رواية تخطى حدود العشق الفصل السابع عشر 17 بقلم يارا عبد العزيز
 |
| رواية تخطى حدود العشق |
رواية تخطى حدود العشق الفصل السابع عشر 17
تخطي حدود العشق
البارت السابع عشر
عمر :- هااا قولت ايه يا عمي انا دلوقتي بطلب منك ايدك ملك و عايز اتجوزها على سنة الله ورسوله و عايزاها تعيش معايا هنا في بيتي
- وقتها دخل عادل أنصدم من كلام عمر هو كان متوقع ان دا هيحصل لكن مش بالسرعة دي ففضل انه يسكت يسمع رأي عبدالله الاول و كمان هو حابب ملك تبقى مع عمر
عبدالله:- لو على نفس الاتفاق القديم فأنا موافق طبعاً معنديش اي اعتراض و خدها تعيش مطرح ما انت عايز ان شاء الله حتى تقعدها في عشة
عادل بصوت عالى:- لتاني مرة بتبـ..يع بنتك يا عبدالله هتفضل لحد امتى كدا امتى هتتغير
عبدالله:- و الله هي ما ناقصه محاضراتك يعني ابعت هات المأذون دلوقتي و نكتب الكتاب
ملك :- بس انا مش موافقة
بصلها الجميع و خصوصاً عمر اللي كان في قمة سعادته و بمجرد ما ملك قالت كدا اتبدلت فرحة قلبه لحزن كبير
عادل:- خلاص يبقى تروحي مع ابوكي يا ملك
ملك بصدمة:- انت بتقول ايه يا جدو
عادل :- اللي انتي سمعتيه انتي مسمعتيش كلام ابوكي انه عشان يسمحلك تبقي هنا و متروحيش معاه لازم تتجوزي عمر
ملك بصيت لعمر و اتكلمت بتلقائية :- ابيه انا مش عايزة اتجوزك
قبض ايده بألم شديد و كان لسه هيتكلم بس قاطعه صوت عبدالله
عبدالله:- هو مش بمزاجك يبت انتي مش عايزة تتجوزيه يبقى تيجي معايا و اجوزك غيره ما انا مكنتش بخلفك و مستحمل قر..فك لله كدا
عمر بغضب مفرط:- عمي
ملك بأستسلام و حزن شديد و احساس بالقـ..لة :- خلاص يا ابيه هي مبقتش تفرق ما انا طول عمري سلعة يعني هي جت عليك
قالت كلامها و هي ماسكة دموعها من النزول بالعافية طلعت اوضتها بسرعة
لا حول ولا قوة الا بالله العلي العظيم 🤎
عمر بحزن :- خلاص يا عمي انا مش عايز اتجوز ملك خليها تروح مع جدها و انا هديك اللي انت عايزاه
عادل :- بس انا مش هاخد ملك ملك هتفضل هنا و هتتجوزها يا عمر انا مش كل يوم هلاقي لملك حد يحبها بجد و يعوضها اسمع مني يا عمر يمكن دلوقتي ملك حاسة بأنها قليلة لانها لتالت مرة بتتجوز عشان مصلحة ابوها بس المرة دي الموضوع يختلف المرة دي ملك هتبقى معاك انت انا واثق انك تقدر تخليها تنسى أسر و تعوضها عن كل صعب هي شافته في حياتها
عمر :- مش هاين عليا حزنها دلوقتي مش هقدر اغصبها على حاجة هي مش عايزاها و خصوصاً لو كانت الحاجة دي انا
عادل :- خدها براحة و الله دي حفيدتي و انا عارفها هتحبك
عمر بلهفة : تفتكر
عبدالله:- يواه ما تخلصونا بقى هتجيب المأذون و تعوضني عن الاسهم اللي ابوك خدهم و لا لأ
عادل بصله بقـ..رف
عمر :- تمام يعمي بس التسجيل اللي معاك اللي كنت هترفع بيه قضية الوصايا تمسحه تماما وصاية ملك هتفضل مع عادل بيه
استغفر الله العظيم الذي لا اله الا هو الحي القيوم و اتوب اليه 🤎
عبدالله:- تمام و انا هعوز منها ايه يعني
و بالفعل تم عقد قران ملك و عمر ( ملك ملهاش عدة و الطلاق اتوثق و اتسجل في المحكمة اي حد ليه تعليق عن الموضوع يسيبه في الكومنت)
ملك كانت قاعدة في اوضتها و تانية رجليها و ساندة براسها على رجليها فجأة الباب خبط
ملك :- مين
عادل : انا يا ملك
ملك :- ادخل يا جدو
دخل عادل بصلها و قعد قدامها
عادل :- بتسألي مين ليه البيت مفيهوش حد غريب مفيش غيري انا و جوزك يا ملك
ملك :- هي ليه ماما اتجوزت بابا ليه مسألتوش عليه قبل ما تتجوزه طب ليه يخلفوني و يجبوني الدنيا دي يا جدو
عادل :- عشان دا نصيب يا ملك يعني ربنا كاتب عنده ان امك تتجوز ابوكي و يجبوكي زي ما كان كاتبلك عمر كدا بالظبط
ملك بسخرية : و احمد و أسر
عادل :- المهم مين اللي هيدوم يا ملك مين هيفضل معاكي للاخر مين هيرعيكي بجد متخليش الماضي يأثر عليكي يبنتي و فكري عمر مش وحش
ملك:- انا مش هقدر اقبل بيه كزوج على الاقل دلوقتي
عادل :- عارف و هو عارف خدي وقتك بس عايزك تعرفي حاجه واحده بس انه هو دلوقتي جوزك يا ملك تمام يعني فيه حاجات كتير بقيت تحقله دلوقتي زي انه يشوف وشك مثلاً انك تعقدي براحة معاه تمام
ملك :- ماشي يا جدو
