رواية الوعد الفصل الرابع 4 بقلم سلمى إبراهيم

رواية الوعد الفصل الرابع 4 بقلم سلمى إبراهيم

رواية الوعد

رواية الوعد الفصل الرابع 4

رواية الوعد 👩‍❤️‍👨

الحلقه 4

زياد..ها وصلت؟؟

شغف..اه هي اللي هناك دي....بص وراه عمر وزياد وعمر اتصدم من الصدفه دي وبصلو زياد كدا وابتسم...

زياد بهمس..هي دي صح......

عمر بهمس..اه هي...جات مليكا ولما شافته من بعيد اتصدمت من الصدفه دي...ووصلت....

شغف..حبيبيتي...اعرفك دا زياد جارنا واقرب صاحب ليا....

مليكا..اهلا يا زياد......

شغف..ودا عمر اخو زياد الكبير ويعتبر اخويا انا كمان......

بصتلو كدا بصدمه..اي ..اخو زياد.....

عمر..اي ..في اعتراض ولا اي......

مليكا بصت لشغف ..شغف..انا عاوزه امشي.......

زياد..لي بس...اي حصل.....

شغف بتلقائيه..اقولك انا يعم...هي امبارح كانت راحه تقدم في شركه كدا والمدير بتاع الشركه دي طلع بارد براده ورزل رزاله وغلس غلاسه....المهم يعني كان قليل الذوق اوي معاها يعني وكدا...فالمهم رفضها وهي من ساعتها وهي متنكده بس كدا....

كان زياد واقع من الضحك حتي مليكا وسط همومها ضحكت اوي ..إنما عمر كان واقف مصدوم من اللي بيتقال عليه 

عمر بعصبيه..انا بارد وغلس يا شغف.....

شغف بتلقائيه..لا يعمر مش انت ..دا صاحب الشر......اي دا......هو نت

عمر بصلها بحده..اممم.انا الرزل والبارد وكل دا......شغف اتصدمت باحراج وزياد كان واقع من الضحك خالص....

زياد بضحك..والله العظيم مش عارف ازاي هروح العب كوره وسط الضحك دا......

شغف باحراج شديد..والله ماقصدش...بس هي فعلا ظروفها صعبه وكانت محتاجه الشغل دا

مليكا بحده..شغف.....احنا مش هنشحت من حد......

شغف..مقصدش والله يا مليكا...بس عمر دا فعلا اخويا الكبير..عادي يعني......

جه حد من الإدارة نده علي زياد وراح معاهم عشان الماتش هيبدا.......

عمر..مليكا صح.....

مليكا بصتلو كدا بابتسامه صفرا..اه......مليكا

عمر..احم..انا طبعا بعتذرلك عن اللي حصل مني امبارح دا..بس انا بجد كنت متعصب

مليكا بحزن خفيف..ولا يهمك.....

عمر..احم..انتي ممكن ع فكره تيجي بكرا تاني تقدمي في وظايف كتير فاضيه غير الHR يعني

مليكا فرحت اوي من جواها لكن مظهرتش رغم احتياجها الشديد للشغل..احم....متسمعش كلام شغف..انا زي الفل....

عمر..يستي والله مش قصدي..انا فعلا محتاجلك.....

مليكا..بس الطريقه اللي حضرتك رفضتني بيها مش قادره انساها...

عمر..بجد اسف..كنت سخيف شويه..اتمني متزعليش.....

ابتسمت مليكا تلقائيا..خلاص مش زعلانه ...

عمر..يعني استناكي بكرا....

مليكا..انشاءالله ......

بدا الماتش وكانت شغف بتشجع زياد وتنادي عليه كل شويه في الملعب تنبه لحد ما الماتش دا خلص وزياد عمل ماتش حلو اوي وجه معاد اختيار اللعيبه..وتم اختيار زياد في الفريق الاول لكرة القدم في النادي الاعظم الاهلي......وكان فرحان جدا خلاص حلمه اتحقق أدام عينه ..

