رواية بنت العدو الجزء الثانى 2 الفصل الثامن 8 بقلم ندى على
 |
| رواية بنت العدو |
رواية بنت العدو الجزء الثانى 2 الفصل الثامن 8
" بنت العدوو "
" البارت الثامن "
" الكاتبه ندي حبيب "
ليلي بغيره : لا والله في اييه يا نوال مش خير نايمه علي حضن جوزي لييه دا حتي يا شيخه حرام عليكي مش حلالك هوو علشان تعملي كدا
نوال بصتلها : في اييه يا ليلي دا اخوياا عادي متغريش علي جوزك كداا مش هيتخطف منك متخافيش
ليلي بصت ليها : وان مغيرتش علي جوزي اغير علي مين يا نوال بعدين جوزي مكتفي بياا
ناهد : جري ايه يبنات انتو هتمسكو في بعض ولا اييه احنا ضيوف عندك يا ليلي عيب المقابله دي وبعدين نوال ومصطفي رضعين علي بعض
مصطفي : مفيش حاجه يا عمه اتفضلي اطلعي فوق هي ليلي بس مش متعوده علي ان حد يحضني ولا بتحب كدا معلش
ناهد وهي بتطلع السلم : لاء تتعود اخواتك ليهم حق عليك يا مصطفي لازم تعرف مراتك كدا اومااال
ليلي بغيظ : اخواته لما يبقو من نفس الام والاب غير كدا جوزي ميحضنش غيري
مصطفي بهمس ليها : علشان خاطري عدي الليله ومشي اليوووم وحياة بنتك يا شيخه
ليلي بهمس : اصبرر عليااا مسيرك هتبقي تحت ايدي يا مصطفي
" وطلعو كلهم علي شقة مصطفي دخلت نوال علي اوضة الاطفال بعد ما قلعت جزمتها علي السيجاده اللي في الصاله وطرحتها علي الكنبه في الصاله "
ليلي اول ما بصت علي المناظر دي سكتت بس الوضع معجبهاش : اعمل عشاا يا عمه خفيف ولا اسخن الفراخ عندنا فراخ ورقاق وشوربه
ناهد : لاء اقلي بطاطس وحجات خفيفه كداا
ليلي : حاضر " وبصت لمصطفي " خد بالك من سامي لتصحي علي ما اخلص ولو حبيتو يا عمه تاخدو شور الحمام موجود وريهم يا مصطفي " ودخلت علي المطبخ "
" قشرت البطاطس وقطعتها وغسلتها كويس وقطعت الطماطم حتت صغيره وحطت عليها شويه ملح وحطت طاسه فيها شويه زيت وحطت الطماطم لحد ما اتسبكت وجابت البيض وحطيته عليهم وفضلت وغطت عليهم وكملت العشااا "
مصطفي دخلها المطبخ : ليلي خلصتي ولا لسه ؟
ليلي : تعالي اعمل السلطه بس علي ما اطلع البطاطس من الزيت
مصطفي وقف جنبها وقعد يقطع السلطه : اوعااا علي القمر وهو بيطبخ يولاااد
ليلي ابتسمت : اوعااا علي القمر وهو بيحصن نوال تحت صبرك عليااا
مصطفي : يابنتي انا لحقت اتنفس انا بفتح البوابه لقيته في وشي اقسم بالله
ليلي بغيظ : بت بارده يعني امها مقالتش ليها انك مهما كنت قريبها المفروض متقربش ليك او هي اصلا لازم تكون عرفه في نفسها كدا
مصطفي : استغفر الله العلي العظيم من كل ذنب ... خلاص بقا سيبك منها خالص ولا توجهي كلام ليها
ليلي : لااء لو موجهتش كلام ليهاا هتتكلم معاك وانا مش عوزه كدااا
ناهد من براا : مصطفي يبني احنا كداا هنام بقالكم ساعه في المطبخ
ليلي وهي بترتب الاكل علي الصينيه : خلاص يا عمه خلصت اهووو .... يلااا اشتال يا حبيبي طلعهاا
" مصطفي طلع الصينيه وليلي وراه ولقت نوال طالعه من اوضة الاطفال لبسه بجامه ضيقه بكم ودا جنن ليلي "
ليلي : هو انتي عادي تباني قدام راجل غريب عنك بالمنظر دا يا نوال امال لما تتجوزي هتلبسي لجوزك ايه يا حبيبتي
نوال وهي بتبص في فونها : فين الغريب اللي هعد قدامه بالبجامه يا ليلي .... انتي ؟!
