رواية الحب الخطأ الفصل الرابع 4 والأخير بقلم أمنية يوسف
 |
| رواية الحب الخطأ |
رواية الحب الخطأ الفصل الرابع 4 والأخير
_وقفنا المره اللي فاتت لما حمزه قال
حمزه"أكيد طبعا أنا هطلقها.. وبعدها علطول هنحدد فرحي انا وريم "
كنت واقفه مصدومه من اللي بيقوله بس اللي استغربته إنه طلب منهم انهم يسبونا وحدنا
بعد ما مشيوا
حنين بدموع"اهلا يا حمزه"
حمزه بهدوء"ارجوكِ سامحيني واعرفي ان اللي بعمله ا..
حنين بمقاطعه لكلامه"حصل خير يا حمزه أنا عارفه إني من الأول بديل لريم وإني كدا كدا هطلق دلوقتي او بعدين "وبعدين ريم دخلت علينا وسكتنا
بعد يومين تم فعلا طلاقي من حمزه...كنت زي الميته...مع اني متكلمتش معاه كتير بس كنت مطمنه وهو معايا...كنت حاسه إنه هو اللي هيعوضني...بس محصلش نصيب..
كنت بشوفهم وهما بيجهزوا ريم وفرحانين بيها وهي كذلك كانت بتطير من الفرحه وهما رايحين الكوافير...اصله عامل فرح اسطوري ليها...ابتسمت بحزن ودموعي في عيني ودخلت اوضتي جري قبل ما يتفض'ح أمري ...بعد ما مشيوا سمعت صوت الجرس
طلعت عشان اشوف مين لقيته حمزه
بصتله ببرود فقال:
_حنين إنتِ زعلانه مني من حاجه؟
حنين ببرود"وأزعل ليه؟مانا عارفه إني من الاول بديل
قرب أكتر فبعدت وانا ببصله بتوتر ودهشه عايز ايه كمان مني...
_حنين هو انتِ حبتيني او اتعلقت بيا.
بصتله بغضب وقولت"اتعلق بيك ايه حمزه احنا مقعدناش مع بعض غير اسبوع العمليه وفي الاسبوع دا اعتبرتك صديقي واخويا مش اكتر وعشان كدا انا بتمني تلاقي سعادتك مع ريم وانا أكيد لسه نصيبي مجاش بس اكيد هيجي وهلاقي اللي يقدرني اكيد..
بصتله بعد ما خلصت كلامي حسيته اتضايق بس غير الموضوع
_انا عايزك تحضري كتب كتابنا انا وريم
_لا مش هحضر الناس مش هتسيبني في حالي
حمزه...عشان خاطري يا حنين لازم تحضري
عمضت عيني وقولت...لو سمحت يا حمزه متغصبنيش على حاجه انا مش عايزه احضر ومشوعايزه حاجه تحصل يقولوا اني غيرانه فلو سمحت اتفضل اخرج كلامنا خلص ...وفعلا خرج وسابني
_____
بعد ساعات اتبعتلي فيديو فتحته واتصدمت من اللي فيه ..حمزه كان بيقب'ض علي ريم وواحد تاني أول مره أشوفه...اتصدمت هو ايه اللي حصل...وازاي حمزه...حمزه بيشتغل ااه..افتكرت لما صاحبه قالي انه ضابط...اتصدمت أكتر هو فيه ايه ايه اللي بيحصل دا ...ازاي اصلا...
