رواية التحدى المستحيل الفصل الأول 1 بقلم إسراء هانى
رواية التحدى المستحيل البارت الأول 1
رواية التحدى المستحيل الجزء الأول 1
رواية التحدى المستحيل الحلقة الأولى 1
رواية التحدى المستحيل بقلم إسراء هانى
 |
| رواية التحدى المستحيل |
رواية التحدى المستحيل الفصل الأول 1
"نفسي اوي احب واتحب واعيش جنون وعذاب الحب "
كانت تستمع لها اختها لتنفجر بالضحك عليها
هناء : تحبي بمنظر الراجل ده .. يا بنتي انتي قمر ليه عاملة بنفسك كدة
رحمة: عشان مش لازم البس قصير وعريان عشان اعجب
هناء : انا محجبة ومش بلبس قصير وعريان بس لبسي لبس بنات مش رجالة .. طيب بلاش لبسك انتي اي واحد بيفكر يتكلم معاكي بتدي باللي برجلك لو طلب رقم بابا بتقتلي
رحمة : معرفش بقى بخاف بقلق منا مش عارفة .. مش احسن ما احب واحد الامل فيه مستحيل
سكتت هناء قليلا ونظرت لرحمة بألم وهمست : مش في ايدي والله العظيم حاولت
رحمة بحزن لحال اختها وقالت : ممثل يا هناء لا ومغني كمان ونص بنات البلد بتجري وراه واكيد عمل علاقة مع مليون ازاي فكرتي في كدة
تنهدت بوجع وهمست : لمحته في الجامعة اكتر من مرة كان مختلف عن اي حد معرفش ايه اللي في مميز بس اهو بس بعدها غنى في حفلة الجامعة كان صوتوا تحفة يجنن سمعت البنات بيتكلموا فيلموا الاخير تحفة والبومه الاخير يجنن ومعرفش ايه كأني تشليت فوت نت وبحثت عن الأغنية ولقيته فنان مشهور ما احنا معندناش حتى تلفزيون اعرف وابعد عرفت بعد اما بقى حلمي الوحيد .. مش بعيد ااقدر اغيرو مش يمكن يكون هدايته على ايدي
رحمة : ان شاء الله هو صح عشم ابليس بالجنة خصوصا مع بابا الذي يوصفهم بالفجرة والفسقة هه هه برأيي توافقي عالعريس افضل
هناء : مستحيل انا جايلي شغل مؤقت في استوديو تصميم ديكورات لفيلمه الجديد عملت المستحيل لاوصل للمخرج واقنعه وان شاء الله حلفت نظرو ويحبني وبعدين نفكر في اقناع بابا
رحمة : مش خايفة تكوني زيك زي اي وحدة
هناء باصرار : حكون عندو الدنيا كلها وحتشوفي
دخلت عليهم اختهم الكبيرة نفين متزوجة من رجل غني لكنه لعوب لاقصى درجة وهي لا تستطيع ان تمسك عليه شئ ..
هناء بسعادة: حبيبة قلبي منورة انتي عنا النهاردة
نفين: ايوة وحنام هنا وحنسهر
رحمة: حلو اوي حنروح الجامعة عشان ما نطردش ونشوفك واحنا راجعين باااي
كانت هناء تجلس على احد المقاعد بانتظار الدكتور حتى اشتمت رائحته هبط قلبها بشدة ولكنها لم ترفع رأسها
دخل القاعة والبنات تشير اليه نظر الى مكان فارغ وجد بجوارها مقعد اقترب منها لكنها لم ترفع رأسها بعد
مد يده وهمس بابتسامه ساحرة : هاااي انا زين الشريف اكيد عارفاني
رفعت رأسها تنظر له بطرف عينيها وهمست بنصف ابتسامة دون تسليم : اهلا
جلس بجوارها بضيق فهذه اول مرة ترفض فتاة سلامه تجمعت حوله الفتيات تسلم وتتصور معه لكنها لم ترفع رأسها تظاهرت بالدراسة وهي تكاد تجن من الغيرة
دخل الدكتور فجلس الجميع مكانهم
زين : هو انتي تعرفي انا مين
رفعت وجهها نظرت له وقالت بسخرية : لا والله ما حصليش الشرف
زين : ليه ما بتتفرجيش على التلفزيون
هناء: ما بفضاش للكلام الفاضي عندي حاجات أهم
دقق النظر في عينيها الزيتونية وسكت قليلا
اخفضت عينيها بخجل
زين : انتي عارفة انه عينيكي حلوة اوي
تجمدت أطرافها وكادت تسقط قتيلة
هناء بجدية : اعتقد في حواليك مليون بنت من شويا كانوا ممكن تعاكسهم هما ... بص قدامك وسيبني بحالي
نظر امامه باستغراب وعقله بتلك الفتاة التي لم تبدي له اي اهتمام
نظر لها بطرف عينيه كانت منتبهة على الشرح
هناء بضيق : ما تبص قدامك يا اخي ايه ده
زين بضيق : انتي فاكرة نفسك حلوة ولا ايه شايفة نفسك على ايه
هناء : لا مش شايفة نفسي انت سيبني في حالي
زين : وان ما سبتكيش
هناء : انا سايبالك المحاضرة كلها
استأذنت من الدكتور وخرجت تحت دهشته
جلست في الكافتيريا قلبها يدق بسرعة لقد كانت بجانبه وتكلمت معه يالا سعادتها .. وايضا تستحق جائزة على تمالك اعصابها ولم تنهار او تقبله من شدة عشقه ...
