رواية زوجة للإيجار الفصل الثامن 8 بقلم إسماعيل موسى
 |
| رواية زوجة للإيجار |
رواية زوجة للإيجار الفصل الثامن 8
#زوجه_للايجار
٨
#إنتقام_المتمرده
بصيت، للباشا بنظره لعوب وكانت قسماته المهتاجه تنبأنى بأن اى حاجه هطلبه منه هتكون مجابه
الرجال لا يتغيرون ابدا عندما يتعلق الأمر بالمرأه ويطمعون بها
قلت، لكن ياباشا انا خايفه محمد ممكن يضربنى وانت وافقت انه يخدمنى زى اى خادم فى فيلا او قصر
الباشا قال ميقدرش
قلتله عارفه يا باشا لكن انا عايزه ضمانات
الباشا قال ضمانات ايه؟
قلتله الشيك إلى خده، يفضل معاك لحد ما اوصل عندك واكون ملكك بكده هضمن ولائه ليك وانه مش هيعارضنى ولا يرفضلى طلب!
الباشا ضحك، هو انتى فاكره انى مقدرش اعاقبه بفلوس او من غير فلوس؟
دا مجرد خادم، صعلوك، وضيع بيخدم رغباتى
قلتله معلهش يا باشا نفذلى طلبى!!
صرخ الباشا محمد تعالى هنا
طلع محمد يجرى من الغرفه ناحيت الباشا
بصله الباشا بتكبر وقال طلع الشيك إلى معاك حالآ!
محمد قاله يا باشا هى عملت حاجه تزعلك؟ انا ممكن ادبحها قدامك هنا!
قلت فى نفسى يا ابن * ال
قربت منه وبكل عزمى ضربته بالقلم، نفذ الأمر يا جوزى وإلا اقسم بربى اكتفك زى الكلب
محمد مكنش مصدق من الصدمه والباشا قعد يضحك ويبتسم
حطيتى ايدى فى جيب محمد وطلعت الشيك، شيك بنص مليون جينه مصرى
بصيت فى الشيك ورجعته للباشا، انت يا محمد هتفضل خدامى لمدة يومين، اول ما اسلم نفسى للباشا تقدر تاخد الشيك
اى حاجه هتعملها تزعلنى او تعصيلى امر ملكش فلوس
محمد تهتهه قال مش معقول يا باشا هتسمع كلامها، احنا عشره من زمان؟
الباشا قاله انت ملك مروه خدامها لمدة يومين واى حاجه تقلك عليها هتعملها انا هنصرف دلوقتى وهنتظر وصوللك بعد يومين
قلتله امرك يا باشا وطيت على خده وبوسته وانا ببص على وش محمد
الباشا خرج من الشقه، فضلت قاعده على الكنبه كان لازم ابقى ثابته ومبينش اى خوف
ابقى ست بلا قلب ولا رحمه وافقت تبيع شرفها وجسدها
محمد وقف كان بيفكر بس انا مكنش عندى صبر، كنت عايزه انتقم منه
وكنت عارفه انه كلب فلوس وأمه غصب عنه هيبقى مطيع
صرخت أمشى غور يا ديوث اعملى شاى وهاته بسرعه
بصلى محمد بسخريه وقال وماله يا مروووه ياهانم حاضر
دا انتى طلعتى معلمه وانا معرفش
قمت، كان جوايا ثوره ملهاش حدود، بسببه اضطريت انزل لمستوى العاهرات، بل اكتر منهم
متفتحتش بقك لما اكلمك وضربته على وشه
بسخريه محمد وقف ثابت قدامى ومدلى خده التانى
صفعته تانى وتالت ورابع مبطلش ضرب فى وشه وجسمه بكل قوتى
محمد _____انا عارف انك ضعيفه الشخصيه وبتعملى كده وانتى خايفه يا مرره
لكن الباشا هيخلص منك وبعدها وشرفى لطلع منك القديم والجديد
انت ملكش شرف يا جوزى، انت مجرد دلدول خسيس وافق يبيع مراته بفلوس
متتكلمش عن الشرف ابدا قدامى فاهم! ؟
محمد قال فاهم، الايام جايه كتير
غضبى زاد اكتر، ولعت من جوه، إلى عملته مش كفايه
قلتله هات حبل وتعالى ورايا انا هكتفك
محمد بصلى بصه مرعبه، انتى نسيتى نفسك ولا ايه يا بت؟
جيه الوقت إلى لازم ابين فيه انى معنديش قلب ولا حتى شرف
لو مبقتش مطيع هتصل بالباشا واخليه يرجع تانى، رقمه جوه تليفونى هنا
محمد قال مش هخليكى تتصلى بيه يا مروه
القصه بقلم اسماعيل موسى
ضحكت بمياعه، طيب ولما اروح عنده واقله على إلى حصل؟. مش هتاخد لا مليم احمر منه
وزى ما كنت متوقعه محمد نزل راسه وقال تحت امرك
خدته على أوضة النوم وكتفته بالحبال وتأكدت عدم قدرته على فك القيود
يا محمد يا جوظى انا كان لازم اقتلك من اول يوم، بس انا مش هضيع عمرى على شخص نجس زيك
جبت عصاية المكنسه ونزلت فيه ضرب، ضرب موجه فى عضم دراعه وضهره ورجليه
قعد يصرخ ويتوعدنى وانا اضرب فيه لحد ما كسرت عضمه
لما انتيهت منه مكنتش قادره انصب طولى، محمد اتكوم على الأرض جسمه كله بيجيب دم
قعدت على السرير وبصتله بأحتقار، انت فاكر انى رخيصه زيك وهسلم نفسى لشخص بشع وحيوان زى الباشا؟
انا افضل الموت عن انى اعمل كده، لكن انا هنتقم منك قبل اى حاجه
مش هخليكى تعرف تمشى على رجليك مره تانيه، مش هسمح انك تتجوز واحده تانيه وتبيعها للبشوات
ودلوقتى جهز نفسك هوصل مشوار صغير لحد المطبخ اسخن حديده وارجعلك
#زوجه_للايجار
رواية زوجة للإيجار الفصل التاسع 9 من هنا
لقراءة الرواية كاملة اضغط هنا (رواية زوجة للإيجار)
تابعونا على التليجرام من هنا (روايات شيقة ❤️)
تابعونا عبر أخبار جوجل من هنا (روايات شيقة ❤️)
