رواية وعد الجزء الثانى 2 الفصل الرابع 4 بقلم عزة العربى
 |
| رواية وعد الجزء الثانى 2 |
رواية وعد الجزء الثانى 2 الفصل الرابع 4
روايه وعد❤️
الجزء الثاني
القلب له واحد
بارت 4
_ فى ايديك قوه تهد جبال .. فى ايديك قوه
و عليك صبر وطولة بال .. و عينيك حلوه
ما اقدرش ما احبكش و حياتك ما اقدرش
عايز تخاصمنى خاصمنى .. بس اوعه تبعد عنى
عايز تصالحنى تعالى .. قبل الشوق ما يجننى
عارفه انك طيب .. هتجينى قريب .. و لا هتندهلى و اقولك طيب .. يا عنيه
يحيي رفع عينه من الكتاب اللي بيقراه وحابس ابتسامته بص لوعد اللي صوتها وحركاتها بيجننوه رغم أنها كبرت في السن إلا أنه لسه شايفها زي اول مره شافها فيها ببراءتها بضحكتها اللي تجنن لسه محتفظه بطفولتها وجنانها ابتسم ورجع بص في الكتاب تاني
وعد بدلع: احم ....ديبي
يحيي من غير ما يبص عليها: امممم
وعد اخدت الكتاب من أيده بهدوء وقفلته وهو رفع نضارته وحطها عالكمود وأتكلم بهدوء: نعم يا وعد
وعد بنرفزه: طالما قلت وعد يبقي انت مش عاوزني اتكلم خلاص يا يحيي انا مش هتكلم
يحيي مسك أيدها : مش ملاحظه انك بقيتي علي طول متنرفزه وخلقك ضيق كده
وعد اتكلمت بزعل : ااااه يا يحيي مش عارفه مالي بجد الظاهر اني كبرت بجد
يحيي بغزل: ومهما تكبري الورده البلدي بتفضل ريحتها فيها وانتي كل ما بتكبري بتحلوي اكتر قوليلي يا وعدي عاوزه تقولي ايه
وعد بقلق: يعني كنت بصراحه يعني
يحيى: ادخلي في الموضوع علي طول
وعد: بص يا ديبي انا بصراحه يعني كنت عوزاك تأثر علي فهد أنه يعيش معانا هنا في الڤيلا المكان هنا اللهم بارك يساع من الحبايب الف وممكن نفضي الدور اللي فوق كله ويكون جناح ليهم ليه مصمم أنه يتجوز في شقه برا وكملت كلامها بدموع انا قلبي بيتقطع من فكره أنه يتجوز ويبعد عني
يحيى مسح دموعها واخدها في حضنه: ممكن تبطلي دموع ابننا عمره ما هيسيبنا ابدا هو بس اختار أنه يبعد شويه اختار أنه يكون مع حبيبته وشريكه حياته لوحدهم شويه انتي عارفه طبيعه شغله لازم يكون ليه حياه مستقله تخصه هو ومراته بس عمل اللي كان انا نفسي اعمله زمان ارجعي كده بالزاكره لحوالي ٣٠ سنه لما انا كان نفسي اخطفك في شقتنا وانتي اصريتي تقعدي مع ماما الله يرحمها
وعد بابتسامة: وانت يعني كنت بتسيبني انت كنت كل اسبوع بتخطفني وتوديني هناك لحد دلوقتي وانت كل فتره تخطفني ونروح هناك
يحيي باسها بحنان وهو بيفتح زراير بلوزتها : طيب ايه رأيك اخطفك ونروح نقضي شهر عسل جديد انا وانتي وبس
وعد وتاهت في كلامه ولمساته: يحيي سيبني شهر عسل ايه بس
الباب خبط جامد
_بااااااباااااا.....وعدددددددددي افتحواااااا
يحيى بنرفزه وهو بيبعد عن وعد: استغفر الله العظيم عاوز ايه يا زفت
سليم: هعوز ايه يعني عاوز وعدي
يحيي بنرفزه فتح الباب بعد ما وعد ظبطت هدومها وجاب سليم من قفاه: انت ياض انت قلتلك مليون مره اسمها ماما محدش يقول لها وعدي غيري انا وبس
سليم وهو حاطط أيده علي قفاه: لو هي قالتلي متقوليش وعدي تاني يا سولي مش هقوللها ولازم تاكد علي سولي دي خد بالك
يحيي رفع حاجبه وبص لوعد اللي بتتهرب من نظراته
وعد بابتسامة: عاوز ايه يا سولي يا حبيبي
يحيي بنرفزه : وعد
وعد : سليم قول بسرعه عاوز ايه وبصت ليحيي حلو كده
سليم: خدي يا ستي تليفونك مش مبطل رن انا مرضيتش ارد والله ليكون واحده من صحباتك المزز
يحيي بنرفزه: مزز
التليفون رن
وعد : اهوه بيرن دا رقم اما اشوف مين
الووووو
_ ماااامي
وعد: كنزي حبيبتي نور عيني طمنيني عليكي يا بنتي انا بموت من غيرك يا كنزي
كنزي: اهدي يا مامي لو سمحتي انا كويسه جدا ادعيلي بس يا مامي