امسكت الكتاب تحاول الدراسة لكنها لم تستطيع التركيز رائحته في كل مكان حولها
بعد وقت شعرت به يقترب جلس على أحد الكراسي واتت البنات حوله تسأله عن فيلمه الجديد والالبوم استاذن منهم وجلس لمحها امامه لكنها لم تنظر له نهائيا تتظاهر بالقراءة وهي متوترة للغاية
وائل صديقه ومساعده : ايه سرحان بإيه
زين ؛ مين دي
نظر وائل مكان ما ينظر ليرد بضحك : ايه طرقعتلك
زين : خفيف .. لا بس تصدق ما تعرفنيش ولا بصتلي حتى
وائل باعجاب مبطن : البت دي واختها سيف مالهمش بالعوج ابدا انا بس حاولت اكلمها كنت في مكتب العميد تاني يوم
زين : اووف
وائل: ايوة مستعد ادفع اي مبلغ بس اصاحبها مجرد صحاب عادي تدخل القلب كدة
زين : ما تتجوزها بما انها عجباك كدة
نظر لها وائل قليلا ثم همس ؛ ياريت بس وحدة زيها حتاخد واحد الحمد لله اشهر من نار على علم بالستات سيبك انت اخبار الفيلم الجديد ايه
زين : متحمس اوي وحغني فيه غير اي فيلم عملته
وائل : وحتمثل مع شهد النوري يا عم مين قدك
زين : دي بقى علة الفيلم ما بحبهاش بس مضطر
وائل : ظبطني معاها والنبي
لكن زين ما زال ينظر لتلك التي لم تلتفت حولها يريد رؤية تلك العينين مرة اخرى
في صباح اليوم التالي كان عليهم اختبار مع دكتور معاملته صعبة تأخر زين عند العميد لطلب تسهيلات من اجل عمله دخلت عليهم هناء
العميد : هناء تعالي عاملة ايه
هناء بابتسامه: الحمد الله كويسة كنت عايزة حضرتك بموضوع
العميد : حخلص مع زين واكلمك
لم تنظر له ايضا كز اسنانه بغيظ
هناء : طيب عندي امتحان حارجع بعد الامتحان
العميد : اوك
لكن زين تأخر على الامتحان استأذن للدخول وكان الدكتور غليظ
عاصم : انت عارف ما بدخلش حد بعدي تفضل
زين : بس الامتحان
اشار له عاصم لكنه اوقفه يد هناء
عاصم : ايوة يا هناء
هناء : كان عند العميد يا دكتور انا كنت من شويا وشوفته
نظر لها زين باستغراب
عاصم بتفهم : تمام اتفضل يا زين ياريت ما تتكررش
مشى ناحيتها رفعت عينيها تنظر له حدق لتلك العينين كاد قلبه يخرج من مكانه
جلس بجوارها وهمس : متشكر
هزت راسها بتفهم وبدات تجيب على الامتحان حاول الإجابة لكنها شتت تركيزه
زين : وبعدين بقى
رفعت رأسها تنظر له باستغراب همس بغيظ : مش عارف اركز منك
رغما عنها ابتسمت ابتسامة كادت تودي بروحه اظهرت غمازتها
هناء : سمي الله كدة وحاول الامتحان بسيط
زين بضيق : كنت براجع السيناريو وما قرأتش
هناء : ده غلطك لو مش عارف تفصل بين شغلك ودراستك يبقى تأجل شغلك حاول وان شاء الله حتقدر
عاصم بضيق : هناء هاتي ورقتك
رفعت رأسها تنظر بحزن
هناء ببداية دموع : دكتور انا ..