ليلي بضيق وغيره : لاء يغاليه بس انا علاقتي بولاد خالتي الشباب معدومه انتي بقااا بنسبالك تباني ببجامه قضيه كداا لو دا عادي عندك انتي حره بس متلبسيش كدا قدام جوزي ابدا
ناهد : ادخلي يا نوال البسي اسدال وتعالي كلي يلا
" دخلت نوال علي اوضة الاطفال تغير هدومهاا وتلبس حاجه محتشمه وليلي ومصطفي وناهد قعدوو اكلوو وانضمت ليهم نوال وبعد شويه ناهد ونوال دخلو ينامو وليلي ومصطفي دخلو اوضتهم "
ليلي قلعت الاسدال : اخيرااا .... انا قعده قدام جوزي بعبايه وطرحه و نوال باشاا قعده ببجامه ضيقه قدامك
مصطفي بصلها بضيق : تاني مره التصرفات اللي عملتيها براا دي مش عاوز المحهااا
ليلي بصتله بلا مبالاه : حاضر يا حبيبي " وراحت باست خده ونامت علي السرير " المهم عوزه فلوس
مصطفي : عوزه كاام ؟ وليه ؟
ليلي بصتله : اللبن بتاع سلمي خلصان وعوزه اجيب شامبو وبرفان حجات تدلعك يا صاصتي افهم " وعمزتله "
مصطفي راح نام جنبها : طب ادخلي جواا وسعي شويه عاوز انااام
ليلي : طب ايدك علي الفلوس طااايب
مصطفي شدها نيمها في حضنه : الصبح اتهدي كداا
..............................
" في الصبااح في منزل عائلة الجبراني "
بسمله : دا انت راجل والله العظيم ما حد يقدر يعاشرك ساعه
غالب وهو نازل من الشقه بالمخده وباين عليه الغضب : طب ادخلي جواا بدل ما اجي فعلا اعلمك الادب بقااا " وكمل نزول "
انصاف قابلته علي السلم : مااالك صوتك انت ومراتك عالي ليه من صباحية ربناا في اي
غالب بغضب : نايم في امان الله قولتلها صحيتي الساعه 8 صحيت صحيت مصحتش خلاص اجي ابص اللقب الهانم جايبه نص كوباية مايه ورزع في وشي دي عمايل وحده عقلهه يماا
انصاف بضحك : بتدلع عليك يولاا مالك في اييه
غالب : بتدلع في اييه بس يماا انا مبحبش الدلع اصلاا بطوط فين انام علي رجلهاا
فاطمه من المندره : تعالي يا قلب بطوط انا جوا اهوو
" دخل علي المندره كان خالد وغالي قعدين راح نام علي رجل بطوط من سكات "
خالد : السلاام عليكم
غالي بضحك : وعليكم السلاام في ناس هنااا مبتسلمش علي رجاله
غالب بغيظ : حد الله انا ما فايق لحد فيكم غلشان كدا مش هرد عليكم
فاطمه : اسكتوو وسيبو الواد ينام مش هتبقو انتو والزمن عليه
غالي : يا حجه فاطمه دلعك في العيال دا مش نافع
غالب وهو مغمض : عليا الطلاق يا جدي انت محسسني ان عندي 9 سنين وبتدلع فياا يا جدع انا راجل معتمد علياا ماالك كداا
خالد : حسك بعد الجواز مش مظبط كدا فاكر ايام ما كنت تقول جوزوني ومش هحتاج حاجه من الحياه بعد كداا
غالب اتعدل وبصله : كنت عيلل تسمع كلام عيل يا عم خالد ما انت مجرب كنت شايفني بغبط راجعني يا جدع قولي انت غلططط مش تيجي فرحي وتشهد علي الجواز كمان كنت بتعمل فيا كدا ليه
فاطمه : بس اسكتوو اسكت يا غالب مراتك بتحبك وبتخاف علي زعلك خاف انت كمان علي زعلها وخدها علي قد عقلها هي الست هتيجي بإيه غير بالحنيه
غالب : انا هعاملها بحنيه واناا مين يعاملني يا بطوط مبعرفش انام من صويت الواد طول اليل ولا من زن امه طول النهارد قوليلي اعمل ايه
غالي : دا الجواز ودي الحيااااه ولا ايه يعم خالد
خالد بضحك : ولا في كلام بعد كلامك ياحج غالي والله
فاطمه : بيضحكوو عليك دلعهاا تدلعك عاملها حلو هتعاملك حلوو الست ايه غير مشاعر
اميمه دخلت عليهم : الفطار يا رجاله يلااا
غالب : فين كنز يا خالتي اميمه
اميمه : كنز برا قعده بتاكل اهيي
غالب قام : طيب حااضر " وطلع قعد جنبها يفطر والعيله كلها اتجمعت مال علي كنز بهمس " عوزك في حوار بعد الفطار
كنز بستغراب : حوار ايه يا غالب في حاجه ولا ايه
غالب : بعد الفطار هقولك علطول كلي دلوقتي كلي
" بعد الفطار "
غالب قعد جنب كنز في المندره : قوليلي بقاا يا ست كنز تعرفي سليم منين .. وانجزي ؟
كنز بصتله بخجل : انا معرفتوش من وراكم والله هو قالي انا عاوز اتقدملك وانا قولتله كلم اهلي
غالب ببتسامه : وهو كلمني هل بقاا انتي موافقه بيه نمشي الحوار ولا ارفض
كنز بسرعه : لاااء وافق انا موافقه
غالب بكنز : يواطيه انااا شايل هم اقولك ايييه وانتي اصلا اللي بعتاه علي العموم انا مش هلاقي راجل زي سليم
كنز بهمس : انا عرفه هو كويس ومحترم وجنتل وابن ناس وقمور وبحبهه
غالب : عالي صووتك طيب علشان اسمع
كنز بهمس وجخل : خلاص موافقه يا غاالب في ايه بقاااا
غالب حضنها وباس دماغها : يبقي علي خير يا قلب اخوكي
...............................
