رواية التحدى المستحيل حلقة خاصة 2 بقلم إسراء هانى

رواية التحدى المستحيل حلقة خاصة 2 بقلم إسراء هانى

رواية التحدى المستحيل بقلم إسراء هانى

رواية التحدى المستحيل

رواية التحدى المستحيل حلقة خاصة 2

التحدي المستحيل حلقة خاصة ٢

تمشي في الشارع كالضائعة كالمجنو.نة كأنها لا ترى الناس وكلماته تتردد في اذنها " تتطلقي منه وحعد ٣ شهور ونتجوز ياما تودعيه هو وولاده " 

من يراها يحسبها جسد بلا روح .. ظلت تمشي مدة لا تعلم عددها حتى وصلت البيت .. 

فتحت الباب لتجد ذاك الذي ركض لها وضمها بعشق شديد وهمس بحنان ؛ كدة يا نفين قلبي كان حيوقف تأخرتي ومش بتردي على تلفونك " 

نظر لوجهها الذي اصبح شاحب ولونها الأصفر وهمس بقلق : نفين انتي كويسة 

همست قبل ان تفقد وعيها بين يديه : انا بحبك اوي 

حملها بفزع شديد ودخل بها أحد الغرف وهو يخبط وجهها ودموعه هبطت على منظرها 

عمر : نفين حبيبتي في ايه فوقي يا روحي نفين 

فاقت بعد وقت وجدته ينظر لها ودموعه تغرق وجهه وهمس بخوف : نروح المستشفى نطمن .. انا قلبي حيوقف من الخوف 

نفين برجاء : عايزة انام في حض.نك يا عمر 

خلع الجاكيت وتمدد جوارها وضمها بحب شديد وهي زادت من ضمه وجس.دها يرجف بشدة 

عمر بحنان: في ايه يا روحي مالك بترجفي كدة ليه 

نفين: اصلي كنت حعمل حادثة 

عمر بقلق : يا روحي الف سلامة عليكي ان شاء الله دايما تبقي بخير يا قلبي 

نفين : يعني لو ما بقتش موجودة ه.. 

اسكتها بطريقته وقت طال امتص به خوفها يخبرها ان الحياة بدونها لا يريدها 

نظرت للخوف في عينيه ليهمس وهو يضمها : حياتي من غيرك ما تلزمنيش يا نفين 

نفين : ومصطفى واحمد

عمر " ما يعوضونيش .. انتي اغلى من اي حد انتي فرحتي الأولى يا نفين حب عمري 

نفين بدموع : وانا كمان بحبك اوي والله اوي 

عمر بحنان: طيب قوليلي فيكي ايه وانا ححل كل حاجة 

هزت راسها بالنفي وهمست : اصلي خوفت اسيبك لوحدك 

عمر " ان شاء الله حنعيش العمر كله سوا 

_____ صلوا على النبي ______

هناء : انتي يا بنت المجانين حقوم اعلقك عشان مش عايزة تذاكري 

قامت تمسك يدها وقبل ان تضربها فزعت بصوت من خلفها جعلها تتيبس خوفا 

خالد: هنااااء 

استدارت وهمست بابتسامه خوف : ايوة يا عمي 

خالد: اقسم بالله يا هناء ان ايدك تمدت على وحدة فيهم تاني لترجعي بيتك انتي وزين ويفضلوا عندي هنا تجيلهم كل شهر مرة

هناء بحزن  : يا عمي انا امهم وخايفة عليهم عايزها تدرس

خالد بحدة : عنها ما درست انتي وجوزك تسيبوا البيت لو حد فيكو فكر يمد ايدو 

زين : وانا ذنبي ايه

خالد : ذنبك انك تخاف تتكلم لو شوفتها بتضربها او بتزعق ليها .. دول اغلى منكو انته الاتنين واللي حيفكر بس يزعلهم ما يلوم اللي نفسه 

