رواية التحدى المستحيل الفصل السابع والثلاثون 37 بقلم إسراء هانى
رواية التحدى المستحيل البارت السابع والثلاثون 37
رواية التحدى المستحيل الجزء السابع والثلاثون 37
رواية التحدى المستحيل الحلقة السابعة والثلاثون 37
رواية التحدى المستحيل بقلم إسراء هانى
 |
| رواية التحدى المستحيل |
رواية التحدى المستحيل الفصل السابع والثلاثون 37
بارك الله لكما وبارك عليكما وجمع بينكما في خير
كم تمنى ان يسمعها هل حقا اصبحت زوجته هل يحلم نعم يحلم فقط فقد الامل .. هل تحقق حلم حياته
ينظر لهم وللشيخ بعدم تصديق وهمس بتقطيع: يعني بقت مراتي
ناهد بسعادة لسعادة ابنها : ايوة يا حبيبي الف الف مبروك
ينظر لهناء التي تبكي هي الاخرى غير مصدقة انها تزوجته وهمس: بقيتي ملكي يا هناء
هزت راسها بالايجاب وسط دموعها الشديدة والجميع يبارك لها ..
عمر: مش مصدق نفسي انا زهقت منكوا كنت حقت.لكوا انته الاتنين قر.فتوني عيشتي ما شوفتش نحس كدة
الشيخ : انزل امضي خليني امشي
زين بقلق : انا خايف انزل تعملوا حاجة
الشيخ: مراتك والله مراتك
زين: علي هاتي الدفتر امضي هنا
علي بضحك " طيب ما تنزل انت سهلة
زين : تصدق صح ..
قفز للارض لتصرخ هناء وتغلق عينيها فتحت قليلا لتجد زين مبروط بأحبال ومعه الدفتر يمضي وهو معلق في الهواء
نظرت حولها للجميع الذي يضحك بشدة بعدم فهم
لتهمس بصدمة : انت بتشتغلني
زين : وعايزاني اعملك ايه ومع جنانك ماكنش في حل تاني
هناء : وكلكوا كنتو عارفين
زين : اي نعم دي فكرة نفين اساسا
نفين بصدمة: اااه يا ندل دي اخرتها
هناء : انا بقى مش موافقة وطلقني
زين بضحك شديد: اقسم بالله اني تدبست مجنونة رسمي
عمر " مش قولتلك
هناء : تدبست الشيخ ماشي من شويا نادي
مصطفى: نادي يا ابني وانت الكسبان اسمع مني
هناء " بقى كدة يا بابا
عمر : والله يا زين انت ربنا بحبك
هناء بابتسامه : حبيب قلبي اخويا
عمر بضحك : عشان ربنا اذا احب عبدا ابتلاه
هناء بغيظ : كدة يا عمر استحمل بقى
زين : قولتلك اهرب معايا وقت
عمر : اخلع ربنا معاك ..
هناء ببرود : اه اخلع مع السلامة
زين : حاضر
ما زال زين معلق في الحبال احتضن خصرها ونادى اسحب سحبها في حضنه فوق السطح.. ومنظرهم مضحك جدا
هناء بخوف : يا مجنون
نظر لها نظرة جعلتها تخجل بشدة احتضن وجهها وهمس : معقول انتي مراتي ولا بحلم
هناء بدموع: حلمي تحقق يا زين لآخر لحظة كنت فاكرة انه حتخط...
اسكتها بشفت.تيه عندما عرفت طريقها قب.لها بغرام قبلة مختلفة كليا فهي الان زوجته كان لها طعمها بل وكأنه امتلك الدنيا وضع جبهته على جبهتها وهمس: تعبتيني وتعبتي قلبي يااااه لو تعرفي حاسس بايه حاسس اني طاير اني خدت كل حاجة حلوة
هناء بدموع لنبرة العشق بصوته : حتفضل تحبني كدة
زين : لآخر يوم في عمري
هناء : مش حتزهق مني
زين : انا خدتك بعد عذاب يعني مش حفرط فيكي لو على موتي
هناء : وائل كان...
