رواية إسلام الفصل العاشر 10 بقلم جاسمين محمد
 |
| رواية إسلام |
رواية إسلام الفصل العاشر 10
10
اسر صحي لاقي اسلام قاعدها عماله تعيط وعيونها حمر
اسر بستغراب وهو ماسك راسه بوجع... انتي قاعدها ليه كدا
اسلام عماله تعيط ومش بترد
اسر استغرب راح قام وجه يقرب منها رجعت بعيد بخوف منه... اسر ارجوك سيبني اروح
اسر باستغراب... في اي طيب
اسلام... سيبني اروح بس ارجوك
اسر... حاضر بس اهدي وقومي روحي
اسلام اول ماسمعت كدا قامت مشت علطول واسر قعد علي السرير ومسك راسه من الوجع وعمال يفتكر اي حصل امبارح
**************
اسلام وصلت البيت ودخلت علطول علي اوضتها وقفت الباب وترمت علي السرير وقعدت تعيط وتفتكر منظر اسر امبارح
اسراء شافتها جرت خبطت عليها الباب
اسراء... اسلام افتحي الباب في اي مالك
اسلام مسحت دموعها وحاولت تعدل صوتها عشان اختها متحسش... مافيش حاجه يا اسراء
اسراء... مالوا صوتك متغير كدا وافتحي عايزه اتكلم معاكي
اسلام وهي بتحاول تدراي... مافيش بس شكلي داخلي برد المهم نتكلم بعدين عشان هنام شوي معلش روحي وسيبيني
اسراء... اسلام افتحي وخليني اشوفك الاول
اسلام بعصبيه... مخلاص بقا سيبيني انام مقولت اني كويسه وعايزه انام
اسراء بحزن... خلاص اسفه نامي انا ماشيه
اسلام حست انها اختها زعلت بس غصب عنها وقعدت تعيط وقامت طلعت لبس من الدولاب ودخلت تاخد دش
***********
اسر وصل الشركه ودخل مكتبه وسيف دخل ورها علطول
سيف... اسر اسر
اسر بزهق وضيق... نعم في اي
سيف... مالك كدا متغير
اسر... لا مافيش حاجه المهم في اي
سيف... بص ياباشااا ولسه هيكمل قطع كلامهم رن هاتف اسر اسر بيبص لاقي عمو اللي بيتصل
اسر.. سيف استني اشوف الز.. فت عمي ده عايز اي
سيف... ماشي
اسر... نعم في اي
_تعال علي البيت حالا
اسر... مش فاضي عندي شغل
_سيب شغلك وتعال حالا علي البيت يا اسر.
اسر بعصبيه... اتكلم عدل الاول
_انا طول عمري بتكلم كدا ومش هغير كلامي عشان اخلص تعال البيت
اسر بعصبيه... حاضر جي سلام وقفل معا
سيف... في اي
اسر... معرفش عايزني في اي بس متعصب واكيد في موضوع مهم المهم هروح اشوف في اي ولو اسلام جت ابقا عرفني
سيف بستغراب... اممم حاضر روح
***********
اسلام خلصت وطلعت من اوضتها ودخلت اوضته امها تطمن عليها لقتها نايمه باست راسها وطلعت وهي ماشيه قابلت اسراء واسراء اتجاهلتها ومشت
اسلام... اسراء انا عارفه انك زعلانه بس غصب عني والله
اسراء وهي مديها ضهرها... فطارك علي التربيزه افطي قبل متمشي
اسلام يحزن... طيب مش هتلفي تبصيلي وتكلميني
اسراء... انا اروح اشوف امي وسابتها ومشت واسلام طلعت راحت الشركه من غير متفطر
***********
اسر وصل الفله واول مدخل
_اهو الباشااا المدلل وصل
اسر بقرف... بلاش رغي وفي اي مش فاضي
_ليه ياباشاا وراك اي في واحدها مستنياك ولا اي وخايف تتاخر عليها
