رواية أنتِ القرار السديد الفصل الثالث 3 بقلم إسراء إبراهيم
 |
| رواية أنتِ القرار السديد |
رواية أنتِ القرار السديد الفصل الثالث 3
#بارت3
حماتها بصدمة: سيبي السكر من إيدك يا حنين
اتخضت حنين من صوتها وظهورها المفاجئ وكانت العلبة هتقع منها بس لحقتها على آخر لحظة
حنين بخوف: في إيه يا ماما أنا بحط شوية سكر عشان اللي في العلبة خلص
حماتها خدت منها السكر بقوة وقالت: مش قولتلك تحاسبي عالحاجة وتمسكي إيدك شوية وبلاش إسراف
حنين في سرها: أستغفر الله العظيم...امتى هخلص من الحوارات دي
فقالت: معلش يا ماما نسيت أصل الواحد بردوا مش بيتعلم من أول مرة
دخل جوزها وقال: يلا يا أمي، يلا يا حنين اطلعي شوفي الغسيل اللي نشف انشريه وطلعي اللي في الغسالة
بصتله حنين وبصت لحماتها وبعدها طلعت على شقتها
وخد والدته ودخلوا الأوضة تاني يكملوا أكل، وبعدها قال: طب هطلع دلوقتي يا ماما أخد شاور أصل احتمال صاحبي جاي العصر كدا
والدته: طب ماشي
بقلم إسراء إبراهيم عبدالله
طلع أمين بسرعة وفتح الباب لقى حنين بتتوضى عشان تصلي الضهر، دخل يسخن الأكل وبعدها يروح هو كمان يتوضى ويصلوا
طلعت حنين وراحت تلبس الاسدال، وأمين هو كمان اتوضى وبدأوا الصلاة
بعد الصلاة قال أمين: هروح أطفي عالأكل زمانه ولع، ابتسمت حنين ودخلت وراه وهي بتقول: طب حطه لغاية ما أعمل سلطة
أمين بابتسامة: تمام ماشي
خلصت السلطة وقعدوا ياكلوا، فقال أمين: آسف على اللي حصل تحت بس دي طريقة أمي وللأسف خدتها من حماتها بردوا، رغم إننا حاولنا معها إن دا ماينفعش ولو حد جه عندنا هينقل أحوال بيتنا
حنين بهدوء: طب العمل أنا ماتعودتش على كدا يا أمين؟ طب عالأكل نطبخ لحمة ولا فراخ مرة في الأسبوع مش في الشهر زي ما بتقول
بس عندي سؤال: إزاي كانت بترضى تديك فلوس تجيبلي الهدايا دي أيام الخطوبة
أمين ساب المعلقة وقال: *****
ياترى هيقول إيه؟
#أنتِ_القرار_السديد
#بارت3
#إسراء_إبراهيم_عبدالله
رواية أنتِ القرار السديد الفصل الرابع 4 من هنا
لقراءة الرواية كاملة اضغط هنا (رواية أنتِ القرار السديد)