زين بحنان: ما يفرقش معايا انسي الموضوع كأنه ما حصلش انتي ما روحتيش هناك بمزاجك يا حبيبتي انتي ضحية انتي قلبي يا هناء والله قلبي
ضمها لحضنه وكان رأسها على صد.ره وهمس : عارفة اللي بياخد حاجة بعد تعب كبير ببقى طعمها احلى يعني لو تجوزتك من اول ما تقدمت ما كنتش حابقى مبسوط كدة اوعى تسبيني يا هناء
ذهب برفقتها الى احد المطاعم لتناول الغداء وكل منهم ينظر للآخر دون كلام نظراتهم فقط هيا من تتكلم ..
ثم قاد بها لتجد نفسها امام محل مجوهرات
هناء : زين مش عايزة
التف لها وفتح الباب وضم يدها ونزل بها وقال : مش عايزة ايه انتي عروسة وفي مهر وشبكة زي اي عروسة
هناء : خلاص هاتلي دبلة عليها اسمك كفاية
زين بابتسامه: تعالي بس واحنا نشوف الموضوع ده
دخل زين المحل رحب به صاحبه بشدة
احمد: اخيرا يا زين
زين بضحك : انت كمان فقدت الامل
احمد " اصلك وصتني عليهم واختفيت فقولت ما بقاش عايزهم
زين : اصلي تمرمطت عبال ما وافقت عليا
نظر لها احمد ثم همس ربنا يهنيك يا ابني لا تستاهل تتمرمط عشانها
زين : طبعا.. هااا فين الحاجة
اخرج لها طقم عبارة عن عقد جميل وحلق واسوارة من شدة جمالها لم ترمش حتى انعم ما يكون واسمه داخل العقد ابتسم زين على سعادتها
هناء : يجنن يهوس الله
احمد : ده الماظ حر يا آنسة
هناء بصدمة: الماظ ليا انا.. لا يا زين مش عايزة
ضم كتفها وهمس : ورينا الدبل
اختارت دبلة جميلة جدا وهو واحدة وكتبوا في داخلها اسمائهم وتاريخ الخطوبة
هناء : ما تلبسهاش دلوقتي حنلبسها في حفلة الخطوبة
ضحك عليها بشدة وهمس : حفلة خطوبة هههههه قلبك ابيض يا حبيبتي انا ما كنتش ناوي اقولك اني حعمل الفرح بكرة بلاش تتطبي ساكتة قال خطوبه قال
صفنت به وهمست ؛ فرح مين بكرة
زين : فرحنا
هناء بضحك: وما كنتش ناوي تقولي ايه عاملهالي مفاجأة
زين : عفكرة انا بخبرك بس مش لسة حنفكر انا واخد القرار كفاية بعد وكفاية اللي شوفته لو عليا اخدك معايا دلوقتي اصلا بس حراعي انه نفسك بالفستان الابيض
هناء : زين كفاية هزار فرح مين اللي بكرة
زين : ما بهزرش باتصال كل كلمة تجهز
هناء : لا انت مجنون رسمي تعالا نشوف بابا هو اللي حيقنعك
زين : انسي مش حاستنى يوم تاني
وصل البيت وهي في قمة غيظها منه دخلت في غضب وهي تخبط في قدمها
مصطفى: ايه لحقتي يا بنتي حتطفشي
هناء بعصبية: اسمع الاول بعدين ابقى غلطني ... يالا يا قلبي قولهم فرحهم
زين بهدوء : عمي ان شاء الله بكرة الفرح
مصطفى بعدم فهم : ان شاء الله فرح مين بقى
زين : فرحنا ..
