رواية شغف الغرام الفصل الثانى عشر 12 بقلم همس كاتبة
 |
| رواية شغف الغرام |
رواية شغف الغرام الفصل الثانى عشر 12
بارت ( 12)
(شغف الغرام )
بقلمي :همس كاتبة
الدكتورة اخذت نفس عميق و بصت لغرام وقالت : مش عارفة اقولك ايه بس ، انتي كان لازم تكشفي من قبل يا غرام ، انتي بقالك قد ايه متجوزة ؟
غرام بخوف :يعني تقريبا اربع شهور ونص ، بس ليه بتقولي كدة هو في حاجة ؟
الدكتورة : غرام انتي حامل بقالك مدة و حملك ضعيف جدا كان لازم تتابعي من اول ما تأخرت البوريود عشان تاخدي حقنة تثبيت الحمل ، دلوقتي انتي لازم تاخدي بالك كويس
غرام بصدمة : انا حامل ؟!
الدكتورة : اه يغرام بس زي ما قولتلك حملك ضعيف و من النهاردة هبدأ اتابع معاكي ، واضح انك مش بتتغذي كويس و اكيد بتجهدي نفسك او حالك النفسية مش كويسة التحليل بتاعك مش عاجبني ابدا ، و كل ده بيأثر على البيبي بشكل سلبي وكان ممكن لا قدر الله انك تجهضي و لسا في خطورة عليه
غرام بصدمة و دموع : طب اعمل ايه دلوقتي ؟ انا مش عارفة افرح ولا ازعل و بعدين انا على طول بحس اني دايخة و عايزة انام كتير
الدكتورة : ده طبيعي مش عايزك تقلقي خالص و لازم تمشي على نظام انا هكتبوهلك و دي شوية ادوية هتساعدك و ممنوع الحركة و تعالي بعد اسبوعين عشان نعمل سونار و نطمن على البيبي و من هنا لوقتها متتحركيش من فرشتك خالص انتي لازمك راحة تامة
غرام بدموع : حاضر
خرجت من العيادة و ايدها على بطنها حست كأنها ملكت الكون كله كانت فرحانة اوي
غرام : بقالك فترة جوة بطني و مش بتقول لمامي ، واضح انك هتبقى شقي اوي انت الحاجة الحلوة في حياتي انا هعمل المستحيل عشانك ، عشان انا ما بقاش ليا غيرك، انا مبسوطة اوي
نظرت امامها بخوف : بس مش هقول لحد عليك ، عشان هم هيقولو لزين و بعدها يرجع تاني و انا خلاص عايزة اطلق منه و هبدأ معاك و هعيش عشانك انت ، لازم اصبر شوية و بعدين اقول لجدو
بعد وقت
في البيت
معتز : غرام كنتي فين قلقتيني عليكي
غرام : خرجت اتمشي شوية ، المهم انا النهاردة تعبانة اوي و مش قادرة اشتغل خلص انت مع ملاك هي عارفة
معتز : غرام انا مقدر انك تعبانة بس الشغل محتاج جهد زيادة و انا بصراحة عايز اجهز لفرحي فمش هكون فاضي كتير انا بفكر نشغل ناس معانا يعني يستلمو الطلبات و يحضروها وكدة
غرام : فكرة برضو ، انا موافقة شوف ايه المناسب و خلص مع ملاك
ذهبت من امامه و صعدت لاوضتها و اتت وراها هند
هند : مالك يغرام حاساكي مختلفة النهاردة
غرام بسعادة : انا مبسوطة اوي يهند
هند : في ايه فرحيني معاكي
غرام : هقولك بس اوعك تقولي لحد
هند : سرك في بير قولي يا بت
غرام بسعادة : انا حامل
هند بصدمة و سعادة : بجد ؟ الف مبروك يحببتي ، هو ده الي هيرجعلك زين يغرام
غرام ببحة : بس انا مش عايزاه يرجعلي ولو عيل الي هيرجعه ليا مش عايزاه يرجع ، انا خلاص زين طلعته برة حياتي دلوقتي ميفرقش معايا حد غير ابني
