رواية التحدى المستحيل الفصل الثانى عشر 12 بقلم إسراء هانى
رواية التحدى المستحيل البارت الثانى عشر 12
رواية التحدى المستحيل الجزء الثانى عشر 12
رواية التحدى المستحيل الحلقة الثانية عشر 12
رواية التحدى المستحيل بقلم إسراء هانى
 |
| رواية التحدى المستحيل |
رواية التحدى المستحيل الفصل الثانى عشر 12
صوت دق على الباب بقوة ...
_ده بيت مصطفى مهدي
مصطفى باستغراب : ايوة انا
_ انت مقبوض عليك المدعو شادي النوري قدم وصولات امانة باسمك
شهقت نفين وركضت لحضن امها تبكي بقوة
والجميع ينظر له بدموع شديدة
عمر بتماسك: ينفع اجيبه معايا يا باشا
كان الظابط يعرف عمر فوافق
نفين : عمر انا عايزة اجي معاك
عمر بحنان : خليكي انا حطمنك ما تقلقوش
خرج عمر برفقة والده وهو يتظاهر بالتماسك فالمبلغ كبير لا يستطيع تدبيره ...
وبقيت رحمة وهناء ونفين يبكون بشدة
نفين : انا السبب انا السبب قالي ان ما رجعتيش حسجنه انا لازم اروحله
وقف رحمة امام الباب وهمست بحدة ودموع : لا مش حتروحيله وبابا حيخرج ان شاء الله مش حتروحي تتهاني وتتضربي انتي فاهمة
احتضنت اختها وبكوا بشدة ..
جلس عمر برفقة احد الظباط وفهم منه الموضوع وجعل والده يسجن بغرفة وليس بالسجن حتى يجدوا حلا
عاد عمر للبيت ليركض الجميع نحوه
نفين : عمر طمني ابوس ايدك
عمر بحزن : المبلغ كبير انا معايا ٥٠ الف بس المووضوع فيه ٣ سنين
شهق الجميع وبدؤا بالبكاء مرة اخرى
رحمة : وانا معايا ٣٠ الف من شغل المركز
نورا : وانا معايا دهب ب٢٠ الف
هناء ببكاء : وانا معايا ٥ تلاف
عمر : للاسف مش حيكفوا احنا لازم نعرض البيت ده للبيع ونيجي في شقتي اللي متأجرها
هناء بلهفة: ايوة بسرعة اعرضها للبيع
نفين : لا انا لازم اروحله
امسك معصمها عمر وجذبها لحضنه ضمها بكل ما اوتي من حب وهمس وهو يحتضن وجهها بكفيه : مستحيل لو حبيع دمي بابا حيخرج بس مش حتكوني انتي المقابل انتي فاهمة مش حسيبك تروحي من ايديا تاني
تركها وخرجت وهي بقيت تنظر له بعدم فهم...
_ في زيارة عشانك
مصطفى بضيق : يلا
كان مصطفى رجلا عاقلا متفهما متدينا
ذهب ليتفاجأ بشادي يقف امامه بخزي
جلس مصطفى امامه وعلى وجهه ابتسامة وهمس : اهلا بجوز بنتي الغالي
شادي : عمي ابوس ايدك افهمني انا مش قادر اعيش من غيرها عملت كدة عشان ترجعلي والله العظيم مش قصدي ااذيك انا بحب نفين اوي
مصطفى بضحك : وبعدين عايز مني ايه
شادي : حتتنازل وحدفع قدهم بس اقنعها ترجعلي وانا ححطها في عينيا انا بموت من غيرها
نظر له مصطفى قليلا وتذكر عندما نفين اخبرته بطلاقها
فلاش باك
نفين : بابا انا اتطلقت
نظر لها الجميع بصدمة وهمس : ايه
نفين بدموع: ما قدرتش اتحمل الضرب والاهانة والخيا"نة... ده جبلي وحدة في بيتي
عمر بصدمة: ايه ... ليه تحملتي ده ليه وسكتي ليه انا حقوم اشرب من دمه
ركضت ووقفت امام الباب وكان في حالة هيجان
نفين : والله العظيم ان رحت لاسيب البيت وماحد يعرفلي طريق
جلس عمر على الاريكة بصدمة وبدأت نفين تروي ما حدث لها..
