رواية فاتنة احتلت قلبى الفصل الأول 1 بقلم سلمى تامر
 |
| رواية فاتنة احتلت قلبى |
رواية فاتنة احتلت قلبى الفصل الأول 1
( ١ )
_انا واختي دايما بيقرنونا ببعض وقد ايه هي احلى واذكى مني والكلام ده مكنش بيفرق معايا ابدا
لحد ما في يوم الموضوع زاد عن حده ونفسيتي اتدمرت علشان كده جيتلك
قالت الكلام ده بنت في اوائل العشرينات للدكتورة النفسيه اللي قاعده قدامها وبتسمعها بإهتمام
_حصل ايه يا تمارا وصلك لكده ، طلاما اخدتي خطوة انك تتعالجي يبقى لازم تبقي صريحه معايا علشان اساعدك
اخدت نفس عميق وسرحت بذاكرتها وبدأت تحكي بنبرة حزينة ومجروحة
Flash back
كانت واقفه قصاد المراية بتجهز نفسها علشان العريس اللي هيتقدملها النهاردة واللي كان قريبهم من بعيد وكانت بتحبه في صمت وهي طفلة ولكن الحب ده حبسته في قلبها لما سافر يكمل تعليمه بره
لما رجع تاني علشان يستقر في بلده بدأ قلبها ينبض تاني ليه وفرحت جدا لما عرفت انه هييجي مع عيلته يتقدم ليها النهاردة وخمنت انه بيبادلها نفس مشاعرها دي
باب اوضتها خبط ودخلت والدتها وكان باين على ملامحها السعاده
_جاهزة يا تمارا..العريس قرب يوصل
ابتسمت تمارا بخجل
_عريس مره واحده!
ده لسه قاعدة تعارف ياماما يعني مش يمكن معجبهوش
حزنت امها وبصتلها بضيق
_ليه ياحبيبتي بتقولي كده !
ده انتِ ماشاء الله زي القمر والله والف مين يتمناكي
بصيت تمارا لملامحها البسيطه والهاديه في المرايه واللي كانت شبه اغلب البنات اللي في سنها
وفكرت ان ممكن شاب زي اياد اللي جاي يتقدملها النهارده ممكن يكون بيحبها فعلا
قطع تفكيرها صوت خبط على الباب
اتوترت جداً ووالدتها طلعت بسرعه من الاوضة هي ووالدها علشان يستقبلوا الناس
وبعد شويه
دخلت تمارا بالعصير وجنبها هبه اختها اللي بتبتسم بثقة شديدة باينه على ملامحها وماشيتها على عكس تمارا اللي كانت حاسه انها هيغم عليها من الخجل
بعد ما اتعرفت عليهم وسلمت على اياد ووالدته ووالده وقعدوا كلهم
بص اياد نظرة سريعه ليها وابتسم بغموض هي لاحظته وقلبها دق بعنف ورجعت تبص في الارض
اتكلمت ليلى والدة اياد بإبتسامه وحنان
_ماشاء الله بناتك زي القمر يا فاتن
ابتسمت فاتن بفخر
_شكرا ياحبيبتي ده من ذوقك والله
رجعت ليلى تبص على تمارا وبعد كده هبه
_بس بصراحه متوقعتش ان هبه تكون كبرت واحلوت بالطريقة دي ماشاء الله يعني دي اصغر من اختها بكتير وميبانش عليها مختلفه عن العيلة كلها خالص
تمارا غمضت عنيها بحسره واحراج من الموقف ده وتوقعت ان ليلى اعجبت بهبه وهتطلبها لإبنها
ابتسمت هبه بثقه ورديت بشكر
_حبيبتي ياطنط شكرا والله
ابتسمتلها ليلى بإعجاب وتفحص
ولاحظت فاتن الوضع واتوترت جداً وهي بتبص على بنتها الكبيرة وخافت ان ليلى تطلب هبه لإياد
لكن اتنهدت براحة لما سمعت اياد بيقول
_طب ياعمي ندخل في الموضوع على طول ، انا طالب ايد تمارا بنت حضرتك
خليل بإبتسامة
_والله ياحبيبي انا اللي مربيك و لو لفيت الدنيا مش هلاقي لبنتي شاب احسن منك علشان كده اكيد معنديش مانع وكل اللي طالبه انك تحافظ على بنتي
وبص لتمارا بتساؤل
_موافقه ياتمارا
بصيت تمارا في الارض وهي بتبتسم وهزيت دماغها بموافقته
عدى شهر وجيه ميعاد الخطوبه واليوم ده اتغيرت حياة تمارا للأسوء
واللي حصل انه....
يتبع
*وبالنسبة لرواية لهيب عشقه(يونس_بيسان)
هنزل البارت الاخير كمان شويه*
#فاتنة_احتلت_قلبي
#سلمى_تامر
رواية فاتنة احتلت قلبى الفصل الثانى 2 من هنا
لقراءة الرواية كاملة اضغط هنا (رواية فاتنة احتلت قلبى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
