رواية رحلتى من نسيانك لحياة جديدة الفصل السادس 6 والأخير بقلم نشوه عادل
 |
| رواية رحلتى من نسيانك لحياة جديدة |
رواية رحلتى من نسيانك لحياة جديدة الفصل السادس 6 والأخير
-شرح على لهند كل حاجة من اول ما مروة راحت تحكيله عن حالة عمرو لحد ما نفذوا خطة اليوم
هند بضحكة: يعنى كل اللى فات ده كان لعبة من عمرو وهانى عشان ارجع اتكلم تانى لا برافو هايل اوى والله
على: انسة هند انتى ليه بتسميها لعبة ليه متقوليش ان اخوكى عمل كده عشان بيحبك ونفسه يشوفك راجعة لحياتك الطبيعية تانى؟!
هند بنظرة عتاب لعمرو: طب اخويا وعمل كده عشان يساعدنى انت بقى عملت كده عشان مشفق عليا مش كده!
عمرو: مشفق عليكى! يا بنتى انا حالتى كانت زى حالتك انا وانتى اتعرضنا لنفس الصدمة والخسارة الفرق ان انا كنت بحاول ارجع لحياتى لكن انتى كنتى مستسلمة يعنى ببساطة انا كنت محتاج ليكى زى ما انتى كنتى محتاجة ليا
هند بدموع: تمام يا استاذ عمرو كتر الف خيرك مساعدتك الانسانية نجحت اظن كفاية تمثيل لحد كده
عمرو: تمثيل ايه! انتى مش فاهمة اى حاجة ابدا
هند : مش فاهمة ايه ؟
عمرو: انى حبيتك
اترسمت صدمة ع وش هند الا على وهانى لانهم كانوا عارفين ان عمرو حبها فعلا فأكمل عمرو: ايه مصدومة ليه ايوة حبيتك معرفش ليه ولا ازاى ولا امتى بس من اول يوم شوفتك اتجذبت ليكى حبيت كل تفاصيل يومى معاكى لقيت نفسى قلبى رجع تانى ينبض بالحب مش بس عشان يعيش
هند : مش مصدقاك انت كذاب
كانت بتقف عشان تمشى لكن عمرو وقف قصادها ومبقاش بينهم فرق كبير رفع وشها وقال: بصى فى عيونى وانتى تعرفى بكدب ولا بقول الحقيقة ...ثم مسك ايدها وحطها ع قلبه: حسى بضربات قلبى اللى صوتها بيعلى كل مرة بكون قريب منك فيها
هند: خايفة اصدقك تجرحنى وانا مش ناقصة انا فيا اللى مكفينى
عمرو: تقبلى تتجوزينى!
هند بصدمة: ايه؟!.
عمرو: تتجوزينى اظن مفيش اثبات اكتر من كده انى بحبك وعاوز اكمل حياتى معاكى
هند بصت لهانى اللى ابتسم لها وهز راسه بأيوة وقالت: موافقة
على: مبارك ان شاء الله عليكم بس قبل الفرح بقى لسه خطوة نهائية لازم نعملها فى العيادة نقدر نقول الفينش بتاع العلاج وبعدها متبقوش محتاجين لى فى حاجة
عدى شهر كان عمرو وهند بيروحوا فيه العيادة كل يوم لعلى وبيقعد الاثنين ع الشيزلونج ويركب جهاز خاص ع الراس ويخليهم يتكلموا ويخرجوا كل اللى جواهم من مشاعر سواء ايجابية او سلبية
على : الحمدلله كده العلاج اكتمل واقدر اقولكم حمدالله ع السلامة
عمرو: انا بجد مش عارف اشكر حضرتك ازاى يا دكتور لولا وجودك مكنتش بقيت كويس
على: الشكر لله يا عمرو ولانسة مروة لانها كانت السبب الاول فى علاجك
هند: لا حقيقى يا دكتور كتر الف خيرك انا لسه مش مصدقة انى خفيت وعيشت حياتى
على: يا انسة هند لا يأس مع الحياة ولا حياة مع اليأس لو كل انسان فى الدنيا دى فقد حد غالى عليه وحياته وقفت كانت كل الناس بما فيهم انا موت بحسرتى لكن ربنا سبحانه وتعالى حبانا بنعمتين الاولى السكينة اللى بينزلها ع قلوبنا والصبر اللى بيكون سبب قوى ان احنا نكمل حياتنا والتانية النسيان ولو الحياة كانت وقفت ع حد كانت من باب اولى وقفت بعد وفاة رسولنا الكريم محمد صل الله عليه وسلم
عمرو وهند: عليه الصلاة والسلام
على: اتمنى ليكم التوفيق فى الجاى والسعادة ومتنسوش كارت الدعوة للزواج
عمرو: انت هتكون شاهد ع الزواج يا دوك
على: يا سلام من عيونى
عدى اسبوع واتفق هند وعمرو ع ميعاد الخطوبة وليلتها كانت مروة واقفة من بعيد بدمع بفرحة
هانى: بتعيطى ليه؟!
مروة: فرحانة اوى عشانهم بجد اخيرا اخويا هيفرح
مال هانى عند اذنها وهمس: عقبالنا
تعالت صوت انفاس مروة وقالت: انت ا........
هانى: امممممم انا وقعت فيكى من اول يوم يا قمر
مروة: بس انت عمرك ما اتكلمت معايا ولا......
هانى مقاطعا: لان الوقت مكانش مناسب وكمان انا لما احب اعمل حاجة اعملها فى العلن
مروة: مش فاهمة
صوت من وراها وكان والدها هى وعمرو واسمه احمد: يعنى استاذ هانى طلب ايدك منى وانا شخصيا موافق لكن الرأى ليكى
مروة ابتسمت باحراج وحطت وشها بالارض فأكمل هانى: احنا ننزل نجيب الشبكة وتبقى خطوبتين بقى
هند: مستعجل ع ايه بس ؟!
هانى: يا سيتى انتى هتتجوزى وتسيبنى زى قرد قطع سبينى ادخل دنيا بقى يا شيخة
ضحك الجميع ع هانى وجاء على بزوجته وعرفها عليهم فقالت شهد زوجة على: حقيقى فرحتلكم على اول مرة يجى يتكلم عن مرضى عنده ويكون مهتم بيهم اوى كده
هند: شكرا لحضرتك حقيقى انتى محظوظة بدكتور على
على : بالعكس انا اللى ربنا بيحبنى فرزقنى بيها
وبعد مرور سنة تم الزواج بين هند وعمرو وقرروا انهم يسافروا يعملوا عمرة عشان يصفوا بيها روحهم وبعد ما رجعوا اتبنوا يونس لانهم كانوا بيحبوه جدا ورزقوا ببنوتة سموها كايلا وولد سموه يزن اما هانى ومروة فكانت حياتهم كوميدية وانجبوا توأم اسر وجاسر
وبكده نقفل الحدوتة بدأتها نكد وختمتها بفرحة اهو اى خدعة😂
#رحلتى_من_نسيانك_لحياة_جديدة الاخير
#بقلم_نشوه_عادل
لقراءة الرواية كاملة اضغط هنا (رواية رحلتى من نسيانك لحياة جديدة)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