حمل سنا وهمس : تعالوا يا قلبي نلعب سوا 

ضمته تيلا بحب واخرجت لسانها لوالدتها التي اغتاظت بشدة

رغم ضيقها من كلامه الى ان سعادتها ليس لها حدود فهو يلعب معهم بالساعات يجلب لهم كل يوم اشكال واصناف من الهدايا والالعاب 

نظرت لزين بطرف عينيها ليهمس بخوف: انا مالي ما الكلام كان موجه ليا انا كمان 

هناء بغيظ : انا مش حعرف اكلمهم بعد الدلع ده عمي خربهم بدلعه خالص 

ضمها من كتفها وهمس : بابا بحبهم بشكل جنوني احيانا بحس اني مش ابنه انا ما كانش بيدلعني كدة ده انا كنت في مدرسة خاصة رافض يوديهم هناك 

هناء: ما اعز من الولد اللي ولد الولد

زين بضحك : اغلى مين ده مش فاكرني اساسا 

ضحكا سويا ليهمس وهو يحملها : بما انه بابا بحبهم اوي كدة ما تيجي نجبلهم اخ 

هناء : وحياة امك 

زين : امك .. انا حق.صه قريب لسا.نك اوعدك 

هناء : ما انت عايز تخلف تاني هو احنا عارفين نربيهم اصلا .. ده احنا اللي تربينا بعدين حافضل اخلف لما اجيب الواد لا شكرا 

زين : طيب .. انا بقى عايز اقولك كلمة سر .. 

لم يختلف زين في حبه حنانه عشقه غيرته ... 

اسامة مساعده السابق: ها ايه رايك 

زين بضحك: في ايه

اسامة بضيق: بقالي ساعة بتكلم 

زين : اسمعني يا اسامة انا عارف ومقدر انت قصدك تساعدني بس انا الموضوع رافضه تماما 

اسامة: هناء حتقتنع 

زين : اسامة انا اب ل٣ بنات بكرة بناتي حتفتح تشوف افلامي اللي اكيد مش بمثل فيها امام مسجد حقولهم ايه انا لو اقدر احذف اللي مثلته مش حتردد .. انا ما صدقت خفت قصة المعجبات والمشاكل انا روحي في هناء ومش مستعد تزعل مني ثانية حتى .. والأهم من ده كله انه حراااام حرام وانا عايز ادخل الجنة انا وولادي ومراتي ان شاء الله 

اسامة: حتى الغناء 

زين : انا الحمد لله عندي فلوس مكفياني وشغل بابا ناجح وبجد اللي ندمان عليه مش اعتزالي اللي ندمان عليه شغلي من الاول 

اسامة " ربنا يوفقك 

غادر اسامة وبعد وقت دخلت له تلك الفتاة التي ما زال يراها أجمل من ذي قبل يراها طفلة .. طفلة قلبه كانت في أجمل صورة ..

همس بابتسامه : ايه القمر ده .. راضية عنك بقى 

هناء : كنت فاكرة في الاول لما اعتزلت بعد اما نتجوز حترجع عادي واهو مراتك حاروح فين ما كنتش عارفة اني اهم عندك من كل ده 

زين بعتاب محبب : بجد مش عارفة .. انتي اغلى من الدنيا بحالها استفيد ايه من كل ده ذنوب ومشاكل بيني وبينك وانتي شايفة انا ما شاء الله دلوقتي جدع عرفت كل طرقك ما بزعلكيش باي حاجة عشان ما افضل شهر احايل 

همست بصوت خافت: بحبك 

لهنا وانهارت كل حصونه جذبها وهمس: كوني قدها بس .. 

زاد عشقه خلال فترة زواجهم .. واصبحت ادمانه وحياته وما زال يتمنى اخ .. سند لاخوته 

في المساء تفاجئ به مصطفى واحمد يدخلوا راكضين وكل واحد فيهم يحت.ضن واحدة 

زين بعصبية : عمر قولتلك تيجي لوحدك ولا ما قولتش 

هناء : بس يا زين 

زين : شوفي قلة ادبهم .. داخلين يحض.نوا ويبو.سوا هو غصب على جث.تي اجوزهالكوا 

مصطفى وهو يرفع حاجبه ؛ انا مش حستناك توافق حخط.فها او حقول لجوزها كنت ببو.سها 

زين بصدمة والجميع يضحك عليه بشدة : هو انت طالع كدة لمين .. 

