رواية من أجلها الفصل الأول 1 بقلم سوليبة نصار
 |
| رواية من أجلها |
رواية من أجلها الفصل الأول 1
سكريبت♥️بقلم سولييه نصار♥️
-بقولك ايه يا حبيبتي ما تخسي شوية كده الرجالة مبيحبوش الستات التخينة ولا انتي عايزة تقعدي جمب امك كده علطول ..ما كل عريس بيجي بيهرب منك
قالتها واحدة من أصحاب ماما اللي مشافوش تربية في حياتهم ابدا ...نفخت بضيق وانا بسيب الشوكولاتة اللي في أيدي وقولت :
-وانتي مالك يا طنط هو انا بأكل من تلاجة اللي جابوكي ..ابويا اللي بياكلني مش انتي !!
وش الست بهت وهي بتبصلي بصدمة فماما زعقت وقالت:
- شيماء !!!عيب اللي بتقوليه.ده !!اعتذري يالا من طنط ندي ...
هزيت راسي وقولت:
-لا مش هعتذر من حد ..هي اللي مفروض تلزم ادبها!!!ملهاش أي حق تتكلم عن جسمي وخاصة انها شبه التر.يلا وتفصل مني تلاتة ورغم جده متكلمتش ...
قامت طنط ندي وقالت:
-لا ..انتي فعلا متربتيش ...اهلك معرفوش يربوكي وانا غلطانة اني بنصح بني ادمة قليلة الذوق ..
انتي فاكرة نفسك مين يعني ...ما دي الحقيقة طول ما انتي كده هتعنسي مين هيتجوز فيل ز
-ندي لو سمحتي !!!
زعقت ماما فيها فزعقت ندي وقالت:
-يعني مش سمعاها يا هدي ...مش شايفة قلة ادبها عليا ...انتي هتسكتي وتخلي بنتك تقلل ادبها معايا ....
ربعت امي ايديها. قالت ببرود:
-انتي اللي بدأتي يا ندي ...اظن كتير لمحتلك ان بلاش تقللي من شيماء او تكلميها علي وزنها لكن انتي برضه مصممة تحر.جيها وده جزاء اللي بتعمليه ....
اتعصبت ندي اكتر وقالت لماما:
-كده يا هدي...طيب والله ما أنا جاية عندك تاني ولا لساني هيخاطب لسانك ...
وبعدين مشيت وهي متعصبة ...بصتلي ماما وقالت:
-اللي عملتيه ده اسمه قلة ذوق ...
هزيت كتفي وقولت :
-هي اللي جابته لنفسها يا ماما ...تستاهل
وبعدين بدأت اكل في الشوكولاتة بتاعتي ..اخدت مني امي الشوكولاتة وقالت:
-رغم قلة ذوقها بس كلامها صح جدا يا شيماء انتي مش شايفة نفسك ...انتي بقيتي حاجة صعبة لو مش عشان تحسني شكلك شوية عشان صحتك انتي داخلة في ال١٠٠ كيلو بقيتي متعرفيش تتحركي كويس ...بتتنفسي بصعوبة وانا بقيت خايفة عليكي ...يا بنتي ابوس ايديكي حاولي تتحكمي في نفسك ...تعالي نروح للدكتور و...
-يوووه بقا ..
زعقت وانا ببكي وبعدين.كملت:
-انا مستحملة كلام اصحابك اللي زي الز.فت وانتي جاية كمان تعا.يرني!!!!
قربت ماما مني ومسكت ايدي وقالت:
-يا حبيبتي مش بعا.يرك ..أنا خايفة عليكي ...انتي صحتك بتتد.هور ...
بعدت عنها وانا بقول وانا بتنفس بصعوبة :
-لا انتي بتعا.يرني ...كلام اصحابك اثر فيكي ...وبتيجي دلوقتي تعا.يرني بوزني صح ...
-انا مش بعا.يرك ...افهمي وبطلي غبا ء ...انتي لازم تخسي ...لازم والا هتمو.تي...صحتك بقت في النازل ...انتي مبتفهميش !!!
رجعت لورا وبكيت اكتر وبعدين جريت علي اوضتي وقفلت عليا الباب وانا ببكي ...طول عمري مبهتمش بكلام الناس لكن أن امي تكلمني عن وزني ده جر.حني اووي ...أنا عارفة أنها بتتكلم كده عشان جوازي اتاخر ومفيش حد كتير اتقدملي واللي بيتقدملي بيهرب بس انا مش هاممني الموضوع أنا شايفة ان اللي بيحبني هيتقبلني زي ما أنا بالضبط وآني مش لازم أخس عشان اعجب الناس ...
....
مرت الايام وانا منعزلة في اوضتي ...بأكل لوحدي وانا زعلانة من كلام امي ...ماما كانت دايما الداعم ليا بس تغيرها فجأة جر.حني ...أنا كل الناس تقريبا بتتكلم عن وزني وانا عمري ما زعلت ولا اهتميت لكن لما امي كلمتني انجر.حت اووي ...هما شايفين اني حابة ابقي كده ...محدش فيهم حاسس بالصراع اللي أنا بعيشه بين حبي الشديد للأكل ورغبتي أن جسمي يبقي متناسق زي باقي البنات!!
. ...........
مرت الاسابيع هي هي ...يدوب بروح شغلي وارجع اكل وانام ...علاقتي مع ماما رجعت عادي ولسه بتعرض للتنـ.مر ...بس مع مرور الايام بدأت احس بتعب غريب ..اعراض غريبة كانت بتظهر عليا ...وده خلاني اروح أعمل تحاليل عشان اطمن ...
كنت قاعدة أنا وماما في معمل التحليل في مركز الدكتور اللي بتعالج عنده ودكتور التحاليل ودي التحاليل بتاعتي للدكتور....
بعد لحظات كنت قاعدة قدام الدكتور اللي كان بيبص علي تحاليلي ووشه مكشر بصلي بأسف وقال:
-التحاليل بتبين ان عندك سكر في الدم !!
يتبع
#من_أجلها
#سولييه_نصار
رواية من أجلها الفصل الثانى 2 والأخير من هنا
لقراءة الرواية كاملة اضغط هنا (رواية من أجلها)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
