رواية بنت العدو الفصل الخامس والأربعون 45 والأخير بقلم ندى على
رواية بنت العدو البارت الخامس والأربعون 45 والأخير
رواية بنت العدو الجزء الخامس والأربعون 45 والأخير
رواية بنت العدو الحلقة الخامسة والأربعون 45 والأخيرة
رواية بنت العدو بقلم ندى على
 |
| رواية بنت العدو |
رواية بنت العدو الفصل الخامس والأربعون 45 والأخير
" بنت العدوو "
" الاخيره "
" بعد مرور شهر "
" الحياه مع ابطالنا بقت جميله اووي كل واحد عايش حياته مرتاح وسعيد اسراء وصفوان سافرو السعوديه وقررو هيستقرو هناك بعد ما سليم عرض علي صفوان يشتغلو سوا وصفوان وافق "
" صباح يوم وقفة عيد الاضحي المبارك "
" اهلا اهلا بالعيد مرحب مرحب بالعيد ، العيد فرحه واجمل فرحه تجمع شمل قريب وبعيد الشوراع عباره اغاني العيد فرحه وبهجه جميله في الشوارع "
" ليلي وبسمله واميمه وانصاف وكنز وزينب متجمعين علي الطبليه قدام الفرن بيعملو كحك العيد بفرحه "
بسمله : تصدقو بالله الواحد مش هبطان من الصيام لاء الواحد روحه رايحه من صهد الفرن ابو قش دا
كنز : والله العظيم بجد الجو في الطبيعي حااار ما بالك بقا والفرن شغل ؟
زينب : دخلنااا الناار قبل ما نتحاسب انتوو بتعملو فينا كدا ليه بجد ؟!
ليلي قعده وعلي رجلها سلمي اللي كل شويه تهد اللي بيتخبز : امااال لو انتي وهي معاكم قرده زي اللي علي رجلي دي هتعملوو اييه
فاطمه اللي قعده علي الكرسي بضحك : البطه الصغيره كل شويه تهد العجين وخايفين نضربها ابوها يجي يضربنا
اميمه : دي حبيبة ابوها وحبيبة ام ابوها وحبيبة الكل دي دي عندي بمليوون فدان دي
انصاف : بالله فؤاد صحي الساعه 5 الفجر لبس اقوله رايح فين يقولي الشغل شغل ايه اللي يوم الوفقه يقولي الغنم والبقر جايلهم بيعه وبنبيع علشان موسم العيد
بسمله : ما هو جيه اخد غالب بدري برضو بس غالب صحاني اكويله القميص والله لبسه علي السلم
اميمه : خالد ليلة امبارح دي مدخلش البيت بايت في المكتب هو وابويا غالي علشان يحسبو حساب المبيعات بتاعت البقر اللي اتباع
فاطمه هزت راسها وهي بتسبح بسبحه : امم ومصطفي راح فين يا ليلي شيفاكي ساكته كدا ؟
ليلي : متسحرتش امبارح والجو حار وسلمي مخلصه كل الطاقه اللي في جسمي بسبب الرضاعه مش قادره اتكلم مصطفي كان بايت برضو في المكتب مع بابا خالد وابويا غالي
فاطمه متابعه كل حاجه بعيونها : ايوا ايوا ..... اميمه طلعي الصاج اللي في الفرن كفايه عليه كدا علشان ميتلسعش ومتحطيش قش تاني علي النار خلي النار تهدي علشان حاميه اوي
مصطفي دخل البيت ومن البيت علي الدوار مكان الفرن : ياارب يا سااتر ؟
اميمه : تعالي يا ضنايا عامل ايه يابا ؟
مصطفي راح قعد جنب فاطمه واشتال سلمي : والله يمااا الواحد ما قادر يرفع راسه حتي منمتش من امبارح وحاسس بنمل بيمشي في جسمي
فاطمه : قوم خدلك دش ريح اعصابك وجسمك وادخل نام متقومش غير علي الفطار يباا
مصطفي : ليلي انا بقاا جايب ليكي عيديه محصلتش ولا هتحصل ؟
ليلي ببتسامه : ايوااا كدا فرفشني جايب ليا كاام كدا ؟
مصطفي بفخر : عشرينات من الجديده هديكي عشرين جنيه جديده ايه رأيك ؟!