" في شقة مروه "
مروه كانت بتكلم امها في التلفون : يماما والله العظيم انا تعبانه ومش قادره اجي جمال قالي تعالي اوديكي بس انا حرفيا مش قادره
نجوي : مالك يا مروه تعبانه ليه يحبيبتي تعالي اعدي معايا يومين ياستي
مروه : اولا مبعرفش انام غير علي سريري ومبعرفش اعد بالله حليني متجبنيش انا كويسه وزي الفل اهوو
نجوي بتنهيده : ماشي يا مروه خليكي ولا كأن ليكي اهل ولا ليكي حد كأنك مقطوعه كدا
مروه تجاهلت كلامها : انتي عمله ايه وبابا عامل ايه كلمته امبارح
نجوي : والله متبهدل في حوار الورث دا بهدله يا مروه
مروه : ليه يا ماما في اييه ؟
نجوي : عمك سعد بيقول البيت دا من حقه وابوكي ياخد ارض زراعيه ومش عرفه بقاا المشاكل ليه
مروه : ماما متخليش في الحوارات دول اخوات مع بعض هما حرين
نجوي : انا مالي يختي مليش دعوه بحااااجه
جمال طلع من الحمام : مروه اعمليلي كوبايه شاي
مروه : ثواني يا ماما ... شاااي اي الاول تعالي اعملك الفطار
جمال : سندوتش علي السريع عاوز انزل الشغل اتأخرت الناس وقفالي
مروه : حاضر يا حبيبي ماما اقفلي كدا علي ما اعمل لجمال الفطار وهرنلك علطول " وقفلت معاها وعملت فطار خفيف ليه وراحت علي اوضة النوم "
جمال كان بيلبس ساعته في ايده : عملتي فطار ليه يا مروه بقولك سندوتش سريع
مروه : يا حبيبي سندوتش ايه اللي هيسندك طول النهار كل واشبع الاول وانزل الشغل براحتك
جمال راح عندها وباس راسها : تسلملي ايدك يا روح قلبي يلاا اعدي معايا كلي
" وقعد وقعدها جنبه وفطرو وجمال نزل شغله ومروه بدأت تنضف في البيت "
................................