بعد فتره كنت رايحه وجايه قدام باب الشقه بتوتر مستنيه أي حد يقولي أي حاجه يطمني وفجأه باب الشقه اتفتح ودخلوا منه أهلى وحمزه
حنين بسرعه...حمزه هو ايه اللي حصل
حمزه بهدوء....كل الحكايه إن اختك بتحب واحد من أكبر تجار المخد'رات وهو بيحبها وكنت لازم أعمل كدا عشان هو يظهر بعد ما يعرف إنها هتتجوز وهتسيبه
حنين بدهشه...تسيبه إزاي انت بتقول انها بتحبه
حمزه.. اختك لما عرفت إنه بيخو'نها مع واحده معاه في الشغل قررت إنها تسيبه وتبعد عن الشغل ده...وقالتله إنها هتتجوز ضابط يعني مهما حصل مش هتتح'بس وهو اللي هيبقا في الوش وهيلبس كل حاجه وحده ...طبعا هو مسكتش وكان جاي عشان يفضح'ها..بس ومقدرش اقولك أكتر من كدا
وقفت بصدمه ودهشه من اللي بيحصل حواليا...وماما وبابا كانوا بيبكوا ويبصولي...وقفت وانا سامعه حمزه وهو بيقول لأهلى
_حنين من انهارده تخصني اقسم بالله أي حد هيجي جمبها هحبسكم فاهمين
وسابنا في صدمنتا كلنا
مرت الأيام وبابا وماما بيحاولوا معايا إني اسامحهم بس مش قادره.. ساعات كتر الغلط بيعلم الجفاء وهما غلطوا معايا كتير وانا صعب اسامحهم...وفي الايام دي برضو مكنوش ساكتين وبيشوفوا كل الطرق عشان ريم تخرج ...في الأيام دي بدأت تجيلي ورود من حمزه...شوكولاته وهدايا...وكروت فيها كلام حلو وشعر ...حمزه وكلام حلو وشعر أكيد غاششهم
الهدايا بدأت تتحول لإتصالات مكنتش برد عليها لحد ما بدأ يمشي ورايا...
في اليوم دا كنت رايحه الشغل لما لقيت حمزه وصاحبه ماشيين ورايا ...حاولت اسرع بس هما كانوا سرعوا وحمزه بدأ يعاكسني
_هو القمر بدأ يطلع الصبح ولا ايه..شاهد لأول مره قمر بيمشي على الارض وطالع بالنهار
ضحكت على كلامه هو غالبا صاحبه بيمليه وضحكت اكتر وهو كل دقيقه يدخل ياخد الكلام من صاحبه ويقوله ليا
وفجأه خرج من العربيه وقال...بصي انا مليش في الكلام دا انا سكه ودغوري برضاكي او من غيره هتتجوزيني وغصب عنك وفرحنا بعد اسبوع
وقفت وربعت ايدي وقولت...وانا مش موافقه غير لما تعمل حاجه واحده
حمزه بسرعه..ايه هي؟
_تتقدملي في الملاهي وقدام الناس كلها
حمزه بسرعه.. موافق طبعا يا بطل
عدت الايام ...وانهارده خارجين نا وحمزه
وبعد فتره وصلنا الملاهي واخدني مرجحني شويه..حاولت انسى حاجات كتيره ...احنا بنعيش الدنيا مره واحده...والاهم ان حمزه طلع بيحبني من قبل مانا احبه اصلا...
حمزه وقف قدام الناس وقال بصوت عالي وبيشاور عليا...لو سمحتوا شايفين البنت دي دي البنت الوحيده اللي خطفت قلبي ....انا حابب اتأسفلها قدامكم كلكم هي الوحيده اللي وقفت جمي في وقت كنت محتاج حد فيه...والوقت دا مكنتش عايز غيرها يقف معايا...احب اقولها قدامكم إني والمصحف بحبها وعمري ما حبيت غيرها
سمعت سقيف الناس ...كنت مبسوطه وانا راجعه وهو معايا بعد ما قالي انه كان بيمشي ورايا من اول ما شافني وكان هيتقدم بس حصل دا كله ...كنت فرحانه وهو بيقولي تعبيرات وشي وازاي كان بيراقبني
وبعد شهرين بقيت حرم حمزه بيه الهواري ...في بيتنا
حمزه وهو بيقط'ع السلطه....تعرفي إنك الحب الخطأ
بصتله بصدمه ...ازاي يعني
حمزه بإستغراب من نفسه...مش عارف بس اللي اعرفه اني حبيتك
تمت
صلوا على شفيع الامه
امنيه يوسف
آسفه علي الاخطاء الاملائيه
#الحب_الخطأ
لقراءة الرواية كاملة اضغط هنا (رواية الحب الخطأ)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