اسر بعصبيه... قولتلك اخلص واتكلم مش وقت وش ورغي
_حاضر ياباشااا اوامرك بص بقا ملك بنت عمتك خطيبتك صح
اسر بقرف... اه
_تمام واي اتنين مخطوبين لازم يتكلموا مع بعض ويخرجوا عشان يتعرفه علي بعض وكدا صح ولا لا
اسر... انا محدش يعرفني الصح من الغلط وانا نظامي كدا عاجبها عاجبها مش عاجبها براحتها انا اصلا خطبتها عشان ابوي طلب مني كدا قبل ما يموت غير كدا انا مكنتش بصيت في وشها وكلكم عارفين كدا كويس هي عيله طايشه ومستهتره وانا مبحبش البنات اللي من النوع ده فلو مش عاجبها نظامي تفشكل الخطوبه ونخلص
ملك بعياط... بس انا بحبك يا اسر
اسر بعصبيه... وانا مبحبكش ولا هحبك من الاخر ف وفري كلامك الكتير
ملك انهارت في العياط
العم بعصبيه... اسر فرحك علي بنت عمتك بعد اسبوع وهتقبلها غصب عنك وهتكون مراتك انت سامع
اسر بعصبيه... انا محدش يتحكم فيا ويشرط عليا ويعرفني اعمل اي ومعملش اي
_لا انا اتحكم ولو مش عاجبك يبقا اطلع من البيت والشركه وامشي ومالكش اي حاجه عندي
اسر بعصييه... وورث ابوي اللي واكله اسبهولك ابوي اللي تعب وعمل كل ده وجدي الله لا يرحمه كتبه كله ليك وانت كلت حق ابوي وانا مستحيل اسيب حق ابوي وهجيب حقه منك واخليك تندم في يوم من الايام يا رفعت الصاوي
رفعت... اعلي ما في خيلك اعملوا وانا قولت قراري تتجوز بنت عمتك الاسبوع الجاي ولا تمشي من هنا
اسر بغضب... مسكتني من ايدي اللي بتوجعني يعني بس ماشي يارفعت الصاوي موافق بس متزعلش انت بقا من اللي هعملوا واسابهم وطلع علي اوضته وبدا يكسر في كل حاجه من الغضب
مي... ياعمي مينفعش التصرف ده
رفعت... محدش يفتح الموضوع تاني وخلصنا وكله يقوم يشوف هيعمل اي اخلصوا
****************
اسلام وصلت الشركه وعماله تدعي انها متشوفش اسر خالص وقاعدها في مكتبها وسرحانه
سيف جه من ورها... القمر بيعمل اي
اسلام بخضه... زغفتني
سيف... ههههه حقك عليا المهم طنط عامله اي
اسلام... كويسه الحمدلله
سيف... طيب الحمدلله المهم بقولك صح عندنا شغل مهم لازم نخلصوا عشان اسر مش هنا وعايز حد يساعدني
اسلام اطمنت اول معرفت ان اسلام مش هنا وبفرحه... موافقه اني اساعدك يلا
سيف انبسط... بجد طيب يلا وجاب كرسي وقعد جنبها وبداو يشتغلوا
**********
اسر قاعد في اوضته ومتعصب ومسك الاب توب بتاعه وفتحوا وشغل الكاميرات بتاعت المكتب يشوف الشغل ماشي ولا في حاجه وجت عينه علي مكتب اسلام وبص لاقي سيف قاعد علي كرسي جنبها ومقربين من بعض وعملين يهزرو ويضحكه واسر غار جامد واتعصب جامد ومسك كبايه الميه اللي جنبه ورمها علي الارض وبغضب... بقا كدا طيب استقبلي اللي هيحصلك يا اسلام عشان تهزري مع حد ولا تقعدي جنب حد كدا
ييتيع....
#ااسلام
#جاسمين_محمد
رواية إسلام الفصل الحادى عشر 11 من هنا
لقراءة الرواية كاملة اضغط هنا (رواية إسلام)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
