رواية منتقبة غيرتنى الفصل السابع 7 بقلم وردة الأمل
 |
| رواية منتقبة غيرتنى |
رواية منتقبة غيرتنى الفصل السابع 7
منتقبة غيرتني
بارت 7
بسم الله الرحمن الرحيم ♥️
اللهم صل وسلم وبارك على سيدنا محمد ♥️
_______ عند سليم
في نفسه : يا تري عملتي فيا اي ده انا حتي مش عارف انام بسببك وعمال افكر فيكي
عقله : لا يا سليم بس انت بتحب ميرا
قلبه : بس انا حاسس بإحساس محستهوش قبل كده حتي مع ميرا
عقله : بس انت بتحب ميرا ومعاها بقالك سنتين
قلبه : بس انت حاسس اني مش بحبها وكان مجرد اعجاب
سليم : خلاص بقااا
وبعد تفكير كتير ف شهد نام
_ سليم سليم
سليم : اممم
شهد : قوم عشان تصلي
سليم : سيبيني عايز انام
شهد : الفجر أذن يلا عشان تصلي
سليم : شهد اطلعي بره سيبيني اتخمد
شهد : ليه وهو انت عايز ولادي يطلعوا زي ابوهم كسلانين وميصلوش لا يحبيبي الكلام ده مينفعش معايا قوم كده عشان نصلي
سليم بزهق : حاضر قومت اهو
شهد : تمام اتوضي ويلا عشان تصلي بيا جماعه
بعد الصلاه
شهد : علفكرا اعمل حسابك كل يوم هصحيك لقيام الليل والفجر
سليم بضيق : روحي نامي وسيبيني اتخمد
تاني يوم
سليم : شهد يا شهد اصحي امي جات بره هي واهلك
شهد : تمام قومت اهو
لبست شهد عباية استقبال كانت جميله عليها وفردت شعرها وخرجت سلمت عليهم وقعدت سليم بصلها وتنح
سليم ف نفسه : اي الجمال ده كلو أنا شكلي كده هحبك
أمه : سليم
سليم : ..... لا رد
أمه : سليم ... يا سليم
سليم : ها نعم يا ماما
أمه بخبث : مالك يا حبيبي. عماله بنادي عليك مش بترد
سليم بإحراج : لا يا ماما مفيش حاجه
أمه : ماشي يا حبيبي
شهد قدمتلهم عصير وقعدو اتكلموا شويه بعد كده مشيوا
شهد دخلت جهزت الاكل وسليم دخل اوضته
شهد : احم سليم الاكل جهز
سليم : تمام أنا جاي اهو
سليم خرج واكلوا شهد لمت الاكل وغسلت الاطباق
شهد : سليم بقولك اي تعالي عملت فشار وهنتفرج علي التلفزيون
سليم : تمام جاي اهو
سليم خرج لقاها جايبه فشار ولب وتسالي وقاعده بتتفرج علي (اسبونج بوووب)
سليم : اي ده اقلبي هاتي فيلم ولا اي حاجه
شهد : اسمع بس ده هيعجبك
سليم : يا ستي اقلبي بس ولا اقولك هاتي أنا أقلب
شهد : يا حبيب قلبي مهو الافلام حرام وانا مش عايزه جوزي يدخل النار ولا يتعذب عايزاه في الجنه معايا أن شاء الله
بصراحه معرفتش ارد عليها اقول اي بعد كلامها ده فقعدت ساكت
اتفرجنا علي الكرتون بتاعها وبصراحه استمتعت وانا بتفرج معاها وكلامها وهزارها
لقيت الفون رن لقيتها ميرا قومت من جنبها ورديت بعيد عنها
ميرا : الو يا سليم عامل اي اخبارك
سليم : الحمدلله يا ميرا .........بترني ليه خير في حاجه
ميرا : اي مش عايزاني اتصل ولا اكلمك أوام ما لحقت تخليك تنساني
سليم : لا يا ميرا بس ورايا شغل ومش فاضي اكلمك بعدين ...سلام .وقفل