ليلي بصتله من تحت لفوق وابتسامتها راحت : بدل ما تكرمش في ايدي بتاع 500 جنيه جاي تقولي جايبلك عشرين جنيه من الجديده لاء يا اخويااا خليهالك انا عوزه الفلوس من اللي بتتكرمش في الايد اللي بيكونو كتير دول
مصطفي : طب لييه الطمع لييه مالها العشرين جنيه الجديده دا انا مغير 400 جنيه عشرينات
ليلي : لو انت جدع هاتهم واسكت بلا محاربه
مصطفي ضحك عليها :بقولك انا هطلع استحمي واناام ساعتين وصحيتي علشان عندي شغل
ليلي : انت طالع فين الشقه ؟!
مصطفي بستغراب : امال هطلع انام فين ؟
ليلي : خليكم شاهدين عليااا الشقه طاالع عيني فيها لو بهدلها هولع فيه
مصطفي بصلها : ااااه نضفتي البيت واكيد لقيتي 200 جنيه اللي انا سايبها تحت المخده
بسمله بصت لليلي : لو شوفتي قولي معرفش انت بتسرقني يا راااجل ؟
مصطفي : لاء يمااا انتي وهي ان ال 200 جنيه مطلعوش هيتخصمو من العيديه
كنز بصتله : هيتخصمو من العيديه ازاي انت بتدينا 200 وليلي اكتر ؟!
فااطمه : صلوو علي النبي كدا وسيبو الواد في حاله اطلع يباا نام متردش علي حد
مصطفي باس ايديها : كل مليوون سنه وانتم طيبين وينعاد علينا بالخير وصحه والسلامه يارب
كلهم : وانت بألف خير وصحه وسلامه يارب
" مصطفي طلع شقته استحمي وغير ونام والحريم تحت بيعملو اكل للفطار وغالي وغالب وخالد وفؤاد جم ونامو شويه قبل الفطار وسلمي اللي عماله تزحف واي حاجه تيجي تحت اديها بتكسرها "
" اميمه وقفه بتقطع بصل وسلمي عماله تفتح في ضُلف المطبخ تطلع الحلل "
اميمه بصويت : يا ليلي تعالي شيلي بنتك طلعت الحلل اللي في الرف كله
ليلي راحت اشتالتها ودخلت الحلل : اعمل فييكي اييه انتي مالك ومال الكلام دا ما تلعبي بالعب اللي برا ياابت
اميمه : حطيها في العجله بتاعتها وسيبها تمشي فيها في البيت بس اقفلي الباب الكبير لتقع من علي السلم
ليلي : بتعيط وبتفرج الدنيا علينا لما بحطها في العجله " وصوت البهايم اللي في الدوار موصل للمطبخ " تعالي نشوف البقره بتاعت بابا يلا
اميمه : خدي يا ليلي البيضه المسلوقه دي اكليها ليها
" ليلي اخدت سلمي وطبق البيض وراحت علي الدوار قعدت علي الكرسي وقعدت تأكل سلمي اللي عماله تزعق للبقره "
........................................
" بيت الحبايبه عباره عن ان بقا فيه ملل كبير اووي البيت اصبح فاضي عليهم ، جمال وسالم غياب صفوان قصر عليهم في الشغل واصبح الشغل مضاعف ، شهد حست بتوحد بجد ليلي وبسمله واسراء الكل سابها اصبحت وحيده جدا ويومها فاضي "
احلام : بت يا رشا البت شهد وضعها مش عاجبني خالص
رشا : من يوم ما اسراء اتجوزت وهي ولا بتطلع من اوضتها ولا بتقوم من النوم وان قامت تاكل وتنام تاني
احلام : هما متعودين انهم الاربعه مع بعض علطول فجأة لقت نفسها بقت لوحدها صدمه برضو
ام صفوان : خلاص كلها كام شهر وجمال يتجوز ومروه تجي وتعد معاها ليل نهار
رشا : بكلم اسراء ليلة امبارح بقولها مبسوطه يا اسراء تقولي اسكتي يا رشا الواحد محبوس بين اربع حيطان قطعت في قلبي
احلام : السعوديه كلها كدا طول النهار قعدين في السكن ولما يطلعو برا النسوان تلبس نقاب
ام صفوان : بس اسراء بقت زي العسل وتخنت وبقت حلوه
احلام : ما هي قعده مبتعملش حاجه لازم تتخن
رشا : المهم هنعمل ايه علي الفطار النهارده ؟
احلام : نصلي الضهر بس الاول وبعد كدا نقوم نطلع فرخه ونعمل اكل
" فعلا قامو صلو الضهر ودخلو المطبخ يجهزو اكل الفطار "
............................
