رواية جيت يا رمضان الفصل الثالث 3 بقلم إسراء إبراهيم
رواية جيت يا رمضان البارت الثالث 3
رواية جيت يا رمضان الجزء الثالث 3
رواية جيت يا رمضان الحلقة الثالثة 3
رواية جيت يا رمضان بقلم إسراء إبراهيم
 |
| رواية جيت يا رمضان |
رواية جيت يا رمضان الفصل الثالث 3
المستر بعصبية: بتغش في رمضان ياض؟ مافيش إيمان ولا ضمير حتى؟
الولد برعب: يا مستر مش بغش أنا فاكر الإجابة بس مش فاكر أول كلمة فيها فقولت أبص أفتكر وبعدين أكمل يعني مساعدة بسيطة
المستر بسخرية: يا حبيبي يا بني لا بجد فرحتني قد إيه البراءة هتنط من وشك وتعمل فيضان في الفصل
الولد بخوف: يا مستر ما هو كله باجتهادي أهو، يعني أنا تعبت وسهرت عشان أكتب الكلام دا كله عشان ماخدش مجهود حد وكدا أبقى بغش والغش حرام
المستر بانبهار: لا بجد أقنعتي
وبرق للولد برعب وغضب وقال: أنت جاي تضيع صيامي هنا ولا إيه؟ قوم اقف يلا وارمي الورق دا بدل ما أجي أبلعه ليك
الولد بحزن: وتفطرني يا مستر
المستر وهو يشد في شعره من الذي يحدث قال: تعالى ياض هنا قدام وحل وأنت واقف
الولد: لا يا مستر ركبي بتوجعني
الكل الطلاب ضحكوا عليه
أتى مدرس من جنبهم وقال: مين دا اللي ركبه بتوجعه؟
الولد بضحكة بلهاء: أنا يا مستر، الواحد حقيقي عضمه بيوجعه والمادة اللي في المفاصل وقعت وركبي بقت بتزيت وبتطرقع لما بوطي ولا أمشي
ضحك المستر وقال: حالتك صعبة يا بني، ومشي من قدامه
بقى الولد واقفًا وفي الآخر سلم الورقة نصها فاضي والنص التاني حله بالهبد
بعد ساعة انتهى وقت الامتحان، وطلعت منى ونيرة وهما يراجعون
فقالت: أنتِ يا بنتي الواحد خايف ماكنتش عارفه الإجابة كاملة
بقلم إسراء إبراهيم عبدالله
نيرة: خير إن شاء الله المهم نعرف الغلط بتاعنا عشان ماتكررهوش تاني في امتحان آخر السنة
مشت وكان في أولادولاد يقفون على الطريق يشربوا سجاير
فقال واحد منهم: تعالى نجرب نعاكس كدا ياض
وقال: بسم الله ما شاء الله قمر يا أخت منك ليها
نيرة ومنى ولم يلتفتوا لهم ولا عملوا أي حاجة
بعدوا عنهم فقالت نيرة: إيه الهبل اللي بيحصل دا، حتى بيعاكسوا في رمضان؟
منى بضحك: بيعاكس إزاي قال يعني معاكسة محترمة وكدا؟ ربنا يهدي شبابنا يا رب حقيقي الواحد بقى في زمن غريب
نيرة: فعلا يلا بقى سلام زمان أخويا جه من الشغل وجابلي الفانوس
منى: طفلة سلام ياختي خلي بالك وأنتِ طالعة عالسلم
نيرة بسخرية: ليه هيقابلني كمين فوق ولا السلم بدون فرامل؟
منى: اللهم إني صايم، مش هرد عليكي وهمسك لساني عشان ماضيعش صيامي
نيرة بضحك: شطورة، يلا سلام
وطلعت نيرة على بيتهم، وكملت منى طريقها وهى تذكر الله، مرة تستغفر ومرة تسبح لغاية ما وصلت بيتهم
دخلت منى وألقت السلام، ودخلت تصلي فرضها
أما أخاها فلم يذهب للامتحان ولا أي درس قاعد يلعب في الموبايل
بعد لما انتهت منى من الصلاة جلست بجانب أخيها فقالت: ماجيتش الإمتحان ليه يا بني؟
أخيها بدون اهتمام: مابحبش مادة التاريخ
منى بضيق: يا بني أنت هتتجوزها؟ ما تذاكر وخلاص خليك تعدي من أم السنة دي
أخيها: فكك يا بنتي هبقى أحل كويس معقولة يعني مش هكون عارف تاريخ بلدي الحبيبة اللي اتولدت فيها
عيب تقولي الكلام دا ليا يا بنتي
منى: طب هقولك إزاي محمد علي تولى الحكم؟
ياترى إيه الإجابة اللي هيبهرها بيها؟
#جيت_يا_رمضان
#بارت3
#إسراء_إبراهيم_عبدالله
رواية جيت يا رمضان الفصل الرابع 4 من هنا
لقراءة الرواية كاملة اضغط هنا (رواية جيت يا رمضان)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
