رواية الفتاه التي فقدت شرفها الفصل الأول 1 بقلم إسماعيل موسي

رواية الفتاه التي فقدت شرفها

رواية الفتاه التي فقدت شرفها الفصل الأول 1 

الفتاه التي فقدت شرفها 

الحلقه الاولى

كنت مرميه على الأرض مربوطه من ايديه ورجليه والدم وسخ ملابسى كلها، لطخ التراب تحتى والتصق بالقش والورق

فاقده للوعى ودموعى جفت على وشى لما لقيونى

اخواتى خدونى ورمونى فى العربيه من غير ما يتكملمو معايا او يسألونى ايه الى حصل، كان كل همهم مدحش يشوفنا

اول ما وصلنا البيت حبسونى فى اوضتى، لما اخويا الصغير قال عايزين نجبلها دكتور امى صرخت فيه دكتور ايه الى نجيبه، هي ناقصه فضايح اكتر من كده؟

انحبست فى غرفتى ليالى كتيره مش بتلكم، ببكى بس، كأنى مت محدش من اخواتى فتح باب غرفتى ولا اتكلم معايا ولا حتى يصبح عليا، كانو بيبصولى بقرف لما نظرتنا تتلاقى صدفه

وبقيت خادمه صامته، لازم اقوم من النوم الساعه خمسه الفجر ولو اتاخرت اتجرجر من شعرى واضرب

اليوم كله اكنس، امسح، أكوى، لكن مطبخش كلهم قالو مش ممكن ناكل من ايد واحده مقرفه

التليفون ممنوع، التلفزيون ممنوع، الشارع ممنوع، فتح الشباك ممنوع 

الكلام ممنوع، حتى انى اقول تعبانه ممنوع كل ده ممنوع على البنت إلى فقدت شرفها

ابويا قال تقى ماتت، عشان كده لما حد كان بيسأل عليا من اصدقائى او الجيران كانو بيقولو ماتت

لحد ما جه اليوم إلى والدتى تعبت فيه ومكنش فيه حد فى البيت غيرى وكانت محتاجه دراء من الصيدليه 

نزلت الشارع كأنى اول مره أمشى على رجليه، الشمس كانت غريبه بالنسبه ليا

حتى وشوش الناس كانت غريبه

جسمى كله كان بيرتعش مع كل خطوه بمشيها فاكره كله حاجه حصلت

صفحة الكاتب على الفيس بوك باسم اسماعيل موسى 

الليه إلى رجعت فيها من الدرس متأخره ومشى ورايا شابين، مشيت بسرعه عشان ابعد عنهم

كنت هجرى وانا عماله اتلفت لورا مخدتش بالى من الاتنين إلى كانو منتظرنى قدامى

حطو قماشه على انفى وخدرونى

يتبع

رواية الفتاه التي فقدت شرفها الفصل الثانى 2 من هنا

لقراءة الرواية كاملة اضغط هنا (رواية الفتاه التي فقدت شرفها)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)