رواية ثلاث صرخات وحدها لا تكفى الفصل الثالث 3 بقلم إسماعيل موسى
 |
| رواية ثلاث صرخات وحدها لا تكفى |
رواية ثلاث صرخات وحدها لا تكفى الفصل الثالث 3
#ثلاثة_صرخات_وحدها_لاتكفى
٣
كفايه يا شريف هتموتها خلينا نفكر فى المصيبه دى، اطلع بره لو سمحت
طلع شريف من الغرفه كوثر قعدت تبكى، قولتلك خلى الواد معايا مرضتيش
كنت عارفه انك مش واعيه لنفسك وادى الى خفت منه حصل، خنقتيه وانتى نايمه
مكنتش قادره اتكلم من الحزن واليأس، كوثر جابتلى الشربه خدى دى وانتى هتستريحى
احنا لازم ندفن الواد من غير ما حد يحس
شربت شروق الشربه المخدره المخلوطه بالهروين، حست بخدر فى جسمها
نسيت حزنها وهمومها ونامت
شريف كان بيعاملها معامله وحشه جدا، كل شويه يذكرها انها قتلت ابنها بايدها
للهروب من الاحساس بالذنب كانت شروق بتطلب الحساء من كوثر
وكوثر كانت بتديه ليها بسعاده
وحملت شروق مره تانيه، بطنها اتنفخت، برافو عليك يا شريف والله
احنا عايزين أطفال كتير
متقلقيش يا كوثر هخليها تحمل زى الأرانب
ومرت الشهور بسرعه، شروق ربنا رزقها بطفله جميله، المره دي كان مقرره انه عينها مش هتغفل عنها ابدا
هتلعب معاها وتستمتع بضحكتها، هتشوفها بتمشى قدامها وتجرى وراها فى الشقه
كوثر سابت الطفله مع والدتها
شريف انجزى يا كوثر الجماعه مستعجلين
كوثر اصبر شويه، البت واخده بالها اوى المره دى
والشربه راحت فين؟ متنسيش انها مدمنه
ضحكت كوثر، انا معطاشها، مانعه عنها الحساء لحد ما تفرهد
ارتخى جسم شروق، بدأت تطلب الحساء، كانت هتبوس على رجل كوثر
اول ما خلصت الحساء نامت، كوثر خدت الطفله ومشيت
وزى كل مره، شروق بتفتح عنيها على ضرب شريف إلى بيكسر عضمها
نمتى وسبنى بنتك لحد ما ماتت
صرخت شروق، ماتت ازاى، انا كنت واخداها فى حضنى
وبعد كده ايه الى حصل؟
معرفتش ترد، مش فاكره حاجه، مش فاكره يا شريف مش فاكره
خنقتيها زى ما خنقتى ابنك
انتى مش ام انتى قاتله
اترمت شروق على الأرض تبكى وتندب وفقدت وعيها
خرجت كوثر وشريف ورجعو اخر الليل،
كوثر شفت انا عملت ايه، شفت الاتفاقات ازاى؟
طلبت ضعف المبلغ وخدته
الصراحه يا كوثر انتى فظيعه مجرمه
امال ايه يا واد دا انا كوثر والاجر على الله
باب غرفة شروق كان مفتوح، كوثر دخلت الاوضه ملقيتش شروق
راحت فين بنت الكلب دى؟
بتبص لقيت شروق مرميه فى المطبخ نايمه
ضربتها برجلها شروق قامت، بتعملى ايه هنا يا زفت؟
شروق كنت عايزه الشربه، دماغى هتنفجر
كوثر اديتها الحساء، شروق شربته ونامت
شريف لكوثر تفتكرى البنت دى سمعت حاجه؟
كوثر لا مسمعتش، هى عارفه نفسها فين اصلا؟
ورينى همتك بقا عايزين واحد تانى
شريف متقلقيش هخليها تحمل فى تؤام
فى اللحظات إلى شروق كانت بتستعيد فيها وعيها كانت بتسأل نفسها هما كانو بيتكلمو على ايه؟
فى مره سألت كوثر، انت شفتك يا كوثر واخده بنتى وخارجه من الغرفه
كوثر وهى بتتصعب، تهيأوت يا بنتى تهيأوت ربنا يشفيكى
لكن شروق كان عندها شكوك أقرب للحقيقه
حملت شروق مره تالته وقضت شهور الحمل نايمه مش حاسه باى حاجه
فى يوم كوثر نسيت تديها الحساء وكانت قاعده مع شريف فى الصاله
البت قربت تولد اتفقت مع الناس؟
شريف ايوه اتفقت كل حاجه تمام
بعد ما شروق ما تولد عايزين نخلص منها، البنت اسألتها كترت واحنا مش ناقصين مشاكل
سمعت شروق كلمة نخلص منها وجسمها كله ارتعش، دول بياخدو عيالى
حضنت معدتها، مش هسمح لأى شخص يلمسك يا حبيبى زى اخواتك متخفشى
طلبت شروق من كوثر انها تصنع الحساء بنفسها، كوثر وافقت
وبدأت شروق تبدى طاعه كبيره لكوثر
تسمع كلامها بالحرف تطيعها
لكن مكنتش بتشرب الحساء، فى الاول حست ان جسمها بيتقطع، صداع، عرق
حست انها هتموت
كل ما كانت تضعف كانت تفتكر صورة أطفالها وهما بيتاخدو منها
لحد ما بدٱت تتعافى وكانت بتحاول تتذكر الايام المنسيه، الممسوحه من ذاكرتها
كانت عايزه تعرف ايه الى حصل
رواية ثلاث صرخات وحدها لا تكفى الفصل الرابع 4 من هنا
لقراءة الرواية كاملة اضغط هنا (رواية ثلاث صرخات وحدها لا تكفى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
