رواية وعد الجزء الثانى 2 الفصل الأول 1 بقلم عزة العربى
 |
| رواية وعد الجزء الثانى 2 |
رواية وعد الجزء الثانى 2 الفصل الأول 1
روايه وعد ❤️
الجزء الثاني بعنوان (القلب له واحد)
بارت 1
علي الطريق الصحراوي
_انا مش عارف انت رجعتنا القاهره في وقت زي دا ليه بعد ما بوظت الحفله الفجر قرب يأذن علينا كنا نمنا في اي اوتيل وخلاص
_ لا .......كان لازم امشي .........سوق وانت ساكت
_ يا عم انت بتعاملني كده ليه انا صاحبك مش السواق بتاعك
_هشششششش
_ طب متزعلش نفسك ابوك دا عمره ما هيتغير ابدا بس بكره يفوق
_ مش عاوز كلام كتير وركز في الطريق عاوز ارتاح شويه............ايه دا...... حاسب حاسب يا اسر
في بنت ظهرت قدام العربيه فجأه وكانت بتجري والطريق عاتمه جدا ومقطوع
يونس: الله يخرب بيتك قلتلك ركز في الطريق فضلت ترغي انزل نشيل اللي مرميه دي ونلحقها لتكون ماتت
اسر: لا يا خويا انا خايف اكيد دي مش بني ادمه دي اكيد جنيه عفريته اللهم احفظنا احنا نمشي وكده كده الدنيا ليل ولا من شاف ولا من دري
يونس : بزمتك انت ظابط انت والله انت اخرك مخبر انززززززل
اسر: اعوذ بالله رعبتني يا جدع
يونس نزل من العربيه وأسر وراه
يونس بنرفزه : شيل معايا يا بني ادم البنت بتنزف
اسر بلخبطه: ح ...حاضر ....هي ماتت ولا ايه
يونس: لا انا شفت نبضها وعايشه بسرعه عشان نلحقها
اعرفكم بقي...
(يونس العدوي شاب وسيم جدا طويل جسمه رياضي بشرته قمحيه كان ضابط مخابرات وفجاه ساب الخدمه بدون اسباب معلومه في أواخر العشرينات
عصبي جدا قليل الكلام وعنيد لابعد الحدود)
(صاحبه اسر الشامي نفس سنه ونفس مواصفاته اللي يشوفهم يقول اخوات اسر ضابط شرطة شخصيته محبوبه جدا وهادي ومتفاهم كتير عن يونس)
في المستشفى.
الدكتور كشف علي البنت وطلع
يونس: هاااا فاقت
الدكتور: الحاله فاقت وعملنالها كل اللازم بس للاسف الحاله فقدت الزاكره نتيجه الخبطه اللي في دماغها ولازم نعمل محضر بالواقعة
اسر طلع الكارنيه ووراه للدكتور والدكتور سابه وراح يكمل شغله
عند يحيي .
يحيي نايم واخد وعد كلها في حضنه وبيلعب في شعرها بحنان
وعد رفعت وشها وبصتله وسكتت
يحيي رفع حاجبه: ايوه بحبك وكل يوم هحبك اكتر من اليوم اللي قبله
وعد ابتسمت: وعرفت منين بقي اني هقولك كده
يحيي اتعدل وعدلها في حضنه: عشان انا بحس بيكي من قبل ما تتكلمي بحس بقلبك دا وبحس بدقاته بحس النفس اللي بتتنفسيه يا وعدي مش محتاجه تسأليني انتي النبض اللي بيحيي قلبي يا وعدي
وعد باسته من خده: ربنا يخليك لقلبي
باب اوضتهم خبط بجنون : يا بابا يا وعد افتحولي والله لو ما فتحتوا حالا ما انا عامل اي حاجه
وعد ضحكت
يحيى بنرفزه: هو انتي ابنك دا مش هيعقل ابدا لازم كل يوم يفصلني كده قومي ألبسي وحياه امك ما نا سايبك
وعد بدلع وهي بتلبس الروب : معلش يا ديبي انت عارف هو بيحب يناكفك
يحيي فتح الباب ومسكه من قفاه : انت ياض انت عاوز مني ايه كل يوم تقرفنا كده
سليم نط عالسرير ووعد حضنته بتخبيه من يحيي اللي وشه بيطلع نار : عاوز وعدي في موضوع مهم
يحيي قرب منه بغل : عارف ياض انت لو سمعتك بتقول وعدي تاني وربنا لطردك من البيت واخلي كلاب الشوارع تاكلك
وعد بشهقه : هاااا يا حبيبي يا بني بعد الشر عليك من كلاب الشوارع كده برضوا يا يحيي
سليم باسها من خدها وطلع يجري: ربنا يخليكي ليا يا وعدي هو انا ليا غيرك في البيت دا اه ياني يا حظك يا سولي امك اخده الدلع كله
يحيي حاول يمسكه بس سليم كان اسرع وخرج من الأوضه وقفل الباب
يحيي بص لوعد اللي بتداري ضحكتها : اضحكي يا وعد اضحكي
وعد ضحكت بمياصه: مش عارفه انت حاطط نقرك من نقره ليه
يحيي بغيظ: عيل ابن كلب عاوز ياخدك مني
وعد : محدش يقدر ياخدني منك يا حبيبي
ووطت صوتها : غير عيالي حبايبي
يحيي شدها لحضنه: ولا عيالك ولا غيرهم انا بس اللي تركزي معايا ويومك كله يكون ليا انا وبس
وعد بزعل: هو انا ليا غيرك يا حبيبي فهد وكنزي في مأمورياتهم دايما انا مش عارفه دماغي كانت فين لما رضيت أنهم يدخلوا المخابرات قلبي بيوجعني يا يحيي كل ما افكر فيهم وادم دايما حابس نفسه في شغله في الجامعه وسليم زي ما انت شايف هو اللي بيهون عليا يومي
يحيي اخدها في حضنه: سيبيها لله يا وعدي عيالك قويين لابوهم وعمرهم ما راحوا مهمه ورجعوا غير وهما منتصرين ورافعين راسنا لفوق
وعد مسحت دموعها: ربنا يرجعهم بالسلامه يا رب
(عشان متتلبخوش يحيي ووعد خلفوا فهد وكنزي دول توأم وادم وبعد شويه سنين جابوا سليم)
عند أحمد.
