رواية الوعد الفصل السادس 6 بقلم سلمى إبراهيم
 |
| رواية الوعد |
رواية الوعد الفصل السادس 6
رواية الوعد 👩❤️👨
الحلقه 6
وصلت مليكا وعمر لحد البيت ولقت عمها ماسك اختها في الشارع وبيضر"بها ومش عامل حساب لاي حد....
عمر..مين دول يا مليكا........نزلت مليكا من العربيه بسرعه بعصبيه...
مليكا بعصبيه..انت بتعمل اي يا راجل انت في اختي......وفي الشارع.....
خالد بزعيق..هاخد اختك دي معايا عشان تتربي لأنها ناقصه تربيه زيك كدا..بس انا بقا هربيها مش هسيها زيك
مليكا..انت ولا تقدر تقرب من حد وربنا اعملك محضر......سيبت اي لستات بحركاتك دي..انت مفيش اي صفه من الرجوله...
رفع خالد ايده وضر"بها علي وشها بالقلم......
عمر اتعصب اوي..لا....كدا كتير اوي...ونزل من العربيه واتكلم برجوله وحده.....
عمر..اي يراجل انت اللي انت بتعملو في الشارع دا.....
خالد بزعيق..ونت مالك انت....وانت مين اصلا.......
عمر حاول يهدي..يعمي ميصحش اللي حضرتك بتعملو دا في الشارع فاهمني.......
خالد زق"و..ابعد يا باشا عشان مزعلكش.....
عمر..انا لحد دلوقتي بكلمك باحترام ..شويه وهتشوف عربجي.......
خالد..اخر"س يالا بدل ما اضر"بك.......
عمر فقد اعصابو..لا دا انت ناويها بقا.....وضر"بو بوكس في وشو وقع في الارض......
عمر..رافة بسنك مش هكمل....اطلعي يا مليكا انتي واختك يلا .......
بصتلو مليكا كدا بفخر لأنها اول مره تحس انها مسنوده علي حد بعد ابوها..............هزت راسها مليكا واخدت اختها وطلعو......
قام خالد من عالارض..انا هعرفك مقامك يالا....
عمر..امشي بقا بدل ما ارقدك تاني......مشي خالد بسرعه من ادامو وفضل عمر واقف دقيقه تقريبا........
نزلت مليكا كدا وهي محروجه من اللي حصل دا..وفضلت باصه في الارض.......
عمر بحنيه..مالك.....منزله راسك لي فالارض.....
مليكا ولسه باصه للارض..انا اسفه يعني...عاللي الموقف اللي حطيت حضرتك فيه
عمر بضحكه خفيفه..لا حضرتك اي بقا...خلاص..احنا بقا بينا عيش وضر"ب.......ابتسمت مليكا كدا ورفعت وشها ليه ضحكت بخفه....بصلها عمر في عنيها كدا اتكسفت شويه وبصت للارض تاني.....رفعلها عمر وشها بصوباعه......
عمر بحنيه وباصص في عنيها..متبصيش في الأرض تاني...عينيكي حلوه
مليكا بكسوف..لو سمحت..متلمسنيش تاني....انا عمر ما حد لمس وشي كدا......
عمر..احم...انا اسف....سوري جات تلقائي......متزعليش...
مليكا..خلاص ولا يهمك.........
عمر..تمام..انا همشي بقا.....بس كنت عاوز أسألك بس سؤال....
مليكا..اتفضل.....
عمر..هو دا عمك صح؟...لي بقا بيعمل كدا......
مليكا..دا موضوع طويل اوي ...بس هقولك باختصار يعني..ابويا اتوفي من 3 سنين وكان شغلو كلو مع عمي دا المهم بعد وفاته..عمي عمل ورق ان فلوس بابا كلها كتبهالو قبل ما يموت....واحنا بقا فضلنا عايشين علي الدهب بتاع ماما لحد ما فلوسه خلصت..ونا بقا نزلت اشتغل
عمر..طيب هو خلاص خد الورث..عاوز اي بقا منكم انتو........
مليكا..عاوز يجوزني لابنو رامي ويجوز شروق لابنو محمد........
عمر..اييي...ازاي يعني.....انتي مبتحبيهوش صح......
مليكا..انا بكرهو يا عمر..بكرهو بجد.......ابتسم عمر تلقائيا......استغربت مليكا كدا...
عمر..سوري معلش..مش عارف ملامح وشي مالها انهارده......
مليكا..ماشي خلاص... معلش بقا مش هقدر اقولك اتفضل عشان احنا عايشين لوحدنا....
عمر..فاهم والله ومقدر.......تصبحي علي خير.....
مليكا بابتسامه..ونت من اهلو.......عمى لقا نفسو تلقائيا بينادي عليها تاني...بصتلو مليكا...
مليكا..نعم...نسيت تقولي حاجه ولا اي.....عمر سكت دقيقه يفكر كويس ووصل لنفس النتيجه وهي.....
مليكا. ،سرحت في اي يمستر عمر.......
عمر بتلقائيه..مليكا.....تتجوزيني......بصتلو مليكا كدا وفضلت متنحه بخضه شديده......