عاصم : اعطيني ورقتك وتفضلي
نظر زين للدكتور بغيظ شديد يريد ضربه لم يعرف ماذا يفعل
مشت هناء للدكتور وأعطته الورقة وخرجت تبكي بشدة وزين ينظر لاثرها بألم
&&&
رحمة أخت هناء الكبرى جميلة جدا لكنها ترتدي ملابس اشبه بملابس الرجال ومحجبة وواسعة
رن هاتفها امسكته لتجيب ولم تنتبه لسيارة كانت ستصدمها لتجد يد تسحبها بعيدا لتسقط فوقه
التفت لتنتبه انها كانت ستصدم بالسيارة
وقفت تعدل ملابسها وهمست بخجل : متشكرة
نظر لها قليلا وهمس : حلوة اوي
رحمة برفعة حاجب : هيا ايه
علي : العربية حلوة اوي
رحمة بضيق: عن اذنك
علي : انا علي .. دكتور علي السمري
رحمة بسخرية : اشهر من نار على علم
مسح على شعره بحرج وقال : حاسس تلميح مش حلو
علي : عن اذنك
اوقفها بيده امامها وهمس : معرفتش اسمك
نظرت له بطرف عينيها وتركته وذهبت
علي : جامدة بنت الايه
ذهبت لحضور باقي محاضراتها فالفصل بأوله وبعد ثالث محاضرة همست : حموت ايه ده من اول اسبوع كدة
وعند المحاضرة الأخيرة دخل الدكتور لتشهق رحمة
علي : انا دكتور علي السمري حعطيكو بدال دكتور رائد لانه سافر وان شاء الله نكون كويسين مع بعض
مشى بالممر قليلا ليلمحها ابتسم تلقائيا اقترب منها وهمس : القاعة منورة
نظرت له بضيق واخفضت عينيها تنظر للكتاب
بدأ بالشرح وكان شرحه رائع .. فهمت منه كثيرا وكانت تسجل كل ما يقول لاحظ تركيزها اوقفها وسألها واجابت إجابة نموذجية
وعند انتهاء المحاضرة اقترب منها يريد الكلام لم ترد عليه ولم تستمع له امسك يدها يريد ايقافها ليتفاجئ بصفعة على خده اذهلت كل من في القاعة
رحمة بحدة : مش من حقك يا دكتور يا محترم تمسك ايدي
تركته وذهبت تحت غيظه وحقده وغله
&&&&
نفين .. اكبر الاخوات فتاة هادئة رقيقة تزوجت زواجا تقليديا كانت نعم الزوجة لكنها دائما تشعر ان زوجها يخونها بل متأكدة من ذلك
شادي بحدة وهو يمسك يدها بقوة : قولتلك مليون مرة بطلي تطبي عليا في الشغل مش حتوصلي لحاجة
نفين: وبما انك ما بتعملش حاجة خايف ليه
شادي : عشان ما بحبش اكون محل شبهات كل شويا وانك تخرجي بدون اذني انا قولتلك انا باشتغل وبس
اشتمت ملابسه وهمست بضحك : اه وليه مغير برفانك لحريمي
شادي بتوتر " اجتماع وكان في ستات عادي
اقتربت منه حتى اصبحت تتنفس آنفاسه وهمست من بين اسنانها : حقتلك ان مسكتك يا شادي
شادي بضحك : هو انتي تعرفي تقتلي نملة
مشى بيده على خدها وهمس : ما تيجي اقولك موضوع
نفين بقر"ف : ابعد عني مش طايقاك
حملها بقوة وهمس امام شفتيها: ما فيش بنات اجمد منك يا نيفو خليكي واثقة فيا وفي نفسك انتي تجنني اي حد
قبلها بقوة قبلات متتالية وهمس بهيام : بحبك
واستطاع بخبرته ان يسحبها لعالمه وينسيها اي شئ
التحدي المستحيل بارت ١
#يتبع
اسراء هاني شويخ
رواية التحدى المستحيل الفصل الثانى 2 من هنا
لقراءة الرواية كاملة اضغط هنا (رواية التحدى المستحيل)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