هند بتفهم : بصراحة عنك حق المهم دلوقتي صحة البيبي و انا ههتم بيكي كويس يحببتي لغاية ما تولدي و تجيبي بنوتة صغننة حلوة زي مامتها
غرام بسعادة : بنت او ولد مش هتفرق المهم يكون بصحة كويسة ، الدكتورة قالت ان الحمل ضعيف ولازم اهتم بنفسي وما اتحركش كتير
هند : ما تقلقيش يحببتي ، انا مبسوطة اوي يغرام هبقى خالتو الشريرة
غرام بضحك : بس بقا
فرح : معتز
معتز بملل : نعم
فرخ باستغراب : هو انت مش حاسس انه باقي لفرحنا كام يوم ولا ست غرام بقت كل تفكيرك ؟
معتز بغضب : ايه الكلام الاهبل ده يا فرح ؟
فرح : ايوة انت بتحب غرام و بتستنا الوقت الي يطلقها زين عشان تتجوزها ، كل الوقت ده بتهتم بيها كأنها حبيبتك ولا مراتك فاكر اني مش واخدة بالي ؟
صفعها بقوة
معتز بغضب : الي بتتكلمي عليها دي اشرف منك انتي فاهمة دي مرات اخويا و صاحبي ،و عرض صاحبي هو عرضي و هو الي وصاني بيها قبل ما يسافر و غرام من يوما اتكتبت على اسم زين وهي بقت اختي انا مش ابن حرام عشان ابص لحرمة اخويا ، كفاياكي غل و حقد ع الناس سبيهم يعيشو مرتاحين
ذهب من امامها و هو بقمة غضبه و هي كمان كانت بتبص له بغضب
في اوضة ملاك
كانت قاعدة و ماسكة موبايلها و بتبص لصور معتز و دموعها على خدها
ملاك بدموع : انا من يوما فتحت عنيا ع الدنيا وانا بحبك ، ليه تعمل فيا كدة ، يا رب انا قلبي واجعني يا رب برد نار قلبي مش قادرة اشوف الي بحبه مع غيري انا تعبت اوي
فجأة رن موبايلها
ملاك : الو
زين : ملاك ازيك يا حببتي
ملاك بدموع : زين انت فين وحشتني اوي ليه روحت مع الزفته نتاليا و سبتنا ، زين انا مش قادرة افضل هنا كتير انا تعبانة اوي
زين بصدمة : مالك يحببتي حصلك ايه حد زعلك ؟ قوليلي يحببتي مالك
ملاك بدموع : انا بقيت وحيدة ، انا تعبت اوي ، ما تسيبنيش زي ماما و بابا انا حاسة اني بغربة مش وسط اهلي ، زين ارجوك تعالا
زين بهدوء : ملاك حببتي اهدي شوية انا هكون في مصر الاسبوع الي جاي بس قوليلي ليه بتعيطي
ملاك : منا قولتلك انت وحشتني و انا حاسة اني لوحدي و ليث مشغول عني و مش بيكلم حد
زين : ملاااك انتي مبتعرفيش تكدبي و حتى لو كدبتي ع الكل عليا مش هتعرفي ، قوليلي مالك يحببتي
ملاك بدموع : خلاص يا زين بس احس نفسي جاهزة هحكيلك
زين بهدوء : ماشي بس خلاص متعيطيش ، مفيش حاجة بالدنيا تستاهل زعلك
ملاك مسحت دموعها وقالت : غرام تعبانة اوي يا زين
زين بهلع : ليييه حصلها حاجة ؟
ملاك بدموع : لا بس هي على طول كئيبة و حزينة غرام ما تستاهلش كل الي بيحصلها ده ، هي بتحبك اوي و انت كسرتها
زين بصدمة : هي قالتلك كدة ؟
ملاك : اه قالت انها بتحبك اوي بس انت وجعتها بدل المرة اتنين
زين اخذ نفس عميق وقال : كل حاجة هتتصلح يحببتي ، الوضع ده مؤقت ، ان شاء الله لما ارجع هفهمها كل حاجة
ملاك : هو انت هتتجوز نتاليا ؟
زين : لا طبعا ، المهم انتي خودي بالك من نفسك و من غرام كلها اسبوع و هكون عندك