مليكا بصدمه مش عارفه توصفها.. نعم.....قولت اي.......
عمر..تتجوزيني يا مليكا........
مليكا..انا.....ازاي يعني......هو نا صعبت عليك ولا اي......
عمر..خالص والله...مش كدا...بس انا....هحميكي من عمك ولو عاوزانا نتعامل كاننا اخوات اصحاب اي حاجه....
مليكا بضحكه..هو انت جاي تهزر......
عمر..مليكا...انا راجل اوي..ومقدرش اشوف وحده في موقف زي دا واسيبها..صدقيني هحميكي انتي واختك ووالدتك
مليكا..يعني انت بتتكلم بجد...انت لسه عارفني امبارح ع فكره......
عمر.. منا عارف.....انا بقولك اهو..تتجوزيني.......
مليكا..سوري مش هقدر ...انا مش بحب أصعب علي حد...واسفه اني حكيتلك عن ظروفي..
عمر..فكري بردو وقوليلي......
مليكا..عن اذنك.....وطلعت وسابتو وهو مقتنع برايو ١٠٠% وراح ركب العربيه ومشي.....
وصل زياد للبيت ووقف شويه في المدخل يستني شغف تنزلو يسلم عليها.....
كانت شغف قاعده واخوها بيبلس الكوتشي عشان خارج ....
احمد..البت دي متروحش عند نور ولا اي حد فاهمه يا امي
مروه..متقلقش....مش هتخرج برا باب البيت اصلا متقلقش........
احمد..ماشي..ساعتين كدا وجاي..سلام.....وخرج.....
شغف..انزل بقا....
مروه..يبت استني لحد ما يخرج الاول يخربيتك......
نزل احمد لقا زياد واقف في المدخل.......
احمد..اي يا زيزو...عامل اي.....
زياد بيسلم عليه..اي يابو احميد....اي الدنيا......
احمد..فل يا خويا...اي كد واقف كدا لي......
زياد ارتبك شويه لكن مبانش عليه..مفيش دنا بس مستني عمر اخويا عاوزه في حوار برا البيت
احمد..ماشي...هتلعب مع الاهلي بكرا بقا صح
زياد..انشاءالله...ادعيلنا.....بس بكرا لسه تمرينات وكدا مش عارف هلعب ولا اي
احمد..ربنا معاك.......عاوز حاجه..اصلي متأخر
زياد..سلامتك ياحمد....مع السلامه......
احمد..سلام...ومشي.........
زياد..يخربيت رغيك....انتي فين انتي كمان وحشتيني....رن عليها
شغف..اخويا احمد مشي
زياد..اه لسه خارج اهو..انزلي بقا وحشت...قصدي واحشاني يعني وكدا
شغف..حاضر نازله اهو...وقفلت ونزلت.....
زياد بتلقائيه..وحشتيني بجد.....
شغف اتصدمت من الكلمه بفرحه..اي دا......
زياد بابتسامه..اي...هي اول مره اقولهالك.......
شغف بابتسامه..لا بس كنت يعني بتقولي..وحشاني..كدا يعني عالطاير
زياد بضحكه خفيفه..لا المره دي انتي وحشتيني والله....ها ذاكرتي اي
شغف كانت تايها في جمال ضحكته..اه ذاكرت .....كيمياء......
زياد..مالك يبت بتتكلمي زي السكر "انين كدا لي.....ولا انتي كنتي بتضربي الكيمياء مش بتذاكريها
ضحكت شغف كدا وقالت منغير ما تاخد بالها..هو حد يشوف ضحكتك القمر دي وميتوهش..بصلها زياد كدا فاقت بسرعه
شغف..يالهوي..بهزر يسطا..بقولك اي انا هطلع بقا قبل ما الخبط اكتر من كدا
زياد بضحكه..اشطا....هستناكي بكرا..اتشقلبي كدا وتعالي
شغف..هحاول حاضر...يلا نطلع سوا.......
زياد بابتسامه..يلا......وطلعو مع بعض وكل واحد دخل شقته....
طلعت مليكا بيتهم وهي بتفكر في كلام عمر
الام..بقولك اي يا مليكا..هو مين اللي كان معاكي
مليكا..دا رئيس الشغل بتاعي
الام بحده..ايوه ويوصلك لي......عيب كدا ..عمك ممكن يرفع قضية وياخدكم مني اني مش قادره احافظ عليكم
مليكا بعد ما فكرت شويه واقتنعت..ماما..انا هتجوز انا وعمر
شروق بفرحه..بجد..ايوه هو دا اللي هياخد حقنا من عمك
الام..بس متسرعتوش..
مليكا..هو عاوز يحميني يا ماما مش بيحبني يعني..وهو دا الحل الوحيد
روح عمر البيت ودخل غير هدومو...خبط عليه زياد
زياد..تعالي يلا عشان تاكل
عمر..حاضر جاي اهو.....رن تليفونه لقاها مليكا
عمر..اي يا مليكا
مليكا..عمر..انا موافقه نتجوز......
يتبع.........................
رواية الوعد الفصل السابع 7 من هنا
لقراءة الرواية كاملة اضغط هنا (رواية الوعد)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