" في مزرعة عيله الحبايبه "
مسعد : يعني مفيش اي ضحيه خالص يا معلم جمال ؟
جمال : والله يا حاج مسعد لو كنت جيت بدري ساعه كنت لقيت لكن والله انا خلصت مفيش عندي ولا صغير ولا كبير
مسعد : طب اعمل ايه انا قولت المعلم جمال هيحافظ ليا علي ضحيه لما اروحله
جمال : طب كنت اتصل بيا عرفني حتي لكن انت ولا اتصلت ولا اتكلمت
مسعد : يلا خير طيب متعرفش عيلة الجبراني عندهم ولا لاء اسأل نسيبك كدا
جمال : حاضر يا حج هسألك "وطلع فونه ورن علي مصطفي " ديشاا معلش عارف ان صحيتك
مصطفي بنوم : عادي يا جيمي كدا كدا كنت هصحي
جمال : طب بقولك ايه مفيش عندك اي بقره للبيع ؟
مصطفي : موجود في المزرعه بس لمين ؟
جمال : الحج مسعد ابو عبدالله عاوز ضحيه وانا خلصت خاالص
مصطفي : ااه الحج مسعد هو عندنا بس خليه يجي ياخدها بعد الفطار لان مفيش حد فينا بقا قادر يتحرك من ليلة امبارح واحنا هناك ولسه مروحين دلوقتي من امبارح والله يا جمال
جمال : خد راحتك يا حبيب اخوك وانا اللي هاجي اخده منك بعد الفطار بنفسي " وقفل الفون " تعالي بعد الفطار وانشاء الله يكون موجود
مسعد : ودا انشاء الله في حدود كام كدا يا معلم جمال
جمال : انا والله لسه مش عارف يا حج مسعد خلي فلوسك معاك وانا هشوفه بكام وتدفع وانت جاي تخده
مسعد : طيب يا معلم يلا مع الف سلامه " واخد بعضه ومشي وفون جمال رن "
جمال : صحي النووم يا مزه ايه النووم دا كله
مروه بنوم : والله صحيت اصلي الضهر وانام تاني بس قولت اطمن عليك
جمال : اممم تنضيف امبارح اليووم كله والنهارده نووم كل اليوم وانا مش موجود اصلا من يومك
مروه : والله ضهري ورجلي وايدي وجسمي كللله مكسر من تنضيف امبارح
جمال : متبهدليش نفسك في التنضيف يا مروه براحه يا حبيبي احنا مش هنيجي نفتش علي التراب اللي في البيت
مروه بضحك : انا والله مش ببهدل نفسي بس غسيل السجاد بهدلني لسه بعد الفطار هفرشه
جمال : طيب انا هقوم اتصل علي ابويا كدا اشوفه فين علشان وهرنلك تاني
مروه : تمام يا حبيبي يلا خد بالك علي نفسك " وقفلت وكملت نوم "
......................................
" مدفع الافطااااار اضرب اذان المغرب اذن كل واحد فرحان بصيامه خصوصا ان الجو كان حار بس اليوم عدي وابتدينا في طقووس العيد الجميلهه "
" في شقة غالب "
" غالب قاعد علي السرير بتعب بسبب كتر الشغل النهارده فجأة بسمله دخلت الاوضه وكانت لبسه قميص اسود قصير عكس لون بشرتها البيضه وخلخال وسايبه شعرها وفعلا شكلها مثير اووي "
غالب بصلها وقال في نفسه : الصلاة علي النبي ؟!