ملاك : حاضر يحبيبي وانت كمان خد بالك من نفسك
زين : ماشي يحببتي ، لا اله الا الله
ملاك : محمد رسول الله
ليث : مالك يمعتز
معتز بسرحان : مش عارف ، حاسس اني بغرق ، مش لاقي نفسي مش حاسس ان فرحي فاضله اسبوعين كأني مش مبسوط و كمان بقيت احس ان فرح اختيار خطأ
ليث : دلوقتي فوقت ؟ ما كلنا قولنالك كدة بس انت اصريت ، معتز فرح مش وحشة بس مش مناسبة ليك لانها شبه صفيه و العرق دساس ، دي مفيش مكان بتروحه الا وتعمل مشكلة ، فرح طايشة و اظن حتى جدي ما كانش مبسوط بخطوبتكم
معتز : مش عارف اعمل ايه ، انت عارف ، بقالي مدة بفكر اخلع الدبلة و افركش الخطوبة بس كل مرة بقول لا فرح ملهاش ذنب و ماتستاهلش اعمل فيها كدة
ليث : بص انا هقولك على حاجة ، انت دلوقتي لسا قدامك فرصة تفكر عشان لو اتجوزتها يمكن المشكلة تكون اكبر بكتير
معتز : لا هي اصلا خربانة خربانة و بعدين الفرح فاضله حبة و جدي جهز كل حاجة و قال لكل البلد ولو عملت كدة هنبقى سيرة على كل لسان و كمان هأذي فرح و مهما كان ما يهونش عليا اعمل بيها كدة
ليث : انت حر
معتز : الا صحيح عملت ايه مع المزة بتاعتك
ليث بسرحان : ولا حاجة على طول بتصدني
معتز بضحك : انا مش قادر اصدق التغير الجذري ده ، دي بقت حلوة اوي تمسك بيها يا ليث و ما تسيبهاش باين انها بنت نضيفة
ليث : انا جرحتها اوي يا معتز و قولتها كلام وحش اكيد مش هتسامحني بسهولة
معتز : يعم اتنيل طول عمرك فقري ، جيبلها هدية ولا طلعها مشوار وصالحها هم البنات كدة تافهين و اي حاجة تفرحهم
ليث : بالعكس هم حساسين مش تافيهن و بيهتمو للتفاصيل
معتز : ايه دا ايه دا دانت بقيت شاعر المرأة على كدة
ليث بضحك : اتلم بدل ما اعملها معاك
في اليوم التالي
دلفت رباب اوضة غرام
رباب : وه يا غرام دي اول مرة تعمليها ، ازاي تفضلي في سريرك لغاية دلوقتي
غرام بتعب : عمتو انا تعبانة اوي ارجوكي سيبني انام شوية
رباب : قومي يا بت اتحركي شوية مينفعش تفضلي كده
دلفت هند بسرعة
هند : معلش يا طنط غرام تعبانة ومش هتقدر تتحرك كتير انا ههتم بيها
رباب باستغراب : الله ، ماشي مادام تعبانة نامي يحببتي
خرجت رباب من الاوضة وحطت ايدها على ذقنها باستغراب وقالت : وه مالها البت غرام بقالها فترة يعني تعبانة و كسلانة على طول و ايه التعب ده الي جالها و اشمعنا هند بدأت تهتم بيها من امبارح ، معقول عشان زعلها على زين ؟ اقطع دراعي لو ما كانتش بتخبي حاجة ، بس مصيري اعرفها
عطر : وه يا رباب بتكلمي نفسك
رباب : سرحت شوية ، المهم شوفتيلي معتز ابني
عطر : يمكن بالجنينة بس عايز اقولك انه امبارح اتخانق مع البت فرح و اعتقد كانو بيتكلمو عن غرام
رباب : يا رب يكون صحيح انا مش عايزة الجوازة دي تتم انا مرارتي هتتفقع من بنت صفية
عطر : بالراحة ع البت يا رباب دي مهما كان بنت اخوكي مينفعش تقولي عليها كدة ، دي وحيدة و ملهاش غيرنا
رباب : والنبي انا بحب طيبتك دي يا عطر