هناء بضحك ؛ لجوز خالته.. او جوز عمتو 

زين وهو يلوي فمه : اللي هو انا يعني .. ماشي يا بنت مصطفى 

هناء : مالك يا عمر في ايه يا روحي 

عمر بضيق: مش عارف نفين مالها .. سرحانة مش بتتكلم عصبية بتصحى على كوابيس في الليل تصر.خ وطول الوقت بتعيط 

زين : هيا لسة كدة لما جيت امبارح كانت برضو مش على طبيعتها بتضحك وبتهزر 

هناء بقلق  : حاولت تتكلم معاها 

عمر : بتقولي تعبانة .. انا خايف عليها اوي 

هناء ؛ ان شاء الله خير انا حاجي بكرة اشوفها واحاول اخليها تتكلم 

&&& 

دخل لها الغرفة وهي في اجمل هيئة ليهمس : عارفة ان جه تاني ححدفه من الشباك 

رحمة بضحك : عشان كدة الوحدة ما ينفعش تتجوز اكتر من واحد ده انته لو ضراير مش حتعملوا كدة 

علي بغيظ : ابن الك.لب مستقصدني ده لو فاهم احنا بنعمل ايه مش حيكون كدة انا متغاظ منه اوي ومنك انتي كمان 

رحمة ببراءة : انا .. ليه

علي : عشان بتقفي في صفه .. بحس انك بتحبي اكتر مني مستعدة ترضي على حسابي انا اتفلق مش مشكله. ده انا بقعد في الشهر مش بعرف اخدك في حضني غير لما ببات عند هناء 

رحمة: يا حبيبي مصطفى صغير ومتعلق فيا اوي وبعدين ياما شام كانت تنام في حضنك ما كنتش اتكلم 

علي: طيب ايه حتقضيها كلام وحشاني اوي

قب.لها بحنان شديد وقبل ان يكمل سمع صوت ابنه يبكي .. تركها ونظر لها ينتظر ان يرى ردة فعلها 

نظرت له بحزن وهبطت دمعة منها مسح دمعتها 

علي : روحيله يا حبيبتي 

رحمة: يعني مش حتزعل .. 

علي ؛ ده ابني يا هبلة متغاظ منه بس مش حسيبه يعيط واكمل اللي بعمله 

ذهبت له بسرعة وارتدت الروب واخذته في حض.نها حتى نام ..

اما علي ذهب الى سريره بغيظ شديد تمدد وغطى وجهه وهو يتوعد له بالمدرسة الخاصة 

بعد ان تأكدت انه نام وصبرت نفسها ان لا تنام كما تفعل دايما ذهبت له وجدته نائم اغمضت عينيها بتعب 

تمددت بجواره وهزت كتفه لم يجيب 

استدارت تريد النوم لتتفاجئ به يعتليها وهمس بعشق الدنيا كلها : لو تعرفي بحبك قد ايه 

واخذها بجولة عاشقة .. لا ولم يكتفي بها 

بعد يومان كان ذاهب الى المركز وهو ينهج بغيظ يريد احر.اق العالم اجمع ليرن هاتفه امسك الهاتف وهمس بهدوء: الو 

مصطفى بعصبية: انت تجيب المأذون وتيجي حالا تتطلقها ان ما خليتك تلف حوالين نفسك عشان تعرف قيمتها ما يبقاش اسمي مصطفى

يا ترى ايه اللي حصل ... 

#يتبع 

اسراء هاني شويخ

رواية التحدى المستحيل حلقة خاصة 3 من هنا

لقراءة الرواية كاملة اضغط هنا (رواية التحدى المستحيل)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)