قام مصطفى من مكانه ونظر لها بعتاب وهمس بحزن : كنت فاكر انك بتعتبريني زي ابوكي
نفين بدموع: واكتر من كدة والله العظيم
مصطفى : لو فعلا كدة كنتي جيتي وانا كنت سففته التراب ليه تحملتي ده
نفين : كان عندي امل
ضمها مصطفى لقلبه وقال : اوعي تزعلي ابدا مليون واحد يستاهلك ... انتي زعلتي شويا هو حيفضل عمرو كله يبكي عليكي عارفة يا نفين عندي بنتين وولد بس انتي الحتة الكبيرة اللي في قلبي
نفين بدموع: ربنا يخليك ليا يا بابا
رحمة : لا والله بقى كدة يا سي بابا
هناء: وانا كنت فاكر عشان اخر العنقود اهئ اهئ اسمعي يا رحمة احنا نقت.لها ونتاويها عشان واخدة الجو ده حتى عمر لما بيشوفها ما بيشوفناش
امسكهم عمر من اذنيهم وقال من بين اسنانه تق.تلوا مين ده انا اشويكوا عالفحم نيفو ماحدش يقرب منها
ضحك الجميع وكانت نفين تنظر لهم بحب وتحمد ربها على وجودهم في حياتها
بااااك
شادي : قولت ايه يا عمي
مصطفى ببرود : في ايه
شادي : حتنازل وادفع قدهم عشرين مرة بس رجعها ليا وانا والله العظيم ما حزعلها بعمري
نظر مصطفى للظابط الذي يجلس على المكتب وقال : هيا في ايه قد ايه سجن
الظابط : من ٣ ل٥ سنين
مصطفى : يعني مش اعدام
قام مصطفى من مكانه وسار حتى وصل للباب ثم نظر له وهمس : تعرف النظرة اللي شوفتها بعينك دي هونت عليا وجع بنتي امبارح انت ما خلتش حاجة ما عملتهاش فيها ضرب وخيا"نة وإهانة وكانت شارياك لاخر لحظة وعمرها ما تكلمت عنك وحش كنت ناوي انتقم منك بس الذل اللي شايفه بعينك والحسرة افضل انتق.ام انت حتفضل طول عمرك تبكيها ومش حطولها وحجوزها سيد سيدك ... وحياة ربنا لو فيها اعدامي ولا حتكتبلي كل ما تملك باسمي ما حاطول اضفرها نفين دي اغلى من بناتي
خرج وتركه تحت صدمته من رد مصطفى ودموعه تهبط بشدة فهذا كان اخر امل لديه
ركض الى البيت ليراها ربما يقنعها ان تأتي معه حتى يتنازل وصل وتنهد ودق الباب
فتحت له رحمة اعادت غلق الباب ليدفعه بقوة دخل وصرخ : مراتي فين انا عايز مراتي
خرجت نفين على صوته وتماسكت وخرجت وهي تتظاهر بالقوة
نفين : مراتك ضايعة بتدور عليها عندنا
شادي بتوسل : نفين انا ندمت ارجعي عشان خاطري
نفين بقر"ف : وحتدلعني بالسرير زي ما كنت تقول لوائل
شادي بخزي: حتغير حاعمل اي حاجة ارجعي
نفين: تؤ ... انت عارف انا حاسة بايه وانا شايفاك كدة حتجنن وارجع طايرة فوق السحاب
شادي : انتي مراتي وحتيجي معايا دلوقتي
دخل عليه عمر بضحك وقال: مراتك مين اللي قال ..
شادي: انت تخرس خالص ... مراتي غصب عن الكل
اخرج عمر ورقه واعطاها له لينظر لها بصدمة ويداها ترجفان
شادي : ط طط طلاق انتي خلعتيني
نفين بضحك : تخيل بقى شادي النوري اللي مدوب نص ستات مصر مخلوع
احمرت عينيه بشدة واصبح يخرج شرار وامسك معصمها سيسحبها غصبا
اخرج عمر سلاحه ووجهه لرأسه وقال من بين اسنانه : اقسم بالله ط.لقة وحدة وما اخد يوم واحد سجن غوور شوفلك وحدة من طينتك ..اخذ نفين منه وادخلها بالغرفة
اقترب منه شادي بحدة وقال بهمس : عمرها ما حتكون ليك نفين ليا وبتحبني
عمر بضحك : نيفو يا قلبي
التف لها وغمز لها وهمس : احنا اتفقنا بعد العدة ما تخلص حتعمل ايه
نفين بدلع : حنتجوز يا قلبي
زادت انفاسه وقال بحدة: حتبقى تحت التراب قبلها
عمر : اجري يا ماما العب بعيد
زين ... يدور حول نفسه يومان لا يعلم عن شيئا هاتفها مغلق
زين : حقت.لك يا هناء حق.تلك انتي فين ..
لمح صديقتها سارة ركض لها كالمجنون
زين : انسة سارة انسة سارة
سارة : ايوة
زين بخجل : هيا هناء فين اصل ليها كتاب عندي وعايز اوصله ليها
سارة بحزن: اصل والدها تسجن وحالتها سيئة جدا
زين بصدمة ووجع : ايه.. ليه عمل ايه
سارة : جوز اختها كان ممضي على وصولات لما اشتري البيت ولما اختها اتطلقت منه عشانه وحش سلمهم للبوليس عشان ترجعله
زين بالم لحبيبة قلبه : ماشي متشكر يا سارة..
