رواية كانت ستدمره الفصل الثانى 2 بقلم إسراء إبراهيم عبد الله
 |
| رواية كانت ستدمره |
رواية كانت ستدمره الفصل الثانى 2
مشيت رنا بعد ما لعبت في عقله عشان بتكره مراته، وهو قعد يفكر في كلامها وجانب بيقوله دا الصح وجانب تاني بيقوله كلام أختك غلط
جت مراته ومعها صينية عليها ضيافة وقالت باستغراب: رنا راحت فين؟
كرم: مشيت يا نورا
نورا: ليه؟ دا أنا دخلت أقطع شوية فاكهة وجبت لها حلويات مشكلة أهي، هى كانت عايزه حاجة؟
كرم بعصبية: إيه يا نورا مش فايقلك دلوقتي أسئلتك ملهاش لازمة، أنا ماشي
مشي من قدامها وهى بتبصله بحزن، دي أول مرة مايطيقش كلامها كدا، هى أخته قالتله إيه عصبه كدا
دخلت الصينية تاني، وراحت تشوف بنتها الأخيرة كان عندها سنتين
أما بناتها الباقين في المدارس واللي قبل الأخيرة في الحضانة
بقلم إسراء إبراهيم عبدالله
فات يومين واتصلت أخته عليه وقالتله: لقيتلك عروسة دا أنت محظوظ، وعندها استعداد كمان تقعد مع مراتك نورا في نفس الشقة وطيبة خالص يا كرم
كرم بتردد: بالسرعة دي؟
رنا: اها اومال هنقعد سنة ندورلك؟
كرم: مش قصدي بس ماقولتش لنورا عالموضوع دا، ولا هتجوزها من وراها يعني؟
رنا بضيق: يا بني افهم بقى أنت مايهمكش كلام مراتك وهى اللي هتمشي كلامها ولا إيه؟ ولا يكونش هامك رأيها؟
كرم: لأ مش قصدي يعني عشان تبقى عارفه
رنا: هتعرف لما تدخل عليها بيها يعني ماتستعجلش، دي تحمد ربنا إنك سبتها على زمتك يا أخويا، هاخدلك معاد مع أهل العروسة ماشي؟
كرم: ماشي، وقفل معها وهو بيفكر هيقول لنورا عالموضوع دا إزاي
جت نورا وقالت: خلصت طبيخ هتاكل يا كرم
لكن كرم ماكنش معها سرحان في موضوع الزواج دا، فنادت عليه بصوت أعلى
فبصلها بتوهان وقال: ها عايزه حاجة يا نورا؟
نورا باستغراب: كنت بقولك هتاكل؟ هو أنت كويس؟
كرم بتوهان: اها كويس كويس يا نورا، ومشي من قدامها وخرج من البيت كله، مضايق حاسس بختقة
أما نورا بتبص على مكانه بسرحان في طريقته اللي اتغيرت وبقى بيسرح كتير وأحيانا بيتخانق معها، ومش بيقعد مع بناته زي الأول وممكن يزعق لهم
دعت إن ربنا يهديه، وقامت تشوف وراها إيه
فات يومين والحال زي ما هو، لغاية ما جت أخت جوزها فتحت لها ورحبت بيها
رنا بضيق: اومال فين كرم؟
اتضايقت نورا من طريقة كلامها معها وقالت: جوا في الأوضة، ادخلي لما أدخل أناديه ليكي
دخلت رنا وقالت: لا هدخله أنا ولا حضرتك مفكراني ضيفة، لا يا حبيبتي دا بيت أخويا وأدخل في أي مكان فيه
يا ترى هتقوله إيه؟
#كانت_ستدمره
#بارت2
#إسراء_إبراهيم_عبدالله
رواية كانت ستدمره الفصل الثالث 3 من هنا
لقراءة الرواية كاملة اضغط هنا (رواية كانت ستدمره)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
