رواية ماذا إن أحببتك مرة أخرى الفصل الأول 1 بقلم نجمة
 |
| رواية ماذا إن أحببتك مرة أخرى |
رواية ماذا إن أحببتك مرة أخرى الفصل الأول 1
ماما قولتلك مبحبش اروح عند خالتي تقوليلي اقعدي عندها اربع سنين بتوع الكليه
" يابنتي هتتغربي و تقعدي لوحدك في سكن مع ناس متعرفيهاش
• ايوا يا ماما اقعد في سكن ولا اقعد في مكان ادهم ابن اختك فيه
"يا حبيبتي ادهم طيب والله انا معرفش مبتحبهوش لي
• ده عيل غتت انتي متعرفيش حاجه
"فاطمة انا قولت اللي عندي لو عايزه تروحي الكلية اللي انتي عايزاها يبقى هتفضلي عند خالتك الا تدخلي اي كليه هنا في الاسكندريه و خلاص
• بس يا ماما انتي عارفه اني عايزه ادخل إعلام القاهرة
" يبقى تسمعي كلامي يا اما مفيش
• اووف حاضر يا ماما
" طب يلا قومي جهزي شنطتك و متنسيش حاجة و باباكي اول ما يرجع من الشغل هيوصلك
• ماشي يا ماما
" ربنا يهديكي يابنتي يارب
ذهبت فاطمة لغرفتها و قامت بإعداد حقيبتها و جلست تتحدث مع مريم صديقتها
• يا مريم مفيش مفر ماما مُصره إني اقعد عند خالتي وانا فشلت في اني اتكلم معاها
' طب يا فاطمة ما يمكن ادهم اتغير عدى وقت كتير اوي على الموضوع ده
• لا يا مريم هو منسيش وحتى لو نسي فأنا مش ناسيه
Flash back
بعد منتصف الليل تجلس فاطمة و ادهم و سارة أخته يشاهدوا التلفاز
لتقول سارة بنعاس
' بقولكوا اي أنا هدخل أنام نعسانه اوي
• ماشي يا سرسور تصبحي على خير
" تصبحي على خير
' وانتو من اهل الخير
لم يفوت وقت طويل لتتحدث فاطمة
• ادهم أنا عايزه اقولك حاجه
يخفض ادهم صوت التلفاز وينظر لها
" قولي يا فاطمة
فاطمة بتلعسم
• بصراحة أنا يعني كنت يعني
" في اي يا فاطمة حد بيضايقك وخايفه تتكلمي
• لالا الموضوع مش كدا
" امال في اي مالك
لتغمض فاطمة عينيها و تتحدث بسرعة
• بصراحة كدا انا بحبك يا ادهم
لينظر لها ادهم و يضحك بشده
" مش قادر بجد دمك عسل يابت يا توته
• بس انا مبهزرش يا ادهم
ادهم بحده: انتي اتهبلتي يا فاطمة اي اللي بتتكلمي فيه ده اصلا انتي عيلة عندك 17 سنه
بدأت عينيها تتجمع بها الدموع
بس ا انا بحبك بجد والله
ادهم بنفاذ صبر
" ادخلي نامي يا فاطمة تصبحي على خير
ويتركها و يدخل لغرفته، ظلت تبكي حتى غفت موضعها
Back
"يا فاطمة حاولي تنسي
• مش قادره يا مريم مش قادره انسى تعامله معايا بعد اليوم ده انا على قد منا حبيته على قد ما بكرهه
" يعني عايزه تفهميني انك مبقتيش تحبيه
• لا ولو اخر حد في الدنيا مبقتش عايزاه
" طيب هعمل نفسي مصدقه على العموم أنا هقفل دلوقتي ولما توصلي ابقي طمنيني عليكي
• خلاص ماشي سلام
تطرق والدتها الباب
' فاطمة يلا علشان باباكي ايجا
• حاضر يا ماما هغير هدومي و اجي
بعد عدة دقايق تخرج فاطمة
• يلا يا بابا انا جاهزه
" خلي بالك من نفسك يا توته و بلاش مشاكل مع ادهم و خليكي هادية
' اي يا شيرين انتي محسساني ان بنتي لسه في ابتدائي بنتك بقت عروسة اهي
• قولها يا بابا ونبي
" طب يلا ياختي و بطلي لماضه
' ربنا معاكم يارب لما توصلوا ابقو طمنوني
" يلا مع السلامه
" يلا يا توته علشان القطر ميفوتناش
• حاضر يا بابا
بعد وقت قليل يصلوا لمحطة القطار ومن ثم يصلوا للقاهرة
' استني بقا يا فاطمة هنا و ادهم هيجي علشان ياخدك وانا هروح علشان شغلي
تُصدم فاطمة
• ا ادهم هيجي لي أنا هروح لوحدي
" لا يا حبيبتي مينفعش هو زمانه على وصول ... ولم يكمل الجمله ووجد ادهم يأتي من أمامه
فاطمة وهي تحدث نفسها .. يادي الزفت اهو ده اللي كان ناقص
' ازيك يا عم محمد
" بخير يا ادهم يا ابني
ينظر ادهم بمكر لفاطمة
" ازيك يا توتة ليكي وحشه والله
• شكرا
' طيب يابني انا همشي دلوقتي خلي بالك منها يا ادهم
" متقلقش دي في عنيا
تنظر فاطمة له بضيق
' توته يا حبيبتي هتوحشيني اوي
• وانت كمان يا بابا
ويذهب والد فاطمة
' يلا يا توته علشان نمشي احنا كمان ولا ناوية تفضلي هنا
• انت مالك بيا اصلا ملكش دعوه افضل أو امشي انا حره
" بت انتي اتكلمي عدل معايا انتي هتنسي نفسك ولا اي
تذهب فاطمة و تتركه بغضب
" استني يا مجنونه انتي بقولك استني
• بقولك اي سيبني في حالي
و تتركه و لم تكن تنظر أمامها لتاتي سياره
" فاطمة خليي باااالك...
#ماذا_ان_احببتك_مرة_اخرى
رواية ماذا إن أحببتك مرة أخرى الفصل الثانى 2 من هنا
لقراءة الرواية كاملة اضغط هنا (رواية ماذا إن أحببتك مرة أخرى)
