رواية كامل الأوصاف الفصل الثانى 2 بقلم صفاء حسنى

رواية كامل الأوصاف الفصل الثانى 2 بقلم صفاء حسنى

رواية كامل الأوصاف

رواية كامل الأوصاف الفصل الثانى 2

كامل الأوصاف 

الفصل الثاني

******************

نزلت عشق وهي خايفة خبطت فى شخص كان طالع

بصلها الشخص وقال 

حاسب يابني 

بصتله عشق وهي بتتأسف 

أنا آسفة أوي

انصدم الشاب لما شافها: 

إنتي إيه طلعك هنا إنتي مش عارفه القوانين ..

عشق بلعت ريقها : 

حضرتك المدير عارف ..

إستغرب الشاب وقال 

عمي رفيع يعرف إنك متنكرة  بلبس ولد هو بيخطط لإيه ..

قطع كلامهم قدوم الشاب 

نزلت عشق بسرعة الشاب: 

إزيك ياكنان عامل إيه ..

كنان بصله بنظرة إستغراب 

من إمتا بتقف تتكلم مع عامل ياأستاذ أسامة ..

إبتسم أسامة واتكلم بطريقة تستفز كنان: 

أنا معروف هنا والكل بيحبني حتى إنهم فاكرين إن أنا إبن المدير ..

كنان بصله بلا مبالاة ودخل مكتبه دخل وراه أسامة 

بص للصينية شافها فاضية  ..

إبتسم بخبث وقال 

واضح إن شغل الكافتيريا عاجبك الفترة دي ..

رد كنان : 

ماشي حاله مع إن النهارده الشاب الجديد إتأخر شويه لكن مش مشكله هو  قليل الكلام وراسه دائماً في الأرض وبيقف بعيد ودي حاجه كويسه ماشي حاله ..

إبتسم أسامة: 

طيب إنت عرفت إزاي هو إنت شوفته ..

كنان: 

طبعاً كنت متابعه في المراية  وعجبني التزامه .. 

المهم كويس إنك جيت في حاجات كنت عايز اتناقش معاك فيها ..

******************

عشق نزلت تحت وخذت نفس طويل شافتها بنت من اللي بيشتغلوا وسألتها 

كنت فين يابنتي إتأخرتي كدا ليه ..

ردت عليها عشق  

على لحظة كنت انكشفت طلعت والمدير فوق ..

إبتسمت البنت

يعني شوفتي المدير كنان رفيع الجراحي شكله إيه ..

بصتلها عشق بصدمة: 

بقولك كان عل لحظة كشفني لولا مستر أسامه شافني وغطى عليا كنت روحت في مصيبة وتقوليلي 

شكله إيه ..

عم حسين اتكلم بضعف 

خلاص يابنتي متعرضيش نفسك للموقف دا تاني مفيهاش حاجه لما يجي شاب يقسم المرتب معانا ويكون هو المسؤول عن الدور اللى فوق ..

قربت  عشق من أبوها وقالت: 

كل حاجه تحت السيطرة يا بابا وفعلاً الباشا رفيع بيدور على شاب ..

عم حسين إطمن  وقال 

إن شاءالله خير أنا عارف كنان بيه هو صعب أوي مش بيحب الغلط من يوم مامسك الشركه مع أبوه ومع إنه مش بيظهر لكن عارف يسيطر على كل كبيرة وصغيرة  ولو حس إنه بيتلعب عليه هيولع فينا ..

طمنت عشق أبوها 

وعلى إيه بلاش أحسن خلاص يجيبوا واحد ..

******************

مر اليوم على الجميع وهما في الشغل آخر الليل في البيت 

رفيع الجراحي راح لكنان وهو مبتسم وقال 

إنت قلتلي مش هتتجوز إلا لما الاقيلك بنت تكون كاملة الأوصاف أخلاق جمال متعلمة وعندها ضمير ومخلصة وأنا لقيتها خلاص ..

كنان بحدة  

هو إنت ليه مش بتتعب من الموضوع دا قولتلك مش هتجوز  إنت ليه مش راضى تطلعني من دماغك ..

 رفيع بعصبية 

هتتجوز ياكنان ورجلك فوق رقبتك وإلا قسماً بالله أغضب عليك واحرمك من الميراث وكل أملاكي هكتبها لدور الأيتام علشان أرتاح وأريحك فكر يابني وممتأخرش عليا بالرد وسابه. ومشي .. 

كنان كان على آخره رايح جاي مش عارف إزاي يقنع أبوه إنه يخرج الموضوع دا من دماغه

خرج يقابل أسامة 

أسامة شافه مضايق سألها

 مالك يابني الدخان طالع من وذانك ليه كأنك هتولع ..

زعق كنان 

أبويا يافالح عايز يجوزني ..

إبتسم أسامة : وفيها إيه ..

بصله كنان 

بقولك عايز يجوزني وإلا هيحرمني من كل حاجة .. 

كمل أسامة بتهريج: 

وأجيب جهازه منين عندك عبد الرحيم وحكم الأمر ياجماعه وهتجوز ..

كنان نفخ بضيق: 

إنت واد بايخ وأنا غلطان إني جيتلك ..

جه يمشي وقفه اسامة وقال 

قولوا إنك مبتعرفش ..

إستغرب كنان من كلمته واستفسر 

مابعرفش إيه إنت ياواد شارب حاجه على الصبح ..

إبتسم أسامة: 

اه شارب المر من كياعني من الصبح في الإجتماعات وهنا وهنا وإنت زي الشاطر قاعد في التكييف وتحضرهم أون لاين وخلاص ..

