رواية تيم الغريم الفصل الخامس 5 بقلم أسرار رحمة الله
رواية تيم الغريم البارت الخامس 5
رواية تيم الغريم الجزء الخامس 5
رواية تيم الغريم الحلقة الخامسة 5
رواية تيم الغريم بقلم أسرار رحمة الله
 |
| رواية تيم الغريم |
رواية تيم الغريم الفصل الخامس 5
" أدهم واخد جميلة عنده انا رايح اجيبها لوحدي ومحدش يجي ورايا " عمو سليمان ركب عربيته وروح
مراد ركب وطلع وراه ويوسف طلع وراهم و نزل .
"أدهم انت ليه عملت كده ؟! صوت جميلة وهي بتعيط.
" أهلي عمرهم ما هيسمحوا نتجوز بطريقة دي " وكملت بشهقة
كل اللي عمله قعد علي ركبته وبص ناحيتي وفضل يحلفلي انه معملش كده ؛ كان منظره يزعل ويوجع القلب .
"جميلة والله العظيم مش زي ما انتي فاكرة " سكت شوية
كنت لسه دايخة ولساني تقيل قولتله :
"بس انا سمعتك وانت بتهدد بابا هثق فيك ازاي تاني !"
" جميلة انتي مش فاهمه متحكميش عليا غلط "
" طب فهمني ايه الصح خدتني ليه يا أدهم وانا مكنتش هوافق علي غيرك هتفضل دايما متسرع كده ؟ "
"وانا مش هعرف اقولك الحقيقة بس والله منا اللي خدتك ولا عمري فكرت في كده انا واثق في حبك ليا "
قالها وهو بيحاول يمسك ايدي
سحبت ايدي
جيت اقوم وصلت جمب الباب فقدت توازني وكنت هوقع لقيت اسيل بتمسكني ؛ أدهم طلب مني اقعد ومسمعتش منه كل اللي قولته ؛
" حد يطلبلي اوبر عايزة اروح البيت "
كل ده وانا مش شايفة بقية عيلته الاي واقفين ومصدومين بوجودي وباللي بيحصل عموما
أدهم وقف قدامي وقالي : " لا انا مش هقدر اخاطر واسيبك تروحي لوحدك "
اما صممت اتعصب وعلي صوته فسكت ومشيت ناحية الباب ؛
روحت ناحية عربيته وقولتله : " تعالا وصلني بسرعة حاسة اني مخنوقة ومش طايقة اقعد كمان لسه حاسة اني مش عارفة اتنفس"
ركب العربية وخرجنا وفضل سايق وما اتكلمش معايا
اتصل علي بابا ؛ وبابا طلب منه يكلمني ؛ واول ما سمعت صوته عيطت وقولتله يجي بسرعة عشان ياخدني ؛ فضل بابا يهديني لحد ما وصل هو لنفس المكان اللي احنا فيه .
بابا نزل وباين عليه الخوف والهلع ؛ جري ناحيتنا ؛؛ حضني وقعد يقولي عملك حاجة قرب ناحيتك !!
" اذاك يا بنتي "
فضلت اهز برأسي بمعني لا واعيط في حضنه
لحد ما صوت مراد جه من ورانا : " هتهرب ازاي المرة دي يا أدهم الخطيب "
بابا طلب منه يفضل بعيد شوية وألح عليه في الاخر رضخ لكلام بابا وبعد ؛ فضل يبص ناحية أدهم بغضب ؛ جاله فون وانشغل بيه وملامحه اتغيرت .
" كان في بنت يا افندم ومعاها شاب في اخر العشرينات ؛ بس هربوا مقدرناش نقبض عليهم ولا نتعرف عليهم هم الاتنين الدنيا كانت ضلمة "
" قبضنا علي ١٠ افراد من العصابة وبس ؛ في كتير هربوا ؛ المخدرات والفلوس معانا ؛ اما اتحرينا عرفنا انه كانوا خطفوا بنت تخص الغول والمواعيد والسعر اتغيروا بسبب كده والغول انقذها ؛ يعني البنت برة الدائرة دلوقت "
فجأة مراد جه جري ناحيتنا وزقني وبابا علي جمب وفضل مكمل ناحية أدهم وسمعنا صوت رصاص
بابا سابني وجري ناحيتهم ؛ الارض كلها د*م
مراد وأدهم كانوا علي الارض
وانا اغمي عليا .
البارت الخامس خلص علي كده
#تيم_الغريم
#اسراررحمةالله
رواية تيم الغريم الفصل السادس 6 من هنا
لقراءة الرواية كاملة اضغط هنا (رواية تيم الغريم)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
