون إلي مكتب مروان
مروان...:كل حاجه جاهزه....كام عدد المتقدمين للشغل لحد دلوقتي
علي..:اه كل حاجه زي ما قولت يا مروان بيه....حولي ١٠تلاف
مروان..:نص ساعه وتعملي إجتماع مع الموظفين الجدد
علي..:بس أخر ميعاد للتقديم بكره
مروان بحزم وهو يفتح باب مكتبه الخاص..:نص ساعه ولا موظف جديد يدخل الشركه
علي..: حاضر يا فندم
مروان وهو يتحدث إلي هنا قبل الدخول إلي مكتبه..: هنا إبعتيلي كل ورق المتقدمين الجدد...وإبعتي فاكسات لكل المتقدمين علشان هيكون في إجتماع بعد نص ساعه
هنا..:تمام يا مروان بيه
ثم دخل مروان إلي مكتبه يراجع أوراق الموظفين
وفي مكان أخر في شركه الصقر دخلت فتاه جميله إلي الشركه وهي تنظر لها بنبهار شديد
_بقي كل دي شركه دي أكبر من الشارع بتاعنا كله
(وطبعآ عرفنا من هي.....ومن سيكون غيرها نور بطلتنا المتهوره ) دخلت نور إلي الشركه وهي فاتحه فمها ببلاها من جمال و فخامة الشركه ولكنه شيئ طبيعي بالنسبه للصقر الذي يمتلك في كل رقعه من الأرض أفخم القصور والشركات
موظفة الإستقبال وهي تخاطب نور:إتفضلي يافندم أزاي أقدر أساعدك
نور :أنا كنت جايه علشان أقدم علي وظيفه
موظفة الإستقبال...: إتفضلي إستريحي يافندم وأنا شويه وهنده علي حضرتك
نور وهي تنظر تلي ما ترتديه الموظفه وبصوت منخفض..:هو إنتي مش بردانه
الموظفه..:بتقولي حاجه يافندم
نور..:أيه....لا بقول في دبانه
ثم ذهبت نور إلي المكان التي أشارت لها الموظفه عليه وهي مازالت تنظر إلي الشركه بإعجاب شديد وتنظر إلي الموظفات ماذا يرتدون ونظرت إلي الملابس التي ترتديها وظلت تحدث نفسها..هما هيقبلوني إزاي في الشركه دول كل إللي شغالين هنا لابسين حاجات مش حجات...ثم تابعت في محاولة بث الثقه في نفسها..:بس إن شاء لله ربنا معايا ومش هيخذلني بعد مرور نصف ساعه جاء علي إلي مكتب مروان
علي..:كل حاجه جاهزه يا مروان
مروان..:طيب روح أنت وأنا جاي وراك
خرج علي من المكتب في طريقه إلي غرفة اﻹجتماعات ولكن أوقفه صوت موظفة الإستقبال..:أستاذ علي
علي..:خير في أيه يا وفاء
وفاء..:اﻵنسه إللي هناك ثم أشارت علي نور جت قدمت الورق علشان الوظيفة
علي وهو ينظر إلي نور بإنبهار من إحترامها ﻹنه أول مره يري فتاه ترتدي ملابس محتشمه بهذا الشكل
وفاء..:روحت فين يافندم..أعمل أيه
علي..:مش عارف مروان بيه قال إن محدش يدخل جديد
وفاء..:طيب أنا هاروح أقول لها
ثم سارت وفاء بإتجاه نور تحت نظرات علي
وفاء..:أنا أسفه جدآ يافندم بس المدير استكفي ومش هيقبل حد تاني
نور بغضب وصوت شبه عالي..:يعني إيه أنتي سيباني أقعد كل ده وفي اﻵخر تقوليلى معلش إستكفينا هي لعبة عيال وبعدين إنتو كاتبين إن أخر ميعاد بكره
جاء علي بسرعه عندما سمع صراخ نور
علي..:في أيه يا وفاء
وفاء:اﻵنسه بتزعق علشان بقولها إن إحنا مش هنقبل أي موظف تاني
علي.:يافندم دي أوامر المدير وبعدين دي شركه محترمه مينفعش إللي حضرتك بتعمليه ده
وفي هذه الحظه خرج مروان من مكتبه
نور..:ولله لو دي شركه محترمه كنتم إحترمتم المواعيد
سار مروان بإتجاه تلك التي يعلو صوتها أنحاء الشركه في غضب
مروان بغضب...:ممكن أفهم إيه الدوشه دي
نور..:إنت شكلك المدير ممكن أفهم أنت إزاي تقولهم إن محدش يدخل وأخر ميعاد بكره
