رواية الحب الخطأ الفصل الثالث 3 بقلم أمنية يوسف
 |
| رواية الحب الخطأ |
رواية الحب الخطأ الفصل الثالث 3
البارت التالت♡..اللهم صلي وسلم على نبينا محمد وعلى آله وصحبه أجمعين
مرت الايام وأنا وحمزه عايشين زي الاغراب منعرفش أي حاجه عن بعض...لا هو بيكلمني ولا انا بكلمه...بس دايما كنت بشوف حزنه في عينه وبسمعه وهو بيكلم صورتها صورة ريم وبيبكي...وفي يوم كنت داخله المطبخ بالليل وفتحت النور وفجأه صرخت لما شوفت اللي حصل ...حمزه واقع ومش قادر يقعد على الكرسي
حنين بدموع...ايه اللي حصل وازاي وقعت كدا
حمزه بتصعب عليه نفسه وبيقرر يسيبها ويمشي لأنه مش قادر يتكلم بعد ما شافته بالمنظر دا...اما عند حنين فعذرته أي حد مكانه هتصعب عليه نفسه
عدا اكتر من شهر على الحدث دا وحمزه بيبعد أكتر عن حنين وفيه يوم حنين كانت نازله بس سمعت اللي صدمها
حمزه "انا مش هعمل العمليه مش هعملها وادي نفسي أمل وفي الآخر يقولوا العمليه فشلت ومرجعش امشي تاني كفايا كفايا حرام عليكم
صاحبه"لا طبعا مين قال كده الدكتور قال إن الامل 50% وأكتر كمان
حمزه بهدوء"احمد امشي دلوقتي مش حابب اتكلم مع حد "وفعلا احمد خرج وهو خارج شاف حنين واقفه بدموع
احمد"حاولي معاه مره واتنين وتلاته حمزه لازم يرجع يمشي من تاني الكل محتاجه وشغله محتاجه اكتر وسابها ومشي.....
عند حنين سمعت كلامه بس محبتش تتكلم معاه في الوقت دا وبعد يومين كانت داخله الاوضه فجأه شافت حمزه بيبكي...حنين جريت عليه
حنين بخضه ...مالك مالك يا حمزه فيه ايه
حمزه بحزن...فيه إني تعبت من كل حاجه محدش حاسس بيا ولا باللي جوايا يعني إيه ابقى ضابط قد الدنيا وفجأه دا كله يحصل...وليه يحصل وازاي حصل
حنين بدون وعي خدته في حضنها وهو لف ايده حوالينها
حنين بهدوء...قول الحمدلله دائمًا وابدا متزعلش نفسك وبعدين ما صاحبك جه وقالك فيه عمليه
حمزه بهدوء...مش عايز اعملها خايف خايف منها
حنين...أنا معاك وعيلتك موجوده كلنا معاك
حمزه ...بس اهم حد مش موجود
حنين حست إنه بيتكلم عن ريم فسكتت بس قلبها وجعها للدراجاتي مش فارق معاه دا كله وريم مهمن بالنسباله...طيب وهي..
حمزه حس بيها وبدموعها اللي نزلت على كتفه...بس مبحبش يتكلم وسكت
حنين...حمزه انت هتعمل العمليه ودا عشان كل حاجه هترجع زي الاول واحسن
بعد اسبوعين
كانت حنين واحمد وعيلة حمزه حوالين الاوضه
حنين بدموع....يارب يارب تنجح يارب ويقوم بالسلامه يارب
احمد كان باصص عليها وشايف خوفها عليه ودموعها اللي مبطلتش من أول ما دخل..يارب يا صاحبي تفوق لنفسك قبل فوات الاوان وتقوم بالسلامه وترجع زي الاول واحسن
بعد ساعات خرج الدكتور وبشرهم ان العمليه نجحت ودا بسطهم اوي وبعد يومين كان حوالين حمزه
حمزه بهدوء....ممكن تسيبوني مع حنين لوحدنا
الكل بص عليهم وخرجوا...
حنين بهدوء...فيه ايه يا حمزه
حمزه...ممكن تهدي في اللي هيحصل بعد كدا ..وهو بيقول الجمله دي دخلت ريم جري
ريم بفرحه...حبيبي آخيرا آخيرا هترجع تمشي على رجلك تاني انا مبسوطه أوي
حمزه ....ايوه يا ريمي آخيرا
حنين كانت باصه عليهم بدموع وبتدعي جواها إنه يكون حلم ..بس فاقت على جملة ريم واللي كانت بالنسبالها صدمه كبيره
ريم ....طيب وفرحنا هيكون امتى وبعدين بصت على حنين وقالت...اوبس نسيت اسلم عليكِ واشكرك انك اهتميتي بحمزه شكرا اوي يا حنين بجد
حنين بصت على حمزه وسكتت وبعدين قالت...بعد اذنكم هخرج واسيبكم براحتكم
حمزه بهدوء...حنين
حنين بصت عليه على امل انه يقولها استني بس صدمها لما قال
حمزه...لمي هدومك كلها وروحي عند بيت أهلك وورقة طلاقك هتوصلك لما اخرج من المستشفى.
حنين بصتله بألم ودموع ومردتش وسابته ومشيت..
بعد اسبوعين كانت قاعده في اوضتها وماسكه تليفونها على أمل انه يرن عليها لانها عرفت انه كمل باقي علاجه...
امها بلويه بوز...اخرجي يختي حمزه مستنيكي برا
حنين مستنتش وخرجت جري...سمعته وهو بيقول
حمزه...اكيد طبعا انا هطلقها..وبعدها علطول هنحدد فرحي انا وريم
#أمنيه_يوسف
#الحب_الخطأ
آسفه علي الاخطاء الاملائيه ♡
رواية الحب الخطأ الفصل الرابع 4 والأخير من هنا
لقراءة الرواية كاملة اضغط هنا (رواية الحب الخطأ)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
