رواية زوجة للإيجار الفصل الخامس عشر 15 بقلم إسماعيل موسى
 |
| رواية زوجة للإيجار |
رواية زوجة للإيجار الفصل الخامس عشر 15
#زوجه_للايجار
١٥
انت تحت قبضتى الحديديه حتى أرتوى منك
سحب الباشا مقعد وجلس عليه فى مواجهة الباب وهو بينفث الدخان الأزرق بأستماع
نحيب مروه كان واصل لعنده وده خلاه ينتشى أكتر، كان دايمآ الباشا يقول، إجبار شخص على البكاء امر ممتع جدا ولذيذ يعدل مزاجيتى البشعه كأننى ادخن حشيش
عارفه! ورفع الباشا صوته ،انتى سبب المتعه إلى بعشها اليومين دول
الحياه ممله جدا يا مروه ملهاش طعم من غير تحابيش
لو انتى مقررتيش الهرب والمقاومه كان ممكن اسيبك، امنحك حريتك
لكن انا بعشق التحدى
بحب ارغم الناس تنفذ الحاجات إلى بتكرهها، بستمتع بذل*هم
لأنهم ببساطه حثا*له، بينسو انه فيه أسياد وعبيد
صعاليك ملهمش قيمه، غوغائين مش بيتوقفو عن المطالبه بحقوقهم
رغم انهم سبب نكثات البلد
من صغرى كنت كل ما بشاور على حاجه تبقى عندى وبعد ما املكها تفقد قيمتها واتركها وممكن مبصش ليها تانى
وانا صغير طلبت من بابا يخلينى اضرب ابن البستانى، بابا رفض
لكن انا كنت عارف انى مش هرتاح غير لو ضربته
قعدت احطم وأدمر كل حاجه فى وشى لحد ما بابا جاب الولد وخلانى ربطته زى الكل*ب وضر*بته على وشه
كان مستمتع جدا وانا بض*ربه قدام والده المسكين إلى مكنش قادر يعمل حاجه
الولد ده بعد كام يوم انت*حر، رمى نفسه من فوق الفيلا ووالده ما*ت بعده بشهر
مات من احساسه بالعجز، ما*ت لانه كان سبب انتحار ابنه
قرب الباشا من مروه، ارفعى وشك يا مروه، متخفيش، انا مش همجى عشان اتهجم عليكى
اياكى تكونى فاكره انى هغت*صبك
مطلقآ ،انتى الى لازم تيجى لحد عندى وتطلبينى باقتناع عشان اخلصك من الامك
مش مصدقانى طبعا؟
معاكى حق، انتى لسه متعرفيش الباشا، لكن اقسم لك يا مروه مش هلمسك غير لما تيجى عندى وتترجينى اخدك عشان اخلصك من الامك واوجاعك
رفعت مروه راسه، بدموع قالت مش هيحصل ابدا، انا هق*تل نفسى قبل ما أعمل كده
أبتسم الباشا بسخريه، ربت على كرشه وكانت عيونه تلمع باللذه
ده إلى مخلينى متمسك بيكى، تمردك، رغبتك فى التحدى
مش وسامتك ولا جمالك، انت اقل من العاديه بالنسبه للفتيات إلى كنت معاهم
ارجوكى متتخليش عن عنادك، متجيش تجرى بعد يوم ولا اتنين تترمى تحت رجل*يه وتطلبى صفحى وعفوى ورحمتى
صرخت مروه، مش هيحصل ابدا، انت حيوا*ن قذ*ر
لا يمكن تكون انسان زينا
أبتسم الباشا مره تانيه، القطه طلعت، خليكى كده على طول يا عزيزتى
ودلوقتى تعالى هوريكى الج*حيم إلى منتظرك
وقفت مروه بتأهب، وبرقت عنيها استعدت للدفاع عن نفسها
إزدادت نشوة الباشا، اللعبه إلى بيحبها بدأت
قرب من مروه، متخلينيش اجبرك يا مروه، خليكى مطيعه واسمعى الكلام
مش هيحصل ابدا، صرخت مروه بصوت مزعج
حلو جدا، قرب الباشا اكتر، وقبض على شعر مروه
قبضه عنيفه وقويه
مروه مكنتش متخيله ان الباشا قوى للدرجه دى
جر*ها من على السرير على الأرض، مروه قعدت تصرخ، سحبها الباشا وراه
جرجرها على السلم لحد ما وصل باب مقفول محدش بيفتحه ولا يدخله غيره
فتح الباب وجرها على الأرض داخل سرداب مظلم
هنا يا مروه وهمس الباشا، هتلاقى اسواء كوابيسك
هتعيشى مع الفران والزواحف، مش هتشوفى النور ولا الشمس
رماها الباشا جوه السرداب وبعد عنها، مشى ناحيت الباب بخطوات بطيئه مستنى يسمع كلمه واحده منتظرها تطلع من بق مروه عشان تبداء متعته
قبل ما يوصل الباب صرخت مروه بخوف
ارجوك متسيبنيش هنا، انا خايفه، بخاف من الضلمه والفأران
انتشى الباشا، كأنه بيسمع سيمفونية عذبه من أجمل النغمات واشجاها
رفع راسه وتنشق الهوا
اكتر يا مروه
اصرخ*ى اكتر
القصه بقلم اسماعيل موسى
صرخت مروه ارجوك انا خايفه
قفل الباشا الباب على مروه واطبقت عليها الظلمه ويقف بره الباب
متأكد ان مروه دلوقتى هتجرى، تقعد تخبط على الباب وتصرخ خرجنى
وسمع ضرب مروه على الباب بعنف، خرجنى يا م*جرم، يا ظ*الم
حلق الباشا فى فضاء المتعه
راح يتراقص ويلف جسمه على نغمات صراخ مروه
#زوجه_للايجار
رواية زوجة للإيجار الفصل السادس عشر 16 من هنا
لقراءة الرواية كاملة اضغط هنا (رواية زوجة للإيجار)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