بسمله بصت ليه بستغراب : غالب مالك شكلك مرهق كدا ليه حبيبي انت تعبان " وراحت بسرعه حطت اديها علي وشها تشوف حرارته "
غالب بصلها ومسك اديها وباسها وقال بهمس : ارقصيلي يا بسمله ؟!
بسمله بصتله بضحكه كلها كسوف : مش بعرف ارقص يا غالب حاولت اتعلم والله بس معرفتش وو
غالب بحب : بحب ضحكتك الموصوله بخط خاص لقلبي
بسمله بصتله بحب: وانا مفيش حاجه فيك بكرها كلك علي بعضك بعشقك عارف ليه علشان الحقيقه ان لقيت فيك امان رغم ان كنت خايفه منك اووي لقيت فيك حنان رغم ان شبهتك بالقسوه
غالب ضمها لصدره : يكفي عندي كلمتين حلوين منك زي دول يا بسبوسة قلبي وعمري وكياني
بسمله : الحلو ان اكون ضايعه بس الاقي نفسي معاك وانا فعلا لقيت نفسي معاك ومعترفه ان حبيتك من اول ساعه شوفتك فيها
غالب باس خدها : كل مليون سنه وانتي حبيبة قلبي وعمري ومعايا وكل عيد سوا مع بعض يا حبيبي
بسمله باست شفايفه : كل عيد وانت عيدي يا غالب
"؛ طريقة حديثك ملفته تجعلني لا استطيع التركيز فيما حولي ؛"
.....................................
" في شقة مصطفي "
ليلي نيمت سلمي بتعب وطلعت لمصطفي اللي كان قاعد قدام التلفزيون بييشرب سجاير وحوليه سوداني وبيقشر وبيرمي علي الارض "
ليلي طلعت بصت عليه بضيق : يعني دا منظر يا مصطفي يعني انا طالع عيني في تنضيف الشقه علشان في الاخر تعملها كدا ؟
مصطفي بصلها : معلش يا ليلي مأخدتش بالي كنت سرحان في الفيلم اللي بيقول
ليلي جابت المقشه وبتكنس : يعني السجاير ريحتها مليت البيت والطفي بتاعها علي الارض ايه دا يا مصطفي ؟" وكنست لحد ما خلصت ترتيب "
مصطفي قام وقف ومسك اديها : مالك يا حبيبي مضايقه ليه حسك مش في المود كدا ؟
ليلي بصت ليه : انت مبقتش مهتم بيا يا مصطفي بقيت بنسبالك وحده متجوزها بتقوم بوجبتها كزوجه و أم لبنتك وخلاص مبقتش حسه ان ليلي حبيبتك ؟
مصطفي بصلها بحب : عارف ان مش مهتم ومقصر معاكي اووي بس انتي عرفه اننا كنا في موسم والشعل كتير واحيانا كنت ببات برا البيت من كتر الضغط وبيتنا اللي كنت بشطب فيه بس انتي ملكيش دعوه بكل دا قوليلي ايه اللي يرضيكي وانا اعمله ؟
ليلي مسكت وشه بين اديها : مصطفي انا زي اي ست عوزه اسمع كلام حلو من جوزي اللي هو حبيبي عوزه احس ان الوحيده اللي في الدنيا دي بتكفيه عوزه احس ان ليا قيمه عندك ؟
مصطفي مسك اديها وباسها : ودي حقيقه انتي الوحيده اللي في الدنيا بتملي عيني وبحبها انتي بنسبالي محور الحياه يا ليلي مش ضروري اقولك كدا بس دا احساسي اتجاهك بجد
ليلي حوطت رقابته بحب : بس انا عوزاك تقول كل اللي قولته دا كل شويه عوزاك تقولي ان لو ملكة جمال العالم قدامك هتختارني انا يا مصطفي
مصطفي : انتي ملكة قلبي وحياتي يا ليلي يكفي ان بكون تعبان باجي ارمي نفسي في حضنك احميلك همي وتعبي دي مش كفايه عليكي ؟
ليلي باست خده بكل رقه : كفايه عليا انك معايا دلوقتي اصلا كل عيد وانت معايا ومنور حياتي وديما مع بعض سندي وحياتي
مصطفي باسها من شفايفها برقه : وانتي حبيبتي وام بنتي ومراتي و الحاجه اللي اتمنتها من الدنيا كلهاا
ليلي : مش هتاخدوني في دُوكه العيديه قبل اي حاجه ؟
مصطفي ضحك : العيديه ديي الصبح تكوي الجلابيه البيضه والبسها ونروح نصلي ونرجع اديكي العيديه
ليلي بفرحههه : هتاااخدني معاك صلاة العيد بجد ؟
مصطفي : والله هاخدك انتي و بسمله وكنز وزينب كمان
ليلي بضحك : دا انت تستاهل تدلع بجد
مصطفي : ايواااا بقاااا ورينيييي
..................................