عادل : انا هرجع بيتي و متجادليش خليكي هنا مكان ما جوزك موجود و بيت جدك هيفضل على طول مفتوحلك وقت اما تحبي تشوفيني
ملك :- تمام يا جدو
مشي عادل من البيت و مفضلش غير عمر و ملك
عمر من ورا باب اوضة ملك :- ملك ممكن ادخل
كانت لسه هتلبس النقاب افتكرت كلام جدها رديت بسرعة
:- اه اكيد يا ابيه
دخل عمر لاقها قاعدة على السرير و ماسكة الكتاب في ايدها كانت لابسة بيجامة عليها بعض الرسومات الكرتونية و رابطة شعرها بعشوائية و كانت زي القمر انبهر من جمالها فملك الطفلة اللي سابها و هي عندها عشر سنين كبرت و بقيت احلى من القمر بصتله بخجل شديد و وطيت وشها في الأرض ، راح قعد قدامها على السرير
اتوترت بشدة من نظراته و فضلت تفرك في ايديها
مسك ايديها بحب و اتكلم بهمس و حنية :- انتي جميلة اوى يا ملك
ملك بتوتر:- شكراً
اللهم صل وسلم وبارك على سيدنا محمد وعلى اله وصحبه اجمعين 🤎
جت تقوم و هي بتهرب من نظراته مسك ايديها و شدها عليه وقعـ..ها على رجله
ملك بتوتر:- عايزة
عمر بمقاطعة و هو بيحط ايده على شفايفها:- هششش متقوليش حاجه خالص و متخافيش و الله ما هعمل حاجه انا بس نفسي تعقدي معايا شوية نفسي اشبع من ملامحك يا ملك انا بقالي عشر سنين مش عارف اشوف الملامح دي كنت بصبر نفسي بصورك و انتي طفلة
ملك اتوترت و معرفتش ترد عليه بس كانت حاسة انها مبسوطة من كلامه ابتسمت بتلقائية منها ، بصلها و ابتسم ميل على وشها و هو بيحط ايده على رقبتها ، غمضت عيونها بخجل شديد ابتسم على طفولتها و تصرفتها اللي لسه متغيريتش خدها في حضنه بعمق و حنية مفرطة لاقيت نفسها بتحاوط بأيدها ضهره و بتغمض عينيها فضلوا كدا فترة من الوقت لحد و هم حاسين براحة كبيرة و خصوصاً عمر اللي كان نفسه يفضلوا كدا لاخر نفس فيه و متبعدش عنه لحظة واحدة
عمر :- خلينا على طول كدا يا ملك انا و الله لسه لحد دلوقتي مش مصدق اننا بقينا متجوزين
ملك :- انا اسفة اني اجبرتك على دا انت اكيد بتحب واحدة من سنك و عايزة تتجوزها
عمر :- هششش بطلي كلامك دا كفاية عليا كدا
ملك:- مش فاهمة
عمر :- مش لازم تفهمي المهم خليكي في حضني كدا
ملك :- عايزة اذاكر و بعدين كدا انا مش هروح الكلية لو فضلت كدا
ضحك على طفولتها في حركة اظهرت وسامته بعدت عنه و هي تايهة في ضحكته
عمر :- قمور انا صح
ملك بخجل شديد:- اممممم
عمر :- انا ماسك نفسي بالعافية و الله هو انا ممكن اطلب طلب
ملك :- اكيد يا ابيه
عمر :- اول حاجه بطلي كلمة ابيه دي عشان بضايقني انا دلوقتي جوزك قولي عمر تاني حاجه بقى ممكن تعقدي معايا في اوضتي
ملك :- هااا بس
عمر:- و الله ما تخافي مش هعمل اي حاجه غصبن عنك بس انا بس عايزك جانبي ممكن
ملك :- ماشي
عمر شالها بحب كبير
ملك :- هروح لوحدي
عمر :- انا عايز اشيلك يستي الله
ملك بضحك:- عسل و الله
دفـ..نت رأسها في عنقه حسيت انها محتاجه تحس بالأمان اللي محستهوش غير معاه حس بنبض قلبه بدأ يزيد من حركتها خد نفس عميق و هو بيحاول يتحكم في نفسه
دخل بيها اوضته ، حاطها على السرير برفق
عمر بحنية :- هتذاكري
ملك :- هنام
عمر :- تمام هدخل اخاد دوش و خارج
ملك :- تمام
عند أسر كان في شقة شروق
اسر بغضب مفرط:- يعني اتجوزها يا بابا يعني ايه
قفل الفون بغضب و رز..عه في الأرض بغضب مفرط
شروق كانت واقفة في المطبخ حسيت انها دايخة شوية و انها عايزة تستفرغ حاولت تتوزان و هي بتمسك في رخمة المطبخ بدأت تحس بالراحة بعض الشئ اول اما سمعت صوت اسر راحت عنده
شروق:- مالك يا اسر فيه ايه
شد..ها من شعرها بقوة
شروق بألم:- اسر هو فيه ايه
اسر : انتي السبب لو مكنتش اتجوزتك مكنتش هتطلب الطلاق انتي السبب في انها تبعد عني و تتجوز الحـ..قير اللي اسمه عمر
شروق :- يا اسر سيب شعري انت بتوجعني و الله أنا ما فاهمة حاجه طب انا اسفة بس سبني
اسر بعصبية :- خلاص انتي مينفعش تبقي معايا ثانية واحدة بسببك انتي انا خسرت كل حاجه انتي طالق
يتبع............
#يارا_عبدالعزيز
رواية تخطى حدود العشق الفصل الثامن عشر 18 من هنا
لقراءة الرواية كاملة اضغط هنا (رواية تخطى حدود العشق)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