عطر : تسلمي يا ام معتز ، انا هروح اطمن على غرام ، بيقولولي انها تعبانة
عند فرح
كانت واقفة ع البلكونة بتشرب سجاير و سرحانة بس قاطعها بس صوت الموبايل
فرح : الووو
زين : فرح انا حجزتلك على طيارة على كاليفورنيا، الساعة 1 الضهر تكوني بالمطار فاهمة
فرح بصدمة : نعم ؟ ليه يا زين في ايه
زين بحدة : نفذي الي قولته و بس
فرح : طيب هقعد كام يوم هناك عشان اعمل حسابي
زين : شهر او شهرين و يمكن سنة مش عارف المهم اجهزي
فرح بصدمة : انت بتقول ايه ، انا فرحي فاضله اسبوعين اسافر ازاي يعني
زين : هنأجل الفرح ، بس لازم تيجي فورا و حسك عينك حد يعرف و اقفلي تلفونك و اوعك تكلمي حد من البيت
فرح : انت تقصد ايه يعني اهرب
زين ببرود : اه اجهزي بسرعة و في اتنين من الحرس هيساعدوكي تهربي
فرح : حاضر
قفل الخط بوشها وهي مصدومة و بتتسائل ليه زين عايزها تسافر
كانت ملاك بتمشي
معتز : ملاك ، على فين ؟
استدارت ملاك وقالت ببرود : ملكش دعوة
مسك ايدها بقوة وقال بغضب : نعم يا روح امك
نفضت يده وقالت : وانت مالك بيا اروح مطرح منا عايزة
معتز بغضب : مش قبل ما تقوليلي او تقولي لليث ، زين لما سافر وصاني بيكي انتي و غرام و انا مش عايز ابان مش قد الامانة عشان حضرتك عايزة تخرجي تتسرمحي
ملاك بعضب : احترم نفسك و اتكلم عدل انا مش صغيرة عشان تكلمني كدة و بعدين انا قولت لجدو اني خارجة انت روح خد بالك من السنيورة بتاعتك و ملكش دعوة بيا
و ذهبت من امامه و هو ينظر لها بصدمة لانها اول مرة تتكلم كدة
بعد عدة ساعات
الجد : كدة احنا عزمنا الكل مش فاضل غير نجهز الدبايح و …
الحارس : اسماعيل بيه الحق
الجد اسماعيل : في ايه
الحارس : الحراس بيقولو شافو فرح هانم خارجة معهاها شنطة هدومها من حوالي ساعتين
الجد بصدمة : ايييه ازاي كدة
فريد بغضب : البنت دي مش هتعقل ، ده فرحها فاضل عليه كام يوم
الجد : اهدى يا فريد ، خلينا نشوف معتز ان كان عنده علم
معتز بغضب : يعنييي اييه يا خالي ، العروسة هربت قبل فرحها بكام يوم
فريد : مش عارف بس هي خدت كل هدومها
معتز بجنون : يعني اييه ، انا منظري ايه دلوقتي قدام الناس
رباب بغضب : هي بنت صفية هيجي ايه من وراها غير المشاكل ، قولتلك دي مش هتناسبك بس انت اصريت ، البنت دي قليلة رباية و ما يشرفنيش تكون مرات ابني
نظر لها فريد نظرة غريبة و كأنها كسرت شىء بداخله
عطر بهمس : بس يا رباب اكتمي دلوقتي ، اعملي اعتبار لاخوكي ع الاقل
الجد : من النهاردة فرح مش بنت البيت ده ، الي تعمل كده مش هتكون بنتي ، سيبو كل حاجة على مهيا الفرح هيتم زي ما هو مش عايزين فضايح وسط الخلق
معتز باستغراب : ازاااي يعني و العروسة هربت
الجد : نغير العروسة
و بالوقت ده دلفت ملاك البيت
معتز : مين هي
الجد بحزم وصوت عالي : ملاك ……يتبع
رواية شغف الغرام الفصل الثالث عشر 13 من هنا
لقراءة الرواية كاملة اضغط هنا (رواية شغف الغرام)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