مروان ببرود..:أولآ صوتك ميعلاش ثانيآ أنا حر دي الشركه بتاعتي وأعمل إللي أنا عايزه ومش مروان الصقر إللي يرجع في كلمه قالها
نور..:أنت لو كنت زي ما بتقول كده وقد كلمتك مكنتش ترجع في كلمتك يا مروان الصقر
صعق جميع من يشاهد المنظر من جرأة نور التي تقف أمام الصقر بكل جرأه ومنهم من لا يقدر علي رفع رأسه عندما يتحدث معه
تدخل علي قبل أن يقوم مروان بسحق نور وتحطيمها
علي..:إتفضلي معايا يا فندم
قام مروان بإيقاف : علي
مروان وهو ينظر إلي نور بتحدي..: أستني يا علي خد cv بتاعها وحطه علي المكتب بتاعي وإنتي يا وفاء وريها مكان الإجتماع
علي بدهشه.: إنت بتقول أيه
مروان وهو يغادر المكان..:نفذ إللي بقوله بالحرف
نظر علي إلي وفاء بدهشه منذ متي يغير الصقر رأيه من أجل أحد ذهب على لينفذ ماطلبه منه مروان ثم أخذت وفاء نور إلي مكان اﻹجتماع جلس الجميع في انتظار قدوم المدير.....وبعد وقت قصير دخل مروان بكل شموخ إلي مكان الإجتماع وقف جميع الموظفين عند دخول مروان(عنده شخصيه مروان برضه)
ثم قامت هنا السكرتيره الخاصه ب مروان بتقديمه للموظفين الجدد
هنا..:ده أستاذ مروان المدير وطبعآ هو غني عن التعريف
مروان...:أحب أقول ليكم إن أنا معنديش حاجه إسمها تهاون في الشغل حاسس نفسك مش هتكون قد المسؤليه يبقي تتفضل من دلوقتي علشان أنا عندي الغلطه بفوره عندكم تدريب شهرين إللي هيقدر يثبت نفسه هيكمل وإللي مش هيقدر يبقي ده مش مكانه أنتم هتكونو بتمثلو واحده من أكبر الشركات في العالم وطبعآ إنتو سمعتوا عن سلسله شركات الصقر وعن الشغل فيها فخر لأي حد وﻵي حد ليه الفخر بس إنه يتكتب إسمه في أقل وظيفه هنا
ثم ختم مروان كلامه...:ياريت الكلام يكون مفهوم محدش يستهان بالتدريب علشان مش هيكون زي أي تدريب شفتوه في أي مكان وطبعآ مش محتاج أفكركم إن ده مش أى مكان...مفهوم
نطق جميع الموظفين في وقت واحد:مفهووووووم
كانت نور تتابع كلام مروان بكره شديد لأنه تسبب في حزن صديقتها وعائلتها وهي تقول في نفسها هل المال فعلآ يجعل الناس هكذا مثل مروان يتفاخرون علي من هم أقل منهم وأيضآ تعرف أن مهمتها صعبه جدآ ﻷن نور قد قررت الذهاب إلي شركة مروان لمعرفه شئ عنه لتستطيع مساعدة صديقتها به ولكنها لا تعلم أنها بذالك سوف تدخل عرين الأسد بنفسها ولكنها مازالت لا تعلم من هو الصقر
دخل مروان إلي المكتب ومن خلفه علي
مروان..:وريني الملف الشخصي بتاعها في إيه
علي..:صدقني يامروان هي مش عارفه أنت مين
مروان..:متقلقش قريب أوي هتعرف
علي..: أنت ناوي علي إيه
مروان..:ماتقلقش أنا لسه محسمتش مصيرها معايا وبعدين أنا حاسس إن هي مش هتخاف وهتعمل حاجه تاني
علي..:ولو محصلش منها حاجه
مروان..:يبقي خلاص بتعرف تشتغل تفضل...ويلا روح أنت علي شغلك خليني اشوف cv بتاعها في إيه خرج علي وظل مروان ينظر إلي الاوراق في يده بتمعن شديد
مروان...:نور فتحي النجار..شكلك حابه تعرفي مين هو الصقر.......ثم تابع وهو ينادي علي هنا....ثم دخلت هنا إلي المكتب
هنا..: إتفضل يا مروان بيه
مروان..:الموظفه نور فتحي النجار تاخد ضعف الشغل
هنا..:بتاعة مشكله الصبح
مروان..:ايو هي ولو حصل أي حاجه قولولي عليها فورآ
هنا..:حاضر يافندم......