ميرا : ماشي يا سليم ان ما وريتك وحرقت قلبك عليها
رجعت ملقتهاا حسبتها سمعتني
سليم : شهد انتي فين
شهد : أنا هنا يا سليم بجيب عصير وجايه
سليم : تمام
فرحت جدا أما لقيته قفل معاها ومش عايز يكلمها وبقا عندي امل انو يتغير ويحبني
قعدوا في وسط ضحك وهزار شهد
الضهر أذن
شهد : يلا يا سليم عشان الصلاه
سليم : شويه كده مش قادر
شهد : لا دلوقتي ويلا بقا عشان تصلي بيا
سليم : تمام
خلص اليوم ودخلوا عشان يناموا
عند شهد
_ الو السلام عليكم ورحمه الله وبركاته
شهد : وعليكم السلام ورحمه الله وبركاته عاملين اي اخباركم
سما وروان : الحمدلله بخير وانتي
شهد : أنا الحمدلله بخير .........بقولكم اي انا فرحااانه سليم في امل انو يتغير ويحبني زي ما بحبه
سما وروان : بجد ...مبارك يا قلبي ❤️
نسيبهم بقا يتكلموا مع بعض شويه
"استغفر الله العظيم رب العرش العظيم و اتوب اليه ❤️"
عند سليم
بيكلم صحابه
ادم : الو اي يسطا لحقت تنسانا هي القمر نستك حتي صحابك
سليم : لا يعسل منستكمش ...... ولم نفسك بدل ما المك
مصطفي : اي ده احنا بنغير ولا اي شكلنا بدأنا نحب
سليم : اكتم انت التاني
ادم : بقولك اي يا سليم متعرفش البنت اللي لابسه خمار اللي كانت في كتب كتابك
سليم : لا بس علي ما اظن صاحبة مراتي ........ انت عايزها في اي
ادم : لا ابدا بسال بس
مصطفي : انجز يا آدم عجبتك
ادم : الصراحه اه
مصطفي: هي الصراحه قمر
ادم : مصطفاااااا هزعلك مني
مصطفي خلاص يعم أنا اتكلمت
سليم : خلاص يا آدم ابقا أسألك شهد عنها
مصطفي: طب اي انتو كلكم هتتجوزوا وانا لا شوفولي واحده معاكم
سليم : هو اي هري وخلاص انت عبيط يلا
ادم : بص كان في بنت منتقبه معاهم حلوه هتعلمك الادب
مصطفي: اه عارفها
سليم : وانت عرفتها منين يا مصطفى
مصطفي: ها لا ابدا ده كان موقف كده
تمام يا شباب هسألكم عنهم تمام
يلا سلام بقا نتكلم بكره أن شاء الله
ونام كلا من شهد وسليم
عند مصطفى
مصطفي بحب : ياه لو فعلا اتجوزك
فلاش باك
في كتب الكتاب
مصطفي : طب خلاص انا داخل عليكم اهو دخلت البيت ......ااه اي ده انا اسف
سما : ولا يهمك عادي
اتفضلي فونك اهو
مصطفي بيديها الفون سرح في عيونها الخضر دول وجمالهم
سما بتهرب من نظارته : شكرا عن اذنك
باااك
لا حول ولا قوه الا بالله العلي العظيم 💖
في مكان اول مره نروحوا
_ بص عايزاك تبعد شهد عن سليم تمام
= يعني اعمل اي يعني
_ بص اعمل اي حاجه اخطفها أو خليها تعمل حادثه بس اهم حاجه تبعد عنه
= لي كل ده انتي للدرجادي بتحبيه
_ احب مين يعم كل اللي يهمني فلوسه
طب اسمعي هنعمل ...........................
يا تري مين دول ؟؟؟
رواية منتقبة غيرتنى الفصل الثامن 8 من هنا
لقراءة الرواية كاملة اضغط هنا (رواية منتقبة غيرتنى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