جري علي اخوه حضنه جامد ...

زياد في حضن اخوه بفرحه شديده..عملتها يا عمر...عملتها.......

عمر بفرحه لاخوه..قولتلك يا حبيبي والله....بعد عن اخوه وخبط ايده في ايد شغف كدا وفضل ماسكها....

شغف بفرحه شديده ظهرت في عينه..الف مبروك يا زياد ...بجد فرحانه اوي.....

زياد بصلها بحب..الله يبارك فيكي يا شغف..شكرا بجد..كنتي كل شويه بتحمسيني شكرا....

شغف بحب..انت بتشكر مين بس......

مليكا..الف مبروك يا زياد.....

زياد..الله يبارك فيكي...وشك حلو عليا.....

شغف..لا والله...نطلع احنا منها بقا...

زياد بحب..متقوليش كدا دانتي عندي بالدنيا.......

وكانو لسه ماسكين في ايد بعض ولاحظ دا عمر ومليكا وعدي الموقف......

راح احمد عشان ياخد اخته من الدرس وكمان يسأل عليها في الدرس....دخل جوه وطلب يشوفها من السكرتيرة......

السكرتيرة..لا حضرتك شغف مسجلتش حضور انهارده ....

احمد بصدمه..ايي.......طيب شكرا جدا.......وخرج ومكانش طايق نفسه ومش عارف اخته راحت فين.....روح البيت عشان يستناها.......

خرجو كلهم من الاستاد..........

مليكا..طيب انا هلحق امشي بقا يا شغف عشان مشوفتش امي واختي من امبارح......

شغف..ماشي يا حبيبتي......هبقي اعدي عليكو بكرا...واروح انا وشروق اختك الدرس.....

مليكا..ماشي...يلا عاوزه حاجه......

عمر..متنسيش بكرا الساعه 8 في الشركه......

مليكا ..حاضر.....عن اذنكم...ووقفت تاكسي ومشيت........

شغف..ونا هلحق امشي بقا....عشان اخويا....عن اذنكم 

زياد بابتسامه..خلي بالك علي نفسك 

شغف بابتسامه حب..حاضر...باي.......ومشيت..........

عمر..ياض امسك نفسك شويه 

زياد..ع فكره بقا..انا وشغف اخوات وبس.......

عمر بغمزه..منا عارف......

زياد..ما تبس يا بتاع مليكا.....

عمر بصله بحده..طب اسكت بقا بدل ما ارميك تحت اي عربيه 

زياد بضحكه..طب خلاص..يلا بينا نروح.......

فتحت مليكا باب بيتها لقت عمها خالد وابن عمها رامي....اتنهدت كدا بزهق....

مليكا بحده..نعم يا عمي عاوز اي...ولي قاعد مع اني واختي كدا.....

خالد..اهدي يا مليكا احنا جايين نساعدكم

مليكا بسخريه..تساعدونا اه...لو عاوزين تساعدونا ادينا ورثنا يا عمي....

خالد بعصبيه..بردو ورثكم..يبنتي انا قولتلك دا حقي ونا واصي عليكو....

مليكا..مهي دي المشكله.........لو سمحت بقا خلي ورثنا معاك وامشي بقا 

خالد..طب مش تعرفي احنا عاوزين اي الاول.......

مليكا..عاوزين مننا اي يعمي.....

خالد..اتكلم يا رامي.......

رامي..احم..انا عاوز اتجوزك يا مليكا وارحمك من كل اللي انتي فيه

بصتله مليكا بصدمه و......

يتبع......

رواية الوعد الفصل الخامس 5 من هنا

لقراءة الرواية كاملة اضغط هنا (رواية الوعد)

تابعونا على التليجرام من هنا (روايات شيقة ❤️)

تابعونا عبر أخبار جوجل من هنا (روايات شيقة ❤️)