رواية عارفة حظى الفصل الثانى 2 بقلم ميرفت السيد
 |
| رواية عارفة حظى |
رواية عارفة حظى الفصل الثانى 2
#عارفة_حظي
♡2♡
#بقلم_مرفت_السيد
دخلت عربية مسرعة
جريت تاليا على العربيةوهي بتصرخ: وقف وقف ياحيواااااان وقعدت على الارض
وقبل ماتصطدم بيها العربية ب2 سنتيمتر وقفت بسرعة وفرملت
كل الموظفين الي داخلين الشركة والي جواها بصوا لمصدر الصوت ووقفو يراقبو الموقف
وسط ذهول ادهم الي جري بسرعة على اخته
وهو مستغرب بنفس لحظة نزول الشاب صاحب السيارة
وقبل ماحد. منهم ينطق
لقوا تاليا حاضنة قطة كبيرة ومعاها قطتين لسة مولودين العربية كانت هاتخبطهم وتاليا انقذتهم
ادهم مسك قلبه وقالها: حرام عليكي خضتيني ياشيخة
رد الشاب: انا حيوان مين دي ياادهم وانا الي فرملت قبل مااخبطها دة عادي عندك
ادهم: الحمد لله على انها عدت على خير ليك يابشمهندس زين وليكي ياتاليا
زين بتكبر: انتي عشان قطط تضحي بنفسك؟ دة طبيعي:؟
تاليا وهي تنظر له باشمئزاز: وانت سرعتك وسواقتك بجنون دة طبيعي
وكنت هاتموت ارواح مخلوقات بريئة ضعيفة متقدرش تدافع عن نفسها وزعلان اني انقذتهم دة طبيعي لو اجابتك اه اكشف على مخك
رد عليها وهو يخلع نظارته الشمسية: انتي قصدك إيه
: زي ماانت قصدت بسؤالك ليا
ادهم: خلاص ياجماعة حصل خير
تاليا بقرف: خير اه ماهو باين
زين: انتي بتكلميني كدة ازاي
تاليا بسخرية: تحب اعظملك انا والقطط ولاايه
وتركته بدون انتظار الرد وذهبت بالحديقة وتركت القطط وهي تربت عليهم برفق
ادهم وهو يحاول كتم ضحكه من عصبية زين ووجهه الأحمر: حقك عليا يازين معلش هي بتحب الحيوانات ومشتركة بجمعيات وجروبات بتساعد الحيوانات
زين: هي تقربلك
ادهم: اختي الصغيرة
دخل زين الشركة وهو غاضب وخاصة حين لمح الموظفين وهم يضحكون فقال بعصبية: بتتفرجو على ايه على شغلكم مش عاوز حد مش على مكتبه والا هارفده
جري الموظفين بسرعة الى الداخل وعادو لمكاتبهم
ادهم لتاليا: ياللا يامصيبة
تاليا: هو مين المنفوخ دة
ادهم: دة ابن الحاج عاطف المهندس زين
تاليا: وايه يعني حصلنا الرعب
ضحك ادهم وصعد بها الي مكتب رئيس مجلس الإدارة واجلسها مع السكرتارية ودخل لمكتب الحاج عاطف
ابتسمت السكرتيرة وقالت: انتي الي كنتي بتزعقي للمهندس زين تحت
تاليا: اه هو الخبر لحق ينتشر كدة
: دة احنا كلنا كنا بنراقب اصل انتي مش عارفة دة محدش بيحبه هنا خالص مسمينه ابو الغضب
ابتسمت تاليا وقالت: وزدتم واحدة
ضحكت السكرتيرة وقالتلها: انا هناء سكرتيرة المهندس عاطف من سنتين
صافحتها تاليا: وانا تاليا اخت ادهم
خرج ادهم وقال: قولتيلها ايه ياهناء ياسوسة
ضحكت هناء: دة انا غلبانة يابشمهندس والله لما تسافر هاتوحشنا ياريت الي يسافر يبقى زين ابو الغضب دة
ادهم: عيب بس احسن يسمعك تعالي ياتاليا
بقلم مرفت السيد
اول ماالحاج عاطف شاف تاليا قالها باعجاب: لا دة احنا كبرنا خالص ايه القمر دة
تاليا بخجل: شكرا يابشمهندس
ادهم: معلش انت مشفتهاش من زمان كلها شهر وتتخرج من كلية الحقوق
عاطف: ماشاء الله طيب انتي هاتتمرني على الشغل طول الشهر دة ولما تتخرجي تشتغلي معانا في الشئون القانونية على طول وهانزلك تدريب مع استاذ حامد عتمان المحامي بتاعي
قالت بلهفة: بجد دة دكتور عندنا بالكلية دة اسطورة كلنا بنتمنى نتدرب معاه
ضحك عاطف: اعتبره نفسك معاه انا كان نفسي اخلف بنت بس ربنا كرمني ب ولدين ادهم التالت بتاعهم وانتي الرابعة
ادهم: تسلم ياحاج مش محتاج اوصيك عليها
رواية عارفة حظى الفصل الثالث 3 من هنا
لقراءة الرواية كاملة اضغط هنا (رواية عارفة حظى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
