رواية زوجة للإيجار الفصل الحادى عشر 11 بقلم إسماعيل موسى
 |
| رواية زوجة للإيجار |
رواية زوجة للإيجار الفصل الحادى عشر 11
#زوجه_للايجار
١١
محمد __سيبلى يا باشا الولد ده انا الى هعرف ارب*يه، ازاى يغ*رر بزوجتى المصون ويساعدها على الهرب؟
ابتسم الباشا بسخريه، هذا الص*علوك مدعى الشرف يدفعه للضحك فى اكثر الأوقات جديه ورفع يده بالموافقه
كان عمر معلق كب*هيمه معده للذب*ح، ظهره اتهرى وتمز*ق جلده من ضرب السياط والعصى
قرب محمد من عمر وابتسم بخباثه، ها يا عمر هتقول البت هربت فين ولا اخلى الرجاله يشوفو شغلهم معاك؟
صرخ عمر، ابعد عنى، البلد فيها قانون، انا هحاكمك على إلى بتعلمه ده!!
ابتسم محمد وهو ينظر للباشا، بيقول البلد فيها قانون يا باشا؟
الظاهر لازم اعرفه إلى مستنيه ايه
صرخ عمر هتعمل ايه اكتر من إلى عملته، هتقتلن*ى ؟
فيه حاجات اكبر من ألقت*ل، حاجات هتفضل تحلم بيها ايام كتيره وتصرخ فى نومك من الكوابيس يا عمر
صدقنى عمرك ما هتلاقى نفسك بعدها، اعترف يا اخى وخلصنى؟
معرفش، صرخ عمر مره أخرى معرفش
نهض الباشا، الظاهر الولد ده ميعرفش البنت هربت فين يا محمد
خلى الرجاله يدورو عليها فى كل مكان
خلال يومين عايز خبر عن مكانها، فاهم؟ فاهم يا باشا
والولد ده نعمل فيه ايه؟
سيبه يروح يا محمد كفايه إلى حصله
يا باشا الولد ده متمرد انا عارفه هيبلغ الشرطه ويعمل دوشه وصداع
بص الباشا لمحمد بغضب، لو عمل كده يبقى كتب شهادة وفاته وساب المكان ومشى
عمر فكنى يلا، الباشا قال سيبه يروح
محمد بسخريه، هتروح متقلقش لكن الأول الرجاله هيشوفو شغلهم معاك، هيعلموك درس يبقى عالق فى ذهنك للأبد
عارفين هتعملو ايه؟
الرجاله فى صوت واحد عارفين
محمد بعد ما تخلصو منه ارموه فى الشارع
ركض محمد خلف الباشا، يا باشا انا مش هسكت، هبلغ الشرطه هقول مراتى هربت
الباشا بصوت رزين، موضوع الهروب ده بقى عادى الايام دى يا محمد
الستات بتهرب من البيت لو جوزها زعق فيها او ضربها او حتى كان بيشخر
الزمن القديم انتهى لما كانو بيتربطو زى البهاي*م دلوقتى بينادو بالحريه والمساواة
ركب الباشا سيارته، انحنى محمد عدت مرات برقبته يودع الباشا
________________
كلم الباشا حراسه الشخصيين وامرهم يبحثو عن مروه فى كل مكان، لازم الموضوع يتم فى سريه ويجيبوها عنده الفيلا
اول ما الولد عمر يخرج من هنا عايزكم تراقبوه اكيد مروه هتتصل بيه او هو هيتصل بيها، عمر هو الخيط إلى هيوصلنا لمروه
كلمو اى حد من شركة الاتصالات يراقب خط عمر ومروه لما يتفتح ويسجل المكالمات.
مروه وصلت الأسكندريه وراحت على حى فكتوريا استأجرت شقه قديمه بمبلغ معقول، قعدت فى الشقه مخرجتش منها غير بعد يومين
كلمت اهلها من هاتف عمومى وعرفت إلى حصل معاهم، أدركت ان عمر فى ورطه بسببها
لكن محاولتش تتصل بيه كانت متوقعه انه متراقب
وعدى اكتر من اسبوع ومفيش خبر عن مروه، تليفونها مقفول، مروه فص ملح وداب
وكأن الباشا بيغلى غضب، اول مره بنت تعمل معاه كده
الموضوع تعدى المتع*ه ودخل فى عند
ازاى واحده ست ترفضه؟ دا أمر غير مقبول، هيعثر عليها ويجيبها ويخليها تقبل حذا*ئه بزل
هيربطها زى الكلا*ب
_____________
بعد اسبوع اضطرت مروه للعمل فى محل ملابس عشان تقدر تصرف على نفسها، بالنسبه ليها الأمور بدأت تستقر
هى غريبه محدش يعرف عنها حاجه ومفيش خطر من الشغل
كانت بتتطمن على اهلها وتبعت ليهم فلوس عشان يشترو العلاج
--------
خرج عمر من عند الباشا محطم، منكسر، مز*لول ، غير قادر على السيطره على أحزانه
الأوغاد نكلو به حاول أن يدافع عن نفسه لكنه فشل
اقسم عمر فى كل لحظه ان ينتقم من الباشا ومن حراسه
ولن يستريح له بال حتى يتخلص منهم ويذيقهم من نفس الكأس
كان قلبه مشغول على مرره، حاول يتصل بيها اكتر من مره تليفونها مغلق
راح عندها البيت وعرف انها بتكلم أهلها، عشان كده ظل منتظر عندهم لحد ما مروه كلمته وعرف انها بخير وعايشه فى الأسكندريه وقرر ان يزورها
خد عربيته فى نص الليل وانطلق نحو الأسكندريه
_____----
وصل تليفون للباشا ،عمر خرج من عند أهل مروه وركب عربيته الظاهر عرق مكان مروه ورايح عندها
الأوامر وصلت من الباشا، حطوه تحت عنيكم، متتدخلوش لحد ما يوصل عندها
بعد كده هاتوها متكتفه مع الكل*ب- ده
وصل عمر بعد ساعتين الأسكندريه، الوقت كان فجر لما وصل فكتوريا
كان عارف العنوان رغم كده ركن عربيته وقرر يكمل مشى من باب الاحتياط
راح قعد على قهوه جنب سكن مروه لحد الصبح ما طلع وانتظر انها تخرج من شقتها تروح الشغل
تليفون تانى للباشا، ايوه ياباشا، احنا شايفين البنت قدامنا وماشين وراها
#زوجه_للايجار
رواية زوجة للإيجار الفصل الثانى عشر 12 من هنا
لقراءة الرواية كاملة اضغط هنا (رواية زوجة للإيجار)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
