رواية قدري ونصيبى الفصل الرابع عشر 14 بقلم السيد محمد
رواية قدري ونصيبى البارت الرابع عشر 14
رواية قدري ونصيبى الجزء الرابع عشر 14
رواية قدري ونصيبى الحلقة الرابعة عشر 14
رواية قدري ونصيبى بقلم السيد محمد
 |
| رواية قدري ونصيبى |
رواية قدري ونصيبى الفصل الرابع عشر 14
يمشي زيد وهو يفك في كلام جيجي واللي قالته عن فداء،
زيد في نفسه معقوله تكون فداء،عملت كده ،، معقوله تكون لسه بتحبه واول مشافته ضعفت بالسهوله دي
: انا واللي كنت فاكر انها نسيته خلاص ومعتدتش تفكر فيه وبتحبني انا زي مبحبها ،، ليه تعملي كده يا فداء دا انا من يوم وفاة مراتي وانا مفتحتش قلبي غير ليكي وحبيتك بجد واتمنيت ان اكمل اللي باقي من عمري معاكي ونخلف ولاد وبنات ونعيش احلا ايام حياتنا
: ويرجع زيد يقول في نفسه، ،، انتا شكلك اتجنيت يا زيد، كله اللي فكرت فيه ده مجرد تهيئات دا هيا عمرها مقالت بحبك حتي ،، انا بالنسبالها واحد متجوزها غصب ودخل حياتها بالغلط ،،،
بس حتي لو مش بتحبني ليه ترجع للي عمل فيها كل ده ،، يستي انا عارف ان خبيت عنك حجات كتير في حياتي خبيت عنك ان كنت متجوز واتجوزتك علشان خوفي عليكي ليحصلك زي محصل لاختي ،،،
بس ليه ترجعي لييييييه ،،،،، وبصوت عالي وكله وجع ليييييه يا فداء. دا انا كنت بخاف عليكي اكتر من خوفي علي نفسي ليه تعملي كده ليه، ،،،،،، وينزل زيد علي ركبه وهو بيعيط ليه يا فداء دا انا حبيتك بجد ودخلتك قلبي ليه تعملي فيا كده ،، يعني للدرجه دي انا معملتش ليكي اي حاجه حلوه تفتكريها ،،،، اااااه يا فداء
نروح للمستشفي
اسلام وجيجي واقفين مستنين زيد يرجع وجيجي بترن عليه ومش بيرود
/ جيجي لاسلام، انا قلقانه عليه يا اسلام حتي برن عليه مبيرودش
" اسلام " يبنتي هو قال هيتمشي شويه ويجي
/ يا اسلام دا ليه اكتر من اربع سعات بيعمل ايه ده كله ،،، ولسه بيتكلمو يلاقو زيد جاي في الطرقه
/ جيجي تروحي عليه ايه يا زيد كل ده اتأخرت ليه كده
: زيد بحزن: ممكن تهدي يا جيجي ولسه بيتكلمو يلاقو الممرضه جات وبتقلهم مدام فداء فاقت تقدرو تطمنو عليها
: يروح زيد علي اوضه اللي فيها فداء وعند الباب يقولهم زيد لو سمحتو انا عاوز اتكلم معاها لوحدنا
: يدخل زيد ويلاقي فداء اول مشافته راحت لافه نفسها الناحيه التانيه
-فداء لزيد لو سمحت اطلع بره، ،، انتا ليك عين تجي هنا بعد اللي عملته ده دا انتا دمرت حياتي كلها ، انا بكرهك يا زيد طلقني يا زيد دلوقتي حاالا انا مش ممكن اعيش معاك دقيقه وحده
: زيد بهدوء: انا عارف ان غلطت كتير يا فداء بس اللي بتعمليه ده اكبر غلط
- فداء: بالعكس يا زيد دا انا بصلح الغلط اللي انا عملته ،، احنا جوازنا كان غلطه اصلا وجه الوقت اللي كل حاجه تنتهي بعد الحقيقه اللي بانت يا زيد
: يعني لما اطلقك وترجعيله كده انتي بتصلحي غلطك
- فداء بتبص عليه وتسكت وفي نفسها تقول دا انا حبيتك يا زيد وكنت بقول انك عوض ربنا ليا بعد ما طارق دمرني ،، قدرت تقويني وترجعني للحياه تاني وقدرت اكسر طارق زي مكسرني بس الحقيقه انا اللي اتكسرت منكم انتو الاتنين ،، تمسح دموعها فداء وبصوت كله حزن طلقني يا زيد ،،وظن الفتره اللي كنا متفقين عليها خلصت
