رواية أنثى من نار الفصل الثامن 8 بقلم ميرفت السيد
رواية أنثى من نار البارت الثامن 8
رواية أنثى من نار الجزء الثامن 8
رواية أنثى من نار الحلقة الثامنة 8
رواية أنثى من نار بقلم ميرفت السيد
 |
| رواية أنثى من نار |
رواية أنثى من نار الفصل الثامن 8
#انثى_من_نار
♡8♡
#بقلم_مرفت_السيد
اتفاجئت حلا وحبيبه وابوها بأن الارض كبيره جدا ومليانه زرع خضروات وفواكه وخيرات ربنا
شكلها يفرح حلا قالت لخالها: ما شاء الله
وحبيبه قالت: كل ده بتاعنا
ابتسم خالها وقال لها طبعا يا حبيبتي
رد منير وقال: واضح ان انت بتراعي الارض كان عندها حق اختك تستأمنك على الارض دي
ضحك. ايمن وطلب من عامل عنده يجيبله كراسي كان عنده مكتب كدة مبني في وسط الارض دخلنا معاه وطلع دفاتر حسابات وكل مايخص الأرض وطلب من منير يقراها ويراجعها
منير: دة مال بناتي انا مليش دعوة
حلا: بعد اذنك يابابا انت مسئول عننا بكل حاجة وخالي عاوزنا نتطمن ونعرف كل حاجة ودة مش عيب انا مش مخونة خالي ابدا والي وصت بيه امي انا موافقه عليه وبشهادتك يابابا خالي انسان محترم والعيلة كلها سمعتها سبقاها
ايمن: ربنا يكرمك ماشاء الله على تربيتك
منير بصلها بفخر وقال: حاضر ياحلا
وبدأ يراجع مع ايمن كل حاجة وبالنهاية قال: كله تمام
حلا: بس انا ليا طلب صغير ياخالي
ايمن: اتفضلي يابنت الغالية
حلا: انت على حسب ماسمعتكم بتاخد راتب ونسبة من الربح واحنا بناخد الباقي صح
ايمن: اه
حلا: هانزود نسبتك ومرتبك كل سنة انت تستاهل كل خير وان شاء الله هادخل كلية زراعة واساعدك
ايمن: كتير كدة عليا انا راضي ياحلا ياحبيبتي
منير: دة اقل واجب ياللا قومو يابنات
خالكم هايفرجكم عالارض
اخدهم ايمن يفرجهم على الارض ويعرفهم بالعمال كان حنين جدا ومحترم وكل الناس بتحبه
وروحنا معاه استقبلتنا مراته وكانت عامله بط واكل كتير جميل
وفضلت تحكي معانا وقالتلنا: امكم كانت اميرة طول عمرها ماشفتش منها الا صلاة ودعاء
ايمن: الله يرحمها ويغفر لها
الكل اترحم عليها
ايمن: ان شاء الله بكرة اعمامي واولادهم عازمينكم عالغدا في بيت عمي الكبير محرم ودة عمدة البلد هناعشان يتعرفو بيكم
منير: باذن الله
حبيبة: عم ماما عمدة زي الي بييجوا بالتلفزيون كدة
الكل ضحك ومنير قال: بكرة تشوفيه شبه الكبير اوي
الكل ضحك وسهروا قدام البيت واتعشوا وناموا وتاني يوم راحوا لبيت العمدة محرم
كان باستقبالهم راجل ضخم وطويل وشنبه زي الكبير فعلا ومعاه شاب وسيم
قال: اهلا بولاد الغالية اتفضلو ياحبايبي ازيك يامنير عاش من شافك
منير: ليك وحشة ياحاج ماتقبلناش من زمان من قبل العمودية
محرم:طمني على احوالك واحوال عيلتك
منير: بخير الحمدلله
محرم كان ودود جدا
قال دة عمر ابني دكتور امراض باطنة
و عرفهم باخواته واولادهم و كان عامل غدا كبير جدا
وقال: الغدا دة عشانكم العزومة دي على شرفكم نورتونا
وقعدوا يتغدو وفضلو يتكلمو ويتعرفوا كان في اولاد واحفاد كتير ماشاء الله
محرم قال: نويتي على ايه بخصوص الارض ياحلا
حلا لمحرم: والله ياعمي زي ماكانت امي سيباها لتصرف خالي انا كمان هاعمل كدة
رد محمد العم التاني: عين العقل الارض عزوة وخير
رد سيد العم التالت: وياترى انتي ناوية على كلية ايه
حلا: والله كنت ناوية على طب بس شكلي هدخل زراعة
سيد: وانتي ياحبيبة
حبيبة: لسة بدررري
ضحكوا من طريقتها
محمد قال: انا عندي شهد. من عمرك ياحلا
ابتسمت شهد وابتسمتلها وفضلنا نتكلم واتبادلنا الارقام
وحبيبة اتصاحبت على عشرين بنت وولد. من سنها😆😁
حلا كانت فرحانة بعيلة امها هي وحبيبة جدا
والكل بياكل
بقلم مرفت السيد
منير جاله فون من ابوه بيتطمن عليه وعلى البنات متير طمنه وقاله: بابا امانة عليك تخلي بالك من حلا وحبيبة
الاب:ليه بتقول كدة
منير:معرفش انا هاقفل لا اله الا الله
الاب:سيدنامحمدرسول آلله
خلص مكالمته وفضل سرخان بيبص لحلا وحبيبة بحب
محرم؛ مالك يامنير ماتاكل دة انت منورنا
متير ابتسم وقال: والله ياجماعة انا مبسوط ان البنات اتعرفو بيكم طول عمركم ولاد اصول و......