" المساجد كلها عباره عن تكبيرات العيد والكل فرحان وسعيد وتقريبا البلد كلها صاحيه بتكبر في الميكرفونات "
" (الله أكبر الله أكبر الله أكبر لا إله إلا الله، الله أكبر الله أكبر ولله الحمد، الله أكبر كبيرًا والحمد لله كثيرًا وسبحان الله بكرة وأصيلًا، لا إله إلا الله وحده صدق وعده ونصر عبده وأعز جنده وهزم الأحزاب وحده، لا إله إلا الله ولا نعبدإلا إياه مخلصين له الدين ولو كره الكافرون، اللهم صل على سيدنا محمد وعلى آل سيدنا محمد وعلى أصحاب سيدنا محمد وعلى أنصار سيدنا محمد وعلى أزواج سيدنا محمد وعلى ذرية سيدنا محمد وسلم تسليمًا كثيرًا).
" تحت في منزل الجبراني "
" غالب نزل ووراه مصطفي اللي لبسين كل واحد جلابيه بيضه نضيفه وريحتهم قمرر وكل واحد وراه مراته اللي لبسين عبايات سودا وشكلهم شيك جدا "
مصطفي : كل سنه وانتم طيبين يا جماااعه عيد سعيد عليكم
فاطمه راحت عليه وباسته : وانت بصحه والسلامه يا كبدي " وراحت علي ليلي كرمشت في اديها فلوس وهكذا بسمله " كل سنه وانتم طيبين يا حبايب قلبي
بسمله باست دماغها : وانتي منوره حياتنا يا حبيبة قلبي
غالي حضن ليلي واداها فلوس : كل مليون سنه وانتي طيبه يا حبيبتي
ليلي : وانت بالصحه والسلامه يا حبيبي ومنور حياتنا
غالي حضن بسمله واداها فلوس : عقبال ما اشوف عيالكم يااارب
بسمله : حبيبي يا بابا
خالد طلع 200 جنيه وراح عند سلمي : حبيبة جدوو كل سنه وانتي طيبه " وباسها "
فؤاد طلع فلوس وراح عند سلمي : حياة جدوو وقلبه كل سنه وانتي منوره حياتنا " وباسها "
فاطمه : عقبال ما اشوف عيالك يا غالب يابن قلبي يااارب
غالي لغالب : متشد حيلك يلااا كدا عوزين نفرح بخبر حمل مراتك
غالب لبسمله : والله انا عامل اللي عليا وزياده هي تشد حيلها معايا بس بتفرهد بدري
بسمله ضربته في ضهره : ايه اللي بتقوله دااا سااافل العيديييه فييين
غالب برفع حاجب : ما انا اديتك بليل انتي ناسيه ؟
بسمله بستغراب : بطل تحوير مأخدتش منك حاجه بليل اناا
غالب : لااء يمااا افتكري كدا " وهمس في ودنها " ساعة القميص الاسود
بسمله ضربته في كتفه : بطل سفاله ايه دخل دا في دا دلوقتي
غالب : استني ديشااا المتجوزين عيديتهم مهتلفه ولا لاء ؟
مصطفي : طبعاً مختلفه عيديتهم بيخدوها بليل ؟
ليلي بصتله : الاه مش قولتلي بليل هديكي الصبح لما نرجع من الصلاه
مصطفي : شوفتي قولتي ايه لما نرجع بقااا محدش ضامن عمره يلااا
اميمه : الاه ليلي وبسمله انتو لبسين وريحين فين كدا ؟
ليلي : ريحين نصلي العيد يا مامااا
كنز وزينب نزلو جري وكانو لبسو : يلاااا اتأخرنااا
زينب لفت قدامهم بالعبايه : ايه رأيكم يا نسواان في العباايه دي
بسمله : جميله اووي لما نرجع ابقي اقلبك فيهااا