....ثم خرجت من المكتب كان مروان يفكر في تلك التي تجرأت عليه ولم يسبق ﻷحد وفعلها من قبل وظل يسأل نفسه هل حقا هي لا تعرف من الصقر هل يوجد أحد أخر لم يسمع عنه ولكن هي حازت علي جزء كبير من تفكيره..... كان مروان يفكر هكذا في الوقت الذي ذهبت فيه هنا إلي نور
هنا..: إتفضلي يافندم ده المكتب بتاعك
نور بصدمه وفرحه في نفس الوقت..: بجد ده المكتب بتاعي
هنا...:ايوه....ثم اشارت إلي مجموعه كبيره من الورق موضوعه علي المكتب....مفروض حضرتك تراجعي كل الورق ده
نور..:كل ده بس ده كتير جدآ
هنا..:معلش يافندم وأظن إنك سمعتي كلام مستر مروان...عن إذن حضرتك
نور بعد خروج هنا..:بقي عمو الي بيزعق كل ثانيه ده مستر ...لا و إيه كمان صاحب كل الشركه دي ياتري إيه وراك تاني يا عصفوره...ولله عصفوره لايقه عليه أكتر من الصقر..بس إيه المكتب ده وقال إيه ماما بتقولي الأوضه بتاعتك واسعه..لا هي كان قصدها أوسع من الحمام ههههه..ثم جلست نور علي المكتب وبدأت في تصفح الورق
بعدد مرور حوالي أكثر من خمس ساعات جاء علي إلي مروان يطلب منه أن ياتي إلي الإجتماع المهم ﻷنهم سوف يعقدون إجتماع مع شركه(***)الالمانيه
خرج مروان مع علي وهنا من المكتب تحت نظرات اﻹهتمام من نور....خرجت نور من مكتبها وهي تسير ببطء بإتجاه مكتب مروان وهي حرفيا لا تعلم عن ماذا تبحث..... دخلت إلي المكتب الذي كان يتسع لبناء منزل مكانه فكان المكتب جميعه من زجاج وممكن رؤيه جميع المباني الموجوده حوله كأنه مثل ناطحة سحاب ويوجد أيضا مناظر طبيعية جميله ظلت نور تنظر إلي ذلك المنظر الجذاب وتناست تماما لماذا جاءت إلي هنا وتناست أيضآ أنها تقف علي الجزء الخاص بالصقر الذي ممنوع علي أحد دخوله إلا القليل
نور...:يا سلام لو حد فيهم يشغلني خدامه هنا ولله هكون شاكره فضله جدآ
وفجأة جاء صوت من خلفها
_متقلقيش أوعدك هنفز ليكي امنيتك
وضعت نور يدها علي قلبها ولم تجرؤ علي النظر لرؤيه من هذا الشخص الذي غالب هي تعلم صوته جيدا...إستجمعت نور كل قوتها والتفتت إلي الوراء لتعرف أن من يقف خلفها وكان هو الشخص الذي جاء علي بالها...وكان يقف بشموخه المعتاد
نور..:هتصدقني لو قلتلك اني معملتش حاجه
مروان..:لا
نور..:شفت
مروان...:كنتي بتعملي إيه هنااااااا
نور..: أنت بتهزر.....هل أنت بتهزر ماقولنا ولا حاجه
مروان بنظره خبيثه...:تمام إتفضلي إمشي
نور..:قول والله
مروان..:بقول ليكي بره
نور وهي غير مصدقه هل سوف يتركها بهذه السهوله ولكن أسرعت إلي الخارج دون تفكير وهي تتنفس براحه
وذهبت وأكملت عملها وأخيرا حان وقت الإنصراف حملت نور أغراضها وخرجت من الشركه مسرعه جدا وهي لا تصدق انها نجت منه ولم يصيبها اي شئ...... وقامت بإيقاف سياره ولكن قبل أن تركب العربه شعرت بأحد يضع منديل علي فمها وغابت عن الوعي......
بقلم/Hager Ahmed ♥️
رواية ما اختاره القدر الفصل السادس 6 من هنا
لقراءة الرواية كاملة اضغط هنا (رواية ما اختاره القدر)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