نفين : هو انت خطبت حد غير هناء
زين على نفس هدوءه : لا فرحي انا وهناء
حدق الجميع به بصدمة وهمست والدتها : انت بتقول ايه بكرة ايه
مصطفى: يا ابني انت عارف فرح يعني ايه هو مش في جهاز حنجهزوا وما تقولش مش عايز حاجة
زين : حنسافر شهر عسل ابقوا في الشهر ده جهزوا كل حاجة
هناء بغيظ : والفستان
زين : الفستان اخترتي من قبل سفر بابا وفي الفيلا عندي وصل من برة
عمر " مش في ناس حتتعزم
زين : باتصال وبوست فيس كل الناس تعرف
مصطفى: حتلحق توصل امتى اهلها كلهم سكنين بعيد
زين : ابعتلهم طيارة خاصة كل حاجة عايزينها حتلاقوا عالباب دلوقتي رجالة كتير اي حاجة تحتاجوها حيروحوا معاكو
هناء بصدمة: انت بتتكلم جد
زين ببرود : ايوة هيا الحاجات دي فيها هزار
مصطفى بغيظ: على فكرة انا ممكن اقولك معنديش بنات للجواز واخبط دماغك في الحيط
زين بابتسامه : مش حتعمل كدة عشان مش حتكسر قلبي هناء ولا انا كمان حهون عليك
نورا : يا ابني هو ينفع كلامك ده بكرة يعني فاضل كام ساعة
زين: اقسم بالله لو في امكانية اعمله النهاردة حعمله
مصطفى: وعلى ايه خودها معاك
زين : والله العظيم اني دايما بقول عنك بتفهم يلا يا هناء بلا فرح بلا لعب عيال
نفين : انا قولت اهبل ماحدش صدقني
زين وهو يضع يده في جيبه : مقبولة منك يا نيفو
عمر بصدمة : اتمسكن لحد ما اتمكن
نظر له زين ولم يجيب
نورا " طيب خلي الخميس
زين بحزن : اسمعوني يعني ايه فرح ناس تيجي تبص عليا وانا بارقص ومراتي يعني مش الحاجة اللي ما نقدرش نعيش من غيرها كفاية حبيبتي في حضني حعوز ايه اكتر من كدة انا تعبت اكتر من سنة وانا مترمط دخلت المستشفى من يومين والشريان كان حينفجر من الزعل كفاية انا زهقت وانته زهقتوا انا عايز افرح انا مش جاي افرض عليكو حاجة بس والله ما اقدر استنى لبعد بكرة حتى خايف تحصل حاجة تبعدنا مش حاستحمل ساعتها .. هناء اللي يهمك الفرح ولا انا اذا الفرح اهم من وجودك معايا حأجلوا
هناء بدموع : ومن غير فرح انا موافقة كمان
زين بابتسامه: لا حاعمل بس عقدنا مش لازم كل الأمة
مصطفى: على بركة الله يا ابني دلوقتي نكلم اللي نقدر عليه
زين بسعادة : وحابعتلهم طيارة عشان ما يوصلوش تعبانين متشكر اوي يا عمي اوي انا حامشي عشان الحق اجهز ..
نورا : تتغدى الاول
زين : تغديت معاها من شويا
نورا: ابدا تاكل معانا عشان يبقى عيش وملح
هز رأسه وجلس وهو سعيد كطفل صغير فقد تعب كثيرا حتى امتلكها
ذهبت إلى الغرفة تجلس بصدمة
نفين : قومي البسي ده
هناء بصدمة: مستحيل عيب
نفين : تنيلي ما هو مقفول اهو
هناء : مقفول اه كفاية الفتحة اللي عند الصد.ر دي واللي بالرجل دي
نفين : حتقومي تلبسي ولا انادي يلبسهولك
بعد وقت ارتدته رغما عنها وشعرها القصير جعلها اشبه بملكات الجمال وضعت فقط احمر شفاه بلون اورنج فاتح كلون وجنتيها
كان يجلس في الغرفة وحده بتوتر يريد تجهيز كل شئ
نفين : ادخلي
هناء بخجل وتوتر : والله العظيم حموت من الخجل
فتحت الباب ودفعتها استدارت تريد الخروج ظن زين انها دخلت بالخطأ فلم يلمح وجهها
زين : انا اسف هما قالولي اقعد ..
استدارت له ليحدق بعينيه غير مصدق ما يرى
ابتلع ريقه وبرزت عروقه وهمس : انتي مين
هناء بخجل شديد: ما تبصليش كدة حخاصمك
زين بذهول : نفس الصوت انتي هناء
هناء وهي ترجع للخلف : زين ما تبصليش كدة
اقترب منها غير قادر على الرمش حتى..
