رواية زوجة للإيجار الفصل السابع عشر 17 بقلم إسماعيل موسى
 |
| رواية زوجة للإيجار |
رواية زوجة للإيجار الفصل السابع عشر 17
#زوجه_للايجار
كان محمد قاعد على القهوه بيدخن سيجاره وعنيه وسط راسه
كل شويه يحرك نضارته الطبيه بارتباك
الباشا اول مره يتأخر عليه فى شيك؟
أربعة جوزات قبل كده الباشا كان بيديه الشيك فورا، نفخ محمد بغضب
هو الباشا نسى مين الى عثر على مرره وجابها لحد عنده؟
هو كان يمشى خلاص لكن انا بخبرتى قدرت اوصلها
المفروض يكافأنى على ولائى مش يسبنى كده زى العمل الردى!
موبايله فى ايده وصلته رساله، فتح محمد الرساله بقرف كان عقله مشغول بالشيك
كان مقرر انها اخر جوازه بعد كده هيجوز واحده ليه واحده ويخلف عيال وينسى القرف دا كله
فتح محمد الرساله وبص فيها، عنيه فنجلت وسال اللعاب من فمه مكنش قادر يبلع نفسه
بص على الناس إلى حوليه برعب ليكون شخص شاف الرساله الملعونه
بعد وقف مكنش قادر يصلب طوله، وشه اصفر زى اللمونه
يانهار اسود، صرخ محمد فى سره، الدنيا اتطربقت فوق دماغك يا محمد
_________
جمع عمر عدد كبير من الخارجين على القانون والمجرمين، كانت خطته محدده، مجموعه من الأشخاص الملثمين هيقتحمو الفيلا
وهو بنفسه هيقتل الباشا ومحمد ويحرر مروه من بين ايديه
غير بعيد من عمر كان فيه شخص عادى لابس هدوم غير ملفته
فى ايده تليفون بيتواصل مع الباشا
بيراقب كل حاجه بيعملها بتركيز وانتباه
باباشا، الولد جمع المجرمين حوالينه، عددهم مش قليل، واحد منهم قلى انهم هيهجمو على الفيلا ويقتلو كل إلى فيها
الباشا بهدوء، خلى كل حاجه ماشيه زى ما امرتك، اعمل إلى قولتلك عليه وانتظر الأوامر
حدد عمر لحظة الصفر، تحرك هو والناس إلى معاه إلى كانو مسلحين نحو الفيلا
الناس إلى معاه قدرو يقيدو حراس الباشا ويكتفوهم من غير خساير
عمر كان مبسوط جدا وهو داخل الفيلا، لقى الباشا قاعد على كرسى فى الرواق بيدخن سيجار
عمر قلهم محدش يشتبك مع الباشا ولا يقرب منه، سييولى الكلب ده انا هعرف اتعامل معاه
الباشا أبتسم بسخريه، مكنش خايف، انت فاكر نفسك يا حثاله
يا حشرة، يا بعوضة المجارى هتقارن نفسك باسيادك؟
انت عبد وهتفضل طول عمرك عبد زليل تحت رجليه
ضحك عمر بصوت كبير، الظاهر يا باشا انت ناسى انك لوحدك
انا مش هرحمك يا باشا
جه الوقت إلى تدفع فيه تمن أفعالك الخسيسه
وطلع مسدس وصوبه ناحيت الباشا، اضحك ياباشا عشان صورتك تطلع حلوه وانت بتتقتل
الباشا قال لحظه انت نسيت حاجه مهمه يا عمر
مين قال انى لوحدى؟
رفع ايده، رجالة عمر طلعو مسدساتهم وصوبو المسدسات عليه
أمرهم الباشا، كتفولى الكلب ده وهاتوه على السرداب
سقط المسدس من ايد عمر، شعر بالانكسار والهزيمه عنيه كانت بتدمع لوحدها
جروه ورا الباشا على السرداب، الباشا صرخ بضحكه كبيره، فيه ضيف جاى يزوركم
دخلو عمر وقيدوه جنب زياد ومروه
#زوجه_للايجار
رواية زوجة للإيجار الفصل الثامن عشر 18 من هنا
لقراءة الرواية كاملة اضغط هنا (رواية زوجة للإيجار)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