روح بتعيط بهيستريا
رحيل : اهدي بقي يا حبيبتي هو كل يوم العكننه دي
روح: عاااااا انا تعبت من فهد يا مامي تعبت بجد بيتحكم في كل حاجه في حياتي حتي النفس اللي بتنفسه بيحسبه عليا كل يوم بيعكنن عليا عااااا انا بجد زهقت منه ومن تحكماته
احمد دخل وهو متعصب: ولما انتي زهقتي نفض ام الخطوبه دي ونخلينا اخوات وحبايب احسن
رحيل انفجرت من العياط: بابي؟! مامي إلحقي
رحيل قامت وقفت: اهدي يا احمد ووحد الله انت متنرفز كده ليه بس البنت بتفضفض معايا يا حبيبي
احمد: تفضفض ايه وزفت ايه انا كل ما ادخل عليكم ألقيها بتعيط
روح: بابي فهد مش وحش
احمد بعصبيه: فهد مش وحش وفهد انا اللي مربيه بس غيرته الزياده دي لو فضلت لبعد الجواز هتشوفي ايام سودا يا روح فهد اخد غيره أبوه وعمتك لحد دلوقتي بتعاني من غيرته بيغير عليها حتي من عيالها
رحيل: فهد بيحب بنتك يا احمد
روح بصوت واطي: وانا بحبه اوي
تليفون روح رن وقفلت الصوت بسرعه
روح بلخبطه: خلاص يا بابي مفيش حاجه حصلت عن إذنك انا هروح اراجع شويه حاجات
احمد : روحي ردي عليه وخليه يضحك عليكي بكلمتين
روح باسته من خده: ابدا لا يمكن يحصل بنتك ميضحكش عليها ابدا عن إذنك بقي
رحيل ضحكت: خلاص بقي يا حمودي مالك قافش كده ليه
احمد قعد بخنقه : متضايق يا رحيل كل ما بشوفكم انتي أو بناتك روح أو قمر أو حتي رعد متضايقين بتجنن انا موجود وسطكم ومتضايقين اومال لما بسيبكم واطلع ماموريات بالشهور بتعملوا ايه
رحيل ربطت علي كتفه: يا حبيبي دا طبيعي فهد بيعشق روح واللي بيعشق حد بيخبيه من الدنيا كلها ما بالك بقي فهد هو اللي مربي روح وبتكبر قدامه يوم بيومه ومن يوم ما سكنا في الكمبوند هنا وتقريبا الڤيلتين بقوا مفتوحين علي بعض اكيد لما يتجوزوا هيعقلوا يا حبيبي والأمور هتتصلح ما بينهم وكل واحد هيعرف طباع التاني
الباب اتفتح فجأه ودخلت قمر : بااابي انا زحلانه
احمد ابتسم وشالها وباسها: قلب بابي تزعل وانا موجود طب ينفع
قمر: لا مش ينفع
احمد: طب مين مزعل القمر
قمر: مامي مزعله قمر كتير كتير يا ريت بابي يطلق مامي
رحيل وأحمد اتصدموا
رحيل حطت أيدها علي وشها ومثلت أنها بتعيط : بابي يطلق مامي انا زعلانه منك يا قمر
قمر عيطت : لا خلاص بابي خليها معانا بليز
رحيل: لا انا لازم امشي خلاص
قمر: باااااابي قمر زحلانه
احمد: بس خلاص متعيطوش
قوليلي يا حبيبتي زعلانه من مامي ليه
قمر بدموع: مامي مش تحط روج لقمر
احمد: قمر حلوه من غير روچ
قمر: مامي كمان حلوه وبتاكل روچ
رحيل:ههههههه شفت هي مقتنعه أن الروچ بيتاكل
احمد باس قمر من خدها: طلباتك اوامر يا قمري مامي همسحلها كل الروچ ولا تزعلي نفسك
رحيل بضحك: لا انا ورايا مليون حاجه عاوزه اعملها والله انت فايق و رايق
احمد بغمزه : روحي انتي إلعبي يا ميرو وانا همسح الروچ لمامي واجيلك علي طول
رحيل بدلع : احمد
احمد بغمزه: قلب احمد
في المستشفى.
البنت واقفه عالسرير ويونس وأسر قدامها: لا بقولك ايه يا حلو انت وهو مش عشان ربنا عطيلكم شويه حلاوه تدوسوا علي خلق الله رجعولي زاكرتي وإلا وربنا هزعلكوا رجعووووووولي زاكرتي ..
_____________يتبع.
بقلمي عزه العربي.
___________""____________""______
اللهم نسألك نفحة من نفحات رحمتِك تلك التي لا تُبقي بؤسًا ، و لا حزنًا ، و لا ضيقًا ، و لا يأسًا أتت عليه إلا جعلته فرجًا و فرحًا يا الله ... يارب بك تطيبُ الخواطر و من عندك تتحقّق الأمنيات استودعناك شيئاً في خواطرنا ؛ فحققه لنا يا رب العالمين ...🤲
رواية وعد الجزء الثانى 2 الفصل الثانى 2 من هنا
لقراءة الرواية كاملة اضغط هنا (رواية وعد)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
