رواية وعد الجزء الثانى 2 الفصل الثالث 3 بقلم عزة العربى
 |
| رواية وعد الجزء الثانى 2 |
رواية وعد الجزء الثانى 2 الفصل الثالث 3
روايه وعد❤️
الجزء الثاني
القلب له واحد
بارت 3
بقلمي عزه العربي.
بعد اسبوع.
فهد بمكر: تعالي ندخل المحل دا
روح فتحت عيونها بشهقه: انت قليل الادب علي فكره
فهد: هو انتي لسه شفتي قله ادب
روح: فهددد كده عيب وبجد هزعل منك
فهد :وحياه امك رحيل بعد كلمه عيب دي لأنا داخل وهنقي علي مزاجي تعالي
ومسكها من أيدها ودخلوا
روح بتغمض عيونها بكسوف: لا بجد مش هينفع كده
فهد: يا بت الحاجات دي هتلبسيها ليا انا بس يعني لازم احط التاتش بتاعي وانقيها انا
روح: يا سلام
فهد: تعالي تعالي حلو الاحمر دا
عند يونس العدوي.
يونس ونور الاسبوع بيجري جدا بينهم علاقتهم في تطور مستمر مناقرتهم في بعض مبتنتهيش ابدا يونس بيكلمها دايما بقرف وحنان وحور اتعلقوا بيها جدا
نور لابسه بنطلون من بتوع حور وتيشيرت من بتوع يونس وبتتكلم مع حور وحنان
حور بزعل: يعني انتي مش فاكره اي حاجه خالص خالص
نور: اممم
حور: طيب تتوقعي انك هتطلعي اسمك ايه وحياتك كانت ازاي اممم عندي فضول رهيب اني اعرف حكايتك
نور: ههههه وانا كمان عندي نفس الفضول
حنان: بس بقي يا حور سيبيها انتي سألتيها السؤال دا مليون مره يا حبيبتي
حور : نو نو نو انا بحفز الزاكره عندها انها تشتغل وترجع تعالي احكيلك بقي على دكتور ادم
نور كتمت بوءها: دكتور ادم هييييح حلاوه ايه وطعامه ايه وشياكه ايه لا وطول ايه وعرض ايه اول مره شفته يا نور خطف قلبي هو اه مش شايفني بس انا حاسه اني هكون مودام ادم في يوم من الايام
حور سقفت : براڤوووووو براڤووووووو يا ست والله قلتي كل اللي كنت عاوزه أقوله
نور : عشان انتي قولتيه مليون مره يا مجنونه
حور: انا مجنونه شكرا يا بنتي والله
نور بابتسامه: انتي طيبه اوي يا حور مش زي اخوكي خالص
يونس: وماله بقي اخوها مستحمل واحده زيك في بيته اكله شاربه نايمه لا وكمان لابسه هدومه معدتش لاقي تيشيرتات ارحمي امي بقي نفسي الزاكره ترجعلك وتفرقينا بقي
نور بعصبيه: انت اصلا ليك الشرف اني ألبس هدومك
يونس: ليه بقي ان شاء الله
نور بتحدي: هو كده
حنان : في ايه يا ولاد وحدوا الله
_ لا اله الا الله سيدنا محمد رسول الله
يونس: انا مش عارف والله واحده لا ليها اصل ولا فصل ليها عين تتكلم وتاخد وتدي معانا في الكلام ازاي يا شيخه انا حاولت اعرف عنك اي حاجه اي معلومه توصلني لاهلك فشلت ودي حاجه عمرها ما حصلت ابدا
نور والدموع في عيونها: انا...انا اكيد ليا اصل واهلي اكيد بيدوروا عليا انا واثقه انهم ناس عظيمه كمان يا ريت تتكلم عنهم بأدب وبعدين ما يمكن انت اللي فاشل ومش عارف توصل لحاجه
يونس: ههههه مش يمكن تطلعي واحده لاموأخذه احنا لسه منعرفش وبعدين انا كنت ضابط يا ماما يعني من نظره واحده ليكي اجيب اساسك
نور: لا ما هو واضح اهوه اكيد انت ضابط فاشل وبعدين انت بتقول كنت ليه هو انت دلوقتي مش ضابط
يونس بعصبيه : بت انتي خليكي في حالك متدخلبش في اي حاجه فاهمه ولا افهمك
نور: انا اسلوبك بجد صعب انا ماشيه وشكرا على معروفك معايا
حنان مسكتها: اهدي يا نور يونس ميقصدش عيب كده يا يونس
الباب خبط يونس فتح وهو بيبصلها بقرف
اسر دخل وحور راحتذ علي اوضتها : السلام عليكم
_ وعليكم السلام ورحمه الله وبركاته
اسر: ازيك يا طنط ريحه اكلك جايبه اخر الشارع
حنان: ربنا يخليك يا حبيبي هقوم احضرلكم الغدا
اسر: ملوش لازمه انا شويه وهقوم
يونس: انت هتمثل انت اصلا جاي في الوقت دا عشان تتغدي معانا
اسر: يخرب بيت صراحتك عرفت منين
بص لنور : ازيك
نور: الحمد لله عن اذنكم
اسر: لا تعالي اقعدي
نور: نعم
اسر: عاوز اتكلم معاكي شويه هااا افتكرتي اي حاجه
نور: هفتكر ايه يعني في اليومين دول اكيد لو افتكرت هقول على طول
اسر بخبره ضابط: متاكده
نور بتحدي: اكيد
وسابتهم ومشيت
عند فهد.