" في شقة مصطفي "
" ليلي وقفه في المطبخ بقميص بيتي ورفعه شعرها كحكه بتعمل فطار وسلمي بتلعب جمبها علي الارض في الحلل "
ليلي : سلمي اطلعي لباب يا حبيبتي هتتحرقي من الزيت
سلمي : مش اعرف فين بابا
ليلي بصتلها : مع الحربايه نوال ولا فين ... مصطفييي
" مصطفي دخلها المطبخ وكان معاه مكالمة شغل برق ليها انها تسكت وهي قالتله خليك معاياا هنا بهمس "
مصطفي : كلم دكتور تامر واحجز منه الكيماوي اللي هتحتاجها يا دكتور سامح .... خلاص تمام ...مع الف سلامه " وقفل " في ايه
ليلي بتمثيل ببرائه : تعالي عوزاك ديما قدامي يا حبيبي وحشني
مصطفي بصلها : ليلي مبحبش جوو الكيد النسوان داا انا اكيد مش هبص لنوال يعني
ليلي راحت عنده وحطت اديها علي وشه وباست خده : حبيبي انا عرفه انك عمرك ما تبص ليها بس هي مش مضمونه وانا اموووت ولا اشوف وحده بتبص ليك حتي
مصطفي باسها بحب : وانا مفيش في قلبي غير وحده بحبها وبموت فيها ومراتي وكل حياتي المفروض تثق فيااا
ليلي : وانا بثق فيك اكتر من نفسي يلا الفطار جهز اهوو انا عوزه انزل السوق يا مصطفي مفيش خزين في البيت خالص
مصطفي : اكتبي اللي انتي عوزاه هنزل انا اجيبه خليكي انتي مع عمتي هنا وبأمانه ملكيش دعوه بنوال خاالص
ليلي بصتله من فوق لتحت : نعممم نعممم نوال مين دي اللي اشغل دماغي بيهااا
مصطفي مسك اديها وبدل ما يبوسها عضهاا : بتردحيلي علي اخر الزمن تردحي يا ليلي يخساارة تربيتي فيكيي المهم اكتبي الطلبات علشان هفطر واروح اجيبهاا ونروح عند بيت العيله
ليلي بفرحهه باسته : شوووف كل يوم بحبك زياده يا جوزي والله العظيم
سلمي بصتلهم ورفعت اديها لمصطفي: ابووسك زي ماما يا بابا
ليلي بعيظ : حتييي دي فيها مشااركه
مصطفي رفعها وفضل يبوس فيها : روح بابا وقلبه
نوال دخلت عليهم المطبخ : ايه يا جماعه اساعد في حاجه ؟
مصطفي : تسلمي يا نوله منتحرمش منك ليلي خلصت خلاص
ليلي بهمس : نوله ؟ " وبصتله من فوق لتحت وهي رافعه حاجبها ورجعت كملت الفطار "
نوال : صحيح يا ديشاا عوزاك تفرجني علي البلد بقا وكداا
ليلي بصتلها بسرعه : هتتفرجي علي ايه في البلد البلد مفيش فيها غير بقر وحميررر واراضي زراعيه مفيهاش حاجه يعني
نوال : ليلي انتي مش واخده بالك ان انا جايا من مدينه يعني الحجات دي هحبهاا لما اشوفهاا
ليلي : لاء مدام هتحبيها يبقي انا افرجك ستات زي بعض ونتمشي شوييه بس لما نروح عند العيله بقاا
نوال بصتلها بغيظ : طيب يا ليلي نبقي نتفرج سواا " وطلعت برا "
مصطفي بصلها وحس انها هتنفجر فيه : عندي شعل اصلا وانتي اللي مأخراني هختفي من قدامكم لحد بليل بعد ما اوصلكم هناك
ليلي : جوايااا بيقولي عيطي ومنعه نفسي بالعافيه دا انااا بغير عليك من بينتي ينااااس تقوم تطلعلي دي في البخت
مصطفي مسك اديها وبص في عيونها : ليلي حبيبتي كلامك دا بيخليني اضايق انتي مش واثقه فياا يعني انا هبص لنوال طيب حد معاه القمر يسيبه ويبص لنجووم يبقي اهبل وانا معايا ست البنات كلهم
ليلي بصتله بحب : قولتلك انا واثقه فيك بس مش واثقه فيها هي
مصطفي : وانا راجل متجوز بحترم وبيحب مراتي وبنتي جداا يلا اخلصي علشان عاوز انزلك السوق
ليلي : خلاص مدام هنروح عند العيله اروح انا وبسمله علشان اعرف هجيب ايه علشان منساش حاجه
مصطفي : طيب تمام
" وليلي جهزت الفطار وطلعته وقعدو فطرو ونوال وناهد بدؤ يجهزو حجاتهم علشان يروحو بيت العيله "
.................................
" في بيت عيلة الجبراني "
" العيله كلها قعده بما فيهم كنز واميمه و بسمله وانصاف بيلفو محشي علشان عرفو ان ناهد وبنتها جم ومصطفي جايبهم علي البيت "
غالب : بما ان الكل متجمع احب اقولكم ان كنز متقدم ليها عريس وانا موافق جدا بيه
خالد بستغراب : دا مين العريس داا ؟
غالب ببتسامه : سليم صاحبي كلمني امبارح وانا كلمت كنز النهارده وموافقه
غالي بهدوء : بس الباب دا احنا مش عوزينه ارفض
" كنز اول ما سمعت الكلام دا بدأت الابتسامه الخجوله اللي كانت علي وشها تختفي ويظهر مكانها خيبة امل عي عوزاه وبتحبه جدها مش موافق ليه بس هي مستحيل تسيب سليم "
وقفت وقالت بكل قوه عكس رعشة قلبها : بس انا موافقه بسليم يا جدي انا عوزاه ؟!
"" انتظروو القادم ""
رواية بنت العدو الجزء الثانى 2 الفصل التاسع 9 من هنا
لقراءة الرواية كاملة اضغط هنا (رواية بنت العدو)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
