رواية رحلتى من نسيانك لحياة جديدة الفصل الرابع 4 بقلم نشوه عادل
 |
| رواية رحلتى من نسيانك لحياة جديدة |
رواية رحلتى من نسيانك لحياة جديدة الفصل الرابع 4
-بدأ على يستمع إلى عمرو ويسجل اقواله ويراقب حركاته ولغة جسده وبعد ما انتهى عمرو قاله: اول مرة اتكلم مع حد من يوم موت رحمة يمكن لان حكايتك شبه حكايتى او يمكن لانك شخص غريب معرفوش وعارف انه مش هيجرحنى او يتريق عليا
على: ويمكن تكون حابب تخرج من الحالة دى وتبدأ حياتك من اول وجديد
عمرو بدهشة: دى حقيقة بس انت عرفت ازاى؟!
على:يمكن عشان انا دكتور نفسى مثلا
عمرو بصدمة: ايه؟! دكتور نفسى طب ازاى يعنى انت كنت بتضحك عليا بتجر رجلى بالكلام عشان اثق فيك انت مين وزك عليا؟!
على: اللى وزنى عليك ناس بتحبك بتموت فى اليوم بسببك الف مرة ولو انا راجل غشاش زى ما انت اتهمتنى كنت استمريت فى علاجك بدون ما انت تعرف حقيقتى بس ع فكرة انا كل اللى حكيته عن رقية كان حقيقة وممكن تعمل سيرش بنفسك وتتأكد
نظر له عمرو نظرة غضب ومتكلمش لف وشه عشان يمشى لكن على وقف قصاده : ده الكارت بتاعى فيه العنوان والرقم هستناك فى العيادة بكرة الساعة ٣
عمرو: ايه الثقة دى مين قالك انى هجيلك اصلا!
على: هتيجى لانك محتاجلى بجد ومحتاج لنفسك فرصة تعيش حياتك اللى انت كبتها فى الحزن واليأس
انهى على جملته ومشى بعدها راح عمرو ع البيت وهو بيفكر يا ترى مين اللى بعتله على حس بالتعب فنام وتانى يوم لقى نفسه ماسك الكارت وبيبص فى ساعته لقاها ٢ قام دخل الحمام اخد شاور وصلى ونزل راح ع العيادة ودخل لعلى
على بابتسامة: عرفت بقى ان انا ثقتى كان فى محلها
عمرو: انا عاوز اتعالج يا دكتور حابب ارجع عمرو بتاع زمان بس انا بصراحة كنت عاوز اعرف مين طلب منك تساعدنى ؟!
شاور على ع الباب ودخلت منه مروة وغدير عمرو بصدمة: مروة انتى اللى عملتى كده ؟!
مروة بدموع: والله يا عمرو انا عملت كده عشانك كنت بموت من جوايا قهر ع انى فشلت اساعدك تخرج من محنتك عشان كده لجئت لحد متخصص وكان عندى امل ان ممكن هو يقدر ع اللى احنا مقدرناش عليه
غدير : ع فكرة يا استاذ عمرو انا كنت صاحبة الفكرة واللى اقترحت ع مروة انها تستشير دكتور نفسى وكمان انا اللى بحثت لحد ما ربنا سخرلى دكتور على فلو حابب تزعق لحد فيبقى انا
ابتسم عمرو ولاول مرة من ٧ شهور مروة تشوف ابتسامة ع وش اخوها اللى أخدها بحضنه فبادلته الحضن وهى تستنشق رائحته وتستلذ بحنيته وجه نظره لغدير وقال: شكرا يا اوزعة
غدير بضحك : مش هضايق انا لا لا ع العموم متقولش كده يا عمور احنا اخوات ولا ايه؟!
عمرو: ولا اه
بعد مرور ثلاث شهور ابتدى عمرو يستجيب للعلاج بشكل سريع وبدأ يرجع لحياته القديمة واحدة واحدة وفى يوم كان عند على بصله وقال: انت كده شبه خفيت لسه اخر مرحلة عشان نقول انك كده مبقتش بحاجة لوجودى
عمرو: ايه هى؟!
على: لازم تساعد حد يخرج من نفس المحنة اللى انت كنت فيها وده هيساعدك كتير فيما بعد انك تتخطى اى موقف صعب واى ازمة قاسية
عمرو: طب والحد ده اجيبه منين ؟!
على: موجود .... دخل هانى والقى التحية وبدأ على يشرح لعمرو حالة هند اللى اتأثر عشانها بشكل كبير حتى من قبل ما يشوفها
هانى برجاء: ارجوك وافق انا نفسى اختى ربنا يفك كربها
عمرو: انا موافق بس اعمل ايه ؟!
على بص لهانى: هى هند مبتخرجش ابدا من البيت؟!
هانى: بتخرج كل يوم جمعة تروح دار الايتام زى ما كان يونس معودها
على : حلو اوى يبقى البداية هتكون يوم الجمعة الجاية جهز نفسك يا عمرو
عمرو: انا تحت امركم بس اعمل ايه برضه؟!
على: انت هتروح دار الايتام وتحاول تجذب انتباه هند وليكن مثلا اكيد فيه طفل هناك هى بتحبه او بتعزه اكتر فأنت تقرب منها عن طريق الطفل ده وتحاول انك تتكلم معاها بأى شكل
هانى: بس هى مبتكلمش
على: انا عارف بس انا لازم اخلى عمرو يقرب من هند لان ببساطة عمرو نفسه هيكون العلاج
هانى وعمرو: ازاى؟
على : لازم تخلى هند تحبك
عمرو بدهشة: نععععععععععم يفتح الله ووووو........
#رحلتى_من_نسيانك_لحياة_جديدة الرابع
#يتبع
#بقلم_نشوه_عادل
رواية رحلتى من نسيانك لحياة جديدة الفصل الخامس 5 من هنا
لقراءة الرواية كاملة اضغط هنا (رواية رحلتى من نسيانك لحياة جديدة)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