: زيد بحزن ماشي يا فداء لو ده اللي هيريحك ،، فداء انتي ،،،،، انتي طالق يا فداء
- فداء تحط ايدها علي وشها والدموع تنزل من عيونها وفي نفسها تقول ليه كده يا زيد ليه خلتني اول طلب ليا منك انك تطلقني
: تنزل دموع زيد ،، ويخرج من الاوضه وهو كله حزن ،.،، وتقابله جيجي في الطرقه. ،
/ زيد انتا رايح فين ،،، ميرودش علشها زيد ويمشي ويخرج برا المستشفي
نرجع لفداء ،، فداء بدأت تعيط وصوت عياطها يعلي وعماله تقول ليه يا زيد دا انا حبيتك بجد معقوله دي تكون النهايه قدرت تنطقها بالسهوله دي ،، طب ليه محاولتش حتي تدافع عن نفسك دا انتا لو كنت حتي حاولت تبرري اللي حصل كنت هصدقك يا زيد ،، اهو تبرير اريح بيه قلبي الموجوع ده
/ ترجع جيجي لاوضة فداء وتفتح الباب بعفويه وتدخل، ،، انتي عملتي ايه في زيد
- تبصلها فداء ومترودش عليها
/ جيجي تبص عليها وتضحك وتقولها انا خلاص عرفت اللي حصل ،،، الف سلامه عليكي يا فداء شويه وهتتعودي
- فداء باستغراب، اتعود ،، قصدك ايه يعني
/ جيجي: قصدي زي مهو دخل حياتك غصب عنك اهو النهارده خرج منها تاني، ، يلا معلش شويه وهتتعودي وهترجعي لحياتك الاولي
-فداء بصدمه: وانتي عرفتي ازاي انه طلقني
/ جيجي بارتباك ،، مهو باين علي وشك ووش زيد انكم انفصلتو ،،، بقلك ايه يا فداء انسي يا حبيبتي وفكري في حياتك اللي جايه واظن زيد عملك حجات كتير اووي تقدزي تعتمدي عليها في اللي جاي
: فداء بعصبيه: اطلعي بره يا جيجي مش عاوز اشوف وشك تاني انتي مش بني ادمه انتي شيط*انه
/ جيجي: انتي فعلا مش هتشوفي وشي تاني ومن دلوقتي انتي بره حياتنا كلنا سلام يا عسل ،،وتخرج جيجي وهيا مبسوطه من اللي عملته وانها قدرت تفرقهم عن بعض
ويقابلهم اسلام بعد متخرج ويقولها هااا ايه اللي حصل يا جيجي
/ جيجي: انبسط يا اسلام خطتنا نجحت واتطلقووو انا فرحانه قووي يا اسلام فرحانه
"ايوه كده دي كانت غم واتزاحت اخيرا يا قلبي هنتجوز ونعيش بقا
/ جيجي بصدمه نتجوززز، ،،،، اه يا حبيبي هنتجوز وكله حاجه هتبقي تمام ،، وفي نفسها تقول نتجوز في المشمش يا عسل بقا انا عملت كل ده علشان اتجوزك انتا ، لا طبعا انا هتجوز زيد روح قلبي،
" اسلام: جيجي انتي سرحتي في ايه
/ لا يا حبيبي بس دا من الفرحه
" طب متفرحيني انا بقا ونحدد معاد جوازنا
/ جيجي وشها يتغير وتقوله انتا بتهزر يا اسلام صح
" ايه الهزار في كده يا جيجي مش ده اتفاقنا
/ ايوه اتفاقنا، بس عاوزانا نتجوز وزيد لسه مطلق طب يقول علينا ايه ، دا بدل منقف جمبه في ازمته دي
"عندك حق يا روحي ، غصب عني انا من كتر مبفكر في اليوم ده وانا مبقتش عارف افكر
/ جيجي في نفسها : فكر علي قدر متقدر يا اسلام علشان هتتعب من كتر التفكير
يتبع
قدري ونصيبي
رواية قدري ونصيبى الفصل الخامس عشر 15 والأخير من هنا
لقراءة الرواية كاملة اضغط هنا (رواية قدري ونصيبى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