ذهب الى الخارج ركضا وامسك هاتفه واتصل باحد معارفه
زين : طارق باشا عايزك في خدمة
طارق : زين باشا اامرني
زين : في واحد اسمه مصطفى مهدي مسجون في قضية وصولات عايز اعرف هو وفين واخلص الموضوع
طارق : تعالي عالمكتب اخلصه
ركض زين الى طارق وفهم كل شئ
زين : يعني المبلغ ٢٥٠ الف وتتحل القصة طيب ينفع شيك ولا كاش
طارق: هات شيك وانا اخلصه
مضى زين الشيك بسرعة وهمس بلهفة: الموضوع يخلص اليوم ويخرج النهاردة
طارق: عينيا يا باشا ساعة زمن وحيكون في بيته
جلس زين في التصوير ينتظرها على احر من الجمر
في بيت مصطفى يجلس الجميع يرد على اتصالات لبيع البيت ويجهزوا اغراضهم ليدق الباب وما ان افتحت نفين حتى صرخت بسعادة واحتضنت مصطفى وهي تبكي بشدة وهو يربت على ظهرها بحنان
خرج الجميع على صوتها ليتفاجؤوا به وركضوا لحضنه وهم يبكوا بشدة ظنوا ان عمر وجد مشتري
دخل عمر البيت وهمس : انا لقيت مشتري ... بصدمة بابا انتي خرجت ازاي
ركض له واحتضنه
نفين : يعني مش انت اللي دفعت المبلغ
عمر : لا يمكن شادي تنازل
مصطفى: لا قالولي في واحد دفع المبلغ بس معرفش مين
رحمة: مش مهم المهم انك خرجت وحشتنا اوي يا بابا احتضنه الجميع بحب لكنه ابعدهم وذهب يحتضن زوجته بحنان وشوق
عمر : انا ممكن اخد البنات افسحهم يا باشا لغاية ما تخلص
نورا: اختشي يا عمر
مصطفى: ايه عايز يخرج خواته قلبه عليهم ياريت تفسحهم وتتأخر يعني عشان اكيد زهقانين كدة
رحمة بضحك: لا انا حاروح المركز بقالي يومين مش باروح
هناء : وانا حاروح الاستوديو
عمر بسعادة ؛ خلاص حاخرج نفين
ذهبت هناء راكضة الى زين فقد اشتاقته بجنون وصلت الاستوديو تبحث عنه بقلبها ذهبت لغرفته ودقت وفتحت الباب
كان يجلس على الاريكة قدماه على الطاولة ورأسه للخلف مغمض عينيه ذقنه بدات تظهر في هذين اليومين
تنظر له باشتياق ودموع
هناء : وحشتيني
فتح عينيه غير مصدق ليقف ويقطع المسافة بخطوة ويضمها باشتياق شديد وضعت يداها حول ظهره تتنفسه بجنون
زين : انا حالف اقت.لك حرام عليكي حموت والله العظيم اصعب يومين يمروا عليا في حياتي وحشتيني بجنون بجنون
هناء بدموع : وانت كمان اوي اوي
زين : ليه عملتي كدة
بدات تروي له ما حدث وتظاهر بالصدمة
زين بحنان : لو كان ليا غلاوة عندك كنتي كلمتيني وانا كنت اكيد حوقف جمبك كدة يعني يا هناء
هناء بدموع: مقدرش اطلب منك حاجة زي دي .. ما ينفعش
زين : ليه ليه ما ينفعش فيها ايه انتي روحي من جوة ادفع كل ما املك ولا اشوفك زعلانة ومتضايقة
دق الباب مدير اعمال زين وهمس : زين البنك كلمني وقالي انه في مبلغ ٢٥٠ الف جنيه تسحب من حسابك بتاع ايه ده
&&&
تعمل رحمة بالمركز وكل اشتياقها لذاك العلي الذي هو الآخر في عالم اخر نسي خطيبته فقد يفكر فيها وما السبب في بعدها عنه
ذهبت إلى الجامعة وقدمت الامتحان كأنه غير موجود عكس اشتياقه الجنوني له وهو ينظر لها بشوق كأنه لا يوجد احد غيرها في القاعة انهت الاختبار وخرجت للمركز
كانت تعمل وقت طويل حتى تفاجأت بهدوء حولها
خرجت بهدوء ترى ماذا يحدث لتسمع صوت خالد اخ مدير مركزها يتكلم في هاتفه بهدوء
خالد: انا مشيت كل الموجودين عشان ادوق ما هو لازم اعرف طعمها ايه حخلص واكلمك تدوق بعدي ... ههها مين رائد رائد بيقولك اللي زي رحمة دي للجواز ممنوع أقرب منها مش حسيبهاله
عادت للخلف بسرعة واغلقت الباب بالمفتاح ودخلت الحمام واغلقته
رحمة برعب: حاخرج ازاي طيب يارب يارب
امسكت هاتفها واتصلت بذاك العلي وهي تنتفض رعبا
كان يجلس مع خطيبته حتى تفاجأ في اتصال منها وقلبه انقبض بشدة
علي : ميرا حارد بسرعة وجاي
فتح الخط وهمس : انتي كويسة
رحمة بصوت خافت ودموع : الحقني يا علي
#يتبع التحدي المستحيل بارت ١٢
اسراء هاني شويخ
رواية التحدى المستحيل الفصل الثالث عشر 13 من هنا
لقراءة الرواية كاملة اضغط هنا (رواية التحدى المستحيل)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