تليفونه رن ورد وقفل
روح: في حاجه
فهد: يلا عشان اروحك عمو زين طيارته هتوصل من امريكا كمان ساعه ولازم اروح اجييه
روح: واااو بجد خالو زين اخيرا هشوفه انا فرحانه اوي
في الكليه.
ادم رايح يجيب حاجه يشربها من الكاڤتيريا قبل ما يدخل المحاضره
حور داخله مع صحابها من باب الكليه ووشها احمر جدا وماسكه بطنها وادم متابعها من اول ما دخلت لحد ما وصلت الكاڤتيريا
_ حور شكلك تعبانه اوي تعالي نروح اقرب مستشفى
حور بضعف: لا لازم احضر محاضره دكتور ادم مبحبش افوت محاضراته
_ يا بنتي مش مهم المحاضره قلتلك بلاش ناكل من مكان مش مضمون
حور : لا ....يمكن عندي برد ولا حاجه في معدتي انا هطلب نعناع وهبقي كويسه
اتحركت بوجع وقبل ما تطلب النعناع اغمي عليها
ادم بصدمه جري عليها ومنع أي حد يقرب : الكل يبعد وشاور لصاحبتها انتي تعالي معايا لازم نوديها المستشفي بسرعه
ڤيلا الديب
يحيي بحنان: ممكن تبطلي دموع خلاص بقي يا وعد ربنا يرحمهم يا قلبي
وعد بدموع: ربنا يرحمهم يا رب قمر عوضتني عن غياب امي وبابا يوسف كان ونعم الاب انا مش مصدقه انهم توفوا من عشر سنين كل ذكري لوافاتهم بتقطع قلبي
يحيى: وحدي الله يا حبيبتي وبعدين دول ماتوا في الحرم المكي يعني موته الكل يتمناها ربنا يرحمهم ويرحم الجميع يا رب
وعد: ماتوا في حادثه الموت اخدهم مني زي ما اخد ماما قبل كده
يحيي: كلنا هنموت يا حبيبتي يعني انا مثلا بكلمك دلوقتي ممكن كمان دقايق متت....
وعد حطت أيدها علي بوءه : حرام عليك بجد انا فيا اللي مكفيني بعد الشر عنك يا رب انا اموت قبلك ولا احزن عليك يوم ولا انت ولا حد من ولادنا
يحيى: بعد الشر عنك يا وعدي
فهد وصل روح وراح عالمطار شاف رعد واقف رفع حاجبه : انتي جاي ليه
رعد :جاي لخالي عندك مانع
فهد: خالك برضوا يا شقي
رعد: فهد ملكش دعوه بيا
زين وصل ومعاه مراته وبنته اسيل
فهد بحب : اهلا زين باشا حمد الله على السلامه
زين حضنه: ماشاء الله عليك يا ابن اخويا راجل من ضهر راجل
رعد عيونه مترفعتش من علي اسيل
زين: ازيك يا رعد كبرت يالا
رعد: ازيك يا خالو حمد الله على السلامه
ازيك يا اسيل
اسيل باحراج من نظراته: الحمد لله
فهد بغمزه: يخرب بيتك دا انت واقع البنت خدودها بقوا طماطم
____________يتبع.
بقلمي عزه العربي.
_______"""""____"""________ """""""__
- ربّي استودعتك راحة قلبي وفرحتي ونفسي وأسألك تسهيلاً لكل أموري واستودعك أدعيةً فاض بها قلبي فاستجبها لي يا الله..ويسّر لي كل أمر عسير.."❤️🤲
رواية وعد الجزء الثانى 2 الفصل الرابع 4 من هنا
لقراءة الرواية كاملة اضغط هنا (رواية وعد)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