فجأة مسك قلبه و....
وقع من على الكرسي وبثواني الدنيا انقلبت
حلا وحبيبة جريو بس الحريم مسكوهم عشان يهدوا بس حلا فلتت منهم واترمت على ابوها وهي بتبكي
محرم: اتصلو بالاسعاف دكتور عمر تعالى يابني شوفه
حلا: اه والنبي ياعمر ارجوك
وبسرعة عمر كشف عليه وجابوله شنطته
وبعدالكشف ومحاولة اسعافه وشه اتغير وقال:
البقاء لله
حلا صرخت وحبيبة اترمت عالارض
الجد والاعمام جم عشان يدفنوه في بلده عمر خلصلهم. كل الإجراءات وفعلا اصطحبوا البنات وجثمان منير
وطبعا ايمن وبعض من افراد عائلته سافروا لحضور الجنازة
حلا بحالة صدمة ومش بتبكي وحبيبة منهارة
فادية استقبلتهم بالاحضان والدموع
وكان الكل جيران ومعارف وزمايله بالانتظار عند بيته
وسار الجميع باتجاه المقابر وتم دفنه وعادو للبيت
الجد. كان متماسك والاعمام واولادهم بحالة ذهول وصدمة محدش مصدق وتم عمل العزاء
ايمن والي معاه سافروا بعد العزاء بعد مواساة البنات وطلب منهم التواصل معه باستمرار
وايمن قال للجد: شد حيلك ياحاج وارجوك. خد بالك. من بنات اختي
الجد: دول في عنيا باتوا معانا طيب
ايمن: عشان اشغالنا بس وبص للبنات وقال: اشوفكم على خير
وحضنهم مودعا
كل دة وحلا ساكتة وبحالة سكون صحابها وجيرانها البنات حاولو يخلوها تعيط ومفيش فايدة
فادية ومنار وحبيبة قرروا يباتوا مع حلا الي سبقتهم على الشقة وهي ساكتة
ومنال عزت وطلعت شقتها على طول
الجد قالهم: انا هحصلكم على فوق انا خايف على حلا خلو بالكم. منها
دخل الجد شقته ولما اتأكد ان مفيش حد معاه مسك صورة منير وانفجر بالبكاء
محمدبعد ماالناس مشيت دخل يتطمن على ابوه لقاه بيعيط بحرقة حضنه وبكى معاه
الجد: قلبي انفطر يامحمد كنت حاسس لما كلمني بالتليفون كان قلبي مقبوض يارب رحمتك
محمد: الله يرحمه ادعيله يابابا
الجد. مسح دموعه الي غرقت لحيته البيضاء وقال: لاحول ولاقوة الابالله
انا لله وانا اليه راجعون
اللهم ارحمه واغفرله واسكنه الفردوس الأعلى يارب
محمد: قوم ارتاح يابابا
الاب: انا هطلع ابات مع البنات في شقة منير
طلع الجد ودخل لقاهم واقفين وبيبصو لبعض وهما بيبكو اتخض من منظرهم
وقبل مايسألهم في ايه
لقى حلا خارجة من اوضتها وهي........
😳😳😳😳😳🫢🥺
يتبع
#أنثى_من_نار
#بقلم_مرفت_السيد
#M_s
رواية أنثى من نار الفصل التاسع 9 من هنا
لقراءة الرواية كاملة اضغط هنا (رواية أنثى من نار)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