وعد بدموع: بدعيلك دايما يا نور عيني بدعيلك ترجعي لحضني كفايه بقي الشغل اللي يوجع القلب دا يا كنزي كفايه انا تعبت بجد انا كل يوم بتمني اني كنت مت قبل ما ادخلكم الشرطه
يحيي اخد التليفون وبص لوعد بعتاب : الو يا كنزي
كنزي: باااابي وحشتني اوي يا بابي
يحيي : حبيبه بابي طمنيني عليكي يا بنتي انتي كويسه فيكي حاجه جرالك حاجه يا بنتي
كنزي:انا زي الفل يا بابي صدقني طمنوني عنكم انتم بس
مامي زعلانه مني يا بابي
يحيي بص لوعد اللي بتعيط: مامي عمرها ما تزعل منك ابدا يا حبيبتي هي بس قلقانه عليكي
كنزي: طمنها يا بابي بليز انا كويسه وان شاء الله المهمه تخلص علي خير وبوسهالي وسلملي علي فهد وادم وسليم وقوللهم انهم وحشوني جدا
يحيي:وانتي كمان وحشانا كلنا يا حبيبتي خدي سليم عاوز يكلمك
كنزي : ماشي يا بابي
سليم: ازيك يا كينو انا مفتقدك جدا مش لاقي حد اناكف فيه في البيت دا والله
كنزي: حبيبي يا سولي انت وحشتني اوي
فهد وصل : وعدددددي انتي فين
دخل لقي يحيي ووعد بتعيط وسليم : في ايه مالك يا ماما مالها يا بابا
يحيي : كنزي عالتليفون
فهد : كنزي ؟! ازاي؟!
واخد التليفون من سليم
سليم: مالك يا عم الحج قفشت التليفون كانك قافش حرامي ليه كده
فهد اخد التليفون وطلع برا الاوضه : انتي مجنونه
كنزي بتوتر: فهد
فهد بعصبيه: انتي ازاي تكوني في مهمه وتغلطي غلطه زي دي يا كنزي ازاي تعرضي حياتك للخطر
كنزي بتوتر: متقلقش يا فهد انا مأمنه نفسي كويس
فهد بعصبيه: انتي باتصالك بتعرضي المهمه للفشل وبتعرضي حياتك للخطر مهما كان اشتياقك لاهلك مينفعش تتصلي خلي بالك من نفسك وامسحي اي أثر وراكي وانا همسح الرقم تخيلي لو حد من هنا اتصل بالرقم دا ايه هيكون الوضع ساعتها ايه انتي غلطتي يا كنزي
كنزي بحرج: علي فكره انت وحشتني
فهد اتنفس: وانتي كمان خلي بالك من نفسك وان شاء الله ترجعلنا بالسلامه
في المستشفى.
ادم سرحان في كام سنه مروا عليه نفس المستشفى نفس الدور نفس الشعور اللي حاسس بيه
الدكتور طلع .
ادم: خير يا دكتور سها مالها طمني عليها هي كويسه صح
الدكتور بص في الارض: للاسف الحاله توفت
ادم مسكه من رقبته وضربه : انت عبيط انت بتقول ايه مين اللي توفت انت اكيد تقصد حد تاني ادخل ادخل اكشف علي سها ارجوك انا عاوزها عايشه ارجوك انا اموت إنما هي لا ادخل شوفها
الدكتور : شد حيلك يا استاذ عن اذنك
ادم دخل الاوضه ومسك أيدها: سها فوقي ارجوكي عاش خاطري فتحي عيونك سهاا..انتي بتموتي كل احلامنا بيتنا اللي حلمنا بيه عيالنا اللي هنخلفهم حياتنا اللي هنبنيها مع بعض سهاا قومي عشان خاطري عشان خاطر حبنا
ادم قعد عالارض وحضن ركبته بايديه سها انا هموت من غيرك صدقيني
فاق من سرحانه علي صوت اسراء صاحبه حور : دكتور ادم دكتور ادم
ادم: هاااا نعم
اسراء : اهل حور وصلوا هناك اهم
ادم بوجع بص عليهم .
___________يتبع.
بقلمي عزه العربي.
_____""_____""_____""_______"""___
"ابتسم عندما تجلس مع عائلتك فهناك من يتمنى عائلة.. ابتسم عندما تذهب إلى عملك فالكثير ما زال يبحث عن وظيفة.. ابتسم لأنك بصحة وعافية فهناك من المرضى من يتمنى أن يشتريها بأغلى الأثمان.. ابتسم لأنك حي ترزق فالأموات يتمنون الحياة ليعملوا صالحاً.. ابتسم لأن لك رب تدعوه وتعبده فغيرك يسجد للبقر.. ابتسم لأنك أنت هو أنت وغيرك يتمنى أن يكون أنت.. اللهم لك الحمد كما ينبغي لجلال وجهك وعظيم سلطانك."
رواية وعد الجزء الثانى 2 الفصل الخامس 5 من هنا
لقراءة الرواية كاملة اضغط هنا (رواية وعد)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