بصله كنان بغيظ 

أنا كمان بحضر إجتماعات لكن في شركات بيكون في ستات بيشتغلوا في الإدارة وأنا مش عايز أتعامل معاهم ..

سألها أسامه بإستغراب  

هو دا اللي نفسي أفهمه هو إنت ليه بتكره الستات والبنات يابني حتى لو شيخ ومتدين لكن مش لدرجة إنك تترهبن أنا حاسس إنك لومكنتش مسلم كنت اترهبنت ..

رد كنان 

عادي يعني أصلاً محدش يقدر يجبرني ولازم اخلي أبويا ينسى الموضوع دا وينسى تهديد ..

شرح أسامة 

يبقى أفهمك إنت لازم تعمل إيه  إنت تقول لأبوك إنك مريض وعندك عقم وإنك عرفت الموضوع دا لما عملت الكشف الشامل من فترة وبكدا إنت هتصعب عليه ومش هيحاول يجبرك على حاجه ..

بصله كنان نظرة مطولة 

إنت بتهرج صح وواخدني تسليتك النهاردة أنا غلطان إني باخذ رأي واحد واطي زيك ..

إبتسم أسامة 

يابني متخفش أنا صديقي دكتور هيعملنا ورق مضروب تقدمه لأبوك وشوف بقى هيعمل إيه..

كنان فكر شويه في العرض وقال 

فكرة حتى لو فضل مصر أجبره إنه يبلغ  أي بنت بالموضوع دا 

علشان تتفشكل من قبل ما توافق 

يلا على الدكتور ..

******************

استقبلهم الدكتور سلم عليهم وسمع طلبهم 

رد عليهم وقال

تمام مافيش مشكله لكن الأول وعلشان أطمن ونعرف نحبكها كويس لازم أكشف عليك وأعملك تقرير يخلي أبوك يصدق بعد الشر عنك لكن في معلومة بسيطه العقم غير العجز الجنسي ..

إستغرب كنان وقال 

مش فاهم 

بدأ الدكتور يوضح لكنان 

العقم يعني عدم القدرة على الإنجاب أم العجز الجنسي عدم القدرة على ممارسة الحياة الزوجية مع زوجتك ..

ضحك أسامة بتهريج 

أنا شاكك إن عنده عجز جنسي علشان بيكره الستات ومش بيحب يتعامل معاهم ..

ضحك الدكتور 

لا دا موضوع كبير هنشوف مشكلته عضويه ولا نفسية ..

اتعصب عليهم كنان 

إنتوا بتهرجوا صح أنا اللي غلطان إني جيت هنا ..

اعتذر الدكتور منه وقال 

أنا آسف إحنا مش قصدنا خلي روحك حلوة وفعلاً إنت محتاج دكتور نفسي علشان إنت بتحارب سنه ربنا ربنا هو اللي حلل الجواز وهو اللي خلق الراجل وخلق الست من ضلعه يعني الست جزء منه ..

بص كنان لأسامة بتوعد وقال 

هو أنا جاي أخد محاضرة ولا يتعملي ورق ..

سأله الدكتور

طيب ممكن أسألك سؤال لو طلع عندك مشكله وقابلت واحده وحبيتها إحساسك وقتها هيكون إيه بعد ما حاربت القدر ..

نفخ كنان وقال 

أنا ماشي وغلطان إني جيت ..

إبتسم الدكتور 

هي مين السبب في عقدتك بنت حبيتها ولا  والدتك .. 

 وقف كنان علشان يمشي 

فالدكتور وقف قدامه  

مافيش رجوع لازم أكشف عليك الأول علشان مكتبش تقرير وأنا مش فاهم الحالة ونصيحة مني مش علشان تجربه فاشلة مريت بيها  تدمر حياتك كل الورق هيكون جاهز إتفضل معايا ..

*****************

دخل كنان وتم الكشف عليه وعمل التحاليل وكل حاجه مطلوبة لدرجة إن كنان شك إن ممكن يكون فعلاً عنده مشكله وبعد ماخلص كل حاجه ..

سأل كنان الدكتور 

أنا كل اللي كنت أعرفه إني هديك فلوس مقابل إنك تعملي ورق يثبت إن عندي مشكله لكن ليه كل دا..

رد الدكتور بأسف 

لأنك فعلاً طلع عندك مشكله ..

نزلت الكلمه على كنان زي الصاعقة لكن رسم اللامبالاة 

وأخد التقرير ومشي من غير ولا كلمة ..

 أسامة بصدمة وحزن 

أنا كنت بهرج معاه مفتكرتش إن الموضوع يطلع حقيقي ..

إبتسم الدكتور قال 

هو كويس وزي الفل ..

 أسامة بصدمه ثانية 

مش فاهم طيب ليه ..

وضح الدكتور علشان صاحبك لازم يتعلم درس في حياته ويعرف إن الست هي نص المجتمع وهي الجزء الناعم للراجل وإنه مايجوزش إننا نحرم حاجه ربنا حللها ..

*******************

سابهم كنان وهو حاسس بمشاعر ملخبطه ومش عارف يزعل ولا يفرح ولا يعمل إيه 

روح عل البيت كان رفيع الجراحي مستنيه  

فكرت ولا لسه 

كنان حط الورق قدام أبوه وقال 

لو واثق إن الإنسانة اللي إنت بتقول عليها دي تقبل تتجوز أخوها أنا معنديش مانع 

يتبع ...

رواية كامل الأوصاف الفصل الثالث 3 من هنا

لقراءة الرواية كاملة اضغط هنا (رواية كامل الأوصاف)