زين : انا حتجوزك انتي .. انتي خطر عالصحة ايه ما شاء الله خلق فأبدع عمري ما تخيلت تبقي بالجمال ده انا بعشق الشعر القصير
هناء : منا عارفة انت مرة قولت في برنامج اسألني بعد مسلسلك الاخير فقصيته
زين وهو يكز على اسنانه: ارحمي امي انا شكلي حخلي الفرح النهادرة انا حامشي واسيبك هنا ازاي قوليلي
هناء: اسكت بقى انا قلبي حيوقف
اقترب منها كثيرا حتى اصبح أمامها وهمس وهو ينظر لها بعشق وإعجاب شديد : اعمل ايه انا بقى انا خايف على نفسي انا مش عارف حخرجك ازاي من حضني وانتي مراتي بحبك اوي اوي اوي اوي
هناء وقد سلب انفاسها بقربه : طيب ابعد
زين : تعرفي شوفت بنات قد ايه .. عمري ما شوفت جمال كدة ..
هناء بعدم تصديق: انا شوفت بنات بتتصور معاك اجمل مني
زين وهو يقترب من شفت.يها: تبقي ما بتشوفيش
قب.لها بقوة لم يستطيع ان تكون ناعمة فجمالها جعل جس.ده كاللهب كيف سيتركها ويذهب
ضمها بقوة وهمس: ربنا يخليكي لقلبي يا هنا عمري
تجلس تكتب في بحثها عندما دخل عليها علي يضحك
رحمة : ايه سر السعادة دي
علي : بكرة فرح زين
رحمة : ايوة زين مين
علي بضحك: قصدي فرح هناء وزين
رحمة بصدمة: انت بتهزر
علي " لا والله قدر يقنعهم راحلهم يا قا.تل يا مقت.ول
رحمة: اقسم بالله الواد ده بيفهم انا مبسوطة اووي اوي عندو حق الفرح بكرة المهم تفضل بحض.نه طيب يلا نجيب الفستان
وضع لها حجابها وخرجت لتجد زين
رحمة بابتسامه: الف مبروك يا زين
زين بابتسامه: انا من زمان نفسي بأخت بقى عندي تنتين انا متشكر ليكي اوي يا رحمة تفضلي ده هدية بسيطة ليكي
فتحته لتجد فستان ناعم جدا جميل جدا همست وهي تصفر : ايه ده اختار اختي طبيعي زوقوا يبقى يجنن
علي : متشكر يا زين
زين : انا اللي متشكر ليك من غيرك كان ربنا أعلم حصل ايه لهناء دي بقى بدلتك من من برة برضو القميص لونه فستانها
رحمة بسعادة " بجد.. لحقت تحضر ده امتى
زين : من يوم ما تقدمت لها مع انه باباكي رفض بس كان عندي امل فجهزت معظم الحاجات دي وقبل سفر بابا جهزت الفساتين
علي " ربنا يسعدك يارب
زين : ويسعدك انت حد جميل اوي يا علي
خرج زين وترك رحمة تنظر للفستان والبدلة وهي تقفز بسعادة
علي بابتسامه: للدرجة دي
رحمة : انا مبسوطة اوي انه هناء حتاخد اللي بتحبه شعور انك تتجوز حبيبك حلو اوي اوي
علي : يعني انتي حاسة الاحساس ده
رحمة : اوي اوي وكل ثانية معاك بالنسبة ليا جنة حتى لو حتسافر حافضل عايشة على الايام دي وحترجع يا علي صدقني حترجع
تركته ودخلت غرفتها تبكي
والان أتى اليوم الذي انتظره العاشقين كانت ساعات معدودة شعر زين انها سنة ...
#يتبع بارت ٣٧
اسراء هاني شويخ
رواية التحدى المستحيل الفصل الثامن والثلاثون 38 من هنا
لقراءة الرواية كاملة اضغط هنا (رواية التحدى المستحيل)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
