رواية عارفة حظى الفصل الخامس 5 بقلم ميرفت السيد
 |
| رواية عارفة حظى |
رواية عارفة حظى الفصل الخامس 5
#عارفة_حظي
♡5♡
#بقلم_مرفت_السيد
وقعت الأم من طولها وام فتحي صحت ابنها بسرعة يساعد ادهم شالوها وجريوا بيها على عربية فتحي ونقلوها على اقرب مستشفى
الدكتور بيفحصها وادهم بيحاول يتصل بتاليا مش بترد
فتحي قاله: خليك مع مامتك وهات عنوان ابوك انا اروح اشوفها
ام فتحي: عين العقل روح ياحبيبي
ادهم قاله العنوان وهو ماشي قاله: وابقى طمني يافتحي
تليفون ادهم رن بيفتكر ناليا بس لقى الحاج عاطف
رد عليه: سلام عليكم ياحاج
عاطف: وعليكم السلام انت مجتش ليه
ادهم: غصب عني
: مال صوتك ياابني حصل حاجه
خير ياحاج امي في المستشفى
: الف سلامة عليها حصل ايه
قص عليه ادهم الي حصل فطلب منه عنوان المستشفى وقفل معاه
ام فتحي: ربنا يستر يارب سلم
خرج الدكتور ادهم بسرعة جري عليه: طمني يادكتور
والله ضغطها عالي جدا وعملنا اللازم
ادهم: يعني هي بخير
اه متقلقش بس هتفضل هنا النهاردة للمتابعة
ام فتحي: الحمدلله نقدر نشوفها يادكتور
الدكتور: اتقضلوا بس ياريت محدش يزعلها بلاش انفعال
ادهم وام فتحي دخلوا وجدوها نائمة والممرضة بجوارها
قالتلهم: هي بترتاح ولما تخلص المحلول هاتفوق باذن الله
ادهم وام فتحي جلسا بحوارها وادهم على اعصابه
ام فتحي: روح انت ياحبيبي انا جنبها متقلقش
ادهم: لأ مقدرش طالما فتحي راحلهم انا كده متطمن
دخل الحاج عاطف وقال: طمني على الحاجة
: تعبت نفسك ياحاج هي بخير ضغطها عالي
عيب يابني تعب إيه بس ربنا يطمنك عليها
تعالى انا عاوزك
خرجا سويا فدس عاطف مبلغ من المال بجيب ادهم وقبل ان يعترض قاله: ماسمعش صوتك وتطمني على الوضع باستمرار لاني عاوزك بموضوع مهم جدا قبل ماتسافر بس لما تفوق الحاجة كدة ولو عاوز تفضل جنبها لحد. ماتتعافى نأجل سفرك شويه
ارتمى ادهم باحضان عاطف: انت ابويا والله ربنا يخليك ليا
عاطف: بس ياواد انا ابوك فعلا اختك فين
ربنا يستر شكلها راحت تجيب حق امي
: بنت جدعة خليها توقفهم عند. حدهم استأذن انا ولو حصل قلق مع تاليا كلمني بس
انصرف عاطف وجلس ادهم بجوار امه
بقلم مرفت السيد
انطلقت تاليا بطريقها لبيت ابوها وهي متعصبة وهي بالطريق جاتلها رسالة من فتحي عالواتس امك بالمستشفى
ودة عصبها اكتر وصلت ركنت العربية
كان فتحي وصل بسرعة نزل وراها ملخقش يمنعها كانت خبطت
اول مامرات ابوها فتحت
تاليا ضربتها قلم لسة بتفوق ضربتها التاني طلع ابوها يجري من جوة حضنها وهي بتعيط وخايفة من تاليا
تاليا قالتله: اسمع يالي خسارة فيك كلمة بابا من اللحظة دي ملكش دعوة بينا احنا اعتبرناك ميت من زمان
وانتي ياز.. بالة لو رفعتي عينك في أمي تاني هاعميكي
ابوها: انتي بت متربتيش
تاليا: فعلا بس انا معذورة ابويا مكانش فاضي يربيني
فتحي كل دة كان بيتابع الي بيحصل وساكت بس قالها: خلاص ياتاليا ياللا بينا
تاليا: استنى يافتحي وبصتلهم باحتقار وقالت: امي بالمستشفى لو حصلها حاجة مش هارحمك حد فيكم
اول ماخرجو قالتله: طمني على ماما
ادهم كلمني ضغطها عالي ومحجوزة لحد ضغطها مايتظبط
: ياللا بينا
وصلو المستشفى ادهم حري على تاليا حضنها : كدة برضه طمنيني عليكي حصل ايه
تاليا: فتحي يحكيلك سيبني اتطمن على ماما
ام فتحي وادهم خرجو مع فتحي الي حكالهم الي حصل
ام فتحي: جدعة
ادهم: ولسة دوري بس اوصل امي البيت
فتحي: خلاص بقى
ادهم: أبدأ بيتنا ليه احترامه والراجل دة انتهى دوره بالنسبالنا وهو الي اختار
استفاقت الام فاستدعو الطبيب فحصها وقال: احسن الحمد لله تقدرو تروحو بشرط راحة ومفيش انفعال وتلتزم بالعلاج الي كتبته
الام: انتي كويسة ياتاليا
تاليا: الحمد لله والي مدت ايدها عليكي عرفتها غلطتها
ادهم: ماعاش ولاكان الي يزعلك ياحبيبتي
فتخي: ياللا بينا حمد الله على سلامتك ياحاجة
وانصرفو جميعهم من المستشفى
اتصل عاطف ليطمأن فطمأنه ادهم فقال: اختك خليها تركزفي امتحاناتها
ادهم: حاضر
وانت هنأجل سفرك لحد. ماتطمن عالجماعة
: الي تشوفه ياحاج
سلام ياولد
انشغلت تاليا بالامتحانات وكانت تذهب ىالى المكتب ساعتين يوميا بعد الكلية وزين بيراقبها وهي مجتهدة ونشيطة ومثار للاعجاب وبعد انتهاء عملها تذهب بعدها الى منزلهم تطمن على امها وترتاح وطول الليل تذاكر لحد ماخلصت امتحانات وهترتاح جمعة وسبت وتنزل شغلها عادي
والام حالتها اتحسنت وادهم اتحدد سفره بعد اسبوع
استدعاه الحاج عاطف لمكتبه وقاله: خلاص كدة تاليا معانا من يوم الحد 8 ساعات وامك بقت بخير وانت اسبوع ومسافر صح
: تمام ياحاج الحمد لله
طيب انا بقى كنت عاوزك بموضوع مهم ودة الوقت المناسب الي افاتحك فيه
؛: خير يابشمهندس
خير ياابني كل خير انا.....
🤔🤔🤔🤔🧐🧐🧐😳😳😳
يتبغ
#عارفة_حظي
#بقلم_مرفت_السيد
#M_s
رواية عارفة حظى الفصل السادس 6 من هنا
لقراءة الرواية كاملة اضغط هنا (رواية عارفة حظى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