" مصطفي مسك ايد ليلي وشايل بنته اللي مبسوطه بالبلالين ومشيو في الشارع ريحين علي الساحه بتاعت صلاة العيد ، غالب ماسك ايد بسمله وماشي مبسوطين اووي وخالد ماسك ايد كنز وفؤاد ايد زينب وغالي معاهم والكل فرحان اووي "
مصطفي شاف جمال ومروه معاه راح حضنه وليلي حضنت مروه : كل سنه وانت طيب يا جيمي
جمال : وانت بالصحه والسلامه يا غالي " واشتال سلمي " حبيب قلب خالو " واداها عيديه "
ليلي : حبيبة قلبي عيد سعيد عليكي عقبال ما تنوري عيلتناا كدا
مروه بضحك : اميين يارب الواااحد تعب خلاااص
بسمله جريت عليهم : مراااات اخويااااا فين العيديه بتااعتي
مروه بضحك : عماي الحربااايه مين اللي المفروض يدي التاااني يا بت
بسمله : بعد عمتي الحربايه دي مش عوزه حاجه منك غالب جووزي اداني عيديه محدش اخدهاا
ليلي بلوية بووز : لااء يمااا كلنا اخدناها انتي اللي مش وخده بالك بس
مروه : ايه نووع العيديه دي يولاااد ؟
ليلي بضحك : لاء دي للكبار فقط يا مروه
" الكل صلي العيد في فرحه وبعد صلاة العيد اترمي عليهم بلالين والكل فرح اكتر "
ليلي مسكت ايد مصطفي وهما مروحين : كل عيد وانت حبيبي يابن الجبراني !
مصطفي ضحك : كل عيد وانتي حبيبة قلبي يابت العدو ؟!
جمال لمروه : شوفي مصطفي ماسك ايد مراته وشايل بنته ومبسوطين ازاي احنا كمان هنبقي زيهم في يوم من الايام
مروه ببتسامه : انا مكتفيه بيك من دلوقتي بالك انت بعد الجواز ؟!
" جمال ابتسملها بعشق حقيقي "
بسمله ببتسامه : غاالب انت مبسوط معايا ؟
غالب : اممم عرفه الانسان اللي كان بعيد عن الحياه وفجأه حس بيها انا لحظة دخولك حياتي كانت كدا بالظبط يا بسمله
بسمله ببتسامه : وانت حياتي كلهااا
غالي ماشي ماسك ايد سالم : مين كان يصدق اننا في يوم كنا بنقطع بعض والنهارده احنا عيله واحده
سالم ببتسامه : العداوه عمرها ما كانت بتطول يا حج غالي الفرحه دي سببها مصطفي وليلي ربنا يبارك ليهم في حياتهم وبنتهم يارب
كنز وقفت في نص الشارع : اتلمووو جنب بعض كدا هنااخد صوره جماعيه
" الكل اتجمع وكنز اخدت اجمل صوره تجمع العيلتين ببعض الحياااه اصبحت اجمل منا نتخيل الحب دفن الكره التار والحقد واصبحت عيلة الجبراني وعيلة الحبايبه عيله وحده وانتهت بكل حب وسعاااده "
مصطفي باس خد ليلي بعد الصوره : عمري ما كنت اتخيل ان هعيش نهايه سعيده كدا ؟
ليلي بحب : وازاي كانت هتيجي النهايه السعيده وانت مش مؤمن بيها ؟!
مصطفي بحب : وامنت بيها معاكي '
' تمت '
الوقت هو اعظم الكتاب لأنه دائماً يكتب اعظم النهايات ♥️🕊
رواية بنت العدو الجزء الثانى 2 الفصل الأول 1 من هنا
لقراءة الرواية كاملة اضغط هنا (رواية بنت العدو)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
