رواية كانت ستدمره الفصل الأول 1 بقلم إسراء إبراهيم عبد الله
 |
| رواية كانت ستدمره |
رواية كانت ستدمره الفصل الأول 1
أخته بغل: أنت مش ناوي يبقى عندك ولد ولا إيه؟ مراتك خلفتها كلها بنات جابت خمس بنات، وأنت متمسك فيها على إيه؟
هو بحيرة: عايزاني أعمل إيه يعني؟ الحمد لله غيري مش طايل ضفر عيل، ومالهم خلفة البنات؟
بصتله أخته بضيق وقالت: يا بني افهم البنت مش زي الواد، هو اللي هيحمل اسمك وبيتحمل مسؤولية البيت ويصرف عليك لما تكبر، إنما البنات بيتجوزوا وبيتلهوا في بيتهم وأزواجهم وعيالهم لا هيدوك جنيه ولا حاجة
فأنت تروح تتجوز واحدة تخلفلك الولد، وأكيد هى مش هتعترض يعني، ولو فتحت بوقها طلقها وخلي دا السبب إنها بترد عليك ومش بتحترمك
وكملت كلامها كأنها خايفة على مصلحته وقالت: يا أخويا افهم أنا يهمني أمرك، وبعدين أبويا سمعته في يوم إن هيدي سليم نصيب في الورث أكتر منك لأنه عنده ولدين، وأنت بقى معندكش حتة ولد حتى
بصلها كرم بصدمة وقال: الكلام دا بجد؟ كدا هيكون بيظلمني أنا يا رنا
بقلم إسراء إبراهيم عبدالله
رنا بابتسامة: ماتخافش أنا مش هسمح بدا يحصل، اسمع بس كلامي وأنت هتكسب حاجتين ورث وولد
كرم بتفكير: خلاص هتجوز، بس مين هترضى تتجوز واحد متجوز وعنده خمس بنات؟
رنا بضيق: يعني مش هطلق مراتك بتاعت خلفة البنات دي؟
كرم: لأ عشان بناتي يا رنا يعني أرميهم ولا إيه؟
رنا بضيق: أهو بناتك دول هيسبوك بكرة ولا هيسألوا فيك يا أخويا
أنا همشي وماتخفش هلاقي عروسة وتتمنى رضاك
مشيت رنا بعد ما لعبت في عقله عشان بتكره مراته، وهو قعد يفكر في كلامها وجانب بيقوله دا الصح وجانب تاني بيقوله كلام أختك غلط
ياترى هيتجوز فعلا على مراته؟
#كانت_ستدمره
#بارت1
#إسراء_إبراهيم_عبدالله
رواية كانت ستدمره الفصل الثانى 2 من هنا
لقراءة الرواية كاملة اضغط هنا (رواية كانت ستدمره)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
