رواية ذنوب الماضى الفصل الخامس 5 بقلم سوليبة نصار
 |
| رواية ذنوب الماضى |
رواية ذنوب الماضى الفصل الخامس 5
الجزء الخامس❤️بقلم سولييه نصار❤️
-اسراء...اسراء!!!
قولتها بصدمة وانا بعيط ...كنت راكبة العربية مع علي بعد ما أدب وائل وانا واثقة أنه مش هيقدر يهوب ناحيتي تاني ...كان مفروض ارتاح أني خلصت من المشكلة دي ..بس الكلمة اللي قالها صدمتني ...اسراء تعمل كده ...كان نفسي مصدقش بس افتكرت لما حاولت تخليني اروح للغلط برجليا وتقنع فيا عشان اروح واخو.ن جوزي !!!....
مسحت دموعي وقولت. لعلي :
-ممكن نعدي علي إسراء؟!
اتنهد وقال :
-خلاص يا تقي انسي ...مش لازم فوضي امرك لله فيها ...
هزيت راسي وانا بعيط وبقول :
-ابوس ايديك يا علي خليني اروحلها ...انت متعرفش ...دي مش صاحبتي بس دي اختي يا علي اسرارنا كلها مع بعض ..كنا بناكل سوا ...بنشرب سوا .....أنا أول واحدة وقفت في فرحها....اول واحدة بكيت لما جوزها اتجوز عليها ...حسيت وكأني أنا المجر.وحة مش هي !!!أنا مش قادرة اصدق ان اختي تعمل فيا كده ...ليه ...ليه ...انا عايزة افهم يا علي ليه تعمل كده ...أنا هتجـ.نن أنا عمري ما اذ.يتها . دي كانت اختي. نصي التاني وتوأم روحي. ..ليه تعمل كده ليه ...أنا همو.ت يا علي ...حاسة اني فيه حاجة غلط ...أنا لازم اشوفها يا علي ...لازم اكلمها ...ابوس ايديك خليني اروح ...ولا هتجـ.نن ...
اتنهد علي بتعب وقال :
-حاضر يا تقي ...
....
عشر دقايق بالضبط وكنا قدام بيت إسراء ....
أنا هستناكي هنا ...لو فيه اي حاجة رني عليا وهطلع علطول ماشي ...
هزيت راسي وانا بمسح دموعي ...
........
وقفت قدام الباب وانا بمسح أي أثر لدموعي...بحاول أبين اني عادي ...رنيت علي الجرس وفتحتلي هي ...
-تقي اتفضلي ..
قالتها بإبتسامة فدخلت أنا ووقفت في الصالة وانا بحاول اسيطر علي انفعالاتي بس لقيت دموعي بتنزل لوحدها وبشهق بقوة ...جات إسراء جمبي وقالت:
-تقي فيه ايه يا حبيبتي ...طمنيني روحتي لوائل...لو روحتي خلاص انسي ...ده الحل الوحيد دلوقتي تقدري تعيشي مع علي من غير ما ضميرك يأنبك ...
بصيت لإسراء وقولت بصوت مخنوق:
-ليه ...ليه يا إسراء ده انتي كنتي اختي. ..ليه تخو نيني بالشكل ده ...أنا عملت ايه غلـ.ط معاكي ...
بصتلي وفهمت أنا بقول ايه ...رفعت راسها وقالت بحر.قة:
-عشان انتي متستاهليش الحياة الحلوة دي ...ولا أن حد زي علي يحبك ويصبر عليكي .....عشان انتي رغم اللي عملتيه عشتي عيشة حلوة اوووي وانا جوزي اتجوز عليا وبقا علطول مع مراته التانية وفين فين اشوفه....ازاي انتي اللي غلطتي وكنتي بتركبي عربيات وتروحي شقق تتجوزي واحد محترم وانا اللي طول عمري محترمة جوزي يعمل فيا كده ...ده مش عدل ...
رجعت لورا وأنا ببكي جامد وقولت:
-انتي كنتي اختي !!!!
غمضت عينيها ودموعها نزلت وقالت :
-وانا كنت بحبك بس السعادة اللي انتي فيها دي من حقي أنا ...انتي مش مفروض تفرحي وتتحبي رغم انك كنتي مر.خصة نفسك مع وائل وانا اللي طول عمري محترمة جوزي يعمل فيا كده ...
مسحت دموعي وهزيت راسي بيأس وقولت:
-تعرفي طول عمري بحـ.سدك يا إسراء ...متستغربيش أيوة بحـ.سدك ..لانك محستيش بتأنيب الضمير اللي كنت بحس بيه وانا متجوزة علي ...دايما بشوف نفسي قليلة وهو كتير عليا وصدقيني ده من اسو.أ المشاعر اللي حستها...أنا ند.مت علي اللي عملته وتوبت وانتي توبي كمان واستغفري ربنا واعرفي.انه هيعوضك ...ربنا يسامحك يا إسراء لاني انا عمري ما هسامحك ولا هتشوفي وشي تاني ...
وشها بهت ودموعها نزلت فكملت ؛
-ربنا يراضيكي يارب ...
وبعدين مشيت وانا سامعة صوت عياطها وكان قلبي بيتقـ.طع علي انتهاء صداقة فضلت خمستاشر سنة ....
.....
روحنا انا وعلي واحنا ساكتين خالص اول ما وصلنا ...
وقفت قدامه وقولت :
-شكرا علي كل حاجة عملتها يا علي ..شكرا انك خرجتني من المصـ.يبة دي ..ودلوقتي لو حابب تطلقني وتشوف حياتك معنديش مشكلة ...
-أنتي طالق يا تقي ..
قالها بهدوء
يتبع
#ذنوب_الماضي
#سولييه_نصار
رواية ذنوب الماضى الفصل السادس 6 والأخير من هنا
لقراءة الرواية كاملة اضغط هنا (رواية ذنوب الماضى)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
